MAATEWOOSI 2
2
SOOJJAATINNI DAGGINO AYYAANTO
1Heeroodisi moohe noo yannara, Yesuusi Yihudu gobbara Beetelihemete Katamira ilami. Hatte yannara beeddahe la'anno ayyaanto soojjaatinni ka'e Yerusaalame dagge, 2«Soojjaato beeddakkosi anfe kumbuullammosira dangoommona, ilamihu Ayihudete moote hiikko no?» yite xa'mitu. 3Moote Heeroodisi konne duduwo macciishshe masi; Yerusaalamete manni baaluno isinte gede masi. 4Kunni daafira Heeroodisi qeesootu roorroota baalanna Seeru rosiisaano woshshe, Kiristoosi hiikko ilamannoro xa'mi. 5Insano, «Himanaanchu borreessinonte gede, Kiristoosi ilamannohu Yihudu gobbara Beetelihemete Katamiraati. 6‹Ati Yihudu gobbara noottati Beeteliheme,
manna'ya Israeele gashshannohu ate giddonni fulannona,
jajjabba Yihudu katammanni horonta diajatta›
yinoonni» yitu.#Mik 5:2 lai.
7Hakkunni gedensaanni Heeroodisi ayyaanto badheenni qole woshshe beeddakko leeltu yanna xa'me buuxi. 8Qoleno, «Hadhine qaaqqu ikkitore seekkitine buuxxe. Affinanni heedhinenni, anino mare kumbuuleemmosina daggine kulle"e!» yee Beeteliheme hadhanno gede assi.
9Insano moote yiinore macciishshituhu gedensaanni fulte hadhu. Hatte yannara soojjaato leeltunsa beeddakko qaaqqu noowa iillite uurrita geeshsha albansaanni hadhanni no. 10Beeddakko affu yannara quwa sa'e lowo geeshsha hagiidhitu. 11Minira e'e qaaqqo amasi Maariyaami ledo nooha affe, guluphite kumbuultusi. Hakkunni gedensaanni ogorransa fante culka, hixaananna kaarbe afansha assite uyitusi.
12Galagalte Heeroodisiwa martannokki gede Maganu haaqeete qorophisiiseennansa, wole doogo higge gobbansa hadhu.
QAAQQO GIBITSE HAA'NE XOONQI
13Beeddahe la'anno ayyaanto hadhuhu gedensaanni, Mootichu sokkaasinchi Yooseefiwa haaqeete daye, «Heeroodisi qaaqqo shaara hasi'ranni noona, ka'e amate ledo haadhe Gibitse xooqi! Kulammohe geeshsha hakko keeshshi!» yiisi. 14Yooseefino hashsha kae qaaqqonna ama haa're Gibitsete gobba ha'ri. 15Heeroodisi reya geeshsha hakko keeshshino. Kuni ikkinohu, Mootichu himanaanchu widoonni,
«Beetto'ya Gibitsetenni woshshoommo»#Isa 11:1 lai.
yee coyi'rino qaali wo'manno gedeeti.
HEEROODISI QAAQQUULLE SHEE GUDI
16Heeroodisi soojjaatinni daggino ayyaanto dogginosita afe lowo geeshsha hanqi. Beetelihemetenna qooxeessisera noore labbaa qaaqquulle lamu dirirenna lamu diri kawire baala shiishiishe gudi. Hatto assinohu ayyaanto kultinosi yanna hedeeti. 17Kunni garinni himanaanchu Ermiyaasi,
18«Raama wi'lanna didatto macciishshini;
Raheeli oososera wi'litu;
oosose lubbotenni nookki daafira,
sheshifata hooggu»
yee himanino himani wo'mi.
GIBITSETENNI HIGGU GARA
19Heeroodisi reyihu gedensaanni, Mootichu sokkaasinchi Gibitsete gobbara noohuwa Yooseefiwa haaqeete mare, 20«Qaaqqo shitara hassannori reyitinona ka'e, qaaqqonna amasi haadhe Israeelete gobba ha'ri!» yiisi. 21Yooseefino kae qaaqqo amate ledo haa're Israeelete gobba higi.
22Ikkollana Heeroodisi reenna isi darga beettisi Arkeloosi Yihudu gobbara moohe noota macciishshe, hakkiira ha'ra waajji. Kunnira haaqeete biddishsha uyineennasi Galiilu gobba ha'ri. 23Iso, «Naaziretichaho yinanni»#Isa 11:1; Maq 1:24; Luq 2:39; Yoh 1:45 lai. yine himannoonni himani wo'manno gede mare Naaziretete Katamira hee'ri.
