Markus 5
5
Si Yesus musér sé roh léwo' asi esa tou ang Gerasa
(Mat. 8:28-34; Luk. 8:26-39)
1Kekawus in itu, si Yesus wo sé murit-Na icateka'o an lewet angé in lour Galilea, an sangkum é tou Gerasa. 2Ketumpa mio' i Yesus an londéi wo mai ai Sia si esa tou si rinasuk i roh léwo' si ang kubur owo. 3Sia maento' ang kubur wo ra'ica wana mandé esake' tou e makawoo ma'kes isia mandé maké ranté, ampa'paan sia keter keli. 4Ampa'paan makakeli-kelio eng kama wo eng kécéina parantén, taan e ranté parembusennake'. Anaé, ra'- ica wana esa tou e makawoo tumang sia. 5Endo wo em bengi sia mawaya-waya' am pakuburan wo an tola-tolaina, ang karoro'anna i mengangko-ngangko' en owakna peméla-pemélaanna im batu.
6An tutuw sérénna si Yesus an tayang, sia tuméron angé a si Yesus wo kumundu an dior-Na.
7Kumawus in itu, si tou itu mangko' repet, “Sapa en urusan-Mu wo yaku éi Yesus, Toyaang i Amang Kasuruan Si Rumangka-rangka'? Pekiupusenku ai Co ang karapi i ngaran i Amang Kasuruan, tioo okoien-Mu aku!” 8Aicuana in taniitu ampa'paan aicua owo i Yesus a si tou itu, “Éi roh léwo'! Kumesot ko asi tou itu.”
9Wo wuéien i Yesus a si tou itu, “Sapa réén e ngaranmu?”
Isowatna, “E ngaranku Legion, ampa'paan kami kelian.”
10Pekiupusen i tou itu a si Yesus wosama' sé roh léwo' itu ra'ica toro yusér eng kumesot an sangkum itu.
11Asi témpo itu, keli ulit sé wawi ang karoro'an i maéré-éré kanen an tolaina. 12Wo sé roh itu mekiupus a si Yesus, “Ru'du'o mangé kami méra a sé wawi itu wo iwayao mio' kami muntep ai séra.” 13Wo énan i Yesus em pinekiupus éra. Wo pakasa sé roh léwo' itu kumesot asi tou itu wo muntep a sé wawi itu, eng kakeli éra rua ngariwu wona'. Sé reru' é wawi itu lumo'tic ang kepal muntep an lour wo maté imalesem am bitu.
14Kumawus in itu, sé matéir sé wawi itu tumincas wo isisil éra ang kota wo an doo-roong sapa e mamuali. Wo sé tou kumesot, e mai asi tampa itu en suméré sapa e mamuali am bitu. 15Séra mai a si Yesus wo sérén éra si tou rinasuk i roh léwo' si Legion makalukut am bitu. Si tou itu imasama'o wo kumaraio. Keséré éra isia, séra maindé'. 16Sé tou isuméréo in esa si Yesus musér sé roh léwo' itu, isisil éra ka'i a sé tou sé makaaié' am bitu andumoro' sapa e imamuali a si tou rinasuk itu wo andumoro' sé wawi itu. 17Wo sé tou maento' an sangkum in tampa itu wutu-wutul mekiupus a si Yesus wosama' tela'u-Na en tampa éra.
18An tutuw i Yesus sumaké sumawel an londéi, si tou rinasuk i sétang tarépé' mekiupus wosama' sia ro'na kumiit a si Yesus.
19Taan ra'ica niénan i Yesus wo icua-Na a si tou itu, “Aweso taré, ko maréngo mangé am balému wo isisilo mangé a sé tou an doongmu sapa waya e niéma' i Casuruan ai co wo icuao mangé tambisa eng kaupusan-Na ai co.”
20Kekawus in itu, si tou itu maréng wo tumo'tolo makua an sangkum in doo-roong si pengatuulen sangapulu' kota. Ipakuana waya e niéma' i Yesus ai sia, wo séra im baya mangaya-ngaya'ka'.
