MALAKAƖ 1
1
1Wɩɩ-la La TƖƖNA sɩ bʋla pɩ Malakaɩ dɩ ʋ bʋla pɩ Iziral tɩŋŋaa nɛ ŋ-la.
La TƖƖNA cho Jekɔb aŋ bɛrɛ Ɛsɔ
2“Iziral tɩmma, mɩ-na ma TƖƖNA, mɩ choma nɛ.
Ama ma ha yie pɩɛsɛ, ‘Bɛɛ nɛ daga arɩ ŋ chola nɛ?’
Má liisi arɩ Ɛsɔ fa ŋaa Jekɔb malɩma nɛ, ka mɩ lɩɩsɛ Jekɔb a cho ʋ dɩ ʋ doho nɩaa kala, 3aŋ bɛrɛ Ɛsɔ wɩaa a leŋ ʋ tinteeŋ sɩ kɛŋ peelee pɩŋ jikpeeŋ a bɩrɩmɛ jolluŋ dɩ-gɔllʋŋ.
4Ɛsɔ doho nɩaa jaŋ wuo bʋl, ‘La tasɩŋ kala cheye nɛ, ama la jaŋ bɩra saaba.’ ”
Ama wɩɩ-la mɩ-na ma TƖƖNA, Wɩɩjarɩbakɔ sɩ bʋla nɛ ŋ-la: “Ba jaŋ saa, ama mɩ jaŋ chei lere-la kala ba sɩ saa. Nɩaa jaŋ yɩyɩrɛ lee-la nɩbɔŋŋɔɔ tinteeŋ, nɩalɩŋ nyuŋ La TƖƖNA baanɩŋ sɩɩ sii bʋa na-kala. 5Ma Iziral tɩŋŋaa tɩtɩa jaŋ na wɩɩŋ deeŋ, a bʋl, ‘La TƖƖNA chaasa kɛŋ doluŋ a kieli Iziral tinteeŋ mʋ dɩ-bolii nɛ.’ ”
Wɩɩsʋlʋŋ kɩalɩŋ sɩ kɛŋ disiniŋ
6Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’
7Ma joŋ kʋdiile-la sɩ kɛŋ disiniŋ nɛ a ŋaa Wɩɩsʋlʋŋ mɩ koruŋ nyuŋ, aŋ pɩɛsɛ, ‘Bɛɛ kʋŋ sɩɩ-jʋʋ wɩɩ nɛ la ŋaa?’
Sɩɩ-jʋʋ wɩɩ-la ma sɩ ŋaa nɛ, ma sɩ joŋ kɩalɩŋ sɩ kɛŋ disiniŋ a daŋ mɩ koruŋ nyuŋ. 8Dɩ ma nɛ kɛŋ pʋsʋŋ sɩ nyʋlɩma a kʋ ŋaa Wɩɩsʋlʋŋ pɩmɛ, wʋbɔŋ dee ŋɩɩ? Dɩ ma nɛ kɛŋ pʋsʋŋ sɩ gbɛrɩgɛ koo a wʋwɩɩlɛ a ŋaa Wɩɩsʋlʋŋ, wʋbɔŋ dee ŋɩɩ? Dɩ ma joŋ pʋŋ dosunu-la a pɩ ma tinteeŋ nɩhɩaŋ, ʋ tʋɔŋ jaŋ tɔrɛ ma nyuŋ? Ʋ jaŋ sɛɩ a ŋaa wʋzɔŋ pɩmaa?”
9La TƖƖNA doluŋ kala Tɩɩna bɩra sɩ, “Ma Wɩɩsʋllɩ sɩpaalaaraa, má sʋl mɩ-na Wɩa dɩ mɩ fá ma nenige a laa ma Wɩɩsʋlʋŋ kɩaa. Dɩ mɩ nɛ vɩa, ma nɛ jaŋ tɩɩ.
10Mɩ fa cho dɩ ma dɔŋɔ kɛŋ mɩ dɩɩ-bal-la borusuŋ kaa yagɛ nɛ, dɩ ŋɩɩ leŋ dɩ ma sɩ́ kɩaa sɩ bɩ bʋbʋɔ kɛnɛ nyɩgʋ mɩ koruŋ nyuŋ. Mɩ tʋɔŋ bɩ ma Wɩɩsʋllɩ sɩpaalaaraa nyuŋ tɔrɔ, ŋɩɩ wɩaa mɩ bɩ jaŋ laa ma Wɩɩsʋlʋŋ.
