Gate 39
39
Pa manga ga Aboromotumo aroko
(Gate 28:1-43)
1I amangi wene tutu aroko rogo gire ni gbaya ha, na gu du ngungungu, na gu du ni zamba ha, tipa manga apai rogo kparakpara ziazia ba; ki mangi kparakpara ziazia aroko tipa Arona; a wa Yekova arugu Mose na ni.
2Ko ki mangi efoda ni dahabu, na gire du ni gbaya ha, na gu du ngungungu, na gu du ni zamba ha, na tutu ndindii giri nzibi. 3I ki taki dahabu nzaranzara ki kafu he ku rogo agirihe, ka tu he na gu gire du ni gbaya ha, na gu du ngungungu, na gu du ni zamba ha na ndindii giri nzibi ni sunge bangbasiaha. 4I amangi agire tipa pagorõ efoda ni kpamiakpamia ha kuti angbaha ue. 5Na gu gire i atu he ni tatamana, nadu ti ni tipa vo ho na ni si adu wa sa na ni, ni mangimangi he wa kina ha, rogo dahabu, na gire ni gbaya ha, na gu du ngungungu, na gu du ni zamba ha, na tutu ndindii giri nzibi; a wa Yekova arugu Mose na ni.
6I ki mbakadi agu ambia nga oniki, si adu rogo ũzadahe yo ni dahabu, ki du na gbakigbaki he ti ni, i nigbaki wa marãido, na rimo awiri aYisaraere ti ni. 7Ko ki moi he ku auru gu gire du pagorõ efoda, si du ni ambia tingidapai fu awiri aYisaraere; a wa Yekova arugu Mose na ni.
8Ko ki mangi mangu ngbaduse ni sunge bangbasiaha, wa kina ga efoda, ni dahabu, na gire ni gbaya ha, na gu du ngungungu, na gu du ni zamba ha, na tutu ndindii giri nzibi. 9Si adu na bagiza pavuruhe biama wa sa; i amangi mangu ngbaduse ni minamina ha ue, bagizaha adu wa bazaraga awirinzaga bara sa, patihe adu wa bazaraga awirinzaga a bara sa, ho si adu ni ni minamina ha ue. 10I ki moi wene ambia ku auru he ti agenehe biama. Ti bambata genehe sadio nadu na topazo, na bareketa; 11ti ue genehe zumeradi ki du na safero, na yaroma; 12ti biata genehe yakino ki du na sebu, na amesute; 13ti biama genehe berure ki du, na oniki, na yasipi; i amoi he ku rogo ũzadahe ni ba sa sa ni dahabu. 14Agu ambia re adu 12 ni ringbisiringbisi he kuti rimo awiri aYisaraere; si adu wa marãido, i agbaki rimo ngbatunga ti ni ni ba sa sa wa du he 12. 15I ki mangi azogbo tipa mangu ngbaduse wa udiudi gire nga ndikidi dahabu; 16i ki mangi ũzadahe ue rogo dahabu, na abenge dahabu ue, ki moi agu abenge ue re ti pangba mangu ngbaduse ue; 17i ki moi gu udiudi giri azogbo dahabu ue re ti agu abenge ue nadu ti pangba mangu ngbaduse. 18I ki moi mburu gu udiudi azogbo ue re kuti agu aũzadahe ue re; ki tapa ha kuti agu agire du pagorõ efoda, ku barangba ha. 19I ki mangi abenge ue rogo dahabu, ki moi he ti amburu mangu ngbaduse ue, ti kina pangbaha nga gu nadu mbembedi na pavuru efoda ku vuru he yo. 20I ki mangi abenge rogo dahabu ue, ki moi he ti agire pagorõ efoda tii he yo, ku barangba ha, mbembedi na ku bazungaha yo, ku ri tutu giri efoda nga gu i atu he ni tatamana. 21I ki vo mangu ngbaduse na abengehe kuti abenge efoda ni gire du ni gbaya ha si du auru giri efoda nga gu i atu he ni tatamana, ya ka mangu ngbaduse aguari nga ti efoda ya; a wa Yekova arugu Mose na ni.
