प्रेरितां 13
13
बनरबास कने शाऊला जो भेजणा
1अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल। 2तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।” 3तां तिन्हें उपवास कने प्राथना करीने तिन्हां परा हात्थ रखीने परमेशरा रा काम्म करने जो भेज्या।
पौलुसा री पैहली प्रचार यात्रा
4इस खातर पवित्र आत्मा रे भेजीरे शाऊल कने बरनबास अन्ताकिया नगरा ते सिलूकिया बन्दरगाह जो गये; कने तित्थी जे जहाज़ा पर चढ़ीने साइप्रस टापुये जो चले; 5कने सलमीसा च पुज्जी ने, परमेशरा रा वचन यहूदियां रे यहूदी सभा घराँ च सुणाया। यूहन्ना तिसजो जे मरकुस बोलां ये तिन्हांरा सेवक था। 6सै तिस सारे टापुये चियें जान्दे हुये पाफुस नगरा तक पुज्जे। तित्थी तिन्हांजो बार-यीशु नौआं रा इक यहूदी टोणा कने झूट्ठा भविष्यवक्ता मिलया। 7सै हाकिम सिरगियुस पौलुसा ने सौगी था, सै अक्लमन्द माहणु था। तिने बरनबास कने शाऊला जो अप्पूँ ला सद्दीने परमेशरा रा वचन सुणना चाहया। 8पर इलीमास टोणा, काँह्भई तिसरे नौआं रा येई मतलब आ, तिन्हांरा बरोध करीने हाकिमा जो यीशु मसीह पर विश्वास करने ते रोकणा चाया। 9तां शाऊले तिसरा नौं जे पौलुस बी आ, पवित्र आत्मा ते भरी ने इलीमास टोणे खा घूरीने देख्या कने गलाया, 10“ओ सारे कपटी कने सारिया चलाकिया ते भरीरे शैतान्ना री ल्वाद, सकल धर्मा रे बैरी, क्या तू प्रभुये रे सिधे रस्तेयां जो टेड्डा करना नीं छडणा? 11हुण देख, प्रभु परमेशरा तिज्जो सजा देणी; कने तू किछ बगता तका अन्हे रैहणा कने सूरजा जो नीं देखणा।” तां ताहलूं इ तिसरियां आक्खीं धुंधलि़यां कने फेरी नेहरियां हुई गियां, कने सै हत्था ने उरे-परे टोहणे लगीग्या भई कोई तिसरा हाथ पकड़ीने तिस्सो चलाणे च मदद करे। 12तां हाकमे, जो किछ हुआ तिस्सो देखीने कने प्रभु यीशुये रे उपदेशा ते हैरान हुईने तिस पर विश्वास कित्या।
पिसिदिया रे अन्ताकिया च
13पौलुस कने तिसरे साथी पाफुसा नगरा ते समुद्री यात्रा शुरु कित्ती कने पंफूलिया प्रदेशा ते पिरगा नगरा च आये; कने यूहन्ना तिसजो जे मरकुस बी बोलां ये तिन्हांजो छड्डिने यरूशलेम जो हटिग्या। 14पिरगा नगरा ते अग्गे बधीने सै पिसिदिया जिले रे अन्ताकिया नगरा च पुज्जे; कने विस्रामा रे दिन यहूदी सभा घर च जाईने बैठीगे। 15मूसा री व्यवस्था कने भविष्यवक्तयां री कताब पढ़ने ते बाद यहूदी सभा घरा रे सरदारे तिन्हांजो गलाया, “हे भाईयो, जे तुहांरे मना च लोकां जो उपदेश देणे री कोई गल्ल इ तां बोल्ला।”
