खास-चैले के काँम 8
8
1शाऊल भे तियों हंत्त्या का साथी धिया।
कलीसिया गाशी अ-नियाँऐं
तेसी ही देसे यरूशलेम दी कलीसिया गाशी बैजाऐ बड़ा-अंत्त्याचार शुरू हुवा, अरह् खास-चैले के सुवाऐ, बादे के बादे बिश्वाषी जंण; यहूदा अरह् सामरी ईलाके दे खिदर-बिदर हऐ गुऐ। 2भगत्त लोगे तेसी स्तिफनुस खात्ती-कबर दा दाबी दिता, अरह् तेस्के ताँईऐ तिनू भगत्त लोगे ऐं बैजाऐ रूणा-धुणाँ करा। 3शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।
सामरिया दा फिलिप्पुस का प्रचार
4जुण्जे बिश्वाषी लोग यरूशलेम शे खिदर-बिदर हऐ रूऐ थिऐ, से रिटी-फीरियों जागे-जागे दी पंण्मिश्वर की खुषख्बरी का प्रचार करह् थिऐ; 5तबे: फिलिप्पुस सामरिया के ऐक नंगर दा ज़ाऐयों लोगों मुँझी मसीया का प्रचार करदा लागा। 6तबे: जुण्जी बातो फिलिप्पुस ऐ बुली, लोगे ऐं तिनू बातो शुँणियों अरह् जुण्जे अनोंख्हे चींह्न-चंम्त्तकार से देखाँव थिया; तिनू देखियों से बादे लोग ऐक च़ीत्त हंऐयों तिन्दा मंन लाँव थिऐ। 7किन्देंखे के बैजाऐ बिच़्की-दुष्ट-आत्त्मा जुराल़ी लेरोह् माँरियों भहित्ते लोगो शी नींक्ल़ी थी; अरह् जेतोड़े लोग तिन्दें शे दुखी थिऐ, अरह् अन्द्रर्गों के दुखिया, अरह् कंऐयों रूगी-दुखीं, अरह् लंगड़ै चाँग्गै हुऐ। 8ऐषा दाँई तेसी नंगर दा बड़ा आनन्द अरह् खुशी छ़ाँऐ।
जादूगर शमौन
9शमौन नाँव का ऐक आदमी तेसी नंगर दा थिया, से कोद्दी शुभे जादू-टूणें के खैल देखाँऐयों; सामरी लोग हराँन करह् थिया, अरह् आपु खे से बड़ा बंण्णों का दावा करह् थिया। 10नहाँन्ड़े शे ऊबे बड़े तोड़ी लोग तेस्की बातो माँनों थिऐ, अरह् ऐजो बुलो थिऐ, के “ऐजा आदमी पंण्मिश्वर के सेजी शक्त्ति असो; जिन्देंखे बड़ी शक्त्ति बुली ज़ाँव।” 11तेने भहित्ते देसो शे आप्णी जादूगरी लई लोग हराँन करी थुऐ थिऐ, ईन्देंखे से तेस्की बातो माँनों थिऐ। 12परह् जबे से फिलिप्पुस की बातो गाशी बिश्वाष कर्दे लागे, जुण्जा पंण्मिश्वर के राज्य अरह् प्रभू यीशू की खुषख्बरी का प्रचार करह् थिया; तबे बादे तिरंई-मंर्दे ऐं नहाँण-नहाँव अरह् माँनों। 13आपु तेने शमौन ऐं भे बिश्वाष करा, अरह् नहाँण-नहाँऐयों से भे आपु फ़िलिप्पुस की गईलो हमेंशा रंह्दा लागा; तबे शमौन के आपु भे तिनू च़ींह्न-च़ंम्त्तकार देखियों तेस्के बैजाऐ तूरंबाँणच़ूटी रूऐ थिऐ।
सामरिया दे पतरस अरह् यूहन्ना
