Ínachoxü̃xü̃chiga 2
2
Moichéarü buxchiga
1Rü wüxi ga yatü ga Lebítanüxü̃ ixĩcü rü wüxi ga nge ga natanüxü̃tama ixĩcümaxã naxãxma̱x.
2Rü ngĩma ga yema ngecü rü nüxü̃́ ixãxacü, rü guxema ngĩxacü rü tayatü. Rü yexguma tüxü̃ nada̱u̱xgu ga guxema ngĩne ga nax tamexẽchixü̃, rü tomaepü̱x ga tauemacü tüxü̃ iyacu̱x.
3Natürü taxucürüwa yexü̃cürü tüxü̃ iyacúecha. Rü yemaca̱x inayaxu ga wüxi ga pexchi ga dexnenaxca̱x rü o̱xwümaxã inawacuchita nax tama dexá ixücuxü̃ca̱x. Rü ñu̱xũchi yexma tüxü̃ iyamue ga guxema ngĩne, rü dexnenecügu tüxü̃ iyangütaü̃xẽxẽ ga taxtü ga Nírupechinüwa.
4Rü yemawena ga tümaé rü wüxi ga tümaeya̱xü̃ imu nax yéma yáxü̃waxü̃ra tüxü̃ nadawenüxü̃ca̱x rü ta̱xacü tá tüxü̃ ngupetü ga guxema õxchana.
5Rü yixcüamaxü̃ra Faraóü̃acü rü iyarüxüe ga taxtüpechinüwa nax yaxaiyaxü̃ca̱x. Rü ngĩxü̃taxü̃gümaxã yexma taxtüpechinügu iyarüxũ, rü yéma dexnenecüwa nüxü̃ idau ga gumá pexchi ga yexma ngücü. Rü ngĩma ga Faraóü̃acü rü wüxi ga ngĩxü̃taxü̃xü̃ imu ga nax yayauxãxü̃ca̱x ga gumá pexchi rü ngĩxü̃tawa nax nangeaxü̃ca̱x.
6Rü yexguma ínangegüã̱xgu ga gumá pexchi, rü yexma tüxü̃ iyangau ga wüxi ga õxchana ga axúe. Rü ngĩma ga Faraóü̃acü rü poraãcü ngĩxü̃́ tangechaü̃tümüxü̃, rü ngĩgürügü: —Ñaa õxchana rü wüxi i Iraétanüxü̃acü nixĩ —ngĩgürügü.
7Rü yexguma ga tümaeya̱x ga guxema õxchana, rü Faraóü̃acüna ica rü ngĩgürügü: —¿Namexü̃ chi wüxi i ngexü̃ i Iraétanüxü̃ i ãgüneníü̃xü̃ca̱x chacaxgu nax tüxü̃ nama̱i̱xü̃ca̱x rü tüxü̃ nayaxẽẽxü̃ca̱x ya daxe õxchana? —ngĩgürügü.
8Rü yexguma ga ngĩma ga Faraóü̃acü rü ngĩxü̃ ingãxü̃ rü ngĩgürügü: —¡Ẽcü, tayadau! —ngĩgürügü. Rü yexguma ga yema bucü rü tümaéxü̃ iyaga ga guxema õxchana.
9Rü ngĩma ga Faraóü̃acü rü ngĩgürügü ngĩxü̃: —¡Ẽcü cugüxü̃tawa naga i ñaa õxchana rü choxü̃́ nayaxẽxẽ! Rü choma rü tá cuxü̃́ chanaxütanü naxca̱x i ngẽma curü puracü —ngĩgürügü. Rü ngĩma ga tümaé rü tüxü̃ iyaga rü tüxü̃ iyaxẽxẽ.
10Rü yexguma marü tayaxüragu, rü Faraóü̃acüna tüxü̃ imu. Rü ngĩma rü ngĩnexü̃ tüxü̃ iyaxĩxẽxẽ. Rü Moichégu tüxü̃ ixüéga rü ngẽma naéga rü “dexáwa chayaxuxü̃”, ñaxü̃chiga nixĩ.
Equítuanewa nixũ ga Moiché
11Rü yexguma marü naya̱xgu ga Moiché, rü wüxi ga ngunexü̃ rü natanüxü̃wa ínayadau. Rü yéma nüxü̃ nadau ga ñuxãcü poraãcü chixri natanüxü̃xü̃ namuxü̃ ga Equítuanecüã̱xgü. Rü yexgumatama nüxü̃ nadau ga wüxi ga Equítuanecüã̱x nax wüxi ga Iraétanüxü̃na nax nacua̱i̱xcaãxü̃.
