Псалм 124
124
[123-р.с.] 1Гилы́ анги́л Кхангири́. Давидоскири.
Со явэ́лас, тэ на явэ́л бы Рай Дэвэ́л пэ амари́ риг, мэк тэ отпхэнэл Израилё: 2“Тэ на явэ́л Рай Дэвэ́л амэ́нца, ке́ли мануша́ ґаздынэ́пэ пэ амэ́ндэ, 3тэды ёнэ проглытнинэнас (накхавэнас) амэн пир ада́кицы, ке́ли лэ́нгири холы́ росхачия пэ амэ́ндэ; 4тэ́ньчи паня́ зачхувэнас амэн, а баро́ панинг (пото́по) тасадякирэлас амэн; 5тэ́ньчи сыгна панинга́ зачхувэнас тэлэ́ амарэ́ дия́. 6Мэк тэ вышарэн, тэ парикирэ́н Ра́скэ-Дэвлэ́скэ, Саво́ на дыя́ амэн вэргэ́нгэ пэ данда́ тэ дорэсэн. 7Амаро́ ди насця сыр чириклы фэлятыр, со мануша́ чхувэ́нас тэ ухтылэ́н: фэлы́ исын пхагирды и амэ насцям. 8Дава́ исын Рай Дэвэ́л, Кон помогинэ́ла амэ́нгэ, Саво́ создыя́ болыбэ́н и пхув.
Právě zvoleno:
Псалм 124: ROMBALT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
maintained by the United Bible Societies for the Baltic Romani Mission