16फेरी पौलुसे खड़े हुईने कने हत्था रा सहारा करीने शाँत हुणे जो गलाया, “इस्राएलियो, कने परमेशरा ते डरने औल़े अन्यजातियां रे लोको सुणा 17इन्हां इस्राएली लोकां रे परमेशरे अहांरे पूर्वजां जो चुणील्या, कने तां जे सै लोक मिस्र देशा च परदेशी हुईने रौआं थे, तां तिन्हांरी संभाल लई; कने अपणिया सामर्था रे जोरा ते तिन्हांजो तित्थीते कड्डील्या। 18कोई चाल़ी साल्लां तका सै सुनसान जगह च तिन्हांजो सैंहदा रैया, हलाँकि इस्राएली लोकें परमेशरा रे हुक्मा रा पालन नीं कित्या। 19कने कनान देशा च सत्तां जातियां रा नाश करीने तिन्हांरा देश कोई साढे चार सौ साल्लां च इन्हांजो दईत्या। 20इसते बाद परमेशरे शमुएल भविष्यवक्ते तकौ इस्राएल रे लोकां पर राज करने खातर न्यायी बणाये। 21ताहली जे शमूएल हलतियें तक तिन्हांरा अगुवा ही था, तां इस्राएली लोकें अपणे खातर इक राजा मंगया; फेरी परमेशरे चाल़ी साल्लां खातर बिन्यामीना रे गोत्रा चते इक माहणु; मतलब कीशा रे पुत्र शाऊल जो तिन्हां परा राजा बणाया। 22फेरी परमेशरे शाऊला जो राज गद्दिया ते हटाईने तिसरिया जगह पर दाऊद जो तिन्हांरा राजा बणाया; तिसरे बारे च तिने गवाही दित्ति, ‘मिन्जो इक माहणु, यिशै रा पुत्र दाऊद, मेरिया मर्जिया रे मुतावक मिलीगरा; तिस इ मेरी सारी इच्छा पूरी करनी।’
23“इसरे वंशा चते परमेशरे अपणिया वाचा रे मुतावक इस्राएल ले इक छुटकारा करने औल़े जो, यनि यीशुये जो भेज्या। 24तिसरे औणे ते पैहले यूहन्ने सबनीं इस्राएलियां जो प्रचार कित्या भई अपणे पापां ते मन फिरावा कने बपतिस्मा लौआ, तां परमेशरा तुहांरे पाप माफ करने। 25परमेशरे यूहन्ने जो सै जे काम्म दित्तिरा था सै तकरीवन पूरा होणे इ औल़ा था, तां तिन्हें गलाया, ‘तुहें मिन्जो क्या समझां यें? देखो हऊँ मसीह निआं! पर मेरे बाद इक औणे औल़ा, सै जे मेरते बी सामर्थी आ, हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ।’
26“हे भाईयो, तुहें अब्राहमा रे खानदान्ना ते; कने तुहें परमेशरा ते डरने औल़े अन्यजातियां रे लोको, तुहांले परमेशरे छुटकारे रा वचन भेजीरा। 27काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।
28“तिन्हें मारी देणे लायक कोई दोष तिसच नीं पाया, तां बी पिलातुस राजपाल ते विनती कित्ती भई तिस्सो मारया जाओ। 29कने ताहली जे तिन्हें यीशु मसीह रे बारे पवित्रशास्त्रा च लिखी रियां सब गल्लां पूरियां कित्तियां, तां तिस्सो क्रूसा पर मेखां गड्डीने मारया कने क्रूसा ते उतारी ने कब्रा च रखया।
30“पर परमेशरे तिस्सो मूईरेयां चते ज्यूंदा कित्या, 31कने सै तिन्हांजो सै जे तिसने सौगी गलील प्रदेशा ते यरूशलेम नगरा जो आईरे थे, बौहतीं दिनां तक तिसरे चेलयां जो दुसदा रैया; लोकां रे सामणे हुण सैई तिसरे गवाह ये। 32अहें तुहांजो तिस वायदे रे बारे च सै जे परमेशरे अहांरे बापदादयां ने कीतिरा, ये खुशखबरी सुणावां ये, 33भई परमेशरे यीशुये जो मूईरयां चते ज्यूंदा करीने, सै वायदा अहां रियां औल़ादां खातर पूरा कित्या; येढ़ा जे भजन संहिता च परमेशरे मसीह रे बारे च बोल्या,
‘तू मेरा पुत्र आ;
मैं तिज्जो राजा हुणे खातर नियुक्त कित्या।’
34“कने तिसरे इयां मूईरेयां चते ज्यूंदे हुणे रे बारे च भई सै कदीं मनी सड़ो, परमेशरे येढ़ा बोलीरा,
