Ioane 3
3
Ko Iehu ma Nikotemo
1Nae iei hētahi takitaki Iutaia, ko Nikotemo te igoa, he tino o te kau Falehaio. 2Kua pa ki tētahi pō, oi na fano ai kia Iehu ma lea vē atu ki ei, “Te Faiākoga, e kimātou iloa ko koe he faiākoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e iei fakatahi ma ia.”
3Na tali mai ia Iehu, “E lea atu au kia te koe i te meamoni, e hēai he tino e mafai ke ia kitea te Mālō o te Atua, heiloga kua toe fānau fōugia.”#3.3 fōugia pe mai lugā
4“E vēhea ona mafai ke toe fānau mai he tino kua matua? E ia mafaia vēhea oi toe fano ki loto o te manava o tona mātua, ma toe fānau mai ai.” Na fehili vēnā atu ia Nikotemo.
5Kae na tali mai ia Iehu, “E lea atu au kia te koe i te meamoni, e hēai he tino e mafai ke hao atu ki te Mālō o te Atua, ka ko hēki fānau i te vai ma te Agaga. 6E fānanau e tagataola a lātou fānau. Kae nā ko te Agaga oioti te ia mafaia oi huia koutou, ke kavea ma fānau a te Atua. 7Koutou la nahe tēteki auā ia au e lea atu, ko koutou e tatau ke toe fānau fōugia.#3.7 fōugia pe mai lugā 8Ko te matagi e agi lava ki te mea e loto ia ki ei; e lagona e koe tana agi kae e hē kē iloa pe hau i fea, pe ko fea foki te fano āgai ki ei. E vēnā foki lava ho he tino e fānau mai i te Agaga.”
9“E mafai vēhea he mea vēnā?” na fehili vēnā atu ia Nikotemo.
10Na tali mai ia Iehu, “Ko koe he faiākoga iloa i Ihalaelu, ka ko koe e hē mālamalama i nā mea iēnei? 11E takutino atu e au kia te koe, ko kimātou e tautatala i nā mea e kimātou iloa, ma fakailoa atu nā mea kua kimātou kitea, kae e hē fia talia e koutou te takutinoga a kimātou. 12Kāfai au kua lea atu kia te koutou i nā mea tau te lalolagi kae hē talitonu koutou, e vēhea la ona talitonu koutou, kāfai au e lea atu i nā mea tau te lagi? 13E hēai he tino na kua fanake ki te lagi, vaganā ai te Ataliki o te Tagata, na fanaifo mai te lagi.”#3.13 Ko nā kupu iēnei a Iehu e kāmata mai i te fuaikupu 10, e mafai ke fakaauau ki te fuaikupu 21
14Ma e vē ona hiki ake ki luga e Mohe te gata apamemea i te vao, e tatau foki te Ataliki o te Tagata ke hiki ake ki luga, #Nūm 21.9 15kae ke maua ai e ho he tino e talitonu kia te ia, te ola e fakavavau. 16Auā ko te alofa lahi o te Atua ki te lalolagi na ia kaumaia ai tona Ataliki e toka tahi, kae ke nahe oti ai ho he tino e talitonu kia te ia, kae ke maua ai e ia te ola e fakavavau. 17Auā e hēki uga maia e te Atua tona Ataliki ki te lalolagi ke fakamahino e ia ia tagata, kae ke fakaola e ia kilātou.
18Ko nā tino e talitonu ki te Ataliki, e hē fakamahinoa; ka ko nā tino e hē talitonu, kua uma to lātou fakamahinoga, auā kua hē talitonu kilātou ki te Ataliki e toka tahi o te Atua. 19Ko tēnei la te fakaikuga o te fakamahinoga: kua hau te mālama ki te lalolagi, kae ko tagata kua fiafia atu ki te pōuli i lo te mālama, auā ko nā āmio a kilātou e kino. 20Ko nā tino e faia nā mea e kino, e inoino ki te mālama, ma e hē mafai ke ōmamai ki te mālama, auā e hē fofou ke kitea a lātou āmiokino. 21Ka ko nā tino e kilātou faia te mea e tonu, e ōmamai ki te mālama kae ke kitea ai i te mālama, ko nā mea a kilātou e fai, e fai i luga o te uhitaki ki te Atua.
