ZƐKARƖYA 6
6
Laalɩŋ janɩŋ torukoba banɛsɛ
1Mɩ bɩra beŋ, a na laalɩŋ janɩŋ torukoba banɛsɛ dɩ ba lɩɩ kɔlɩɩŋ peelee balɩa pɛgɛ a kʋkɔ. 2Laalɩŋ janɩŋ toruko bumbuŋ janɩŋ ŋaa kʋfɩɛsɩŋ nɛ, lɩa kʋa ma janɩŋ ŋaa kʋbisi, 3tori kʋa ma janɩŋ ŋaa kʋpʋlʋŋ, nɛsɛ kʋa janɩŋ ma ŋaa kʋŋmʋŋmʋnaa. Ba kala ŋaa ja-duoru nɛ. 4Mɩ pɩɛsɛ Wɩa tɩndaarʋ-la sɩɩ bʋl wɩaa mɩ teeŋ, “Mɩ nɩhɩaŋ, bɛɛ kɩaa nɛ kɩaa deemba?”
5Ʋ bʋla pɩmɛ, “Dɩnsɩŋ banɛsɛ sɩ hɛ Wɩa-jaŋ lɛ nɛ ŋɩɩ. Ba lɩɩ La TƖƖNA sɩ tɩɩ dʋnɩa kala sɩpaaŋ nɛ a kʋkɔ ŋɩɩ. 6Laalɩŋ janɩŋ toruko-la sɩ kɛŋ ja-bisiŋ ka mʋ wɩɩpɔsʋŋ nagʋa dɩɩrɩŋ tinteeŋ nɛ, kʋ-la ma sɩ kɛŋ ja-pʋllʋŋ mʋmʋ wɩɩjʋʋlʋŋ dɩɩrɩŋ, kʋ-la ma sɩ kɛŋ ja-ŋmʋŋmʋnaa ka mʋ wɩɩpɔsʋŋ nadiiŋ dɩɩrɩŋ nɛ.” 7Ja-duoru-la sɩ lɩa, ba kpʋkpʋ ba tɩtɩa dɩ ba wuo gɔllɛ dʋnɩa kala. Wɩa tɩndaarʋ-la bʋl, “Má gɔllɛ dʋnɩa kala.” Ŋɩɩ nɛ ba gɔllɛ ʋ kala.
8Ŋɩɩ nɛ Wɩa tɩndaarʋ-la yɩrɛmɛ a bʋl, “Bee na, janɩ-la sɩɩ mʋ wɩɩpɔsʋŋ nagʋa dɩɩrɩŋ tinteeŋ leŋe mɩ Dɩma na wiesee nɛ wɩɩpɔsʋŋ nagʋa tintee-la lɛ.”
Josua kuoru nyunchuulo
9Ŋɩɩ nɛ La TƖƖNA bʋl wɩaa pɩmɛ: 10Laa hɔpʋla arɩ sɛlɩmɛ nɩaa deemba sɩ lɩɩ yoŋ-baga Babɩlɔŋ lɛ a kɔ teeŋ: Hɛlɩdaɩ, Tobija arɩ Jedaaya. Tapʋlɩɩ-la tɩtɩa, mʋ Zefanaaya nanʋala Josaaya dɩa. 11Kɛŋ hɔpʋla-la arɩ sɛlɩmɛ-la a ŋaa kuoru nyunchuulo a joŋo chu Jehozadak nanʋala Josua sɩ ŋaa Wɩɩsʋllɩ sɩpaalaaraa nɩhɩaŋ. 12Bʋla pʋ wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: “Baal-la ba sɩɩ yɩrɛ Naakeliŋ nɛ ŋ-la. Ʋ jaŋ kele lɩɩ ʋ lee-la ʋ sɩ hɛ, a saa mɩ-na ma TƖƖNA dɩɩ-bal-la. 13Ʋ nɛ jaŋ saa mɩ-na ma TƖƖNA dɩɩ-bal-la, ʋ jaŋ kɛŋ yɩrɩŋ woruŋ. Ʋ jaŋ hɔŋ ʋ kuoru kpasa nyuŋ a beŋ ʋ nɩaa, a bɩra ŋaa nʋʋ sɩ jaŋ laa nɩaa nyuŋ a tɩma pɩpɩ mɩ-na Wɩa. Ʋ jaŋ ŋaa wɩalɩŋ balɩa kala hɩhɛ dɔŋɔ dɩ fɩɛlɩŋ hɛ nɩmɛ. 14Kuori nyunchuul-la jaŋ hɛ mɩ-na ma TƖƖNA dɩɩ-bal-la lɛ dɩ ba kaa liliisi Hɛlɩdaɩ, Tobija, Jedaaya arɩ Zefanaaya nanʋala Josaaya wɩaa.” 15Nɩalɩŋ sɩ hɛ dɩ-bolii jaŋ kʋ pɛ dɩ ma saa La TƖƖNA dɩɩ-bal-la, dɩ ŋɩɩ nɛ ŋaa, ma jaŋ jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ. Wɩɩŋ deeŋ jaŋ ŋaa dɩ ma nɛ chaasa to ma TƖƖNA Wɩa niiŋ.
