ରୋମୀୟ ରୋମୀୟ ବଇ ବିଷୟ୍ତେ ଅଣ୍ଡୟ୍ ପଦ୍
ରୋମୀୟ ବଇ ବିଷୟ୍ତେ ଅଣ୍ଡୟ୍ ପଦ୍
ରୋମୀୟ ବଇ ଆଦୁତ୍ ପ୍ରେରିତ୍ ପାଉଲ୍ନ୍ ତଡ଼୍ ସମ୍ୱାବନା ୫୪ ତାଗାଙ୍କ୍ ୫୮ କ୍ରିଷ୍ଟାଦ୍ଦତେ ଲୋପେ କ୍ରିଷ୍ଟନ୍ ଜନମ୍ ପେର୍କେ ଲେକା ଆସ୍ମାତ୍ତେ । ପାଉଲ୍ ରୋମ୍ତାଗ୍ ଆଦାନ୍ ମୁନେଙ୍କେ ରେଣ୍ଡ୍ ଯହୁଦୀ ନୁ ଅଣଯିହୁଦୀ କ୍ରିଷ୍ଟିୟାନ୍ ନାରୁଡ଼୍କ୍ ନିର୍ଦ୍ଦେଶ୍ ଇଦାନଙ୍କ୍ ଇଦ୍ ଚିଟି ଲେକିମାତ୍ତଣ୍ଡ୍ । ସାର୍ରେତଡ଼୍ ବେଲା ଜିସୁ କ୍ରିଷ୍ଟଙ୍କ୍ ବିଶ୍ୱାସ୍ ନୁ ମାନ୍ୟ ମାଡ଼ିତଡ଼୍ ୧୬:୨୬ ଅଦିନ୍ ସେଙ୍ଗେ ଅଣ୍ଡ୍ କରିନ୍ଥି ଟାୱୁନ୍ତାଗ୍ ମାନ୍ଦାନ୍ୱେଲେ ରୋମୀୟ କ୍ରିଷ୍ଟିୟାନ୍ ନାରୁଡ଼୍କ୍ ଆଦେଶ୍ ଇଦାନ୍ ସେଙ୍ଗେ ଇଦ୍ ଚିଟି ଲେକିମାତ୍ତଣ୍ଡ୍ ।
ସାର୍ରେ ଜାଗାତାଗ୍ ସାର୍ରେ କ୍ରିଷ୍ଟିୟାନ୍ ନାରୁଡ଼୍ ସେଙ୍ଗେ ରୋମୀୟ ବଇ ଆଦୁତ୍ ଅଣ୍ଡୟ୍ ଗୁରୁତ୍ୱପୂର୍ଣ୍ଣ ବଇ, ବାତେଙ୍କ୍ଇତ୍କେ ମାନାଡ଼୍ ବେଲା ଜିସୁ କ୍ରିଷ୍ଟନ୍ ତଡ଼୍ ମୁକ୍ତି ପାଏମ୍ ଆଦେପାର୍ଦ୍ତାଡ଼୍ ପାଉଲ୍ ଗାଟି ସାୟେ ନୁ ଲେକେତ୍ ବୁଜା ମାଡ଼୍ତଣ୍ଡ୍ । ପାଉଲ୍ ପାଃନ୍ତେ ନିୟମ୍ତିଙ୍କ୍ ମିକା ଜିସୁ କ୍ରିଷ୍ଟନ୍ ସୁସମାଚାର୍ ତଡ଼୍ କାଲ୍ପିତଣ୍ଡ୍ । ବଇତ୍ ୧:୧୬ ପଦତିଙ୍କ୍ ଅସ୍ ନାର୍ଗେ ପଣ୍ଡିତ୍ ନାରୁଡ଼୍ ଯୁକ୍ତି ମାଡ଼ି କେତିତଡ଼୍ ଯେ, ଇଦ୍ ଗୁରୁତ୍ୱପୂର୍ଣ୍ଣ ନାଡ଼େମେତେ ଜାଗେ । ବାତ୍ ଇଗେ କେତାନଙ୍କ୍ ଆଦ୍ତେ, “ନାନ୍ ସୁସମାଚାର୍ ସେଙ୍ଗେ ସିଗ୍ ଆୟନ୍ ବାତେଙ୍କ୍ଇତ୍କେ ବେନଡ଼୍ ବିଶ୍ୱାସ୍ ମାଡ଼ିତଡ଼୍, ସାର୍ରେତଡ଼୍ ସେଙ୍ଗେ ଇଦ୍ ଇଶ୍ୱର୍ତେ ଶକ୍ତି । ମୁନେନ୍ ଯିହୁଦୀ ତାନ୍ପେର୍କେ ଅଣଯିହୁଦୀ ନାରୁଡ଼୍ ସେଙ୍ଗେ ଗାଲା ।” ମୁନେତ୍ ଦୁଡ଼େ ୧–୧୨ ଗାଟି ପାରମାର୍ତକ ନୁ ଦ୍ୱିତୀୟ୍ ଦୁଡ଼େ ୧୩–୧୫ କ୍ରିଷ୍ଟିୟ ଜିୱୁଣ୍ଡ୍ତାଗ୍ ନାର୍ଗେ ବ୍ୟବହାର୍ ନିର୍ଦ୍ଦେଶନା ।
ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ
୧. ପାଉଲ୍ ସାଦାରଣତ ନିଜର୍ ପରିଚୟ୍ ଇସ୍, ବେନଙ୍କ୍ ଚିଟି ଲେକିତଣ୍ଡ୍ ଆଦ୍ କେସ୍ ଚିଟି ଆରାମ୍ ମାଡ଼ିତଣ୍ଡ୍ । ୧:୧-୧୫
୨. ନାରୁଣ୍ଡ୍ ଜାତିତ୍ ରାଜ୍ୟ ନୁ ଜିସୁ କ୍ରିଷ୍ଟନ୍ ତଡ଼୍ ମୁକ୍ତି ସମ୍ଭବ୍ । ୧:୧୬–୧୧:୩୬
୩. କ୍ରିଷ୍ଟିୟାନ୍ ଜିୱୁଣ୍ଡ୍ ବାଦ୍କାନ୍ ସେଙ୍ଗେ ପାଉଲ୍ତେ ନାର୍ଗେ ବ୍ୟବହାର୍ ନିର୍ଦ୍ଦେଶନା । ୧୨:୧–୧୫:୧୩
୪. ଅଣ୍ଡ୍ ରୋମୀୟ ମଣ୍ଡଲିତେ ନାରୁଡ଼୍କିଙ୍କ୍ ଗାଟି ନମସ୍କାର୍ ମାଡ଼ି ଲେକା ତେର୍ସ୍ପିତଣ୍ଡ୍ । ୧୬
Právě zvoleno:
ରୋମୀୟ ରୋମୀୟ ବଇ ବିଷୟ୍ତେ ଅଣ୍ଡୟ୍ ପଦ୍: Kaa25
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
The Koya Bible © The Word for the World International and Koya Translation Samithi, Malkangiri, Odisha 2025