14जबे यरूशलेम दे रंहणों वाल़े, खास-चैले ऐं ऐजो शुँणों; के सामरिया के लोगे ऐ पंण्मिश्वर का बचन माँनीं पाया, तअ तिन्ऐं संत्त-पतरस अरह् संत्त-यहूना तिन कैई डेयाल़े। 15तबे से दुईन्नै तेथै हुटे, अरह् तिन्ऐं सामरियों खे प्रार्थना करी; के ईन खें पबित्र-आत्त्मा भेंटो। 16पबित्र-आत्त्मा ऐभी तोड़ी तिनू मुझी कोसी गाशी ने ऊत्री रंई थी, तिन को सिर्फ प्रभू यीशू के नाँव गाशी; नहाँण ही कराऐ थों थियो। 17संत्त-पतरस अरह् संत्त-यूहन्ना ऐ तिनू सोभी सामरी लोगो गाशी आप्णें हाथ थुऐं, अरह् तबे तिनू सोभी खे पबित्र-आत्त्मा भेंटी। 18जबे शमौन ऐ ऐजो देखो, के खास-चैले के हाथ थंणों लई पबित्र-आत्त्मा भेंटो, तअ तेने तिनू कैई रूपिया देखाऐं बुलो। 19“मुँखे भे ऐजी शक्त्ति ऊँडी दियों, के जबे हाँव कोसी गाशी आप्णाँ हाथ थंऊँ, तअ तेसी भे पबित्र-आत्त्मा भेंटी ज़ाँव।” 20परह् संत्त-पतरस ऐ तैस्खे बुलो, “ऊँगल़ी ज़ाँव तेरो, अरह् नाँष हों तेरा धंन-दोल्त्त, अरह् छतिया नाँष हो तेरे रूपिया! किन्देंखे के तुँऐं पंण्मिश्वर का बर्दाण रूपिया लई खर्दोणों का बिचार करा। 21ईयों बातो दा ना तअ तेरा किऐ हिस्सा-भाग आथी, अरह् ना तेरा किऐ हंक-अधिकार आथी; किन्देंखे के तेरा मंन पंण्मिश्वर खे साच्चा-नीछल़ा कप्ट के बीना ने आथी। 22ऐबे तू आप्णें पाप-बुराई शा मंन बद्ल़ अरह् पस्तावा करियों प्रभू शी प्रार्थना करह्, जिन्दें लई तेरा दूच़ींत्ता मंन अरह् तेरी बुराऐ माँफ करी ज़ाँव। 23मुँऐ देखी लो, के तू पीत्त की जैई कड़वाट लई दाबी-दाबियों भरा अंदा असो; अरह् अ-धरंम की बैड़ी-शाँग्ल़ी लई तू हेभी तोड़ी भे जक्ड़ा-बाँना अँदा असो।” 24तबे शमौन ऐ तिनखे जबाब दिता, के “तुँऐं ही मुँखे प्रभू शी प्रार्थना करह्, के जुण्जी बातो तुँऐं मुँखे बुली थंई, तिन्दें मुँझ्शी ऐक भे अब्ल़ी मुँह गाशी ने पड़ो।” 25तबे: संत्त-पतरस अरह् संत्त-यूहन्ना आप्णी गुवाह्-शाज़्त्त देऐयों, अरह् प्रभू का बचन अरह् खुषख्बरी शुँणाँऐंयों पाछ़ू यरूशलेम खे हुटे, अरह् सामरियों के भहित्ते गाँव दे से समाँचार शुँणाँदे लागे।
फिलिप्पुस अरह् कूश देश का हाकम
26तबे प्रभू के ऐक दूत्त ऐं फिलिप्पुस खे बुलो, “बीऊँज यरूशलेम शा गाँज़ा ज़ाणों वाल़े बाटो बाटी दखिणों के ढबै ज़ा, किन्देखे के सेजी बाट शुनं-शाँन असो।” 27फिलिप्पुस बीऊँजियों अज्ञाँ के मुताबिक चाल पड़ा, तेख्णों इथियोपियों देश का ऐक ख़ोजा इथियोपियाई महा-राँणी कन्दाके का बड़ा अधिकारी, मतल्व मंत्री, अरह् भंडारे का संईजाल़ी थिया; अरह् से आरार्धना खे यरूशलेम आऐ रूवा थिया। 28अरह् जबे से पाछ़ू ज़ाँदा लागा थिया, तअ से आप्णें रंथ गाशी बंईठा अंदा थिया; अरह् तेने ऋषी यशायाह का ग्रन्थ पढ़ी लुवा थिया। 