12Rü nüma ga Moiché rü nanadauáane. Rü yexguma marü taxuxü̃ma ga duü̃xü̃xü̃ nada̱u̱xgu, rü yema Equítuanecüã̱xü̃ nima̱x, rü naxnecüte̱xegu inanata̱x ga naxü̃ne.
13Rü moxü̃ãcü rü wenaxarü ínaxũxũ, rü natanüxü̃wa ínayadau. Rü nüxü̃ nadau ga taxre ga Iraétanüxü̃ ga nügü ida̱i̱xü̃. Rü yexguma ga Moiché rü yema namücüxü̃ imáxü̃na naca, rü ñanagürü: —¿Tü̱xcüü̃ cuyama̱x i ngẽma cutanüxü̃tama ixĩxü̃? —ñanagürü.
14Rü nüma ga yema Iraétanüxü̃ rü nanangãxü̃ rü ñanagürü: —¿Texé cuxü̃ tamu nax cuma rü torü ãẽ̱xgacü i guxchaxü̃arü mexẽẽruxü̃ quixĩxü̃ca̱x? ¿Ẽ̱xna cuma nagu curüxĩnügu rü choxü̃ rü tá ta quimáxü̃ ga yema Equítuanecüã̱x ga ĩnex quimáxü̃rüxü̃? —ñanagürü. Rü yexguma yemaxü̃ naxĩnügu ga Moiché, rü namuü̃, yerü marü nüxü̃ nacua̱xgüama ga duü̃xü̃gü ga nax yema Equítuanecüã̱xü̃ yamáxü̃.
15Rü yexguma Faraóü̃ nüxü̃ cua̱xgu ga Moiché rü wüxi ga Equítuanecüã̱xü̃ nax yamáxü̃, rü norü churaragüxü̃ namu nax Moichéca̱x yadaugüxü̃ca̱x nax yama̱xgüãxü̃ca̱x. Natürü ga nüma ga Moiché rü Madiáü̃anewa naña nax yexma yaxãchiü̃xü̃ca̱x. Rü yéma wüxi ga puchuarü ngaixcamana nayarüto.
16Rü Reué ga Madiáü̃arü chacherdóte rü 7 iyixĩ ga naxacü. Rü yema ngunexü̃gu rü ngĩmagü rü yema puchuwa dexáwa ixĩ nax yaxüãcugüãxü̃ca̱x ga yema axepáxü̃gü rü yemaacü nax yaxaxexẽẽgüãxü̃ca̱x ga ngĩnatüarü carnérugü.
17Natürü ñuxre ga carnérugüarü dauruü̃gü rü yéma nangugü rü yéma ngĩxü̃ ínawoxü̃. Rü yexguma ga Moiché rü inachi nax ngĩétüwa yanadexaxü̃ca̱x, rü ñu̱xũchi nayaxaxexẽẽgü ga yema carnérugü.
18Rü yexguma ngĩnatüpataca̱x nawoegugu ga yema pacügü, rü ngĩxna naca ga ngĩnatü rü ñanagürü: —¿Ñuxãcü i ñu̱xma i paxãma pewoeguxü̃? —ñanagürü.
19Rü ngĩnatüxü̃ ingãxü̃gagü rü ngĩgürügügü: —Wüxi i Equítuanecüã̱x rü carnérugüarü dauruü̃güme̱xẽwa toxü̃ ínapoxü̃, rü ñu̱xũchi dexá toxü̃́ ta nayaxu, rü nayaxaxexẽẽgü i ngẽma carnérugü —ngĩgürügügü.
20Rü ngĩnatü ga Reué rü ngĩxna naca rü ñanagürü: —¿Rü ngexü̃ nixĩ i ngẽma yatü? ¿Rü tü̱xcüü̃ nüxica ngéma penata̱x? ¡Ngéma pexĩ rü naxca̱x peyaca̱x nax nua yachibüxü̃ca̱x! —ñanagürü.
21Rü yemaacü ga Moiché rü Madiáü̃arü chacherdóte ga Reuépatawa nangu, rü yexma naxãchiü̃. Rü nüma ga Reué rü nanaxüxma̱x naxacü ga Chéforamaxã.
22Rü ngĩma ga naxma̱x ga Chéfora rü nüxü̃́ ixãxacü. Rü nüma ga Moiché rü Guerchóü̃gu nanaxüéga ga gumá nane. Rü ngẽma naéga rü: “Choma rü tama númacüã̱x chixĩ”, ñaxü̃chiga nixĩ.
23-24Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃.
25Rü Tupana nüxü̃ nadau ga ñuxãcü ngúxü̃ nax yangegüxü̃ ga yema Iraétanüxü̃, rü yemaca̱x nüxü̃́ nangechaxü̃tüxmüxü̃.
Právě zvoleno:
Ínachoxü̃xü̃chiga 2: tcaP
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022, Wycliffe Bible Translators, Inc. All rights reserved.