Ko Iehu ma Ioane te Papatiho
22Kua uma atu te mea tēnei, oi na olo ai ia Iehu ma ona hoko ki Iutea. Ko kinā na nonofo ai fakatahi ma ona hoko mo he vāitaimi, ma na papatiho ai e ia ia tagata. 23Nae fai foki te papatihoga a Ioane i Ainona, e hē mamao ma Haleima, auā e lahi lele te vai nae i kinā. Nae holo atu nā tino kia te ia, ma na papatiho ai kilātou e ia. 24(Ko nā mea iēnei nae fai e Ioane, ka ko hēki togia ai ki te falepuipui.) #Mat 14.3; Mlk 6.17; Luk 3.19-20
25Ko iētahi hoko o Ioane, kua kāmata oi fai fīnauga ma he tino Iutaia#3.25 he tino Iutaia ko iētahi tuhituhiga e lea mai ni tino Iutaia e uiga ki te fakamamāgia.#3.25 fakamamāgia E lahi nā tūlāfono a tagata Iutaia e uiga ki te fakamamāgia o kilātou ma a lātou ipu e kakai ai, kae ke talia ai kilātou i mua o te Atua 26Oi na olo ai kia Ioane ma lea vē atu ki ei, “Te Faiākoga, e kē iloa te tino nae fakatahi koulua i te itū ki hahae o te Iolitana, tēia na molimau koe e uiga ki ei? E fai nei tana papatihoga, ma kua gāholo uma atu ki ei ia tagata.”
27Na tali atu ia Ioane, “E hēai he mea e fokotahi e maua e he tino, vaganā te mea e fōki ki ei e te Atua. 28Ko koutou lava iēnā na molimau i toku leaga vē, ‘E hē ko au te Mehia, kae ko au na uga mai ke muamua mai ia te ia.’ #Ioa 1.20 29Ko te tama fakaipoipo, ko te tino ia e āna te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa. 30E tatau ke fakatāua lahi atu ia, kae fakaitītia te tāua o oku.”
Ko Tē e Fanaifo mai te Lagi
31Ko tē e fanaifo mai te lagi, e hili atu tona tāua i lo tagata uma. Ko tē e hau mai te lalolagi, e o te lalolagi ia, ma e tautala i nā mea o te lalolagi. Ka ko tē e fanaifo mai te lagi, e hilihili lava ia i tagata uma. 32E molimau ia ki nā mea na kitea ma lagona e ia, kae e hēai he tino e ia talia tana takutinoga. 33Kae ko ai lava e ia taliagia tana takutinoga, kua ia fakamāonia te moni o te Atua. 34Auā ko tē na uga mai e te Atua, e tautala i te kupu a te Atua, auā kua tuku kātoa atu kia te ia, te Agaga o te Atua. 35Ko te Tamana e alofa ki tona Ataliki, ma kua ia tukuatua ki ei nā mea uma.#Mat 11.27; Luk 10.22 36Ko ai lava e talitonu ki te Ataliki, e ia maua te ola e hēgata; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.
Právě zvoleno:
Ioane 3: TOKU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust
Ioane 3
3
Ko Iehu ma Nikotemo
1Nae iei hētahi takitaki Iutaia, ko Nikotemo te igoa, he tino o te kau Falehaio. 2Kua pa ki tētahi pō, oi na fano ai kia Iehu ma lea vē atu ki ei, “Te Faiākoga, e kimātou iloa ko koe he faiākoga na uga mai e te Atua. E hēai he tino e ia mafaia oi fai nā fakailoga e fai e koe, vaganā ko te Atua e iei fakatahi ma ia.”
3Na tali mai ia Iehu, “E lea atu au kia te koe i te meamoni, e hēai he tino e mafai ke ia kitea te Mālō o te Atua, heiloga kua toe fānau fōugia.”#3.3 fōugia pe mai lugā
4“E vēhea ona mafai ke toe fānau mai he tino kua matua? E ia mafaia vēhea oi toe fano ki loto o te manava o tona mātua, ma toe fānau mai ai.” Na fehili vēnā atu ia Nikotemo.
5Kae na tali mai ia Iehu, “E lea atu au kia te koe i te meamoni, e hēai he tino e mafai ke hao atu ki te Mālō o te Atua, ka ko hēki fānau i te vai ma te Agaga. 6E fānanau e tagataola a lātou fānau. Kae nā ko te Agaga oioti te ia mafaia oi huia koutou, ke kavea ma fānau a te Atua. 7Koutou la nahe tēteki auā ia au e lea atu, ko koutou e tatau ke toe fānau fōugia.#3.7 fōugia pe mai lugā 8Ko te matagi e agi lava ki te mea e loto ia ki ei; e lagona e koe tana agi kae e hē kē iloa pe hau i fea, pe ko fea foki te fano āgai ki ei. E vēnā foki lava ho he tino e fānau mai i te Agaga.”
9“E mafai vēhea he mea vēnā?” na fehili vēnā atu ia Nikotemo.
