'Olic 124
124
O Pa'oripay a Kawas
O saka cokacok a 'olic ni Tafiti.
1Israilaw, dada pipasowal kiso.
Ano caay ka padamaen no Tapang kita i, masamaan hakiya?
2Ano caay ka padamaen no Tapang kita,
yo milood ko 'ada i titaanan,
3yo marafraf ko kter nangra i titaanan i,
kona itiya aca kita a palimanta' han nangra a mita'mod,
4kona itiya aca kita a makric no cdas,
kona itiya aca kita a ma'alol no taplik,
5kona itiya aca kita a mahawikid no kalidkid no nanom.
6Mikansiya kita to Tapang,
nawhani caay papitkopen Ningra ko 'ada i titaanan.
7Matiya o milaliway nai tilo no mi'adopay a 'ayam kita,
macicih ko tilo saka, mapakonirato kita.
8O nanitiraay i Tapang ko padamaay i titaanan,
O misanga'ay Cingra to kakarayan ato sra a Tapang.
Právě zvoleno:
'Olic 124: AMIS2019
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2019