‘मांह तिज्जो पवित्र कने अटल आशीषां देणियां
तिन्हांजो देणे रा वायदा जे मैं दाऊद ने कित्या था।
35इस खातर दाऊदे इक होरी भजना च बी गलाया,
तू अपणे पवित्र माहणुये जो सड़ने नीं देणा।’
36“काँह्भई दाऊद त परमेशरा री इच्छा रे मुतावक अपणे बगता च सेवा करीने मरीग्या, कने अपणे पूर्वजां च मिलीग्या, कने सड़ी बी गया। 37पर तिस्सो जे परमेशरे मूईरयां चते ज्यूंदा कित्या, सै सड़या निआं। 38इस खातर, हे भाईयो, तुहें जाणी लवा भई इसरे इ जरिये पापां रिया माफिया री खबर तुहांजो दित्ति जाया राईं; 39कने तिन्हां गल्लां च जे तुहें मूसा री व्यवस्था रे जरिये निर्दोष नीं ठैहरी सकदे थे, तिन्हांई सब्बीं च हर इक विश्वास करने औल़ा यीशु मसीह जरिये निर्दोष ठैहरया।”
40इस खातर चकन्ने रौआ, येढ़ा नीं हो भई जो किछ भविष्यवक्तयां रियां कताबा च आईरा, तुहां परा बी पई जाओ :
41“‘हे निंध्या करने औल़यो, देक्खा कने हैरान होआ, कने मिटी जावा;
काँह्भई हऊँ तुहांरे दिनां च इक काम्म करया राँ,
येढ़ा काम्म सै जे कोई तुहांजो चर्चा करो,
तां तुहां कदीं बी विश्वास नीं करना।’”
42पौलुस कने बरनबास रे बाहर निकल़दे बगत लोक तिसने विनती करने लगे भई अगले विस्रामा रे दिन अहां जो ये गल्लां फेरी बी सुणायो। 43तां जे सभा खत्म हुईगी तां यहूदियें कने यहूदी मता च आईरे भगतां चते बौहत सारे पौलुस कने बरनबासा रे पिच्छे-पिच्छे आईगे; कने तिन्हें तिन्हांने गल्लां करीने समझाया भई परमेशरा रे अनुग्रह च बणीरे रौआ।
पौलुसे अन्यजातियां च प्रचारा री शुरुआत किति
44अगले विस्रामा रे दिन लगभग सारे इ लोक परमेशरा रा वचन सुणने जो कट्ठे हुये। 45पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।
46तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा। 47काँह्भई प्रभुये अहां जो ये हुक्म दितिरा,
‘मैं तुहांजो अन्यजातियां खातर ज्योति ठहराईरा,
ताकि तुहें धरतिया रे कोणे-कोणे तका जाईने छुटकारे री वजह बणो।’ ”
48ये सुणी ने अन्यजातियां खुशी हुये, कने परमेशरा रे वचना री बडयाई करने लगे कने जितने अनन्त जीवना खातर ठहराईरे थे, तिन्हें विश्वास कित्या। 49तां प्रभुये रा वचन तिस सारे देशा च फैलणे लगया।
50पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या। 51तां पौलुस कने बरनबास लोकां रे सामणे अपणयां पैराँ री धूड़ ये दसणे खातर झाड़ी भई परमेशरे तिन्हांजो त्यागी तरा कने तिस तिन्हांजो सजा देणी। फेरी सै अन्ताकिया रे नगरा जो छड्डिने इकुनियुम रे नगरा जो चलीगे। 52कने अन्ताकिया नगरा रे चेले खुशिया ने कने पवित्र आत्मा ते भरदे गये।
Právě zvoleno:
प्रेरितां 13: KFSNT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
This work is licensed under Creative Commons Attribution-ShareAlike 4.0 License.