29पबित्र-आत्त्मा ऐ फिलिप्पुस खे बुलो, “नंजीक ज़ाऐयों रंथो की गईलो चाल।” 30फिलिप्पुस बिच़ड़ियों खोज़े के रंथो कैई पंह्ईचा, अरह् तेने तेसी खोज़ा ऋषी यशायाह का ग्रन्थ पढ़दे शुँणियों तेछ़ौ पुछ़ो; “तुऐं जुण्जो किऐ पढ़ी लुओं, कियों ऐथू तू सहम्झी भे पाँव ऐ?” 31तेने जबाब दिता, “भला जाँव तोड़ी कुँऐं मुँह संहम्झाँव ने ताँव तोड़ी हाँव केशो दाँई संहम्झी सकू?” तबे सेजा खोज़ा फिलिप्पुस खे ढाल-अरज करदा लागा, के “हे श्री माँन! तुऐं मेरे रंथो गाशी मेरी गईलो भंईठियों मुँह सहम्झाव।” 32तेने पबित्र-ग्रन्थों का जुण्जा पाठ पढ़ी लुवा थिया, से ऐजा थिया:
के जेष्णीं भैंड़ काट्णों-माँर्णों खे आगू नींह्, अरह् गाब्टा ऊँन कत्रर्णों वाल़े कैई चूप्प-चाँण रंह्, तेष्णों ही तिन्ऐं आप्णों मुँह ने खुली।
33तिनकी सह्ऐन-शीलता दा, तिन की गईलो सुवाँ नियाँव ने करा गंई; तिनके बख्त्तो के लोगों का बखाँण कूँण करदा? किन्देंखे के तिनके प्राँण धर्त्ती गाच्छै ऊँबे टिप्पै गुऐ।
34तबे तेने खोज़े ऐं फिलिप्पुस शो पुछ़ो, के ऋषी ऐ ऐजो कोस्के बारे दो बुलो, “आप्णें बारे दो? के कोसी ओकी के बारे दो बुलो?” 35तबे: फिलिप्पुस ऐ बुल्णों शुरू करो, अरह् पबित्र-ग्रन्थों के ऐसी पाठ की आड़ दो; प्रभू यीशू के खुषख्बरी का प्रचार करा। 36जबे यात्रा कर्दे-कर्दे बाटो पुडे से चाल्दे-चाल्दे कोसी पाँणी वाल़ी जागा दे पंह्ईचे। तअ तबे तेने खोजे़ ऐ बुलो, “ईथै पाँणी असो, अरह् ऐबे मेरे नहाँण-नहाँणों दे का रूकावट असो?” 37(तबे फिलिप्पुस ऐ जबाब दिता, के “जे तू आप्णें साच्चै अरह् बादे मंन शा बिश्वाष करे, तअ नहाँण-नहाँणों दे किऐ रूकावट ने आथी।” ईन्दे गाशी तेने बुलो, “हाँव बिश्वाष करू, के यीशू मसीया ही पंण्मिश्वर का बैटा असो।”) 38तबे तेने रंथ रोक्णों के अज्ञाँ दिती, अरह् फिलिप्पुस अरह् खोज़ा दुईन्नें पाँणी मुँझी हुटे, अरह् तबे फिलिप्पुस ऐं तेसी खोज़े कैई शो नहाँण-कराँओ। 39अरह् जबे से पाँणी मुँझ्षे बाईडे आऐ, तअ तबे प्रभू की आत्त्मा ऐ तेसी फ़िलिप्पुस ऊबा थागा; अरह् तबे तेने खोज़े ऐं तेसी हंजों दुज़ाल़िऐ ने देखी: तबे से आँनन्द-खुशी शा आप्णें बाटे हुटा। 40फ़िलिप्पुस के भे सुईणों जियों लागो, अरह् जबे तेने आप्णीं आखी खुली; तअ तेने का देखो के हाँव अश्दोद नंगर दा असो, अरह् से कैसरिया पंह्ऊँच़्णों तोड़ी बादे नंगर दे खुषख्बरी का प्रचार करदा लागा।
Právě zvoleno:
खास-चैले के काँम 8: sri
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022, Wycliffe Bible Translators, Inc. All rights reserved.