22Ko ki mangi gbanga roko efoda ni tutu gire ni gbaya ha; 23yaro gu roko re ku bebere he yo adu wa kina yaro rogo rokovura, ngba yaroho adu ni rungurungu he ya ka si síri nga ya. 24I ki mangi kpia zuzuhe wa andavu ti ngba gbanga roko na gire ni gbaya ha, na gu du ngungungu, na gu du ni zamba ha, na ndindii giri nzibi. 25I ki mangi anzorõ rogo ndikidi dahabu, ki moi he dagba andavu ti ngba gu gbanga roko re ku sende kirikiri, dagba andavu; 26nzorõ sa na dagba na ndavu a sa, nzorõ sa na dagba na ndavu a sa, ti ngba gu gbanga roko re ku sende kirikiri ka amanga pai rogo ho; a wa Yekova arugu Mose na ni.
27I ki mangi aroko kuari a ni ndindii giri nzibi ni tutu he tipa aArona na awiriko, 28na kaĩkaĩ rokori ni ndindii giri nzibi, na akutuku ni ndindii giri nzibi, na aroko sorondu ni tutu ndindii giri nzibi, 29na giri dimose ni tutu ndindii giri nzibi, na gire ni gbaya ha, na gu du ngungungu, na gu du ni zamba ha, ni gu sunge nga ga bangbasia kendega ahe; a wa Yekova arugu Mose na ni.
30I ki mangi kpasakpasa saani rogo ndikidi dahabu, tipa kparakpara ziazia kpakpari, ki gbaki pai ti ri he wa i nigbaki marãido, nga “KPARAKPARA HE ZIAZIA FU YEKOVA.” 31I ki kpira gire ni gbaya ha kuti ni ka vo ho kuti kaĩkaĩ rokori ba ri he, a wa Yekova arugu Mose na ni.
Banye dunduko anyasi
(Gate 35:10-19)
32Were i anyasi sunge banye nga ga bamburoko dungurati; awiri aYisaraere ki mangi he wa Yekova arugu Mose na ni dunduko; kina wo i amangi he. 33I ki ndu na banye koyo du Mose ni, gu bamburoko re, na aũhe dunduko, angorãha, agbaragaha, angbongboho, adangbaha, na anduhe; 34kpoto dadahe nangia kpoto abaakandoro nga gu i azamasi he azamasa, na gu ũdadahe nangia kpoto wa ga agbodi, na roko kparaba; 35sanduki dezirepai, na angbongboho, na bainapai; 36mbisa na aũhe dunduko, na kpokuta yugopai; 37baduawe ni ndikidi dahabu, na agu awe du kina rogo gu baha, na aũhe dunduko, na nzeme tipa we; 38gu bamotumo dahabu, na nzeme mbeda, na wene fuõngua, na asiasi roko kparaba tipa ngbadimo bamburoko, 39gu bamotumo sirigi na gaha piosirigi, angbongboho, na aũhe dunduko; kurungbu zundatise na andu mburuhe; 40asiasi aroko vurukporo, adangbaha, na anduhe, na asiasi roko kparaba tipa ngbadimo vurukporo, agirihe, na anerihe; na aũmanga sunge dunduko nangia ga banye, tipa bamburoko dungurati; 41gu wene tutu aroko tipa mangapai rogo kparakpara ziazia ba, na kparakpara ziazia aroko tipa Arona nangia boromotumo, na agu aroko nangia ga awiriko, ka amanga apai rogo pa ga aboromotumo sunge. 42A wa Yekova arugu Mose na ni dunduko, kina wo awiri aYisaraere amangi gu sunge re dunduko. 43Mose ki bi gu sunge re dunduko, mo ngére, i aima manga ha; a wa Yekova arugu paha, kina wo i amangi he. Were, Mose ki fu maku fu yo.
Právě zvoleno:
Gate 39: ZB1978
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
La Sainte Bible en Zande © Alliance Biblique Universelle, 1978.
