Псалм 70
70
[69-р.с.] 1Хоро́скирэ Дирижоро́скэ. Давидо́скиро Пса́лмо.
2О, Дэ́вла, зра́кх ман! О, Раё Дэ́вла, яв сыгэды́р тэ дэс васт ма́нгэ. 3Мэк одолэ́, савэ́ родэ́на тэ замарэ́н ман (тэ мулякирэ́н), тэ явэ́н ладжакирдэ́, мэк тэ нашэ́н и тэ явэ́н дрэ ладж одолэ́, савэ́ камэ́на чорипэ́н ма́нгэ. 4Мэк тэ рисён палэ и тэ пэрэ́н дрэ ладж одолэ́, кон ракирэ́ла: “Мишто́, мэк тэ явэ́л.” 5Мэк тэ радынэ́нпэ и тэ явэ́н бахталэ́ Ту́тыр одолэ́, савэ́ родэ́на Тут. Мэк одолэ́, савэ́нгэ дро́го сан Ту, со Ту зракхэ́са лэн, усады (сак) тэ ракирэ́н: “Мэк тэ шарэ́н зоралэ́с Дэвлэ́с.” 6[р.с.] Нэ мэ сом чороро́ и ма́ндэ исын трэ́бима: яв сыгэды́р кэ мэ, о, Дэ́вла! Ту зракхэ́са ман, и дэ́са васт ма́нгэ. О, Раё Дэ́вла, на мэк ман гара (длу́гэс) тэ ужакирав.
Právě zvoleno:
Псалм 70: ROMBALT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
maintained by the United Bible Societies for the Baltic Romani Mission