Jonás 2

Tayta Diosta Jonás mañakunqan

1 1 (2) Pescädupa pachanchö kaykarmi Tayta Diosta mañakur Jonás nirqan:

2 2 (3) <<Tayta Dios, pasaypa llakikur mañakamuptïmi wiyamarquyki.#2Sam. 22.7; Sal. 18.6; 120.1.

Wanunäpä kaykar qayakuptïmi salvamarquyki.

3 3 (4) Lamarman jitarpamaptikim pasaypa ruriman charqä.

Lamar yaku laqchikachar shamuqpis janäpam päsarqan.#Sal. 42.7; 88.3-7.

4 4 (5) Ñöpaykipita qarqamanqaykitam yarparqä.#Sal. 31.22.

Tsaynöllam yarparqä sagrädu templuykiman manana yaykunäpä kanqanta.

5 5 (6) Yaku pasaypa tsaparämaptinmi lamar rurinchö karqä.

Yaku rurinchö qewa wiñamuqpis umämanmi awrikarqan.

6 6 (7) Pasaypa ruriyaqmi charqä.#Sal. 69.2.

Mananam yarqamunäpä kanqanta yarparqänatsu.

Tayta Diosllä, wanunäpä kaykaptïmi salvamarquyki.#Sal. 30.3.

7 7 (8) Tayta Dios, wanunaykarnam qamman mañakamurqä.

Mañakamunqätam santu templuykipita wiyamarquyki.

8 8 (9) Ïdulukunata adoraqkunaqa Diospa kuyakuyninta wasqipäyanmi.

9 9 (10) Peru noqam sïqa llapan shonqüwan agradëcikur sacrificiukunata qampä rupatsishä.

Qamta awninqätaqa llapantam cumplishä.#Sal. 22.25.

Qamllam poderösu kanki pitapis salvanaykipä>>.

10 10 (11) Tsaymi Tayta Dios mandaptin Jonásta lamar kuchunman pescädu lanzaramurqan.

Právě zvoleno:

Jonás 2: qxo

Zvýraznění

Kopírovat

Porovnat

Sdílet

Chceš mít své zvýrazněné verše uložené na všech zařízeních? Zaregistruj se nebo se přihlas

Oblíbené biblické verše z
Jonás 2