Mɩ-na ma TƖƖNA doluŋ kala Tɩɩna nɛ bʋla.
11Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ.
Mɩ-na ma TƖƖNA doluŋ kala Tɩɩna nɛ bʋla.
12Ama ma sɩɩŋ jʋʋmɛ nɛ ma sɩ yie bʋl arɩ mɩ koru-la bɩ bʋbʋɔŋ kɛnɛ aŋ ŋaa Wɩɩsʋlʋŋ kʋdiile-la ma tɩtɩa sɩ bɩ chɛ a daŋ ʋ nyuŋ. 13Ma yie bʋl, ‘La lɔl wɩaa deemba kala lɛ nɛ,’ aŋ kɛŋ ma sɩaa chei mɩ Wɩɩsʋlʋŋ nyuŋ. Ma yie gaa pʋsʋŋ nɛ koo a kɛŋ pʋsʋ-la sɩ gbɛrɩgɛ koo a nyʋlɩmɛ a kaa kʋ ŋaa Wɩɩsʋlʋŋ. Ma bɩɩna mɩ jaŋ sɛɩ a laaba ma teeŋ?
Mɩ-na ma TƖƖNA doluŋ kala Tɩɩna nɛ bʋla.
14Ŋmɩaŋ jaŋ dii nɩɩ-la kala sɩ ta niiŋ mɩ-na ma TƖƖNA doluŋ kala Tɩɩna teeŋ, arɩ ʋ jaŋ kɛŋ pʋŋ-bel-zɔmʋŋ pɩmɛ aŋ vɩa dɩ ʋ kɛŋ pʋŋ-zɔŋ-la lɩɩsɛ nii-la aŋ mɩɩra sii kɛŋ pʋna sɩ kɛŋ nyɔɔŋ. Mɩ ŋaa kuoru-bal nɛ, tinteyee nɩaa kala fɩfámɛ.
Mɩ-na ma TƖƖNA doluŋ kala Tɩɩna nɛ bʋla.”
Právě zvoleno:
MALAKAƖ 1: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
MALAKAƖ 1
1
1Wɩɩ-la La TƖƖNA sɩ bʋla pɩ Malakaɩ dɩ ʋ bʋla pɩ Iziral tɩŋŋaa nɛ ŋ-la.
La TƖƖNA cho Jekɔb aŋ bɛrɛ Ɛsɔ
2“Iziral tɩmma, mɩ-na ma TƖƖNA, mɩ choma nɛ.
Ama ma ha yie pɩɛsɛ, ‘Bɛɛ nɛ daga arɩ ŋ chola nɛ?’
Má liisi arɩ Ɛsɔ fa ŋaa Jekɔb malɩma nɛ, ka mɩ lɩɩsɛ Jekɔb a cho ʋ dɩ ʋ doho nɩaa kala, 3aŋ bɛrɛ Ɛsɔ wɩaa a leŋ ʋ tinteeŋ sɩ kɛŋ peelee pɩŋ jikpeeŋ a bɩrɩmɛ jolluŋ dɩ-gɔllʋŋ.
4Ɛsɔ doho nɩaa jaŋ wuo bʋl, ‘La tasɩŋ kala cheye nɛ, ama la jaŋ bɩra saaba.’ ”
Ama wɩɩ-la mɩ-na ma TƖƖNA, Wɩɩjarɩbakɔ sɩ bʋla nɛ ŋ-la: “Ba jaŋ saa, ama mɩ jaŋ chei lere-la kala ba sɩ saa. Nɩaa jaŋ yɩyɩrɛ lee-la nɩbɔŋŋɔɔ tinteeŋ, nɩalɩŋ nyuŋ La TƖƖNA baanɩŋ sɩɩ sii bʋa na-kala. 5Ma Iziral tɩŋŋaa tɩtɩa jaŋ na wɩɩŋ deeŋ, a bʋl, ‘La TƖƖNA chaasa kɛŋ doluŋ a kieli Iziral tinteeŋ mʋ dɩ-bolii nɛ.’ ”
Wɩɩsʋlʋŋ kɩalɩŋ sɩ kɛŋ disiniŋ
6Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’
7Ma joŋ kʋdiile-la sɩ kɛŋ disiniŋ nɛ a ŋaa Wɩɩsʋlʋŋ mɩ koruŋ nyuŋ, aŋ pɩɛsɛ, ‘Bɛɛ kʋŋ sɩɩ-jʋʋ wɩɩ nɛ la ŋaa?’