Gate 39
39
Pa manga ga Aboromotumo aroko
(Gate 28:1-43)
1I amangi wene tutu aroko rogo gire ni gbaya ha, na gu du ngungungu, na gu du ni zamba ha, tipa manga apai rogo kparakpara ziazia ba; ki mangi kparakpara ziazia aroko tipa Arona; a wa Yekova arugu Mose na ni.
2Ko ki mangi efoda ni dahabu, na gire du ni gbaya ha, na gu du ngungungu, na gu du ni zamba ha, na tutu ndindii giri nzibi. 3I ki taki dahabu nzaranzara ki kafu he ku rogo agirihe, ka tu he na gu gire du ni gbaya ha, na gu du ngungungu, na gu du ni zamba ha na ndindii giri nzibi ni sunge bangbasiaha. 4I amangi agire tipa pagorõ efoda ni kpamiakpamia ha kuti angbaha ue. 5Na gu gire i atu he ni tatamana, nadu ti ni tipa vo ho na ni si adu wa sa na ni, ni mangimangi he wa kina ha, rogo dahabu, na gire ni gbaya ha, na gu du ngungungu, na gu du ni zamba ha, na tutu ndindii giri nzibi; a wa Yekova arugu Mose na ni.
6I ki mbakadi agu ambia nga oniki, si adu rogo ũzadahe yo ni dahabu, ki du na gbakigbaki he ti ni, i nigbaki wa marãido, na rimo awiri aYisaraere ti ni. 7Ko ki moi he ku auru gu gire du pagorõ efoda, si du ni ambia tingidapai fu awiri aYisaraere; a wa Yekova arugu Mose na ni.
8Ko ki mangi mangu ngbaduse ni sunge bangbasiaha, wa kina ga efoda, ni dahabu, na gire ni gbaya ha, na gu du ngungungu, na gu du ni zamba ha, na tutu ndindii giri nzibi. 9Si adu na bagiza pavuruhe biama wa sa; i amangi mangu ngbaduse ni minamina ha ue, bagizaha adu wa bazaraga awirinzaga bara sa, patihe adu wa bazaraga awirinzaga a bara sa, ho si adu ni ni minamina ha ue. 10I ki moi wene ambia ku auru he ti agenehe biama. Ti bambata genehe sadio nadu na topazo, na bareketa; 11ti ue genehe zumeradi ki du na safero, na yaroma; 12ti biata genehe yakino ki du na sebu, na amesute; 13ti biama genehe berure ki du, na oniki, na yasipi; i amoi he ku rogo ũzadahe ni ba sa sa ni dahabu. 14Agu ambia re adu 12 ni ringbisiringbisi he kuti rimo awiri aYisaraere; si adu wa marãido, i agbaki rimo ngbatunga ti ni ni ba sa sa wa du he 12. 15I ki mangi azogbo tipa mangu ngbaduse wa udiudi gire nga ndikidi dahabu; 16i ki mangi ũzadahe ue rogo dahabu, na abenge dahabu ue, ki moi agu abenge ue re ti pangba mangu ngbaduse ue; 17i ki moi gu udiudi giri azogbo dahabu ue re ti agu abenge ue nadu ti pangba mangu ngbaduse. 18I ki moi mburu gu udiudi azogbo ue re kuti agu aũzadahe ue re; ki tapa ha kuti agu agire du pagorõ efoda, ku barangba ha. 19I ki mangi abenge ue rogo dahabu, ki moi he ti amburu mangu ngbaduse ue, ti kina pangbaha nga gu nadu mbembedi na pavuru efoda ku vuru he yo. 20I ki mangi abenge rogo dahabu ue, ki moi he ti agire pagorõ efoda tii he yo, ku barangba ha, mbembedi na ku bazungaha yo, ku ri tutu giri efoda nga gu i atu he ni tatamana. 21I ki vo mangu ngbaduse na abengehe kuti abenge efoda ni gire du ni gbaya ha si du auru giri efoda nga gu i atu he ni tatamana, ya ka mangu ngbaduse aguari nga ti efoda ya; a wa Yekova arugu Mose na ni.