प्रेरितां 13
13
बनरबास कने शाऊला जो भेजणा
1अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल। 2तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।” 3तां तिन्हें उपवास कने प्राथना करीने तिन्हां परा हात्थ रखीने परमेशरा रा काम्म करने जो भेज्या।
पौलुसा री पैहली प्रचार यात्रा
4इस खातर पवित्र आत्मा रे भेजीरे शाऊल कने बरनबास अन्ताकिया नगरा ते सिलूकिया बन्दरगाह जो गये; कने तित्थी जे जहाज़ा पर चढ़ीने साइप्रस टापुये जो चले; 5कने सलमीसा च पुज्जी ने, परमेशरा रा वचन यहूदियां रे यहूदी सभा घराँ च सुणाया। यूहन्ना तिसजो जे मरकुस बोलां ये तिन्हांरा सेवक था। 6सै तिस सारे टापुये चियें जान्दे हुये पाफुस नगरा तक पुज्जे। तित्थी तिन्हांजो बार-यीशु नौआं रा इक यहूदी टोणा कने झूट्ठा भविष्यवक्ता मिलया। 7सै हाकिम सिरगियुस पौलुसा ने सौगी था, सै अक्लमन्द माहणु था। तिने बरनबास कने शाऊला जो अप्पूँ ला सद्दीने परमेशरा रा वचन सुणना चाहया। 8पर इलीमास टोणा, काँह्भई तिसरे नौआं रा येई मतलब आ, तिन्हांरा बरोध करीने हाकिमा जो यीशु मसीह पर विश्वास करने ते रोकणा चाया। 9तां शाऊले तिसरा नौं जे पौलुस बी आ, पवित्र आत्मा ते भरी ने इलीमास टोणे खा घूरीने देख्या कने गलाया, 10“ओ सारे कपटी कने सारिया चलाकिया ते भरीरे शैतान्ना री ल्वाद, सकल धर्मा रे बैरी, क्या तू प्रभुये रे सिधे रस्तेयां जो टेड्डा करना नीं छडणा? 11हुण देख, प्रभु परमेशरा तिज्जो सजा देणी; कने तू किछ बगता तका अन्हे रैहणा कने सूरजा जो नीं देखणा।” तां ताहलूं इ तिसरियां आक्खीं धुंधलि़यां कने फेरी नेहरियां हुई गियां, कने सै हत्था ने उरे-परे टोहणे लगीग्या भई कोई तिसरा हाथ पकड़ीने तिस्सो चलाणे च मदद करे। 12तां हाकमे, जो किछ हुआ तिस्सो देखीने कने प्रभु यीशुये रे उपदेशा ते हैरान हुईने तिस पर विश्वास कित्या।
पिसिदिया रे अन्ताकिया च
13पौलुस कने तिसरे साथी पाफुसा नगरा ते समुद्री यात्रा शुरु कित्ती कने पंफूलिया प्रदेशा ते पिरगा नगरा च आये; कने यूहन्ना तिसजो जे मरकुस बी बोलां ये तिन्हांजो छड्डिने यरूशलेम जो हटिग्या। 14पिरगा नगरा ते अग्गे बधीने सै पिसिदिया जिले रे अन्ताकिया नगरा च पुज्जे; कने विस्रामा रे दिन यहूदी सभा घर च जाईने बैठीगे। 15मूसा री व्यवस्था कने भविष्यवक्तयां री कताब पढ़ने ते बाद यहूदी सभा घरा रे सरदारे तिन्हांजो गलाया, “हे भाईयो, जे तुहांरे मना च लोकां जो उपदेश देणे री कोई गल्ल इ तां बोल्ला।”