Ínachoxü̃xü̃chiga 2
2
Moichéarü buxchiga
1Rü wüxi ga yatü ga Lebítanüxü̃ ixĩcü rü wüxi ga nge ga natanüxü̃tama ixĩcümaxã naxãxma̱x.
2Rü ngĩma ga yema ngecü rü nüxü̃́ ixãxacü, rü guxema ngĩxacü rü tayatü. Rü yexguma tüxü̃ nada̱u̱xgu ga guxema ngĩne ga nax tamexẽchixü̃, rü tomaepü̱x ga tauemacü tüxü̃ iyacu̱x.
3Natürü taxucürüwa yexü̃cürü tüxü̃ iyacúecha. Rü yemaca̱x inayaxu ga wüxi ga pexchi ga dexnenaxca̱x rü o̱xwümaxã inawacuchita nax tama dexá ixücuxü̃ca̱x. Rü ñu̱xũchi yexma tüxü̃ iyamue ga guxema ngĩne, rü dexnenecügu tüxü̃ iyangütaü̃xẽxẽ ga taxtü ga Nírupechinüwa.
4Rü yemawena ga tümaé rü wüxi ga tümaeya̱xü̃ imu nax yéma yáxü̃waxü̃ra tüxü̃ nadawenüxü̃ca̱x rü ta̱xacü tá tüxü̃ ngupetü ga guxema õxchana.
5Rü yixcüamaxü̃ra Faraóü̃acü rü iyarüxüe ga taxtüpechinüwa nax yaxaiyaxü̃ca̱x. Rü ngĩxü̃taxü̃gümaxã yexma taxtüpechinügu iyarüxũ, rü yéma dexnenecüwa nüxü̃ idau ga gumá pexchi ga yexma ngücü. Rü ngĩma ga Faraóü̃acü rü wüxi ga ngĩxü̃taxü̃xü̃ imu ga nax yayauxãxü̃ca̱x ga gumá pexchi rü ngĩxü̃tawa nax nangeaxü̃ca̱x.
6Rü yexguma ínangegüã̱xgu ga gumá pexchi, rü yexma tüxü̃ iyangau ga wüxi ga õxchana ga axúe. Rü ngĩma ga Faraóü̃acü rü poraãcü ngĩxü̃́ tangechaü̃tümüxü̃, rü ngĩgürügü: —Ñaa õxchana rü wüxi i Iraétanüxü̃acü nixĩ —ngĩgürügü.
7Rü yexguma ga tümaeya̱x ga guxema õxchana, rü Faraóü̃acüna ica rü ngĩgürügü: —¿Namexü̃ chi wüxi i ngexü̃ i Iraétanüxü̃ i ãgüneníü̃xü̃ca̱x chacaxgu nax tüxü̃ nama̱i̱xü̃ca̱x rü tüxü̃ nayaxẽẽxü̃ca̱x ya daxe õxchana? —ngĩgürügü.
8Rü yexguma ga ngĩma ga Faraóü̃acü rü ngĩxü̃ ingãxü̃ rü ngĩgürügü: —¡Ẽcü, tayadau! —ngĩgürügü. Rü yexguma ga yema bucü rü tümaéxü̃ iyaga ga guxema õxchana.
9Rü ngĩma ga Faraóü̃acü rü ngĩgürügü ngĩxü̃: —¡Ẽcü cugüxü̃tawa naga i ñaa õxchana rü choxü̃́ nayaxẽxẽ! Rü choma rü tá cuxü̃́ chanaxütanü naxca̱x i ngẽma curü puracü —ngĩgürügü. Rü ngĩma ga tümaé rü tüxü̃ iyaga rü tüxü̃ iyaxẽxẽ.
10Rü yexguma marü tayaxüragu, rü Faraóü̃acüna tüxü̃ imu. Rü ngĩma rü ngĩnexü̃ tüxü̃ iyaxĩxẽxẽ. Rü Moichégu tüxü̃ ixüéga rü ngẽma naéga rü “dexáwa chayaxuxü̃”, ñaxü̃chiga nixĩ.
Equítuanewa nixũ ga Moiché
11Rü yexguma marü naya̱xgu ga Moiché, rü wüxi ga ngunexü̃ rü natanüxü̃wa ínayadau. Rü yéma nüxü̃ nadau ga ñuxãcü poraãcü chixri natanüxü̃xü̃ namuxü̃ ga Equítuanecüã̱xgü. Rü yexgumatama nüxü̃ nadau ga wüxi ga Equítuanecüã̱x nax wüxi ga Iraétanüxü̃na nax nacua̱i̱xcaãxü̃.
