Salmos 110
110
1Xanruʼ Dios gudxëʼ Xanaʼ: “Guröʼi cuita lëʼa ibëla
cateʼ gunraʼ ga uluʼzechu zxíbigaca loʼ
nupa bitiʼ taʼléʼe Liʼ dxiʼa.”
2Ga zoëʼ yödzö Sión gusö́l-lëʼë Xanruʼ yöl-laʼ unná bëʼ quiuʼ,
gunnë́ʼ: “Gunná beʼe nupa bitiʼ taʼléʼe Liʼ dxiʼa.
3Uluʼdödi cuínguequi lu noʼo bönachi quiuʼ
cateʼ siʼu yöl-laʼ unná bëʼ quiuʼ
tuʼ napuʼ yöl-laʼ lachi que le naca láʼayi.”
Ilaʼcuáʼ biʼi bönniʼ ga zuʼ ca ribö́ʼö buzén zíladoʼ.
4Runëʼ tsutsu xtídzëʼë Xanruʼ, en bitiʼ utsë́ʼë le, rnnëʼ:
“Tsaz nacuʼ bixúz ca naʼ gúquiëʼ Melquisedec bixúz.”
5Zoa cazëʼ Xanruʼ cuita lëʼu ibëla.
Ucul-lëʼ bönniʼ taʼnná bëʼë cateʼ idxín dza usiúdxëʼ luyú.
6Uchiʼa usörö́ëʼ quégaca bönachi yúguʼtë yödzö izáʼa,
ateʼ ilí yödzölió len bëlaʼ rön quéguequi.
Uzötjëʼ nupa taʼnná bëʼ zián lu yödzö izáʼa.
7Guíʼjëʼ nisa beaj raʼ nöza,
en niʼa que lë ni huöáca ládxëʼë.
Právě zvoleno:
Salmos 110: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.