Salmos 122
122
1Budzéjadaʼ cateʼ gulë́ bönachi nedaʼ, gulaʼnná:
“Uyeajruʼ yuʼu lidxëʼ Xanruʼ Dios.”
2Naʼa zuíruʼ ni
ga nu riyaza yödzö Jerusalén.
3Dxíʼadoʼ gulunëʼ yödzö Jerusalén,
ateʼ naca lachi, en tuz ca röjlö́zgaca yuʼu zxön que.
4Taʼyaza yuguʼ cöʼ bönachi queëʼ Xanruʼ ga ni
ca naʼ nusédinëʼ Dios bönachi Israel,
para ilaʼgúʼu yöl-laʼ ba Xanruʼ Dios.
5Taʼbö́ʼ nupa tuʼchiʼa tuʼsörö́ queëruʼ ga ni,
ga taʼbö́ʼ taʼnná bëʼ zxíʼini xiʼsóëʼ David.
6Guliʼnábinëʼ Dios gunëʼ ga gaca dxiʼa que Jerusalén,
en ga uluʼzíʼ xibé nupa taʼdxíʼi yödzö ni yöl-laʼ tsahuiʼ.
7Dios gunëʼ ga ilaʼböza dxiʼa tsáhuiʼdoʼ nupa nacuáʼ yödzö ni,
en ga uluʼzíʼ xibé nupa taʼnná bëʼ yöl-laʼ tsahuiʼ.
8Tuʼ nadxíʼidaʼ yuguʼ bö́chaʼa, en yuguʼ böchiʼ luzáʼa,
rnníaʼ: “Gaca yöl-laʼ riböza dxi ladxiʼ lu yödzö ni.”
9Tuʼ nadxíʼidaʼ lidxëʼ Xanruʼ Dios,
rinábidaʼ-nëʼ gunëʼ ga gaca dxiʼa que yödzö ni.
Právě zvoleno:
Salmos 122: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.