Salmos 120
120
1Cateʼ gudíʼi guzxácaʼa bulidzaʼ-nëʼ Xanruʼ,
ateʼ Lëʼ bubiʼë didzaʼ.
2Busölá böʼ naca cazaʼ, Xan, lu naʼ nu rizíʼ yëʼ,
en lu naʼ nu bitiʼ run ca gunná caz.
3¿Bizxi gunëʼ quiuʼ Dios, en bizxi ubiʼë quiuʼ, liʼ naʼ rizíʼ yëʼu?
4Ichizëʼ liʼ yuguʼ yaga lahui tuchiʼ que nu reaj gudil-la,
en cuʼë icjuʼ boʼ yalaj que yaʼ yö́ridoʼ.
5Bicaʼ bayechiʼ nedaʼ tuʼ zóasaʼ yödzö Mesec,
en zoaʼ tu lu yuʼu guídi quégaca bönachi Cedar.
6Xidzélëʼë chiguzóa böʼ naca cazaʼ
len nupa tuʼsuniti yöl-laʼ riböza dxiʼa tsáhuiʼdoʼ.
7Rë́ʼëndaʼ cözaʼ dxiʼa tsáhuiʼdoʼ, pero cateʼ ruáʼa didzaʼ
të́ʼënnëʼ ilaʼdíl-lalen nedaʼ.
Právě zvoleno:
Salmos 120: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.