Si toyaang i Yairus tinou sumawel wo si esa wéwéné sinama' i Yesus
(Mat. 9:18-26; Luk. 8:40-56)
21Si Yesus wo sé murit-Na sumaké an londéi wo maréng angé sumawel an lewet in lour Galilea. An tembir in lour itu, sé tou keli mai lumi'cir Sia. 22Wo mai ka'i si esa tou kapala im balé paapo'an é agama Yahudi e ngaranna Yairus. An tutuwna suméré si Yesus, sia kumundu an dior ing kécéi-Na. 23Wo sia uli-ulit mekiupus a si Yesus, icuana, “Si toyaangku wéwéné wéta' sumakit repet wo tawio maté. Mayoo am baléku é Tuang wo maro ing kama ai sia, wosama' sia ro'na masama' wo menonou.” 24Wo si Yesus mangé ang karapina.
Keli en tou mengii-ngiit Sia wo meréngké-réngké'an an duru-Na. 25Am bitu ka'i awéan si esa wéwéné si sangapulu' rua ngata'uno wenduo in sakit pengeso-ngesotan in enda'. 26Sia menguri-ngurio mangé mapasama' a sé dokter wo pakasa eng kasiyaanna aiwangkérnao waya wo pakasa e niéma'na itu ra'ica wana torona taan en sakitna makaaweske' taré. 27Sia lumingao in abar andumoro' si Yesus. Anaé, mandé ka'i keli tou, sia sumolisip an uner é tou keli wo rumuru an somoi i Yesus wo misu' in juba-Na. 28Sia méma' in taniitu ampa'paan an untep in aténa icumua, “Mandé asaloke' misu' in juba-Na, tantu aku masama' oka!”
29An tutuw ituke' mentoo en enda' mengeso-ngesot ai sia. Wo pendamenna en owakna imasama'o.
30Asi témpo ituke' kailekan i Yesus sapaoka awéan kawasa icumesot an owak-Na. Wo Sia maréng in somoi a sé tou keli itu wo mamuéi, “Si séi réén e misu' in juba-Ku?”
31Isowat é murit-Na, “Sinéréo i Guru keli sé tou meréngké-réngké'an an duru i Guru, kéitu réén si Guru mamuéi, ‘Si séi réén e misu' Yaku?’ ”
32Wo téintengen-Na sé tou an li'cir-Na e maéré-éré si séi e misu' in juba-Na. 33Si wéwéné itu maindé'o keli akar ing gume'ger, ampa'paan kailekanna isiao e imisu' in juba i Yesus wo masama'. Ampa'paano in itu sia kumundu an dior i Yesus, wo isisilna waya sé imamuali ai sia. 34Wo icua i Yesus a si wéwéné itu, “Éi toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur, en sakitmu wutu-wutul masama'o!”
35An tutuw i Yesus maroma'pé', mai sé tou am balé i Yairus owo. Wo icua éra a si Yairus, “Si toyaang i tuang imatéo. Anaé, nomoo sumusa si Guru.”
36Taan ra'ica pinandung i Yesus sapa en aicua éra. Wo icua-Na a si Yairus, “Tioo maindé', taan maémano mangé.”
37Wo ra'ica kiim i Yesus keli en tou eng kumiit Sia, Sia asalo imakawali si Petrus, si Yakobus, wo si Yohanes si tuari i Yakobus. 38Icateka' mangé séra am balé i Yairus, sérén i Yesus sé tou rega keli wo maamé' masesendu'an oka. 39Keuntep i Yesus wo Sia mamuéi a sé tou itu, “Kéitu réén kamu rega keli wo mengamé-ngamé'? Si toyaang itu ra'ica imaté, sia asaloke' tumekel!” 40Taan aicé'ké' érake' taré Sia.
Wo iru'du'-Na pakasa sé tou kumesot am bitu, wo iwali-Na si amang wo si inang i toyaang itu wo sé murit-Na sé imewali-wali wo Sia muntep ang kamar i toyaang itu. 41Wo timboian-Na eng kama i toyaang itu, wo icua-Na, “Talita kum” eng kaangéanna “Éi toyaang wéwéné, icua-Ku ai co, tumooro!”
42Asi témpo ituke', si toyaang itu makala'us tumulung wo maya'. En umurna sangapulu' ruao ngata'un. Pakasa sé tou sé makaséré ing kamamualian itu mangaya-ngaya'ka'. 43Wo wutu-wutul pinéro i Yesus séra, wosama' ra'ica isisil éra eng kamamualian itu a sé tou walina. Kekawus in itu ru'du'-Na séra e méé kanen a si toyaang itu.
