MIKIYAASI 5
5
1Ki'ne Yerusaalamete manna! Kuneeti diinu gaangeesse noonkena, Israeelete gashshaanchi baqqaallasi siqqotenni ganaraatina, olanto'ne mitteenni qixxeessidhe.
BEETELIHEMETENNI GASHSHAANCHU FULANNOTA HIMANNOONNI
2Maganu, «Ati Efiraata baattora hee'rattati Beeteliheme! Ayee geeshshano Yihudu katammanni maa'ne ikkittarono, hundunni kayise hegerera ikkannohu Israeelete gashshaanchi atewiinni fulanno» yaanno.
3Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno. 4Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno. 5Isino keerensa ikkanno.
QORICHISHANNA WOXXA
Asoori manni gobbanke horranno woyitenna qiishonke kade eanno woyite, manna agartannore 7 woy 8 olantote roorroota sonke olammeemmo. 6Olantonsa wolqanni Asoori manna qeelte amaddanno. Namiruudi gashshoote ikkitino gobba cufanna hiiqqaqqite e'anno. Asoori manni gobbanke horritannonna maassantinota gobbanke kaddanno woyite, isi angansanni gatisannonke.
7Qarrunni gattinori Israeelete manni lowo daga mereero Kaaliiqi Maganu soyenna baatto duushshanno shori xeenunnihu gede ikkitanno. Hexxotenni agadhitannohu manna ikkikkinni Magano calla ikkanno. 8Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno. 9Israeeleno wolqatenni ka'e diinansa qeelte guddanno.
10Kaaliiqi, «Hattenne yannara, farado'ne baala huneemmo. Faradi gaare'ne duuchanta hiiqqaqqeemmo. 11Gobba'nera noo katamma huneemmo. Qiisho'ne wo'manta diigeemmo. 12Kiilunni assitinanniha murgote coye'ne huneemmo. Bitaammuno kunni ka'a mereero'ne diheedhanno. 13Kaphu maganna'nenna angatenni seesiinse loonsoonni misilla'nera dikumbuultinanni. 14Asheera mokkollono baatto'nenni huneemmo; katamma'neno diigeemmo. 15Anera hajajama gibbino gosa duuchanta hanqi'yanninna aari'yanni rabbisi'reemmo» yaanno.
Právě zvoleno:
MIKIYAASI 5: QulMax
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society of Ethiopia; Sidama Holy Bible BSE-UBS 262 P 2014