Sɩɩ-jʋʋ wɩɩ-la ma sɩ ŋaa nɛ, ma sɩ joŋ kɩalɩŋ sɩ kɛŋ disiniŋ a daŋ mɩ koruŋ nyuŋ. 8Dɩ ma nɛ kɛŋ pʋsʋŋ sɩ nyʋlɩma a kʋ ŋaa Wɩɩsʋlʋŋ pɩmɛ, wʋbɔŋ dee ŋɩɩ? Dɩ ma nɛ kɛŋ pʋsʋŋ sɩ gbɛrɩgɛ koo a wʋwɩɩlɛ a ŋaa Wɩɩsʋlʋŋ, wʋbɔŋ dee ŋɩɩ? Dɩ ma joŋ pʋŋ dosunu-la a pɩ ma tinteeŋ nɩhɩaŋ, ʋ tʋɔŋ jaŋ tɔrɛ ma nyuŋ? Ʋ jaŋ sɛɩ a ŋaa wʋzɔŋ pɩmaa?”
9La TƖƖNA doluŋ kala Tɩɩna bɩra sɩ, “Ma Wɩɩsʋllɩ sɩpaalaaraa, má sʋl mɩ-na Wɩa dɩ mɩ fá ma nenige a laa ma Wɩɩsʋlʋŋ kɩaa. Dɩ mɩ nɛ vɩa, ma nɛ jaŋ tɩɩ.
10Mɩ fa cho dɩ ma dɔŋɔ kɛŋ mɩ dɩɩ-bal-la borusuŋ kaa yagɛ nɛ, dɩ ŋɩɩ leŋ dɩ ma sɩ́ kɩaa sɩ bɩ bʋbʋɔ kɛnɛ nyɩgʋ mɩ koruŋ nyuŋ. Mɩ tʋɔŋ bɩ ma Wɩɩsʋllɩ sɩpaalaaraa nyuŋ tɔrɔ, ŋɩɩ wɩaa mɩ bɩ jaŋ laa ma Wɩɩsʋlʋŋ.
Mɩ-na ma TƖƖNA doluŋ kala Tɩɩna nɛ bʋla.
11Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ.
Mɩ-na ma TƖƖNA doluŋ kala Tɩɩna nɛ bʋla.
12Ama ma sɩɩŋ jʋʋmɛ nɛ ma sɩ yie bʋl arɩ mɩ koru-la bɩ bʋbʋɔŋ kɛnɛ aŋ ŋaa Wɩɩsʋlʋŋ kʋdiile-la ma tɩtɩa sɩ bɩ chɛ a daŋ ʋ nyuŋ. 13Ma yie bʋl, ‘La lɔl wɩaa deemba kala lɛ nɛ,’ aŋ kɛŋ ma sɩaa chei mɩ Wɩɩsʋlʋŋ nyuŋ. Ma yie gaa pʋsʋŋ nɛ koo a kɛŋ pʋsʋ-la sɩ gbɛrɩgɛ koo a nyʋlɩmɛ a kaa kʋ ŋaa Wɩɩsʋlʋŋ. Ma bɩɩna mɩ jaŋ sɛɩ a laaba ma teeŋ?
Mɩ-na ma TƖƖNA doluŋ kala Tɩɩna nɛ bʋla.
14Ŋmɩaŋ jaŋ dii nɩɩ-la kala sɩ ta niiŋ mɩ-na ma TƖƖNA doluŋ kala Tɩɩna teeŋ, arɩ ʋ jaŋ kɛŋ pʋŋ-bel-zɔmʋŋ pɩmɛ aŋ vɩa dɩ ʋ kɛŋ pʋŋ-zɔŋ-la lɩɩsɛ nii-la aŋ mɩɩra sii kɛŋ pʋna sɩ kɛŋ nyɔɔŋ. Mɩ ŋaa kuoru-bal nɛ, tinteyee nɩaa kala fɩfámɛ.
Mɩ-na ma TƖƖNA doluŋ kala Tɩɩna nɛ bʋla.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014