Salmos 124
124
1“Laʼtuʼ cabí gúcalenëʼ Xanruʼ rëʼu”,
ral-laʼ ilaʼnná bönachi Israel:
2“Laʼtuʼ cabí gúcalenëʼ Xanruʼ rëʼu
cateʼ nupa bitiʼ taʼléʼe rëʼu dxiʼa gulaʼdíl-lalen rëʼu,
3laʼ gulútitë rëʼu
tuʼ gulaʼlédeʼe rëʼu.
4Guca queë́ruʼ ca laʼ usubágaʼtë rëʼu nisa,
en laʼ uchícjatëruʼ lu nisa naʼ.
5Laʼ uchícjatëruʼ tu lu nisa zila.”
6¡Bicaʼ láʼayi Xanruʼ Dios
tuʼ cabí biʼë lataj nupa bitiʼ taʼléʼe rëʼu dxiʼa uluʼsuniti rëʼu!
7Bularuʼ ca rulabaʼ biguínnidoʼ tu lu le zön lëbaʼ.
Narözaʼ du yalaj, ateʼ nuláruʼ.
8Le rácalen rëʼu zaʼ lu nëʼë Xanruʼ Dios.
Lëʼ benëʼ lúzxiba, en lu yu.
Právě zvoleno:
Salmos 124: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.