22Ko ki mangi gbanga roko efoda ni tutu gire ni gbaya ha; 23yaro gu roko re ku bebere he yo adu wa kina yaro rogo rokovura, ngba yaroho adu ni rungurungu he ya ka si síri nga ya. 24I ki mangi kpia zuzuhe wa andavu ti ngba gbanga roko na gire ni gbaya ha, na gu du ngungungu, na gu du ni zamba ha, na ndindii giri nzibi. 25I ki mangi anzorõ rogo ndikidi dahabu, ki moi he dagba andavu ti ngba gu gbanga roko re ku sende kirikiri, dagba andavu; 26nzorõ sa na dagba na ndavu a sa, nzorõ sa na dagba na ndavu a sa, ti ngba gu gbanga roko re ku sende kirikiri ka amanga pai rogo ho; a wa Yekova arugu Mose na ni.
27I ki mangi aroko kuari a ni ndindii giri nzibi ni tutu he tipa aArona na awiriko, 28na kaĩkaĩ rokori ni ndindii giri nzibi, na akutuku ni ndindii giri nzibi, na aroko sorondu ni tutu ndindii giri nzibi, 29na giri dimose ni tutu ndindii giri nzibi, na gire ni gbaya ha, na gu du ngungungu, na gu du ni zamba ha, ni gu sunge nga ga bangbasia kendega ahe; a wa Yekova arugu Mose na ni.
30I ki mangi kpasakpasa saani rogo ndikidi dahabu, tipa kparakpara ziazia kpakpari, ki gbaki pai ti ri he wa i nigbaki marãido, nga “KPARAKPARA HE ZIAZIA FU YEKOVA.” 31I ki kpira gire ni gbaya ha kuti ni ka vo ho kuti kaĩkaĩ rokori ba ri he, a wa Yekova arugu Mose na ni.
Banye dunduko anyasi
(Gate 35:10-19)
32Were i anyasi sunge banye nga ga bamburoko dungurati; awiri aYisaraere ki mangi he wa Yekova arugu Mose na ni dunduko; kina wo i amangi he. 33I ki ndu na banye koyo du Mose ni, gu bamburoko re, na aũhe dunduko, angorãha, agbaragaha, angbongboho, adangbaha, na anduhe; 34kpoto dadahe nangia kpoto abaakandoro nga gu i azamasi he azamasa, na gu ũdadahe nangia kpoto wa ga agbodi, na roko kparaba; 35sanduki dezirepai, na angbongboho, na bainapai; 36mbisa na aũhe dunduko, na kpokuta yugopai; 37baduawe ni ndikidi dahabu, na agu awe du kina rogo gu baha, na aũhe dunduko, na nzeme tipa we; 38gu bamotumo dahabu, na nzeme mbeda, na wene fuõngua, na asiasi roko kparaba tipa ngbadimo bamburoko, 39gu bamotumo sirigi na gaha piosirigi, angbongboho, na aũhe dunduko; kurungbu zundatise na andu mburuhe; 40asiasi aroko vurukporo, adangbaha, na anduhe, na asiasi roko kparaba tipa ngbadimo vurukporo, agirihe, na anerihe; na aũmanga sunge dunduko nangia ga banye, tipa bamburoko dungurati; 41gu wene tutu aroko tipa mangapai rogo kparakpara ziazia ba, na kparakpara ziazia aroko tipa Arona nangia boromotumo, na agu aroko nangia ga awiriko, ka amanga apai rogo pa ga aboromotumo sunge. 42A wa Yekova arugu Mose na ni dunduko, kina wo awiri aYisaraere amangi gu sunge re dunduko. 43Mose ki bi gu sunge re dunduko, mo ngére, i aima manga ha; a wa Yekova arugu paha, kina wo i amangi he. Were, Mose ki fu maku fu yo.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
La Sainte Bible en Zande © Alliance Biblique Universelle, 1978.