खास-चैले के काँम 8
8
1शाऊल भे तियों हंत्त्या का साथी धिया।
कलीसिया गाशी अ-नियाँऐं
तेसी ही देसे यरूशलेम दी कलीसिया गाशी बैजाऐ बड़ा-अंत्त्याचार शुरू हुवा, अरह् खास-चैले के सुवाऐ, बादे के बादे बिश्वाषी जंण; यहूदा अरह् सामरी ईलाके दे खिदर-बिदर हऐ गुऐ। 2भगत्त लोगे तेसी स्तिफनुस खात्ती-कबर दा दाबी दिता, अरह् तेस्के ताँईऐ तिनू भगत्त लोगे ऐं बैजाऐ रूणा-धुणाँ करा। 3शाऊल ऐ तेसी बख्त्ते कलीसिया के लोग सताँऐ लुऐ थिऐ, अरह् से घरह्-घरह् दा जूरे घुसरियों थिया, अरह् तेथै जेसी घरह् दी कुँऐं तिरंई हों, भाँव कुँऐ मंरोद् हों; से तिनू सोभी खींच़ी-खीच़ियों कंय्द खाँनें दे पाऐ दियों थिया।
सामरिया दा फिलिप्पुस का प्रचार
4जुण्जे बिश्वाषी लोग यरूशलेम शे खिदर-बिदर हऐ रूऐ थिऐ, से रिटी-फीरियों जागे-जागे दी पंण्मिश्वर की खुषख्बरी का प्रचार करह् थिऐ; 5तबे: फिलिप्पुस सामरिया के ऐक नंगर दा ज़ाऐयों लोगों मुँझी मसीया का प्रचार करदा लागा। 6तबे: जुण्जी बातो फिलिप्पुस ऐ बुली, लोगे ऐं तिनू बातो शुँणियों अरह् जुण्जे अनोंख्हे चींह्न-चंम्त्तकार से देखाँव थिया; तिनू देखियों से बादे लोग ऐक च़ीत्त हंऐयों तिन्दा मंन लाँव थिऐ। 7किन्देंखे के बैजाऐ बिच़्की-दुष्ट-आत्त्मा जुराल़ी लेरोह् माँरियों भहित्ते लोगो शी नींक्ल़ी थी; अरह् जेतोड़े लोग तिन्दें शे दुखी थिऐ, अरह् अन्द्रर्गों के दुखिया, अरह् कंऐयों रूगी-दुखीं, अरह् लंगड़ै चाँग्गै हुऐ। 8ऐषा दाँई तेसी नंगर दा बड़ा आनन्द अरह् खुशी छ़ाँऐ।
जादूगर शमौन
9शमौन नाँव का ऐक आदमी तेसी नंगर दा थिया, से कोद्दी शुभे जादू-टूणें के खैल देखाँऐयों; सामरी लोग हराँन करह् थिया, अरह् आपु खे से बड़ा बंण्णों का दावा करह् थिया। 10नहाँन्ड़े शे ऊबे बड़े तोड़ी लोग तेस्की बातो माँनों थिऐ, अरह् ऐजो बुलो थिऐ, के “ऐजा आदमी पंण्मिश्वर के सेजी शक्त्ति असो; जिन्देंखे बड़ी शक्त्ति बुली ज़ाँव।” 11तेने भहित्ते देसो शे आप्णी जादूगरी लई लोग हराँन करी थुऐ थिऐ, ईन्देंखे से तेस्की बातो माँनों थिऐ। 12परह् जबे से फिलिप्पुस की बातो गाशी बिश्वाष कर्दे लागे, जुण्जा पंण्मिश्वर के राज्य अरह् प्रभू यीशू की खुषख्बरी का प्रचार करह् थिया; तबे बादे तिरंई-मंर्दे ऐं नहाँण-नहाँव अरह् माँनों। 13आपु तेने शमौन ऐं भे बिश्वाष करा, अरह् नहाँण-नहाँऐयों से भे आपु फ़िलिप्पुस की गईलो हमेंशा रंह्दा लागा; तबे शमौन के आपु भे तिनू च़ींह्न-च़ंम्त्तकार देखियों तेस्के बैजाऐ तूरंबाँणच़ूटी रूऐ थिऐ।
सामरिया दे पतरस अरह् यूहन्ना