16फेरी पौलुसे खड़े हुईने कने हत्था रा सहारा करीने शाँत हुणे जो गलाया, “इस्राएलियो, कने परमेशरा ते डरने औल़े अन्यजातियां रे लोको सुणा 17इन्हां इस्राएली लोकां रे परमेशरे अहांरे पूर्वजां जो चुणील्या, कने तां जे सै लोक मिस्र देशा च परदेशी हुईने रौआं थे, तां तिन्हांरी संभाल लई; कने अपणिया सामर्था रे जोरा ते तिन्हांजो तित्थीते कड्डील्या। 18कोई चाल़ी साल्लां तका सै सुनसान जगह च तिन्हांजो सैंहदा रैया, हलाँकि इस्राएली लोकें परमेशरा रे हुक्मा रा पालन नीं कित्या। 19कने कनान देशा च सत्तां जातियां रा नाश करीने तिन्हांरा देश कोई साढे चार सौ साल्लां च इन्हांजो दईत्या। 20इसते बाद परमेशरे शमुएल भविष्यवक्ते तकौ इस्राएल रे लोकां पर राज करने खातर न्यायी बणाये। 21ताहली जे शमूएल हलतियें तक तिन्हांरा अगुवा ही था, तां इस्राएली लोकें अपणे खातर इक राजा मंगया; फेरी परमेशरे चाल़ी साल्लां खातर बिन्यामीना रे गोत्रा चते इक माहणु; मतलब कीशा रे पुत्र शाऊल जो तिन्हां परा राजा बणाया। 22फेरी परमेशरे शाऊला जो राज गद्दिया ते हटाईने तिसरिया जगह पर दाऊद जो तिन्हांरा राजा बणाया; तिसरे बारे च तिने गवाही दित्ति, ‘मिन्जो इक माहणु, यिशै रा पुत्र दाऊद, मेरिया मर्जिया रे मुतावक मिलीगरा; तिस इ मेरी सारी इच्छा पूरी करनी।’
23“इसरे वंशा चते परमेशरे अपणिया वाचा रे मुतावक इस्राएल ले इक छुटकारा करने औल़े जो, यनि यीशुये जो भेज्या। 24तिसरे औणे ते पैहले यूहन्ने सबनीं इस्राएलियां जो प्रचार कित्या भई अपणे पापां ते मन फिरावा कने बपतिस्मा लौआ, तां परमेशरा तुहांरे पाप माफ करने। 25परमेशरे यूहन्ने जो सै जे काम्म दित्तिरा था सै तकरीवन पूरा होणे इ औल़ा था, तां तिन्हें गलाया, ‘तुहें मिन्जो क्या समझां यें? देखो हऊँ मसीह निआं! पर मेरे बाद इक औणे औल़ा, सै जे मेरते बी सामर्थी आ, हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ।’
26“हे भाईयो, तुहें अब्राहमा रे खानदान्ना ते; कने तुहें परमेशरा ते डरने औल़े अन्यजातियां रे लोको, तुहांले परमेशरे छुटकारे रा वचन भेजीरा। 27काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।
28“तिन्हें मारी देणे लायक कोई दोष तिसच नीं पाया, तां बी पिलातुस राजपाल ते विनती कित्ती भई तिस्सो मारया जाओ। 29कने ताहली जे तिन्हें यीशु मसीह रे बारे पवित्रशास्त्रा च लिखी रियां सब गल्लां पूरियां कित्तियां, तां तिस्सो क्रूसा पर मेखां गड्डीने मारया कने क्रूसा ते उतारी ने कब्रा च रखया।
30“पर परमेशरे तिस्सो मूईरेयां चते ज्यूंदा कित्या, 31कने सै तिन्हांजो सै जे तिसने सौगी गलील प्रदेशा ते यरूशलेम नगरा जो आईरे थे, बौहतीं दिनां तक तिसरे चेलयां जो दुसदा रैया; लोकां रे सामणे हुण सैई तिसरे गवाह ये। 32अहें तुहांजो तिस वायदे रे बारे च सै जे परमेशरे अहांरे बापदादयां ने कीतिरा, ये खुशखबरी सुणावां ये, 33भई परमेशरे यीशुये जो मूईरयां चते ज्यूंदा करीने, सै वायदा अहां रियां औल़ादां खातर पूरा कित्या; येढ़ा जे भजन संहिता च परमेशरे मसीह रे बारे च बोल्या,
‘तू मेरा पुत्र आ;
मैं तिज्जो राजा हुणे खातर नियुक्त कित्या।’
