फिलिप्पियों 3
3
1ईन्देंखे हे मेरे भाऐ बंईणों, प्रभू दे आँन्दित्त-खुशी रंह्; सेजी ही बातो तुँओं खे बार-बार लिख्णों खे, मुँह किऐ भे कष्ट ने हंदी; अरह् ईन्दी तुँवारी भलाऐ असो, 2बुरे काँम-काज़ कर्णो वाल़े कुत्ते जैष्णें लोगो शे च़ौक्क्ष रूऐ, जू अंग छुलियों खतना करह्; 3किन्देंखे के खतना वाल़े तअ आँमें ही असो, जू पंण्मिश्वर की आत्त्मा के गुवाह्-शाज़्त्ति शी आरार्धना करह्, अरह् मसीया यीशू गाशी तारीफ करह्, अरह् आप्णी देह्-शरीर की बातो गाशी भूर्षा ने कर्दे। 4परह् हाँव तअ देह्-शरीर दा भे भूर्षा करी सकू। जे कोसी ओकी देह्-शरीर गाशी भूर्षा थणों का बिचार हों, तअ हाँव तिनशा भे बड़ियों भूर्षा करी सकू। 5आठवें देसे मेरा खतना हुआ, इस्राएल के बष, शा अरह् बिन्यामीन के गोत्र का असो; अरह् इब्रानी माँ-बाब का जाया, इब्रानी असो; शिक्क्षा-निय्म के बारे दा जे बुलो तअ यहूदी भाट-बाँम्ण असो, 6यहूदी धर्म दा ऐत्रा पाक्का थिया, के हाँव कलीसिया का सताँणों वाल़ा थिया; अरह् शिक्क्षा धार्मिक्त्ता के बारे दा जे बुलो तअ बै-कसूर असो। 7परह् जुण्जी-जुण्जी बातो मेरे फाय्दे-लाभ की थी, तिन्दे का मुँऐ मसीया के जाँणें आप्णा नुकसाँन जाँणा। 8ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको; 9अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों। 10हाँव ऐजो चहाऊँ, के हाँव मसीया जाँणी पाऊँ, अरह् तियों शक्त्ति का तजरबा करणा चहाऊँ, जिन्दे लई से मँरियों पाछु ऊबे जीऐं; अरह् मऊँदी दा तिनू जेष्णाँ बंणियों तिनके दु:ख भोगणों दा साथी बंण्णा चहाऊँ। 11तेसी भूर्षे आरी के हाँव भे मँरे अँदे मुँझ्शा पाछ़ू ऊबा जीऊँदा हंऊँबा।
आप्णे निषाँणे तोड़ी की दोऊँड़
12ऐजा मतल्व ने आथी के मुँह् से भेटी रूऐ, के हाँव सिद्ध बंणीं गुवा; परह् हाँव तियों चींजो थाँमबड़णों खे दोऊँड़ी रूआ, जिन्दे की ताँईऐ मसीया यीशू ऐ मुँह थाँम्बड़ी थुवा। 13हे भाऐ-बईणों मेरी हिछा ऐजी ने आथी, के मुँह थाँम्बड़ी थुवा; परह् सिर्फ ऐजा ऐक काँम-काज़ करू, के जुण्जी बातो पाछु छुटी गई, तिनू बिसरियों आगे की बातो की ढबे, बड़दा ज़ाँऊ, 14अरह् नीशाँणें के ढबे दोऊँड़दा ज़ाँऊ, जू सेजा ईनाँम पाऊँ, जिन्दे की ताँईऐं पंण्मिश्वर मुँह मसीया यीशू दा ऊँबा बय्दी थुवा। 15आँमों मुझ्शे केतोड़े लोग आपु आप्खे सीद्ध जाँणों, अरह् ऐजा ही बिचार थुऐं; अरह् जे कोसी बातो दे तुवाँरा ओका ही किऐ बिचार असो, तअ पंण्मिश्वर तेसी भे तुँओं गाशी पर्गट करह्। 16ईन्देंखे तेथै तोड़ी आँमें पह्ऊची रूऐ, आँमों तिदो ही चालणों पड़ो। 17हे भाऐ-बईणों तुँऐं बादे मीलियों मेरी जेष्णी चाल-चालो, अरह् तिनकी मिशो करह्, जू ऐसी ढंग शे चालो; जिन्दे का उदारण तुँऐ आँमों दा पाँव, 18किन्देंखे के कऐयों ऐशी चाल-चालो, जिनकी चर्चा मुँऐ तुँओं कैई बार-बार करी थऐ, अरह् ऐबे भे रूई-रूईयों बुलू; के कुछ़ लोग आप्णी चाल-चलण लंई यीशू मसीया की शुँल़ी-फ़ाँषी की कुरूबाँणीं के बऐरी असो। 19तिनको ऊगल़ी ज़ाँदो, तिनका पंण्मिश्वर सिर्फ पेट असो, से आप्णी बै-शर्मी की बातो दे शियाँगियों ऐ; अरह् धर्ती की बादी चीज़ो दा आप्णा मंन लाँव। 20परह् अमाँरा आप्णा देश स्वर्गो दा असो, अरह् आँमें ऐक मुँक्त्ति देणों वाल़े प्रभू यीशू मसीया की तेथै शी आँणो के बाट जूई लऐ। 21से आप्णी शक्त्ति के तेसी असर के मुँताबिक शे जिन्दे के जाँणें, से बादी चींजो आप्णी बंष दी करी सको; अमाँरी नाँष बाँन देह्-शरीर का रूप बद्ल़ियों, आप्णी बड़ियाऐ की देह्-शरीर के जैष्णें बंणाऐं देंदे।
Právě zvoleno:
फिलिप्पियों 3: sri
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022, Wycliffe Bible Translators, Inc. All rights reserved.