Псалм 54
54
[53-р.с.] 1Хоро́скирэ Дирижоро́скэ пэ Балытка Струме́нты. Сыклякирибэ́н. Давидо́скиро Пса́лмо,
2ке́ли Зифеи явнэ́ и пхэндлэ́ Сауло́скэ: “Ци на гарадёла Дави́до машки́р амэ́ндэ?” 3Дэ́вла, зра́кх ман Тырэ́ лавэ́са и сэндякир ман Тырэ́ зоралыпнаса. 4Дэ́вла! Вышу́н мири́ па́тери (модла), причху́в кан кэ лава́ мирэ́ москирэ. 5Чужа мануша́ ґаздынэ́пэ пэ ма́ндэ и биилэскирэ мануша́ родэ́на миро ди. Нанэ Дэвлэ́с анги́л лэ́нгирэ якха́. Сэ́ла. 6Акэ, Дэвэ́л дэ́ла васт ма́нгэ. Рай Дэвэ́л исын одолэнца, кон подрикирэ́ла миро ди. 7Ёв отдэ́ла палэ чорипнаса мирэ́ вэргэ́нгэ, Ёв чхурдэ́ла лэн дрэ риг Пэ́скирэ патяибна́са. 8[р.с.] Мэ локхэс яна́ва свэ́нто дыибэ́н, Ту́кэ мэ ява́ва тэ шара́в Тыро́ лачхо́ лав, о Раё Дэ́вла! 9[р.с.] Пал-дова́ со Ту зракхця́н ман сарэ́ пхарипнэндыр и мэ дыкхцём, сыр мирэ́ вэ́рги пынэ́.
Právě zvoleno:
Псалм 54: ROMBALT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
maintained by the United Bible Societies for the Baltic Romani Mission