Псалм 137
137
[136-р.с.] 1Пашы́л рэ́ки (лэня́) амэ са́мас бэштэ́ кэ Вавило́но, амэ рондям, ке́ли амэ рипирасас Сио́но. 2Амэ убладям амарэ́ луты пэ вейба (верба) пашы́л дава́. 3Пал-дова́ со одолэ́, савэ́ лынэ́ амэн дро пле́но, мангэнас гилы́ амэ́ндыр; и одолэ́, савэ́ обчордэ амэн, замангэнас амэ́ндыр ра́дыма, ракири́: “Бага́н амэ́нгэ Сионоскирэ гиля́.” 4Сыр ява́са амэ тэ багаса Ра́скирэ-Дэвлэ́скирэ гиля́ пэ чу́жо риг? 5Ко́ли мэ бистрава тут, о Ерусали́ме, мэк тэ отшутёл миро чачо́ васт; 6ко́ли мэ на ява́ва тэ рипирав тут, мэк мири́ чиб тэ приячэл кэ миро талуй (нёбо) и, ко́ли мэ на ява́ва тэ шара́в тут буты́р сарэ́стыр, Ерусали́ме. 7О, Раё Дэ́вла! Ри́пир Эдомоскирэ чхавэ́нгэ пал Ерусалимоскиро дывэ́с, савэ́ пхэндлэ́: “Пхагирэн сарэ́са! Пхагирэн сарэ́са кэ са́мо пхув.” 8О, чха́ё Вавилоно́стыр, тут мулякирэна. Тэ явэ́л бахтякирдо́ дова́, кон отплэскирэла палэ́ тумэ́нгэ, пал дова́, со тумэ́ кэрдэ́ амэ́нгэ: 9тэ явэ́л бахтякирдо́ одова́, кон ухтылэ́ла тумарэ́ тыкнэн и тэ пхаравэл лэн пир бара́.
Právě zvoleno:
Псалм 137: ROMBALT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
maintained by the United Bible Societies for the Baltic Romani Mission