YONA 2

Ogosaba kwa Yona

1Ekero Yona arenge ime ase enda y’enswe eria, agasaba Omonene, Nyasae oye, agateba,

2“Ekero narenge ase emechando,

nigo nasabete Omonene, na ere akang’iraneria.

Korwa ime ase enda y’aase abakure nigo narerete,

aye Omonene okaigwa eriogi riane.

3Aye nigo kwandutete gochia ase chindiba,

inse kegima y’enyancha,

ne chiooro chi’enyancha chiang’etananire.

Na emerindo yao yonsi ekaimokerera igoro egantuba.

4Ase ayio inche nkarengereria ng’a natugutirwe korwa ase obosio bwao,

korende nindigererie naende gochia ase Hekalu yao Enchenu.

5Nigo narimerete ase amache ime,

na endiba ekang’etanana,

enderema ya nyancha ekaranderera omotwe one.

6Nigo narimerete ngaika inse kegima y’ebitunwa,

ase ense eria emekorogoto yaye yansiekerete goika kare na kare.

Nonya naboigo, aye Omonene, Nyasae one,

nigo kwandusetie ase embeera inde moyo.

7Ekero omoyo one ogiregete ime yane,

nigo nakoinyorete aye Omonene,

na ogosaba kwane gokagoikera agwo ase Hekalu yao Enchenu.

8Abanto abwo bakoonchokera emegwekano egosasimwa ere bosa,

abwo nigo bagweatanana korwa ase Oyore Amabera abo.

9Korende inche nindue ekeng’wanso gi’okogoakera ng’a mbuya mono,

eki nariete eira ng’a ninkerue, ing’ikeranie.

Ogotooreka nigo gokorwa ase Omonene!”

10Erio Omonene agakwana nenswe eria, akayechika; ero ekaroka Yona, ekamobeka ase engegu.

Právě zvoleno:

YONA 2: EKEGUSIIBBLE

Zvýraznění

Kopírovat

Porovnat

Sdílet

Chceš mít své zvýrazněné verše uložené na všech zařízeních? Zaregistruj se nebo se přihlas

Oblíbené biblické verše z
YONA 2