JONA 3
3
Jona mʋ Nɩnɩvɛ
1Ŋɩɩ nɛ La TƖƖNA bʋl wɩaa pɩ Jona lɩamɩŋ lɛ, 2“Mʋ tabal-la ba sɩɩ yɩrɛ Nɩnɩvɛ a bʋl wɩalɩŋ mɩ sɩ bʋla pɩŋ.”
3Ŋɩɩ nɛ Jona sɛɩ La TƖƖNA niiŋ a mʋ Nɩnɩvɛ. Nɩnɩvɛ fa jalɩa nɛ woruŋ. Tapʋlaa batori nɛ ŋ jaŋ joŋo lɩɩ sɛmpɛɛŋ dɔŋɔ a mʋ dɩdɛrɩŋ. 4Ŋɩɩ nɛ Jona jʋʋ taŋ-la. Chɛ-bumbuŋ-la ʋ sɩ jʋa, ʋ heele bʋl, “Ʋ ka tapʋlaa mahɩŋ balɩa aŋ ka dɩ Wɩa chei Nɩnɩvɛ kala.” 5Ba sɩ nɩɩ ŋɩɩ, Nɩnɩvɛ nɩaa laa Wɩa wɩaa dii. Ŋɩɩ nɛ ba sɩ dɩ nʋʋkala vɔɔ niiŋ, nɩhɩasɩŋ arɩ hambiisiŋ kala a laalɛ tʋɔ-chei gɛnnɩŋ.
6Duoso-la sɩ yi Nɩnɩvɛ kuoro, ʋ sii ʋ kuoru kpasa nyuŋ, a wuri ʋ kuoru gɛnnɩŋ aŋ ma laalɛ tʋɔ-chei gɛnnɩŋ, a hɔŋ bumbugo lɛ. 7Ŋɩɩ nɛ kuoro ŋaa ba heele pɩ Nɩnɩvɛ nɩaa a bʋl, “Kuoro arɩ ʋ nɩhɩasɩŋ sɩ nuhuobiiŋ koo pʋna kala bɩ maga dɩ ʋ dii kɩaa koo a nyʋa lɩɩŋ.
8Ama má leŋ dɩ nʋʋkala laalɛ tʋɔ-chei gɛnnɩŋ, aŋ paa dɔnsʋŋ vɔɔ pʋsʋŋ a chaasa sʋl Wɩa woruŋ a leŋ yuosuŋ arɩ wʋbɔŋŋɔɔ ŋaanɩŋ. 9Kapo, Wɩa baaŋ-la sɩ faasa sii la nyuŋ jaŋ fɩɛlɛ, dɩ ʋ joŋ la wʋbɔŋŋɔɔ chɛla dɩ la sɩ́ sʋʋ.”
10Wɩa sɩ na dɩ ba ŋaa ŋɩɩ, a leŋ ba wʋbɔŋŋɔɔ ŋaanɩŋ, ʋ fá ba nenige, ʋ bɩ ba kpʋa arɩ ʋ fa sɩ bɩɩnɛ ŋɩɩ.
Právě zvoleno:
JONA 3: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
JONA 3
3
Jona mʋ Nɩnɩvɛ
1Ŋɩɩ nɛ La TƖƖNA bʋl wɩaa pɩ Jona lɩamɩŋ lɛ, 2“Mʋ tabal-la ba sɩɩ yɩrɛ Nɩnɩvɛ a bʋl wɩalɩŋ mɩ sɩ bʋla pɩŋ.”
3Ŋɩɩ nɛ Jona sɛɩ La TƖƖNA niiŋ a mʋ Nɩnɩvɛ. Nɩnɩvɛ fa jalɩa nɛ woruŋ. Tapʋlaa batori nɛ ŋ jaŋ joŋo lɩɩ sɛmpɛɛŋ dɔŋɔ a mʋ dɩdɛrɩŋ. 4Ŋɩɩ nɛ Jona jʋʋ taŋ-la. Chɛ-bumbuŋ-la ʋ sɩ jʋa, ʋ heele bʋl, “Ʋ ka tapʋlaa mahɩŋ balɩa aŋ ka dɩ Wɩa chei Nɩnɩvɛ kala.” 5Ba sɩ nɩɩ ŋɩɩ, Nɩnɩvɛ nɩaa laa Wɩa wɩaa dii. Ŋɩɩ nɛ ba sɩ dɩ nʋʋkala vɔɔ niiŋ, nɩhɩasɩŋ arɩ hambiisiŋ kala a laalɛ tʋɔ-chei gɛnnɩŋ.
6Duoso-la sɩ yi Nɩnɩvɛ kuoro, ʋ sii ʋ kuoru kpasa nyuŋ, a wuri ʋ kuoru gɛnnɩŋ aŋ ma laalɛ tʋɔ-chei gɛnnɩŋ, a hɔŋ bumbugo lɛ. 7Ŋɩɩ nɛ kuoro ŋaa ba heele pɩ Nɩnɩvɛ nɩaa a bʋl, “Kuoro arɩ ʋ nɩhɩasɩŋ sɩ nuhuobiiŋ koo pʋna kala bɩ maga dɩ ʋ dii kɩaa koo a nyʋa lɩɩŋ.
8Ama má leŋ dɩ nʋʋkala laalɛ tʋɔ-chei gɛnnɩŋ, aŋ paa dɔnsʋŋ vɔɔ pʋsʋŋ a chaasa sʋl Wɩa woruŋ a leŋ yuosuŋ arɩ wʋbɔŋŋɔɔ ŋaanɩŋ. 9Kapo, Wɩa baaŋ-la sɩ faasa sii la nyuŋ jaŋ fɩɛlɛ, dɩ ʋ joŋ la wʋbɔŋŋɔɔ chɛla dɩ la sɩ́ sʋʋ.”
10Wɩa sɩ na dɩ ba ŋaa ŋɩɩ, a leŋ ba wʋbɔŋŋɔɔ ŋaanɩŋ, ʋ fá ba nenige, ʋ bɩ ba kpʋa arɩ ʋ fa sɩ bɩɩnɛ ŋɩɩ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014