Psalm Late 14
14
Mihingte Seksol Khansiatna
(Psalm Late 53)
1Mihing mawmawte in,
“Pathian om bo!” ci uh hi.
Amate theampo siatna khaatna
taw kidim siat a,
a cizathuai nate seam zo uh hi;
a maan a seam kuama a om bua hi.#Rom 3:10-12
2Mihing khat po a ciim a om ziam, ama a bia khat po a om ziam ci in,
Topa in vantung panin mihingte ensuk hi.
3Ahihang amate lampial siat zo uh hi;
amate a kibangin sia siat hi.
A maan a ngamta khat zongh om ngawl,
khat beak zongh om ngawl hi.
4“Ama te in he ngawl ziam?” Topa in dongh hi.
“Hi a tatsiate in awlmawk nei ngawl ziam?
Amate in ka mite neisa sutolna taw nungta a,
kei tungah zongh thu hong ngen ngeingawl hi.”
5Ahihang tuasia ciangin amate laungawp tu uh hi,
banghang ziam cile Pathian in ama thu a nite taw omkhawm hi.
6Ngitlo tatsiatna a vawtte in
mihing kiniamkhiak pa ii
ngealnate nawngkaisak hi,
ahihang Topa sia ama ii kidalna ahi hi.
7Zion panin Israel te ii zawna hong pai natu in
bangza in thungen khi ziam.
Topa in Israel te a khantosak kik hun ciang
bangza in amate lungdam tu ziam!
Právě zvoleno:
Psalm Late 14: SCB2
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Siyin Chin Bible © Bible Society of Myanmar, 2016