UMI QORONTOOSI 13
13
1Mannu afiinni woy sokkaasinennihunni coyi'ra danduummoro, baxillu hoogiero kayinni, luulanno siwiilinna qili yaanno bilbili gedeeti. 2Himana coyi'rummoro, go'lino coye afeemmoha ikkummorono, egenno baala heedhuerono, ilaalla darginni kayissanno geeshshi ammana heedhuerono, baxillu hoogiero kayinni haafaho. 3Afi'roommore gudise buxanete beehummoronna biso'ya giirate ee agurummorono, baxillu hoogiero kayinni mittoreno diledannoe.
4Baxillu cincanno; baxillu elanno; baxillu dihinaasanno; baxillu dinaaxxanno; baxillu diboo'nanno. 5Baxillu seerimale gede di"ikkanno; baxillu umisire diroorsi'ranno; baxillu dicaaccaawanno; baxillu koma dikiiranno. 6Baxillu halaalu coyira hagiidhanno; bunshete coyira dihagiidhanno. 7Baxillu baalankare cincanno; baalanka addaxxanno; baalanka hexxanno; dargasi diaguranno.
8Baxillu geedonniho. Himanuno yannate geeshshaati; haaru afiinni coyi'rano gattanno; egennono sa'anno. 9Egennonke xeate; himaninkeno wo'ma di"ikkino. 10Wo'mu daanno waro kayinni, xeu ho'lanno. 11Anje noommo yannara oosichi gede coyi'roommo; oosichi hedanno gede hedoommo; oosichi xiinxallanno geeshsha xiinxalleemmo. Jawoo'mummoti, oosichimma'ya facci asse aguroommo. 12Xa co'o yee leellinkekkinni hincilaallote giddoonni qolle la'nanni hee'noommo. Hakka waro kayinni xunsine la'neemmo. Xa gama daratella la"anni noommo; hakka waro kayinni Maganu ane egenninoe deerrinni anino egenneemmo. 13Kunnira ammana, hexxonna baxillu sasunku darginni milli yitukkinni heedhanno. Ikkollana, kuri sasunku giddo rooru baxilleho.
Právě zvoleno:
UMI QORONTOOSI 13: QulMax
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society of Ethiopia; Sidama Holy Bible BSE-UBS 262 P 2014