Právě zvoleno:
Markus 5: TNT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
En Taar Weru a nunuwu' é Tontemboan @ LAI 2018
Markus 5
5
Si Yesus musér sé roh léwo' asi esa tou ang Gerasa
(Mat. 8:28-34; Luk. 8:26-39)
1Kekawus in itu, si Yesus wo sé murit-Na icateka'o an lewet angé in lour Galilea, an sangkum é tou Gerasa. 2Ketumpa mio' i Yesus an londéi wo mai ai Sia si esa tou si rinasuk i roh léwo' si ang kubur owo. 3Sia maento' ang kubur wo ra'ica wana mandé esake' tou e makawoo ma'kes isia mandé maké ranté, ampa'paan sia keter keli. 4Ampa'paan makakeli-kelio eng kama wo eng kécéina parantén, taan e ranté parembusennake'. Anaé, ra'- ica wana esa tou e makawoo tumang sia. 5Endo wo em bengi sia mawaya-waya' am pakuburan wo an tola-tolaina, ang karoro'anna i mengangko-ngangko' en owakna peméla-pemélaanna im batu.
6An tutuw sérénna si Yesus an tayang, sia tuméron angé a si Yesus wo kumundu an dior-Na.
7Kumawus in itu, si tou itu mangko' repet, “Sapa en urusan-Mu wo yaku éi Yesus, Toyaang i Amang Kasuruan Si Rumangka-rangka'? Pekiupusenku ai Co ang karapi i ngaran i Amang Kasuruan, tioo okoien-Mu aku!” 8Aicuana in taniitu ampa'paan aicua owo i Yesus a si tou itu, “Éi roh léwo'! Kumesot ko asi tou itu.”
9Wo wuéien i Yesus a si tou itu, “Sapa réén e ngaranmu?”
Isowatna, “E ngaranku Legion, ampa'paan kami kelian.”
10Pekiupusen i tou itu a si Yesus wosama' sé roh léwo' itu ra'ica toro yusér eng kumesot an sangkum itu.
11Asi témpo itu, keli ulit sé wawi ang karoro'an i maéré-éré kanen an tolaina. 12Wo sé roh itu mekiupus a si Yesus, “Ru'du'o mangé kami méra a sé wawi itu wo iwayao mio' kami muntep ai séra.” 13Wo énan i Yesus em pinekiupus éra. Wo pakasa sé roh léwo' itu kumesot asi tou itu wo muntep a sé wawi itu, eng kakeli éra rua ngariwu wona'. Sé reru' é wawi itu lumo'tic ang kepal muntep an lour wo maté imalesem am bitu.
14Kumawus in itu, sé matéir sé wawi itu tumincas wo isisil éra ang kota wo an doo-roong sapa e mamuali. Wo sé tou kumesot, e mai asi tampa itu en suméré sapa e mamuali am bitu. 15Séra mai a si Yesus wo sérén éra si tou rinasuk i roh léwo' si Legion makalukut am bitu. Si tou itu imasama'o wo kumaraio. Keséré éra isia, séra maindé'. 16Sé tou isuméréo in esa si Yesus musér sé roh léwo' itu, isisil éra ka'i a sé tou sé makaaié' am bitu andumoro' sapa e imamuali a si tou rinasuk itu wo andumoro' sé wawi itu. 17Wo sé tou maento' an sangkum in tampa itu wutu-wutul mekiupus a si Yesus wosama' tela'u-Na en tampa éra.
18An tutuw i Yesus sumaké sumawel an londéi, si tou rinasuk i sétang tarépé' mekiupus wosama' sia ro'na kumiit a si Yesus.
19Taan ra'ica niénan i Yesus wo icua-Na a si tou itu, “Aweso taré, ko maréngo mangé am balému wo isisilo mangé a sé tou an doongmu sapa waya e niéma' i Casuruan ai co wo icuao mangé tambisa eng kaupusan-Na ai co.”
20Kekawus in itu, si tou itu maréng wo tumo'tolo makua an sangkum in doo-roong si pengatuulen sangapulu' kota. Ipakuana waya e niéma' i Yesus ai sia, wo séra im baya mangaya-ngaya'ka'.
Si toyaang i Yairus tinou sumawel wo si esa wéwéné sinama' i Yesus
(Mat. 9:18-26; Luk. 8:40-56)
21Si Yesus wo sé murit-Na sumaké an londéi wo maréng angé sumawel an lewet in lour Galilea. An tembir in lour itu, sé tou keli mai lumi'cir Sia. 22Wo mai ka'i si esa tou kapala im balé paapo'an é agama Yahudi e ngaranna Yairus. An tutuwna suméré si Yesus, sia kumundu an dior ing kécéi-Na. 23Wo sia uli-ulit mekiupus a si Yesus, icuana, “Si toyaangku wéwéné wéta' sumakit repet wo tawio maté. Mayoo am baléku é Tuang wo maro ing kama ai sia, wosama' sia ro'na masama' wo menonou.” 24Wo si Yesus mangé ang karapina.
Keli en tou mengii-ngiit Sia wo meréngké-réngké'an an duru-Na. 25Am bitu ka'i awéan si esa wéwéné si sangapulu' rua ngata'uno wenduo in sakit pengeso-ngesotan in enda'. 26Sia menguri-ngurio mangé mapasama' a sé dokter wo pakasa eng kasiyaanna aiwangkérnao waya wo pakasa e niéma'na itu ra'ica wana torona taan en sakitna makaaweske' taré. 27Sia lumingao in abar andumoro' si Yesus. Anaé, mandé ka'i keli tou, sia sumolisip an uner é tou keli wo rumuru an somoi i Yesus wo misu' in juba-Na. 28Sia méma' in taniitu ampa'paan an untep in aténa icumua, “Mandé asaloke' misu' in juba-Na, tantu aku masama' oka!”
29An tutuw ituke' mentoo en enda' mengeso-ngesot ai sia. Wo pendamenna en owakna imasama'o.
30Asi témpo ituke' kailekan i Yesus sapaoka awéan kawasa icumesot an owak-Na. Wo Sia maréng in somoi a sé tou keli itu wo mamuéi, “Si séi réén e misu' in juba-Ku?”
31Isowat é murit-Na, “Sinéréo i Guru keli sé tou meréngké-réngké'an an duru i Guru, kéitu réén si Guru mamuéi, ‘Si séi réén e misu' Yaku?’ ”
32Wo téintengen-Na sé tou an li'cir-Na e maéré-éré si séi e misu' in juba-Na. 33Si wéwéné itu maindé'o keli akar ing gume'ger, ampa'paan kailekanna isiao e imisu' in juba i Yesus wo masama'. Ampa'paano in itu sia kumundu an dior i Yesus, wo isisilna waya sé imamuali ai sia. 34Wo icua i Yesus a si wéwéné itu, “Éi toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur, en sakitmu wutu-wutul masama'o!”
35An tutuw i Yesus maroma'pé', mai sé tou am balé i Yairus owo. Wo icua éra a si Yairus, “Si toyaang i tuang imatéo. Anaé, nomoo sumusa si Guru.”
36Taan ra'ica pinandung i Yesus sapa en aicua éra. Wo icua-Na a si Yairus, “Tioo maindé', taan maémano mangé.”
37Wo ra'ica kiim i Yesus keli en tou eng kumiit Sia, Sia asalo imakawali si Petrus, si Yakobus, wo si Yohanes si tuari i Yakobus. 38Icateka' mangé séra am balé i Yairus, sérén i Yesus sé tou rega keli wo maamé' masesendu'an oka. 39Keuntep i Yesus wo Sia mamuéi a sé tou itu, “Kéitu réén kamu rega keli wo mengamé-ngamé'? Si toyaang itu ra'ica imaté, sia asaloke' tumekel!” 40Taan aicé'ké' érake' taré Sia.
Wo iru'du'-Na pakasa sé tou kumesot am bitu, wo iwali-Na si amang wo si inang i toyaang itu wo sé murit-Na sé imewali-wali wo Sia muntep ang kamar i toyaang itu. 41Wo timboian-Na eng kama i toyaang itu, wo icua-Na, “Talita kum” eng kaangéanna “Éi toyaang wéwéné, icua-Ku ai co, tumooro!”
42Asi témpo ituke', si toyaang itu makala'us tumulung wo maya'. En umurna sangapulu' ruao ngata'un. Pakasa sé tou sé makaséré ing kamamualian itu mangaya-ngaya'ka'. 43Wo wutu-wutul pinéro i Yesus séra, wosama' ra'ica isisil éra eng kamamualian itu a sé tou walina. Kekawus in itu ru'du'-Na séra e méé kanen a si toyaang itu.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
En Taar Weru a nunuwu' é Tontemboan @ LAI 2018