HOSEA 14
14
Hosea ogosorora Abaisraeli
1Inwe Abaisraeli, irana ase Omonene Nyasae oino, ekiagera ebibe biaino nabio biabagochire na kobaiyeria. 2Irana ase Omonene, momotebie amang’ana aya: “Toruserie obobe bwaito bwonsi obwo twakorire, bwanchere ayare amaya, naintwe torue asore ogotogia kw’ebikoba biaito konga buna okoruegwa kw’ebing’wanso bie chieri. 3Abaasuri tibakonyara gototooria; titokoriina chibarasi gose titokogenderera koroka emeremo y’amaboko aito Nyasae oito. Aye Omonene nigo okoorokia amabera ase oyore entakana.”
Omonene okoriera Abaisraeli eira y’okobanyorera obogima oboyia
4“Ningwenie abwo batigire obwegenwa bwabo.
Nimbanche nenkoro yane yonsi,
ekiagera endamwamu yane yabatigire.
5Nimbe buna riime ase Abaisraeli,
na barabwo mbasiche buna ebisicha ebiya,
mbakinie emeri buna emete ya Lebanoni.
6Ebisebo biabo mbirande, na obwari bwabo nabobe buna obw’emezeituni,
ne rimisu riabo ndiesiarere buna eri’emete ya Lebanoni.
7Abwo baramenye inse ase ekiriri kiabo bairane,
bagenderere koreereta buna ebimeri bia mogondo mbasiche,
na obonene bwabo bobe buna obw’emesabibu ya Lebanoni.
8Inwe Abaefraimu, naki ngokora nemegwekano yaino mogosasima?
Ninche omonyene naigure ogosaba kwaino inwe Abaefraimu, nimbairanerie,
naende ninche mbarendete.
Inche nigo inde buna omotarakwa omobese;
na okwama kwaino nigo gokonyorekana ime yane.”
Amang’ana ay’ogokoorera
9Oyore omong’aini, nere oramanye amang’ana aya; oyore nokomanya, nere orayarengererie. Chinchera chi’Omonene nigo chire chindonge, na abanyene oboronge nabwo baraetere aroro, korende abasaria nigo baragochwe bagwe ase chirochio.
Právě zvoleno:
HOSEA 14: EKEGUSIIBBLE
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
OLD EKEGUSII BIBLE PROTESTANT EDITION
©Bible Society of Kenya, 2020