Právě zvoleno:
ZƐKARƖYA 6: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
ZƐKARƖYA 6
6
Laalɩŋ janɩŋ torukoba banɛsɛ
1Mɩ bɩra beŋ, a na laalɩŋ janɩŋ torukoba banɛsɛ dɩ ba lɩɩ kɔlɩɩŋ peelee balɩa pɛgɛ a kʋkɔ. 2Laalɩŋ janɩŋ toruko bumbuŋ janɩŋ ŋaa kʋfɩɛsɩŋ nɛ, lɩa kʋa ma janɩŋ ŋaa kʋbisi, 3tori kʋa ma janɩŋ ŋaa kʋpʋlʋŋ, nɛsɛ kʋa janɩŋ ma ŋaa kʋŋmʋŋmʋnaa. Ba kala ŋaa ja-duoru nɛ. 4Mɩ pɩɛsɛ Wɩa tɩndaarʋ-la sɩɩ bʋl wɩaa mɩ teeŋ, “Mɩ nɩhɩaŋ, bɛɛ kɩaa nɛ kɩaa deemba?”
5Ʋ bʋla pɩmɛ, “Dɩnsɩŋ banɛsɛ sɩ hɛ Wɩa-jaŋ lɛ nɛ ŋɩɩ. Ba lɩɩ La TƖƖNA sɩ tɩɩ dʋnɩa kala sɩpaaŋ nɛ a kʋkɔ ŋɩɩ. 6Laalɩŋ janɩŋ toruko-la sɩ kɛŋ ja-bisiŋ ka mʋ wɩɩpɔsʋŋ nagʋa dɩɩrɩŋ tinteeŋ nɛ, kʋ-la ma sɩ kɛŋ ja-pʋllʋŋ mʋmʋ wɩɩjʋʋlʋŋ dɩɩrɩŋ, kʋ-la ma sɩ kɛŋ ja-ŋmʋŋmʋnaa ka mʋ wɩɩpɔsʋŋ nadiiŋ dɩɩrɩŋ nɛ.” 7Ja-duoru-la sɩ lɩa, ba kpʋkpʋ ba tɩtɩa dɩ ba wuo gɔllɛ dʋnɩa kala. Wɩa tɩndaarʋ-la bʋl, “Má gɔllɛ dʋnɩa kala.” Ŋɩɩ nɛ ba gɔllɛ ʋ kala.
8Ŋɩɩ nɛ Wɩa tɩndaarʋ-la yɩrɛmɛ a bʋl, “Bee na, janɩ-la sɩɩ mʋ wɩɩpɔsʋŋ nagʋa dɩɩrɩŋ tinteeŋ leŋe mɩ Dɩma na wiesee nɛ wɩɩpɔsʋŋ nagʋa tintee-la lɛ.”
Josua kuoru nyunchuulo
9Ŋɩɩ nɛ La TƖƖNA bʋl wɩaa pɩmɛ: 10Laa hɔpʋla arɩ sɛlɩmɛ nɩaa deemba sɩ lɩɩ yoŋ-baga Babɩlɔŋ lɛ a kɔ teeŋ: Hɛlɩdaɩ, Tobija arɩ Jedaaya. Tapʋlɩɩ-la tɩtɩa, mʋ Zefanaaya nanʋala Josaaya dɩa. 11Kɛŋ hɔpʋla-la arɩ sɛlɩmɛ-la a ŋaa kuoru nyunchuulo a joŋo chu Jehozadak nanʋala Josua sɩ ŋaa Wɩɩsʋllɩ sɩpaalaaraa nɩhɩaŋ. 12Bʋla pʋ wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: “Baal-la ba sɩɩ yɩrɛ Naakeliŋ nɛ ŋ-la. Ʋ jaŋ kele lɩɩ ʋ lee-la ʋ sɩ hɛ, a saa mɩ-na ma TƖƖNA dɩɩ-bal-la. 13Ʋ nɛ jaŋ saa mɩ-na ma TƖƖNA dɩɩ-bal-la, ʋ jaŋ kɛŋ yɩrɩŋ woruŋ. Ʋ jaŋ hɔŋ ʋ kuoru kpasa nyuŋ a beŋ ʋ nɩaa, a bɩra ŋaa nʋʋ sɩ jaŋ laa nɩaa nyuŋ a tɩma pɩpɩ mɩ-na Wɩa. Ʋ jaŋ ŋaa wɩalɩŋ balɩa kala hɩhɛ dɔŋɔ dɩ fɩɛlɩŋ hɛ nɩmɛ. 14Kuori nyunchuul-la jaŋ hɛ mɩ-na ma TƖƖNA dɩɩ-bal-la lɛ dɩ ba kaa liliisi Hɛlɩdaɩ, Tobija, Jedaaya arɩ Zefanaaya nanʋala Josaaya wɩaa.” 15Nɩalɩŋ sɩ hɛ dɩ-bolii jaŋ kʋ pɛ dɩ ma saa La TƖƖNA dɩɩ-bal-la, dɩ ŋɩɩ nɛ ŋaa, ma jaŋ jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ. Wɩɩŋ deeŋ jaŋ ŋaa dɩ ma nɛ chaasa to ma TƖƖNA Wɩa niiŋ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014