DANƖƐL 6
6
Ba joŋ Danɩɛl hɛ naachigee dɩjʋʋlʋŋ
1Daarus beŋ woruŋ aŋ lɩɩsɛ sɩpaalaaraa zɔlɔ arɩ mara ba bibeŋ ʋ tinteeŋ, 2aŋ bɩra lɩɩsɛ nɩhɩasɩŋ batori ba ma bibeŋ sɩpaalaara-la. Danɩɛl nɛ fa ŋaa ba nɩhɩasɩ-la dɔŋɔ. Dɩ sɩpaalaara-la nɛ kɛŋ wɩɩkala, ba yie kaa kʋ bʋla pɩba nɛ, dɩ kuoro wɩaa vɛŋ woruŋ. 3Danɩɛl tɩntɩŋŋaa nɛ fa lɩɩ sɩɩŋ a kɩɩ ʋ nɩhɩa-dɔsʋ-la arɩ sɩpaalaara-la kala. Ʋ sɩ wuo wɩaa ŋɩŋaa ŋɩɩ, kuoro bɩbɩɩnɛ dɩ ʋ leŋ dɩ ʋ nɛ bibeŋ ʋ tinteeŋ kala. 4Ŋɩɩ nɛ nɩhɩasɩ-la arɩ sɩpaalaara-la tɩŋ ŋɩɩ wɩaa a wʋwalɩmɛ dɩ ba na dɩ Danɩɛl chei wɩɩ ʋ tɩntɩŋŋaa lɛ, ama ba bɩ wuo na wɩɩ. Ba bɩ ʋ wʋcheeli kala na, bɛɛ wɩaa ʋ fa kɛŋ wʋtɩtɩɩ, a bɩ nɩaa ka gɩrɩmɛ a kɛŋ sɩɩfɩɛsɩŋ ʋ tɩntɩŋŋaa lɛ. 5Ŋɩɩ nɛ nɩalɩŋ bʋla pɩ dɔŋɔ, “La bɩ jaŋ wuo na wɩɩkala a tɩgɛ Danɩɛl deeŋ lɛ, see ʋ Wɩɩ-chʋɔlʋŋ wombiiŋ lɛ.” 6Ŋɩɩ nɛ nɩhɩasɩ-la arɩ sɩpaalaara-la sii hɛ dɔŋɔ lɛ a mʋ kuoro Daarus teeŋ a bʋl, “Kuoro, a leŋ dɩ ŋ mɩɩsɩŋ duomi. 7La-na ŋ tinteeŋ nɩhɩasɩŋ, sɩpaalaaraa, nɩalɩŋ sɩɩ chagɩlɩŋ arɩ ŋ tɩntɩnnɩ-hɩasɩŋ sɛyɛ nɛ, dɩ ŋ tɔ boŋ a leŋ dɩ ʋ chɩŋ, dɩ nʋʋkala jɩŋ arɩ tapʋlaa mara arɩ fii pɛgɛ, nɩɩ-la kala nɛ chʋɔlɛ vene kala koo nuhuobiiŋ dɩ ŋ-na kuoro dʋndʋŋa dee, dɩ ba joŋ tɩɩna yuo hɛ naachigee dɩjʋʋlʋŋ. 8Kuoro, pɩ wombiiŋ dɩ ba tɔ boŋ-la aŋ ŋmʋnsa bil dɩ nʋʋ sɩ wuo kaa bɩrɩmɛ, a nagɛ Medis arɩ Pɛsɩa tɩŋŋaa wombiee ba sɩ bile dɩ ba tuto sɩ dagɛ ŋɩɩ.” 9Ŋɩɩ nɛ kuoro Daarus tɔ boŋ a leŋ ba ŋmʋnsa bil.
10Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ. 11Ŋɩɩ nɛ nɩalɩŋ sii hɛ dɔŋɔ a mʋ, a na Danɩɛl dɩ ʋ chʋɔlɛ Wɩa a sʋsʋlʋ dɩ ʋ pɛ ʋ lɛ. 12Ŋɩɩ nɛ ba mʋ kuoro teeŋ a pɩɛsʋ wɩaa a mʋ tɩgɛ boŋ-la ʋ sɩ tɔ lɛ. Ba sɩ, “Ŋ bɩ boŋ tɔ a leŋ nʋʋkala jɩŋ arɩ tapʋlaa mara arɩ fii pɛgɛ nʋʋkala nɛ chʋɔlɛ vene koo nuhuobiiŋ kala dɩ ŋ-na kuoro dʋndʋŋa dee, dɩ ba joŋu yuo hɛ naachigee dɩjʋʋlʋŋ?”
Kuoro bʋl, “Boŋ-la chaasa chɩŋ nɛ a nagɛ Medis arɩ Pɛsɩa tɩŋŋaa wombiee ba sɩ bile dɩ la tuto, nʋʋ bɩ jaŋ wuo kɛmba bɩrɩmɛ sɩ dagɛ ŋɩɩ.”
13Ŋɩɩ nɛ ba bʋla pɩ kuoro, “Danɩɛl, Juda nɩalɩŋ ba sɩ yuo kɛsɛ dɔŋɔ vɩa ŋ-na kuoro niiŋ nɛ, a bɩ boŋ-la ŋ sɩ tɔ a leŋ ba ŋmʋnsa bil kaa tɩtɩŋ. Ʋ ha yie chʋɔlɛ Wɩa naansɩɩŋ butori nɛ tapʋlɩɩ kala.” 14Kuoro sɩ nɩɩ wɩɩŋ deeŋ, ʋ tʋɔŋ faasa chei, ʋ kɛŋ ʋ tʋɔŋ dɩ ʋ laa Danɩɛl ta. Ʋ chɛ wombiiŋ ʋ sɩ jaŋ to laa Danɩɛl ta halɩɩ, wɩa tuu jʋʋ.
15Ŋɩɩ nɛ nɩalɩŋ bɩra sii hɛ dɔŋɔ a mʋ kuoro teeŋ a bʋla pʋ, “Kuoro, ŋ jɩma Medis arɩ Pɛsɩa tɩŋŋaa wombiiŋ lɛ, dɩ kuoro nɛ tɔ boŋ koo a bʋl wɩɩ bil, nʋʋkala bɩ jaŋ wuo kɛnʋ bɩrɩmɛ.”
16Kuoro pa wombiiŋ ba kɛŋ Danɩɛl kɔ a joŋu yuo hɛ naachigee dɩjʋʋlʋŋ. Ŋɩɩ nɛ kuoro bʋla pʋ, “Danɩɛl, a leŋ dɩ ŋ Wɩa-la ŋ sɩ tɩma pɩpa bʋa kala laaŋ ta.”
17Ba sɩ ŋaa ŋɩɩ, ba bilimi tabɩɩŋ kʋ tɔ naachigee dɩ-jʋʋlɩɩ-la niiŋ. Ka kuoro joŋ ʋ nenii-pɩrɩŋ arɩ ʋ nɩhɩasɩŋ nenii-pɩraa a magɩlɛ, dɩ nʋʋkala sɩ́ wuo kʋ pɛ Danɩɛl lɛ a lɩɩsʋ. 18Ŋɩɩ nɛ kuoro mɩɩra mʋ dɩa. Tɩtaŋ-la kala ʋ bɩ kɩaa die a bɩ leŋe nʋʋ kʋ gbieli ʋ sɩpaaŋ. Ʋ bɩ doŋ ma wuo pɩŋ. 19Sɩɩpʋʋraa kuoro sii fá mʋmʋ naachigee dɩ-jʋʋlɩɩ-la. 20Ʋ sɩ kʋ kpagɛ naachigee dɩ-jʋʋlɩɩ-la, ʋ chele yɩrɛ, “Danɩɛl, Wɩa sɩ weye tɩntɩnnʋ, ŋ Wɩa-la ŋ sɩɩ chʋɔlʋ bʋa na-kala wuo laaŋ ta nɛ naachigee deemba niiŋ lɛɛ?”