10Na tali mai ia Iehu, “Ko koe he faiākoga iloa i Ihalaelu, ka ko koe e hē mālamalama i nā mea iēnei? 11E takutino atu e au kia te koe, ko kimātou e tautatala i nā mea e kimātou iloa, ma fakailoa atu nā mea kua kimātou kitea, kae e hē fia talia e koutou te takutinoga a kimātou. 12Kāfai au kua lea atu kia te koutou i nā mea tau te lalolagi kae hē talitonu koutou, e vēhea la ona talitonu koutou, kāfai au e lea atu i nā mea tau te lagi? 13E hēai he tino na kua fanake ki te lagi, vaganā ai te Ataliki o te Tagata, na fanaifo mai te lagi.”#3.13 Ko nā kupu iēnei a Iehu e kāmata mai i te fuaikupu 10, e mafai ke fakaauau ki te fuaikupu 21
14Ma e vē ona hiki ake ki luga e Mohe te gata apamemea i te vao, e tatau foki te Ataliki o te Tagata ke hiki ake ki luga, #Nūm 21.9 15kae ke maua ai e ho he tino e talitonu kia te ia, te ola e fakavavau. 16Auā ko te alofa lahi o te Atua ki te lalolagi na ia kaumaia ai tona Ataliki e toka tahi, kae ke nahe oti ai ho he tino e talitonu kia te ia, kae ke maua ai e ia te ola e fakavavau. 17Auā e hēki uga maia e te Atua tona Ataliki ki te lalolagi ke fakamahino e ia ia tagata, kae ke fakaola e ia kilātou.
18Ko nā tino e talitonu ki te Ataliki, e hē fakamahinoa; ka ko nā tino e hē talitonu, kua uma to lātou fakamahinoga, auā kua hē talitonu kilātou ki te Ataliki e toka tahi o te Atua. 19Ko tēnei la te fakaikuga o te fakamahinoga: kua hau te mālama ki te lalolagi, kae ko tagata kua fiafia atu ki te pōuli i lo te mālama, auā ko nā āmio a kilātou e kino. 20Ko nā tino e faia nā mea e kino, e inoino ki te mālama, ma e hē mafai ke ōmamai ki te mālama, auā e hē fofou ke kitea a lātou āmiokino. 21Ka ko nā tino e kilātou faia te mea e tonu, e ōmamai ki te mālama kae ke kitea ai i te mālama, ko nā mea a kilātou e fai, e fai i luga o te uhitaki ki te Atua.
Ko Iehu ma Ioane te Papatiho
22Kua uma atu te mea tēnei, oi na olo ai ia Iehu ma ona hoko ki Iutea. Ko kinā na nonofo ai fakatahi ma ona hoko mo he vāitaimi, ma na papatiho ai e ia ia tagata. 23Nae fai foki te papatihoga a Ioane i Ainona, e hē mamao ma Haleima, auā e lahi lele te vai nae i kinā. Nae holo atu nā tino kia te ia, ma na papatiho ai kilātou e ia. 24(Ko nā mea iēnei nae fai e Ioane, ka ko hēki togia ai ki te falepuipui.) #Mat 14.3; Mlk 6.17; Luk 3.19-20
25Ko iētahi hoko o Ioane, kua kāmata oi fai fīnauga ma he tino Iutaia#3.25 he tino Iutaia ko iētahi tuhituhiga e lea mai ni tino Iutaia e uiga ki te fakamamāgia.#3.25 fakamamāgia E lahi nā tūlāfono a tagata Iutaia e uiga ki te fakamamāgia o kilātou ma a lātou ipu e kakai ai, kae ke talia ai kilātou i mua o te Atua 26Oi na olo ai kia Ioane ma lea vē atu ki ei, “Te Faiākoga, e kē iloa te tino nae fakatahi koulua i te itū ki hahae o te Iolitana, tēia na molimau koe e uiga ki ei? E fai nei tana papatihoga, ma kua gāholo uma atu ki ei ia tagata.”
27Na tali atu ia Ioane, “E hēai he mea e fokotahi e maua e he tino, vaganā te mea e fōki ki ei e te Atua. 28Ko koutou lava iēnā na molimau i toku leaga vē, ‘E hē ko au te Mehia, kae ko au na uga mai ke muamua mai ia te ia.’ #Ioa 1.20 29Ko te tama fakaipoipo, ko te tino ia e āna te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa. 30E tatau ke fakatāua lahi atu ia, kae fakaitītia te tāua o oku.”
Ko Tē e Fanaifo mai te Lagi
31Ko tē e fanaifo mai te lagi, e hili atu tona tāua i lo tagata uma. Ko tē e hau mai te lalolagi, e o te lalolagi ia, ma e tautala i nā mea o te lalolagi. Ka ko tē e fanaifo mai te lagi, e hilihili lava ia i tagata uma. 32E molimau ia ki nā mea na kitea ma lagona e ia, kae e hēai he tino e ia talia tana takutinoga. 33Kae ko ai lava e ia taliagia tana takutinoga, kua ia fakamāonia te moni o te Atua. 34Auā ko tē na uga mai e te Atua, e tautala i te kupu a te Atua, auā kua tuku kātoa atu kia te ia, te Agaga o te Atua. 35Ko te Tamana e alofa ki tona Ataliki, ma kua ia tukuatua ki ei nā mea uma.#Mat 11.27; Luk 10.22 36Ko ai lava e talitonu ki te Ataliki, e ia maua te ola e hēgata; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust