Psalm Late 129
129
Israel ii Ngalte Langpan Thungetna
1Israel te awng,
na khangmoi lai
pan ma kipan
na ngalte in bangza in hong vawtsia zo ziam ko tungah hong son ta'n.
2“Khangmoi ka hi lai pan ma kipan
ka ngalte in hong vawtsia zazaan hi,
ahihang amate in hong zo zo ngawl hi.
3Amate in ka nungzaang nasia takin hong liamsak a,
lo kitho vuungsa khat bangin hong vawt hi.
4Ahihang a thutang pa Topa in
saltanna panin hong suatak zo hi.”
5Zion a ensante theampo in
lelna le nawkeakna thuak tahen.
6Amate sia innkhum tungah a po,
a khan ma a kocip lopate bang hi tahen;
7tuate sia kuama in khawmtua ngawl a,
a lom in zongh kipua ngawl hi.
8Tuate kaantan in a pai a kuama po in,
“Topa in thupha hong pia tahen!
Topa min taw thupha hong pia khu hi” ci ngawl tu hi.
Právě zvoleno:
Psalm Late 129: SCB2
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Siyin Chin Bible © Bible Society of Myanmar, 2016