Právě zvoleno:
MAATEWOOSI 2: QulMax
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society of Ethiopia; Sidama Holy Bible BSE-UBS 262 P 2014
MAATEWOOSI 2
2
SOOJJAATINNI DAGGINO AYYAANTO
1Heeroodisi moohe noo yannara, Yesuusi Yihudu gobbara Beetelihemete Katamira ilami. Hatte yannara beeddahe la'anno ayyaanto soojjaatinni ka'e Yerusaalame dagge, 2«Soojjaato beeddakkosi anfe kumbuullammosira dangoommona, ilamihu Ayihudete moote hiikko no?» yite xa'mitu. 3Moote Heeroodisi konne duduwo macciishshe masi; Yerusaalamete manni baaluno isinte gede masi. 4Kunni daafira Heeroodisi qeesootu roorroota baalanna Seeru rosiisaano woshshe, Kiristoosi hiikko ilamannoro xa'mi. 5Insano, «Himanaanchu borreessinonte gede, Kiristoosi ilamannohu Yihudu gobbara Beetelihemete Katamiraati. 6‹Ati Yihudu gobbara noottati Beeteliheme,
manna'ya Israeele gashshannohu ate giddonni fulannona,
jajjabba Yihudu katammanni horonta diajatta›
yinoonni» yitu.#Mik 5:2 lai.
7Hakkunni gedensaanni Heeroodisi ayyaanto badheenni qole woshshe beeddakko leeltu yanna xa'me buuxi. 8Qoleno, «Hadhine qaaqqu ikkitore seekkitine buuxxe. Affinanni heedhinenni, anino mare kumbuuleemmosina daggine kulle"e!» yee Beeteliheme hadhanno gede assi.
9Insano moote yiinore macciishshituhu gedensaanni fulte hadhu. Hatte yannara soojjaato leeltunsa beeddakko qaaqqu noowa iillite uurrita geeshsha albansaanni hadhanni no. 10Beeddakko affu yannara quwa sa'e lowo geeshsha hagiidhitu. 11Minira e'e qaaqqo amasi Maariyaami ledo nooha affe, guluphite kumbuultusi. Hakkunni gedensaanni ogorransa fante culka, hixaananna kaarbe afansha assite uyitusi.
12Galagalte Heeroodisiwa martannokki gede Maganu haaqeete qorophisiiseennansa, wole doogo higge gobbansa hadhu.
QAAQQO GIBITSE HAA'NE XOONQI
13Beeddahe la'anno ayyaanto hadhuhu gedensaanni, Mootichu sokkaasinchi Yooseefiwa haaqeete daye, «Heeroodisi qaaqqo shaara hasi'ranni noona, ka'e amate ledo haadhe Gibitse xooqi! Kulammohe geeshsha hakko keeshshi!» yiisi. 14Yooseefino hashsha kae qaaqqonna ama haa're Gibitsete gobba ha'ri. 15Heeroodisi reya geeshsha hakko keeshshino. Kuni ikkinohu, Mootichu himanaanchu widoonni,
«Beetto'ya Gibitsetenni woshshoommo»#Isa 11:1 lai.
yee coyi'rino qaali wo'manno gedeeti.
HEEROODISI QAAQQUULLE SHEE GUDI
16Heeroodisi soojjaatinni daggino ayyaanto dogginosita afe lowo geeshsha hanqi. Beetelihemetenna qooxeessisera noore labbaa qaaqquulle lamu dirirenna lamu diri kawire baala shiishiishe gudi. Hatto assinohu ayyaanto kultinosi yanna hedeeti. 17Kunni garinni himanaanchu Ermiyaasi,
18«Raama wi'lanna didatto macciishshini;
Raheeli oososera wi'litu;
oosose lubbotenni nookki daafira,
sheshifata hooggu»
yee himanino himani wo'mi.
GIBITSETENNI HIGGU GARA
19Heeroodisi reyihu gedensaanni, Mootichu sokkaasinchi Gibitsete gobbara noohuwa Yooseefiwa haaqeete mare, 20«Qaaqqo shitara hassannori reyitinona ka'e, qaaqqonna amasi haadhe Israeelete gobba ha'ri!» yiisi. 21Yooseefino kae qaaqqo amate ledo haa're Israeelete gobba higi.
22Ikkollana Heeroodisi reenna isi darga beettisi Arkeloosi Yihudu gobbara moohe noota macciishshe, hakkiira ha'ra waajji. Kunnira haaqeete biddishsha uyineennasi Galiilu gobba ha'ri. 23Iso, «Naaziretichaho yinanni»#Isa 11:1; Maq 1:24; Luq 2:39; Yoh 1:45 lai. yine himannoonni himani wo'manno gede mare Naaziretete Katamira hee'ri.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society of Ethiopia; Sidama Holy Bible BSE-UBS 262 P 2014