12Rü nüma ga Moiché rü nanadauáane. Rü yexguma marü taxuxü̃ma ga duü̃xü̃xü̃ nada̱u̱xgu, rü yema Equítuanecüã̱xü̃ nima̱x, rü naxnecüte̱xegu inanata̱x ga naxü̃ne.
13Rü moxü̃ãcü rü wenaxarü ínaxũxũ, rü natanüxü̃wa ínayadau. Rü nüxü̃ nadau ga taxre ga Iraétanüxü̃ ga nügü ida̱i̱xü̃. Rü yexguma ga Moiché rü yema namücüxü̃ imáxü̃na naca, rü ñanagürü: —¿Tü̱xcüü̃ cuyama̱x i ngẽma cutanüxü̃tama ixĩxü̃? —ñanagürü.
14Rü nüma ga yema Iraétanüxü̃ rü nanangãxü̃ rü ñanagürü: —¿Texé cuxü̃ tamu nax cuma rü torü ãẽ̱xgacü i guxchaxü̃arü mexẽẽruxü̃ quixĩxü̃ca̱x? ¿Ẽ̱xna cuma nagu curüxĩnügu rü choxü̃ rü tá ta quimáxü̃ ga yema Equítuanecüã̱x ga ĩnex quimáxü̃rüxü̃? —ñanagürü. Rü yexguma yemaxü̃ naxĩnügu ga Moiché, rü namuü̃, yerü marü nüxü̃ nacua̱xgüama ga duü̃xü̃gü ga nax yema Equítuanecüã̱xü̃ yamáxü̃.
15Rü yexguma Faraóü̃ nüxü̃ cua̱xgu ga Moiché rü wüxi ga Equítuanecüã̱xü̃ nax yamáxü̃, rü norü churaragüxü̃ namu nax Moichéca̱x yadaugüxü̃ca̱x nax yama̱xgüãxü̃ca̱x. Natürü ga nüma ga Moiché rü Madiáü̃anewa naña nax yexma yaxãchiü̃xü̃ca̱x. Rü yéma wüxi ga puchuarü ngaixcamana nayarüto.
16Rü Reué ga Madiáü̃arü chacherdóte rü 7 iyixĩ ga naxacü. Rü yema ngunexü̃gu rü ngĩmagü rü yema puchuwa dexáwa ixĩ nax yaxüãcugüãxü̃ca̱x ga yema axepáxü̃gü rü yemaacü nax yaxaxexẽẽgüãxü̃ca̱x ga ngĩnatüarü carnérugü.
17Natürü ñuxre ga carnérugüarü dauruü̃gü rü yéma nangugü rü yéma ngĩxü̃ ínawoxü̃. Rü yexguma ga Moiché rü inachi nax ngĩétüwa yanadexaxü̃ca̱x, rü ñu̱xũchi nayaxaxexẽẽgü ga yema carnérugü.
18Rü yexguma ngĩnatüpataca̱x nawoegugu ga yema pacügü, rü ngĩxna naca ga ngĩnatü rü ñanagürü: —¿Ñuxãcü i ñu̱xma i paxãma pewoeguxü̃? —ñanagürü.
19Rü ngĩnatüxü̃ ingãxü̃gagü rü ngĩgürügügü: —Wüxi i Equítuanecüã̱x rü carnérugüarü dauruü̃güme̱xẽwa toxü̃ ínapoxü̃, rü ñu̱xũchi dexá toxü̃́ ta nayaxu, rü nayaxaxexẽẽgü i ngẽma carnérugü —ngĩgürügügü.
20Rü ngĩnatü ga Reué rü ngĩxna naca rü ñanagürü: —¿Rü ngexü̃ nixĩ i ngẽma yatü? ¿Rü tü̱xcüü̃ nüxica ngéma penata̱x? ¡Ngéma pexĩ rü naxca̱x peyaca̱x nax nua yachibüxü̃ca̱x! —ñanagürü.
21Rü yemaacü ga Moiché rü Madiáü̃arü chacherdóte ga Reuépatawa nangu, rü yexma naxãchiü̃. Rü nüma ga Reué rü nanaxüxma̱x naxacü ga Chéforamaxã.
22Rü ngĩma ga naxma̱x ga Chéfora rü nüxü̃́ ixãxacü. Rü nüma ga Moiché rü Guerchóü̃gu nanaxüéga ga gumá nane. Rü ngẽma naéga rü: “Choma rü tama númacüã̱x chixĩ”, ñaxü̃chiga nixĩ.
23-24Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃.
25Rü Tupana nüxü̃ nadau ga ñuxãcü ngúxü̃ nax yangegüxü̃ ga yema Iraétanüxü̃, rü yemaca̱x nüxü̃́ nangechaxü̃tüxmüxü̃.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022, Wycliffe Bible Translators, Inc. All rights reserved.