21Ŋɩɩ nɛ Danɩɛl bʋl, “Kuoro, a leŋ dɩ ŋ mɩɩsɩŋ duomi. 22Mɩ Wɩa tɩŋ ʋ tɩndaara nɛ, ʋ kʋ tɔ naachige-la niiŋ. Ba bɩ mɩ chaŋa, bɛɛ wɩaa ʋ na dɩ mɩ bɩ wɩɩ cheye, a bɩ wɩɩ cheye ŋ-ma Kuoro lɛ.”
23Kuoro tʋɔŋ faasa tɔrɛ, ʋ ŋaa ba lɩɩsɛ Danɩɛl naachigee dɩ-jʋʋlɩɩ-la. Ba sɩ lɩɩsʋ, ba bɩ naawɩɩl kala na ʋ lɛ, bɛɛ wɩaa ʋ fa laa ʋ Wɩa dii nɛ.
24Kuoro ŋaa ba kɛsɛ nɩalɩŋ sɩ nyɩɛ wɩaa pɩ Danɩɛl, a kɛsɛ ba haalaa arɩ ba biiriŋ kala kɔ a jomba yuo hɛ naachigee dɩ-jʋʋlɩɩ-la lɛ. Ba paala bɩ tinteeŋ tele, ka naachige-la fɩla jɩlba a kɛmba pʋɔsɛ a chamba, a yɛrɛ ba haŋgbelee kala.
25Ŋɩɩ nɛ kuoro Daarus ŋmʋnsɛ teniŋ a pɩ nɩaa kala, tinteyee nɩaa arɩ yikoro na-kala nɩaa sɩ hɛ dʋnɩa lɛ a bʋl ŋ-la:
Wɩa jaŋ leŋ dɩ ma na ma wʋchɛɛlɛɛ kala.
26Mɩ hɛ niiŋ nɛ aa pɩ nʋʋ na-kala sɩ hɛ mɩ tinteeŋ sɛmɛ kala lɛ, arɩ ʋ maga dɩ ma fá Danɩɛl Wɩa nɛ a zizilu.
Ʋ nɛ Wɩa sɩ weye.
Ʋ nɛ hɛ nɩmɛ a kaa mʋ deeŋ deeŋ.
Ʋ kuoruŋ bɩ jaŋ kɔ dɩ ʋ tele,
ʋ doluŋ bɩ jaŋ dɛrɛ.
27Ʋ yie lɩɩsɛ nɩaa wɩaa lɛ nɛ, a laaba ta.
Ʋ ŋaa wʋmagɩlaa arɩ wʋkpuŋkperisiŋ nɛ
Wɩa-jaŋ arɩ tinteeŋ kala lɛ.
Ʋ nɛ laa Danɩɛl ta
naachigee niiŋ lɛ.
28Ŋɩɩ nɛ Danɩɛl wɩɩkala vɛŋ woruŋ Daarus arɩ Siirus, Pɛsɩa tɩmma-la kuoruŋ bʋa lɛ.
