MAATEWOOSI BITIMA
BITIMA
Maatewoosihu Danchu Duduwi, Yesuusi daasi hexxo balanxe kulloonni Gatisaancho ikkinotanna Maganu Albi Gondoori giddo mannisira uyino hexxo Isi widoonni wonshinota kulannoha Dancha Duduwo amadinoho. Kuni Danchu Duduwi Yesuusi, giddonsa ilame lophino Ayihude callanniha ikkikkinni gobba baalanniha ikkinota kulanno.
Maatewoosihu Danchu Duduwi seekkine qineessinoonniho. Kuni Maxaafi, Yesuusi ilama kulatenni hanafe, cuuamasinna jifamasi xawisihu gedensaanni, Galiilaho kulinore, rosiisinorenna hursinore kulanno. Hakkiinni aanche, Yesuusi Galiilunni kae Yerusaalame ha'rinotanna tenne gobbara hee'ranno yanna gooffara mitte lamala gatte heedheenna ikkino coye halashshe kulanno. Kuni coyi sutamasire, reyosirenna reyotenni ka"asire amadino.
Kuni Danchu Duduwi Yesuusi Maganu Seera tire kulate roorre afi'rinohanna Maganu gashshootire rosiisate jawa rosiisaancho ikkinota leellishanno. Rosiisino coyi rooriidihu, addi addi garinni qineessinoonnihura ontu gafira beehamanno:
(1) Maganu gashshooti manni suude, looso, doyichonna gawalo kulannoha ilaalu aana Yesuusi rosiisino coye (Fool 5-7).
(2) Tonaa lamunku rosaanosi Dancha Duduwo kultara hadhu yannara uyinoonninsa biddishsha (Fool 10).
(3) Maganu gashshoote kulate shiqinshoonniha addi addi lawishsha (Fool 13).
(4) Rosaanote yaa mayatero kulanno roso (Fool 18).
(5) Hee'noommo diri goofimarchirenna Maganu gashshooti daa daafira uyinoonni roso (Fool 24-25).
Maxaafu Amado:
Yesuusi Kiristoosita ilamate kiironna ilamasi 1:1—2:23
Cuuaanchu Yohaannisi soqqansho 3:1-12
Yesuusi cuuamanna jifama 3:13—4:11
Yesuusi looso Galiilaho hanafi 4:12—18:35
Yesuusi Galiilunni Yerusaalame ha'ri 19:1—20:34
Goofimarchu lamala Yerusaalametenna qooxeessisera 21:1—27:66
Mootichinke kaonna mannaho leellasi 28:1-20
Právě zvoleno:
MAATEWOOSI BITIMA: QulMax
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society of Ethiopia; Sidama Holy Bible BSE-UBS 262 P 2014