Псалм 112
112
[111-р.с.] 1Аллилуя.
Бахтало́ исын ману́ш, Саво́ дарэ́ла Ра́стыр-Дэвлэ́стыр, Саво́ бахталёла зоралэ́с Лэ́скирэ припхэныбнэндыр. 2Лэ́скирэ чхавэ́ дживэ́на миштэ́с пэ дая́ пхув, а чачипнаскирэ ро́ды, со явэ́на дурэды́р, явэ́на бахталэ́. 3Миштыпэ́н и барвалыпэ́н явэ́на дро лэ́скиро кхэр и лэ́скиро чачипэ́н ячэ́лапэ пэ сарэ́ ве́ки. 4Дуд (свэ́то) ґаздэ́лапэ дро калыпэ́н (цямлыпэ́н) ваш чачипнаскирэнгэ, и кадава́ ману́ш исын лачхэ́-дескиро и чачипна́скиро, и ёв тангинэла лачхэ́ манушэ́н. 5Лачхо́ ману́ш и дэ́ла пэ паты́в ловэ́ лэ́нгэ, ёв лыджа́ла пэ́скирэ рэ́нды пир Зако́но. 6Пал-дова́ со ёв на пэрэ́ла, чачипнаскирэ манушэ́с явэ́на ўса́ды (сак) тэ рипирэ́н. 7Ёв на явэ́ла тэ дарэл чорэ́ малвэндыр, дро лэ́скиро ило́ исын зорало́ патяибэ́н дрэ Растэ-Дэвлэ́стэ. 8Лэ́скиро ило́ исын твардо, ёв на дарэ́ла, пака ёв дыкхэ́ла вэргэ́н, со ёнэ исын тэл ґэра́. 9Ёв роздыя саро́ илэ́стыр, ёв дыя́ одолэ́нгэ, конэ́стэ исын трэ́бима, лэ́скиро чачипэ́н усады (сак) ячэ́лапэ: лэ́скири зор уса́ буты́р скэдэ́ла паты́в. 10Фуй ману́ш явэ́ла тэ дыкхэ́л и лэ́скиро ило́ явэ́ла тэ калёл; ёв явэ́ла тэ скрежынэл дандэнца и тэ нашавэл зор; а дова́, со ёв ужакирдя, хасёла криг.
Právě zvoleno:
Псалм 112: ROMBALT
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
maintained by the United Bible Societies for the Baltic Romani Mission