14जबे यरूशलेम दे रंहणों वाल़े, खास-चैले ऐं ऐजो शुँणों; के सामरिया के लोगे ऐ पंण्मिश्वर का बचन माँनीं पाया, तअ तिन्ऐं संत्त-पतरस अरह् संत्त-यहूना तिन कैई डेयाल़े। 15तबे से दुईन्नै तेथै हुटे, अरह् तिन्ऐं सामरियों खे प्रार्थना करी; के ईन खें पबित्र-आत्त्मा भेंटो। 16पबित्र-आत्त्मा ऐभी तोड़ी तिनू मुझी कोसी गाशी ने ऊत्री रंई थी, तिन को सिर्फ प्रभू यीशू के नाँव गाशी; नहाँण ही कराऐ थों थियो। 17संत्त-पतरस अरह् संत्त-यूहन्ना ऐ तिनू सोभी सामरी लोगो गाशी आप्णें हाथ थुऐं, अरह् तबे तिनू सोभी खे पबित्र-आत्त्मा भेंटी। 18जबे शमौन ऐ ऐजो देखो, के खास-चैले के हाथ थंणों लई पबित्र-आत्त्मा भेंटो, तअ तेने तिनू कैई रूपिया देखाऐं बुलो। 19“मुँखे भे ऐजी शक्त्ति ऊँडी दियों, के जबे हाँव कोसी गाशी आप्णाँ हाथ थंऊँ, तअ तेसी भे पबित्र-आत्त्मा भेंटी ज़ाँव।” 20परह् संत्त-पतरस ऐ तैस्खे बुलो, “ऊँगल़ी ज़ाँव तेरो, अरह् नाँष हों तेरा धंन-दोल्त्त, अरह् छतिया नाँष हो तेरे रूपिया! किन्देंखे के तुँऐं पंण्मिश्वर का बर्दाण रूपिया लई खर्दोणों का बिचार करा। 21ईयों बातो दा ना तअ तेरा किऐ हिस्सा-भाग आथी, अरह् ना तेरा किऐ हंक-अधिकार आथी; किन्देंखे के तेरा मंन पंण्मिश्वर खे साच्चा-नीछल़ा कप्ट के बीना ने आथी। 22ऐबे तू आप्णें पाप-बुराई शा मंन बद्ल़ अरह् पस्तावा करियों प्रभू शी प्रार्थना करह्, जिन्दें लई तेरा दूच़ींत्ता मंन अरह् तेरी बुराऐ माँफ करी ज़ाँव। 23मुँऐ देखी लो, के तू पीत्त की जैई कड़वाट लई दाबी-दाबियों भरा अंदा असो; अरह् अ-धरंम की बैड़ी-शाँग्ल़ी लई तू हेभी तोड़ी भे जक्ड़ा-बाँना अँदा असो।” 24तबे शमौन ऐ तिनखे जबाब दिता, के “तुँऐं ही मुँखे प्रभू शी प्रार्थना करह्, के जुण्जी बातो तुँऐं मुँखे बुली थंई, तिन्दें मुँझ्शी ऐक भे अब्ल़ी मुँह गाशी ने पड़ो।” 25तबे: संत्त-पतरस अरह् संत्त-यूहन्ना आप्णी गुवाह्-शाज़्त्त देऐयों, अरह् प्रभू का बचन अरह् खुषख्बरी शुँणाँऐंयों पाछ़ू यरूशलेम खे हुटे, अरह् सामरियों के भहित्ते गाँव दे से समाँचार शुँणाँदे लागे।
फिलिप्पुस अरह् कूश देश का हाकम
26तबे प्रभू के ऐक दूत्त ऐं फिलिप्पुस खे बुलो, “बीऊँज यरूशलेम शा गाँज़ा ज़ाणों वाल़े बाटो बाटी दखिणों के ढबै ज़ा, किन्देखे के सेजी बाट शुनं-शाँन असो।” 27फिलिप्पुस बीऊँजियों अज्ञाँ के मुताबिक चाल पड़ा, तेख्णों इथियोपियों देश का ऐक ख़ोजा इथियोपियाई महा-राँणी कन्दाके का बड़ा अधिकारी, मतल्व मंत्री, अरह् भंडारे का संईजाल़ी थिया; अरह् से आरार्धना खे यरूशलेम आऐ रूवा थिया। 28अरह् जबे से पाछ़ू ज़ाँदा लागा थिया, तअ से आप्णें रंथ गाशी बंईठा अंदा थिया; अरह् तेने ऋषी यशायाह का ग्रन्थ पढ़ी लुवा थिया। 