Právě zvoleno:
DANƖƐL 6: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
DANƖƐL 6
6
Ba joŋ Danɩɛl hɛ naachigee dɩjʋʋlʋŋ
1Daarus beŋ woruŋ aŋ lɩɩsɛ sɩpaalaaraa zɔlɔ arɩ mara ba bibeŋ ʋ tinteeŋ, 2aŋ bɩra lɩɩsɛ nɩhɩasɩŋ batori ba ma bibeŋ sɩpaalaara-la. Danɩɛl nɛ fa ŋaa ba nɩhɩasɩ-la dɔŋɔ. Dɩ sɩpaalaara-la nɛ kɛŋ wɩɩkala, ba yie kaa kʋ bʋla pɩba nɛ, dɩ kuoro wɩaa vɛŋ woruŋ. 3Danɩɛl tɩntɩŋŋaa nɛ fa lɩɩ sɩɩŋ a kɩɩ ʋ nɩhɩa-dɔsʋ-la arɩ sɩpaalaara-la kala. Ʋ sɩ wuo wɩaa ŋɩŋaa ŋɩɩ, kuoro bɩbɩɩnɛ dɩ ʋ leŋ dɩ ʋ nɛ bibeŋ ʋ tinteeŋ kala. 4Ŋɩɩ nɛ nɩhɩasɩ-la arɩ sɩpaalaara-la tɩŋ ŋɩɩ wɩaa a wʋwalɩmɛ dɩ ba na dɩ Danɩɛl chei wɩɩ ʋ tɩntɩŋŋaa lɛ, ama ba bɩ wuo na wɩɩ. Ba bɩ ʋ wʋcheeli kala na, bɛɛ wɩaa ʋ fa kɛŋ wʋtɩtɩɩ, a bɩ nɩaa ka gɩrɩmɛ a kɛŋ sɩɩfɩɛsɩŋ ʋ tɩntɩŋŋaa lɛ. 5Ŋɩɩ nɛ nɩalɩŋ bʋla pɩ dɔŋɔ, “La bɩ jaŋ wuo na wɩɩkala a tɩgɛ Danɩɛl deeŋ lɛ, see ʋ Wɩɩ-chʋɔlʋŋ wombiiŋ lɛ.” 6Ŋɩɩ nɛ nɩhɩasɩ-la arɩ sɩpaalaara-la sii hɛ dɔŋɔ lɛ a mʋ kuoro Daarus teeŋ a bʋl, “Kuoro, a leŋ dɩ ŋ mɩɩsɩŋ duomi. 7La-na ŋ tinteeŋ nɩhɩasɩŋ, sɩpaalaaraa, nɩalɩŋ sɩɩ chagɩlɩŋ arɩ ŋ tɩntɩnnɩ-hɩasɩŋ sɛyɛ nɛ, dɩ ŋ tɔ boŋ a leŋ dɩ ʋ chɩŋ, dɩ nʋʋkala jɩŋ arɩ tapʋlaa mara arɩ fii pɛgɛ, nɩɩ-la kala nɛ chʋɔlɛ vene kala koo nuhuobiiŋ dɩ ŋ-na kuoro dʋndʋŋa dee, dɩ ba joŋ tɩɩna yuo hɛ naachigee dɩjʋʋlʋŋ. 8Kuoro, pɩ wombiiŋ dɩ ba tɔ boŋ-la aŋ ŋmʋnsa bil dɩ nʋʋ sɩ wuo kaa bɩrɩmɛ, a nagɛ Medis arɩ Pɛsɩa tɩŋŋaa wombiee ba sɩ bile dɩ ba tuto sɩ dagɛ ŋɩɩ.” 9Ŋɩɩ nɛ kuoro Daarus tɔ boŋ a leŋ ba ŋmʋnsa bil.
10Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ. 11Ŋɩɩ nɛ nɩalɩŋ sii hɛ dɔŋɔ a mʋ, a na Danɩɛl dɩ ʋ chʋɔlɛ Wɩa a sʋsʋlʋ dɩ ʋ pɛ ʋ lɛ. 12Ŋɩɩ nɛ ba mʋ kuoro teeŋ a pɩɛsʋ wɩaa a mʋ tɩgɛ boŋ-la ʋ sɩ tɔ lɛ. Ba sɩ, “Ŋ bɩ boŋ tɔ a leŋ nʋʋkala jɩŋ arɩ tapʋlaa mara arɩ fii pɛgɛ nʋʋkala nɛ chʋɔlɛ vene koo nuhuobiiŋ kala dɩ ŋ-na kuoro dʋndʋŋa dee, dɩ ba joŋu yuo hɛ naachigee dɩjʋʋlʋŋ?”
Kuoro bʋl, “Boŋ-la chaasa chɩŋ nɛ a nagɛ Medis arɩ Pɛsɩa tɩŋŋaa wombiee ba sɩ bile dɩ la tuto, nʋʋ bɩ jaŋ wuo kɛmba bɩrɩmɛ sɩ dagɛ ŋɩɩ.”
13Ŋɩɩ nɛ ba bʋla pɩ kuoro, “Danɩɛl, Juda nɩalɩŋ ba sɩ yuo kɛsɛ dɔŋɔ vɩa ŋ-na kuoro niiