Markus 1
1
Si Yohanes Mabaptis
(Mat. 3:1-12; Luk. 3:1-18; Yoh. 1:19-28)
1Si anioo en to'tolan in Abar Kaaruien andumoro' i Yesus Kristus, Toyaang i Amang Kasuruan. 2#Mal. 3:1 En Abar Kaaruien anio' aito'tol tanu in aipatic ang kitap i nabi Yesaya:
“Séréno! Airu'du'-Ku mai si utusan-Ku rumiorai ai Co,
sia oka en tumu'tul in lalan wayaan-Mu.
3 #
Yes. 40:3 Sia mengangko-ngangko' oka an tana' kapayasan,
‘Tu'tuleno en lalan torona i Casuruan,
wo rondoren en lalan langkoian-Na.’ ”
4Wo si Yohanes Mabaptis mai an tana' kapayasan wo icuana, “Mape'diso mangé ang kamesé-meséaan wo iwééo mio' en owak iow im baptisen wosama' eng kamesé-meséaan iow ampungan oka.”
5Wo sé tou am pakasa in sangkum in Yudea wo pakasa in tou an Yerusalem mai a si Yohanes. Séra mangaku ing kamesé-meséaan éra wo séra baptisen i Yohanes an doyongan Yordan. 6#2Raj. 1:8 Si Yohanes mepaké in juba si niéma' am buuk i onta wo em bengkalna ang kulit i binatang owo. Eng kakanenna komong wo wiluk é lampéran in talun. 7Wo ipakua-Na in tana'i, “Kekawus yaku, maai oka ka'i si esa tou eng kawasa-Na lumébémai wo yaku. Kumuru wo muka'ke' in tali sapatu-Na, yaku ra'ica patus. 8Baptisenku kamu in dano, taan baptisen-Na oka kamu i Roh Le'nas.”
Si Yesus nibaptis i Yohanes
(Mat. 3:13-17; Luk. 3:21-22; Yoh. 1:32-34)
9An tutuw itu, si Yesus mai a Nazaret owo an sangkum ing Galilea, wo Sia baptisen i Yohanes an doyongan Yordan. 10Kekesotai i Yesus an dano, makala'us sérén-Na mangé en langit mawuka' wo e Roh i Amang Kasuruan si tanuoka mombo, tumumpa mai ai Sia. 11#Kej. 22:2; Mzm. 2:7; Yes. 42:1; Mat. 3:17, 12:18; Mrk. 9:7; Luk. 3:22, 9:35 Wo kalingaano en suara an sorga owo, “Icoo si Toyaang-Ku si caupus-Ku, e méma' in até-Ku arui.”
Si Yesus pinangepé'an i kikiiten é sétang
(Mat. 4:1-11; Luk. 4:1-13)
12Kekawusai in itu, iwali i Roh Le'nas si Yesus an tana' kapayasan. 13Eng kauré-Na an tana' kapayasan epat ngapulu' ngando wo pinangepé'an i kikiiten é sétang. Wo Sia mento' mewali-wali wo sé binatang sé ra'ica papiaran wo ka'i paselewiran é malaékat.
Si Yesus kumua in Abar Kaaruien ang Galilea
(Mat. 4:12-22; Luk. 4:14-15, 5:1-11)
14Kekawus i Yohanes Mabaptis tinangka', si Yesus mai ang Galilea wo kumua in Abar Kaaruien i Amang Kasuruan. 15#Mat. 3:2, 4:17 Wo icua-Na, “En témpona imalekepo, eng Kakolanoan i Amang Kasuruan makatawio. Anaé, mape'diso wo émanenno mangé en Abar Kaaruien i Amang Kasuruan.”
Si Yesus tumowa sé murit-Na kataré
(Mat. 4:18-22; Luk. 5:1-11)
16Asi makasa si Yesus mawaya-waya' an tembir in lour Galilea wo sérén-Na sé rua metuari, e ngaran éra Simon#1:16 Si Simon e ngaranna walina, Petrus. Sérén a Markus 3:16. wo Andreas. Séra ang karoro'an malombo' in lolombo', ampa'paan en tawoien éra mengatangka' sera'. 17Wo icua i Yesus ai séra, “Mayo, kumiito mai Yaku! Émaan-Ku oka kamu mengaéré tou eng kumiit Yaku.” 18Wo makala'us itela'u éra en lolombo' itu wo kumiit si Yesus.
19Kumawus in itu, si Yesus lumala'us im bawayaan-Na wo sérén-Na si Yakobus wo si Yohanes kapetuarina, séra toya-toyaang i Zebedeus. Séra ang karoro'an i mawutul in lolombo' an londéi. 20Wo makala'us towan i Yesus séra in dua wo itela'u éra si amang éra Zebedeus an londéi ang karapi é tou sé pate'tekkanna. Kekawus in itu séra kumiit Sia.
Si Yesus musér si sétang asi esa tou ang Kapernaum
(Luk. 4:31-37)
21Si Yesus wo sé tou makiit Sia icateka' mangé ang Kapernaum. Asi endo Sabat, si Yesus muntep am balé paapo'an é agama Yahudi wo Sia sumusui am bitu. 22#Mat. 7:28-29; Luk. 4:32 Séra mangaya-ngaya'ka' luminga in sususuien-Na, ampa'paan Sia mengasusui wuta ing kawasa, ra'ica tanu sé makailek wutul in Torat.
23Asi témpo itu, am balé paapo'an é agama Yahudi itu awéan esa tou si rinasuk i roh léwo'. Si tou itu maangko', 24“Yesus tou Nazaret! Sapa en urusan-Mu wo icami? Mai-Mu réén patén kami? Kailekanku si séi-Ko, Icoo si Le'nas asi Amang Kasuruan owo.”
25Wo sia réndéren i Yesus, “Menes, kumesot ai sia ko!”
26Wo si tou itu ipego'go-go'go' i roh léwo', wo ang karapi i maangko' repet si roh léwo' itu kumesot asi tou itu. 27Pakasa sé tou am bitu mangaya'ka', akar séra mengkuanan, “Sapa en anio'? En anio' sususuien weru! E nuwu'-Na wuta ing kawasa, akar sé roh léwo' ka'i kumiit im perénta-Na.”
28Wo en abar andumoro' si Yesus makala'us icaserar am pakasa in tampa ang Galilea.
Si Yesus sumama' si inang émpo i Petrus wo sé tou walina
(Mat. 8:14-17; Luk. 4:38-41)
29Kekesot i Yesus am balé paapo'an é agama Yahudi itu, wo Sia mangé mewali-wali wo si Yakobus wo si Yohanes am balé i Simon wo si Andreas. 30Asi témpo itu, si inang émpo i Simon makatekel, ampa'paan in sakit paso'. Wo makala'us icua éra a si Yesus sapa- oka sia sumakit. 31Wo si Yesus mangé rumuru a si wéwéné itu, timboien-Na eng kamana, ilukut-Na wo icatalao en sakit paso'na wo selewiranna séra.
32Tutuw matawio im bengi, keuntep ako i yéndo wo iwali éra mai waya sé tou sumakit wo sé tou rinasuk i sétang a si Yesus. 33Pakasa sé tou ang kota itu imali'uso mai an dior im balé itu. 34Wo keli en tou sinama' i Yesus a sé membam-balinaan en sakit wo ka'i Sia musér sé sétang. Ra'ica iwéé-Na sé sétang itu rumoma', ampa'paan katuusan éra si séi Sia.
Si Yesus kumua in Abar Kaaruien ang kota-kota walina
(Luk. 4:42-44)
35Asi woondona mai, an tutuw i rapapé', si Yesus tumoor wo kumesot am balé. Sia mangé an tampa lulu in tou wo sumombayang am bitu. 36Taan si Simon wo sé kara-karapina mangé mangéré Sia. 37An tutuw peta'up éra Sia, wo icua éra, “Guru, pakasa sé tou maéré-éré si Guru.”
38Sowat i Yesus, “Én, mayoo kita mangé an tampa walina ang kota-kota an sangkum am bia'i, wosama' Aku ro'na kumua in Abar Kaaruien, ampa'paan in ituo Aku mai.”
39 #
Mat. 4:23, 9:35; Luk. 4:44 Anaé, si Yesus mangé am pakasa in tampa ang Galilea. Sia kumua in Abar Kaaruien am balé-walé paapo'an éra wo musér sé sétang.
Si Yesus sumama' si tou kusta
(Mat. 8:1-4; Luk. 5:12-16)
40Awéan esa tou kusta mai a si Yesus. Si tou itu kumundu an dior-Na wo mekiupus, icuana “Sa woo icasalé' i Tuang, si Tuang ro'na sumama' yaku.”
41Wo mai eng kaupusan i Yesus a si tou itu. Yulur i Yesus eng kama-Na e misu' si tou itu wo kumua, “Icasalé'-Ku, masama'o ko!” 42Asi témpo ituke', eng kusta i tou itu icatalao wo sia masama'. 43Kekawus in itu makala'us ru'du'-Na si tou itu mangé, wo lupuan-Na i repet, 44#Im. 14:1-32 “Ta'néieno mangé, tioo icuamu a si séike' mangé sapa e mamuali ai co. Taan mangé ipapaturu' owo en owakmu a si imam. Wo mééo mio' raragés binatang pinokol si aiperénta i Musa, tanu tuus ai séra sa ko imasama'o.”
45Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.
Právě zvoleno:
Markus 1: TNT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
En Taar Weru a nunuwu' é Tontemboan @ LAI 2018
Markus 1
1
Si Yohanes Mabaptis
(Mat. 3:1-12; Luk. 3:1-18; Yoh. 1:19-28)
1Si anioo en to'tolan in Abar Kaaruien andumoro' i Yesus Kristus, Toyaang i Amang Kasuruan. 2#Mal. 3:1 En Abar Kaaruien anio' aito'tol tanu in aipatic ang kitap i nabi Yesaya:
“Séréno! Airu'du'-Ku mai si utusan-Ku rumiorai ai Co,
sia oka en tumu'tul in lalan wayaan-Mu.
3 #
Yes. 40:3 Sia mengangko-ngangko' oka an tana' kapayasan,
‘Tu'tuleno en lalan torona i Casuruan,
wo rondoren en lalan langkoian-Na.’ ”
4Wo si Yohanes Mabaptis mai an tana' kapayasan wo icuana, “Mape'diso mangé ang kamesé-meséaan wo iwééo mio' en owak iow im baptisen wosama' eng kamesé-meséaan iow ampungan oka.”
5Wo sé tou am pakasa in sangkum in Yudea wo pakasa in tou an Yerusalem mai a si Yohanes. Séra mangaku ing kamesé-meséaan éra wo séra baptisen i Yohanes an doyongan Yordan. 6#2Raj. 1:8 Si Yohanes mepaké in juba si niéma' am buuk i onta wo em bengkalna ang kulit i binatang owo. Eng kakanenna komong wo wiluk é lampéran in talun. 7Wo ipakua-Na in tana'i, “Kekawus yaku, maai oka ka'i si esa tou eng kawasa-Na lumébémai wo yaku. Kumuru wo muka'ke' in tali sapatu-Na, yaku ra'ica patus. 8Baptisenku kamu in dano, taan baptisen-Na oka kamu i Roh Le'nas.”
Si Yesus nibaptis i Yohanes
(Mat. 3:13-17; Luk. 3:21-22; Yoh. 1:32-34)
9An tutuw itu, si Yesus mai a Nazaret owo an sangkum ing Galilea, wo Sia baptisen i Yohanes an doyongan Yordan. 10Kekesotai i Yesus an dano, makala'us sérén-Na mangé en langit mawuka' wo e Roh i Amang Kasuruan si tanuoka mombo, tumumpa mai ai Sia. 11#Kej. 22:2; Mzm. 2:7; Yes. 42:1; Mat. 3:17, 12:18; Mrk. 9:7; Luk. 3:22, 9:35 Wo kalingaano en suara an sorga owo, “Icoo si Toyaang-Ku si caupus-Ku, e méma' in até-Ku arui.”
Si Yesus pinangepé'an i kikiiten é sétang
(Mat. 4:1-11; Luk. 4:1-13)
12Kekawusai in itu, iwali i Roh Le'nas si Yesus an tana' kapayasan. 13Eng kauré-Na an tana' kapayasan epat ngapulu' ngando wo pinangepé'an i kikiiten é sétang. Wo Sia mento' mewali-wali wo sé binatang sé ra'ica papiaran wo ka'i paselewiran é malaékat.
Si Yesus kumua in Abar Kaaruien ang Galilea
(Mat. 4:12-22; Luk. 4:14-15, 5:1-11)
14Kekawus i Yohanes Mabaptis tinangka', si Yesus mai ang Galilea wo kumua in Abar Kaaruien i Amang Kasuruan. 15#Mat. 3:2, 4:17 Wo icua-Na, “En témpona imalekepo, eng Kakolanoan i Amang Kasuruan makatawio. Anaé, mape'diso wo émanenno mangé en Abar Kaaruien i Amang Kasuruan.”
Si Yesus tumowa sé murit-Na kataré
(Mat. 4:18-22; Luk. 5:1-11)
16Asi makasa si Yesus mawaya-waya' an tembir in lour Galilea wo sérén-Na sé rua metuari, e ngaran éra Simon#1:16 Si Simon e ngaranna walina, Petrus. Sérén a Markus 3:16. wo Andreas. Séra ang karoro'an malombo' in lolombo', ampa'paan en tawoien éra mengatangka' sera'. 17Wo icua i Yesus ai séra, “Mayo, kumiito mai Yaku! Émaan-Ku oka kamu mengaéré tou eng kumiit Yaku.” 18Wo makala'us itela'u éra en lolombo' itu wo kumiit si Yesus.
19Kumawus in itu, si Yesus lumala'us im bawayaan-Na wo sérén-Na si Yakobus wo si Yohanes kapetuarina, séra toya-toyaang i Zebedeus. Séra ang karoro'an i mawutul in lolombo' an londéi. 20Wo makala'us towan i Yesus séra in dua wo itela'u éra si amang éra Zebedeus an londéi ang karapi é tou sé pate'tekkanna. Kekawus in itu séra kumiit Sia.
Si Yesus musér si sétang asi esa tou ang Kapernaum
(Luk. 4:31-37)
21Si Yesus wo sé tou makiit Sia icateka' mangé ang Kapernaum. Asi endo Sabat, si Yesus muntep am balé paapo'an é agama Yahudi wo Sia sumusui am bitu. 22#Mat. 7:28-29; Luk. 4:32 Séra mangaya-ngaya'ka' luminga in sususuien-Na, ampa'paan Sia mengasusui wuta ing kawasa, ra'ica tanu sé makailek wutul in Torat.
23Asi témpo itu, am balé paapo'an é agama Yahudi itu awéan esa tou si rinasuk i roh léwo'. Si tou itu maangko', 24“Yesus tou Nazaret! Sapa en urusan-Mu wo icami? Mai-Mu réén patén kami? Kailekanku si séi-Ko, Icoo si Le'nas asi Amang Kasuruan owo.”
25Wo sia réndéren i Yesus, “Menes, kumesot ai sia ko!”
26Wo si tou itu ipego'go-go'go' i roh léwo', wo ang karapi i maangko' repet si roh léwo' itu kumesot asi tou itu. 27Pakasa sé tou am bitu mangaya'ka', akar séra mengkuanan, “Sapa en anio'? En anio' sususuien weru! E nuwu'-Na wuta ing kawasa, akar sé roh léwo' ka'i kumiit im perénta-Na.”
28Wo en abar andumoro' si Yesus makala'us icaserar am pakasa in tampa ang Galilea.
Si Yesus sumama' si inang émpo i Petrus wo sé tou walina
(Mat. 8:14-17; Luk. 4:38-41)
29Kekesot i Yesus am balé paapo'an é agama Yahudi itu, wo Sia mangé mewali-wali wo si Yakobus wo si Yohanes am balé i Simon wo si Andreas. 30Asi témpo itu, si inang émpo i Simon makatekel, ampa'paan in sakit paso'. Wo makala'us icua éra a si Yesus sapa- oka sia sumakit. 31Wo si Yesus mangé rumuru a si wéwéné itu, timboien-Na eng kamana, ilukut-Na wo icatalao en sakit paso'na wo selewiranna séra.
32Tutuw matawio im bengi, keuntep ako i yéndo wo iwali éra mai waya sé tou sumakit wo sé tou rinasuk i sétang a si Yesus. 33Pakasa sé tou ang kota itu imali'uso mai an dior im balé itu. 34Wo keli en tou sinama' i Yesus a sé membam-balinaan en sakit wo ka'i Sia musér sé sétang. Ra'ica iwéé-Na sé sétang itu rumoma', ampa'paan katuusan éra si séi Sia.
Si Yesus kumua in Abar Kaaruien ang kota-kota walina
(Luk. 4:42-44)
35Asi woondona mai, an tutuw i rapapé', si Yesus tumoor wo kumesot am balé. Sia mangé an tampa lulu in tou wo sumombayang am bitu. 36Taan si Simon wo sé kara-karapina mangé mangéré Sia. 37An tutuw peta'up éra Sia, wo icua éra, “Guru, pakasa sé tou maéré-éré si Guru.”
38Sowat i Yesus, “Én, mayoo kita mangé an tampa walina ang kota-kota an sangkum am bia'i, wosama' Aku ro'na kumua in Abar Kaaruien, ampa'paan in ituo Aku mai.”
39 #
Mat. 4:23, 9:35; Luk. 4:44 Anaé, si Yesus mangé am pakasa in tampa ang Galilea. Sia kumua in Abar Kaaruien am balé-walé paapo'an éra wo musér sé sétang.
Si Yesus sumama' si tou kusta
(Mat. 8:1-4; Luk. 5:12-16)
40Awéan esa tou kusta mai a si Yesus. Si tou itu kumundu an dior-Na wo mekiupus, icuana “Sa woo icasalé' i Tuang, si Tuang ro'na sumama' yaku.”
41Wo mai eng kaupusan i Yesus a si tou itu. Yulur i Yesus eng kama-Na e misu' si tou itu wo kumua, “Icasalé'-Ku, masama'o ko!” 42Asi témpo ituke', eng kusta i tou itu icatalao wo sia masama'. 43Kekawus in itu makala'us ru'du'-Na si tou itu mangé, wo lupuan-Na i repet, 44#Im. 14:1-32 “Ta'néieno mangé, tioo icuamu a si séike' mangé sapa e mamuali ai co. Taan mangé ipapaturu' owo en owakmu a si imam. Wo mééo mio' raragés binatang pinokol si aiperénta i Musa, tanu tuus ai séra sa ko imasama'o.”
45Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
En Taar Weru a nunuwu' é Tontemboan @ LAI 2018