29पबित्र-आत्त्मा ऐ फिलिप्पुस खे बुलो, “नंजीक ज़ाऐयों रंथो की गईलो चाल।” 30फिलिप्पुस बिच़ड़ियों खोज़े के रंथो कैई पंह्ईचा, अरह् तेने तेसी खोज़ा ऋषी यशायाह का ग्रन्थ पढ़दे शुँणियों तेछ़ौ पुछ़ो; “तुऐं जुण्जो किऐ पढ़ी लुओं, कियों ऐथू तू सहम्झी भे पाँव ऐ?” 31तेने जबाब दिता, “भला जाँव तोड़ी कुँऐं मुँह संहम्झाँव ने ताँव तोड़ी हाँव केशो दाँई संहम्झी सकू?” तबे सेजा खोज़ा फिलिप्पुस खे ढाल-अरज करदा लागा, के “हे श्री माँन! तुऐं मेरे रंथो गाशी मेरी गईलो भंईठियों मुँह सहम्झाव।” 32तेने पबित्र-ग्रन्थों का जुण्जा पाठ पढ़ी लुवा थिया, से ऐजा थिया:
के जेष्णीं भैंड़ काट्णों-माँर्णों खे आगू नींह्, अरह् गाब्टा ऊँन कत्रर्णों वाल़े कैई चूप्प-चाँण रंह्, तेष्णों ही तिन्ऐं आप्णों मुँह ने खुली।
33तिनकी सह्ऐन-शीलता दा, तिन की गईलो सुवाँ नियाँव ने करा गंई; तिनके बख्त्तो के लोगों का बखाँण कूँण करदा? किन्देंखे के तिनके प्राँण धर्त्ती गाच्छै ऊँबे टिप्पै गुऐ।
34तबे तेने खोज़े ऐं फिलिप्पुस शो पुछ़ो, के ऋषी ऐ ऐजो कोस्के बारे दो बुलो, “आप्णें बारे दो? के कोसी ओकी के बारे दो बुलो?” 35तबे: फिलिप्पुस ऐ बुल्णों शुरू करो, अरह् पबित्र-ग्रन्थों के ऐसी पाठ की आड़ दो; प्रभू यीशू के खुषख्बरी का प्रचार करा। 36जबे यात्रा कर्दे-कर्दे बाटो पुडे से चाल्दे-चाल्दे कोसी पाँणी वाल़ी जागा दे पंह्ईचे। तअ तबे तेने खोजे़ ऐ बुलो, “ईथै पाँणी असो, अरह् ऐबे मेरे नहाँण-नहाँणों दे का रूकावट असो?” 37(तबे फिलिप्पुस ऐ जबाब दिता, के “जे तू आप्णें साच्चै अरह् बादे मंन शा बिश्वाष करे, तअ नहाँण-नहाँणों दे किऐ रूकावट ने आथी।” ईन्दे गाशी तेने बुलो, “हाँव बिश्वाष करू, के यीशू मसीया ही पंण्मिश्वर का बैटा असो।”) 38तबे तेने रंथ रोक्णों के अज्ञाँ दिती, अरह् फिलिप्पुस अरह् खोज़ा दुईन्नें पाँणी मुँझी हुटे, अरह् तबे फिलिप्पुस ऐं तेसी खोज़े कैई शो नहाँण-कराँओ। 39अरह् जबे से पाँणी मुँझ्षे बाईडे आऐ, तअ तबे प्रभू की आत्त्मा ऐ तेसी फ़िलिप्पुस ऊबा थागा; अरह् तबे तेने खोज़े ऐं तेसी हंजों दुज़ाल़िऐ ने देखी: तबे से आँनन्द-खुशी शा आप्णें बाटे हुटा। 40फ़िलिप्पुस के भे सुईणों जियों लागो, अरह् जबे तेने आप्णीं आखी खुली; तअ तेने का देखो के हाँव अश्दोद नंगर दा असो, अरह् से कैसरिया पंह्ऊँच़्णों तोड़ी बादे नंगर दे खुषख्बरी का प्रचार करदा लागा।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022, Wycliffe Bible Translators, Inc. All rights reserved.