34“कने तिसरे इयां मूईरेयां चते ज्यूंदे हुणे रे बारे च भई सै कदीं मनी सड़ो, परमेशरे येढ़ा बोलीरा,
‘मांह तिज्जो पवित्र कने अटल आशीषां देणियां
तिन्हांजो देणे रा वायदा जे मैं दाऊद ने कित्या था।
35इस खातर दाऊदे इक होरी भजना च बी गलाया,
तू अपणे पवित्र माहणुये जो सड़ने नीं देणा।’
36“काँह्भई दाऊद त परमेशरा री इच्छा रे मुतावक अपणे बगता च सेवा करीने मरीग्या, कने अपणे पूर्वजां च मिलीग्या, कने सड़ी बी गया। 37पर तिस्सो जे परमेशरे मूईरयां चते ज्यूंदा कित्या, सै सड़या निआं। 38इस खातर, हे भाईयो, तुहें जाणी लवा भई इसरे इ जरिये पापां रिया माफिया री खबर तुहांजो दित्ति जाया राईं; 39कने तिन्हां गल्लां च जे तुहें मूसा री व्यवस्था रे जरिये निर्दोष नीं ठैहरी सकदे थे, तिन्हांई सब्बीं च हर इक विश्वास करने औल़ा यीशु मसीह जरिये निर्दोष ठैहरया।”
40इस खातर चकन्ने रौआ, येढ़ा नीं हो भई जो किछ भविष्यवक्तयां रियां कताबा च आईरा, तुहां परा बी पई जाओ :
41“‘हे निंध्या करने औल़यो, देक्खा कने हैरान होआ, कने मिटी जावा;
काँह्भई हऊँ तुहांरे दिनां च इक काम्म करया राँ,
येढ़ा काम्म सै जे कोई तुहांजो चर्चा करो,
तां तुहां कदीं बी विश्वास नीं करना।’”
42पौलुस कने बरनबास रे बाहर निकल़दे बगत लोक तिसने विनती करने लगे भई अगले विस्रामा रे दिन अहां जो ये गल्लां फेरी बी सुणायो। 43तां जे सभा खत्म हुईगी तां यहूदियें कने यहूदी मता च आईरे भगतां चते बौहत सारे पौलुस कने बरनबासा रे पिच्छे-पिच्छे आईगे; कने तिन्हें तिन्हांने गल्लां करीने समझाया भई परमेशरा रे अनुग्रह च बणीरे रौआ।
पौलुसे अन्यजातियां च प्रचारा री शुरुआत किति
44अगले विस्रामा रे दिन लगभग सारे इ लोक परमेशरा रा वचन सुणने जो कट्ठे हुये। 45पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।
46तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा। 47काँह्भई प्रभुये अहां जो ये हुक्म दितिरा,
‘मैं तुहांजो अन्यजातियां खातर ज्योति ठहराईरा,
ताकि तुहें धरतिया रे कोणे-कोणे तका जाईने छुटकारे री वजह बणो।’ ”
48ये सुणी ने अन्यजातियां खुशी हुये, कने परमेशरा रे वचना री बडयाई करने लगे कने जितने अनन्त जीवना खातर ठहराईरे थे, तिन्हें विश्वास कित्या। 49तां प्रभुये रा वचन तिस सारे देशा च फैलणे लगया।
50पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या। 51तां पौलुस कने बरनबास लोकां रे सामणे अपणयां पैराँ री धूड़ ये दसणे खातर झाड़ी भई परमेशरे तिन्हांजो त्यागी तरा कने तिस तिन्हांजो सजा देणी। फेरी सै अन्ताकिया रे नगरा जो छड्डिने इकुनियुम रे नगरा जो चलीगे। 52कने अन्ताकिया नगरा रे चेले खुशिया ने कने पवित्र आत्मा ते भरदे गये।
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
This work is licensed under Creative Commons Attribution-ShareAlike 4.0 License.