Salmos 87
87
1Nuzóëʼ Dios xilibi zöʼö que yödzö queëʼ lu guíʼa láʼayi.
2Nadxíʼirönëʼ Xanruʼ lataj ga naʼ tuʼchiʼa tuʼsörö́ bönachi Sión
ca nadxíʼinëʼ iaʼzícaʼrö lataj gapa nacuáʼ bönachi Israel.
3Zián le lachi taʼnná bönachi ca naca
yödz naʼ nequi queëʼ Dios.
4Cateʼ ulidzaʼ bönachi núnbëʼgaca nedaʼ, Dios,
ulidzaʼ bönachi nnítaʼgaca Egipto, en Babilonia.
Ca naca quégaca bönachi Filistea, en Tiro, en Etiopía
inníaʼ nabábagaca yödzö láʼayi naʼ.
5Cateʼ guʼa didzaʼ que yödzö Sión inníaʼ:
Bönachi ni, en bönachi izáʼa ni nabábagaca le,
ateʼ nedaʼ, Dios nayë́pisëtërëʼ, uzóaʼ tsutsu yödzö naʼ.
6Cateʼ ulabëʼ Xanruʼ nupa nácagaca queëʼ innë́ʼ:
“Bönniʼ ni nababëʼ yödzö quiaʼ.”
7Níʼirö iluíʼi didzaʼ nupa tul-la, en nupa tuʼcödxi gui, ilaʼná:
“Ruzíʼituʼ xibé tuzi yödzö ni.”
Právě zvoleno:
Salmos 87: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.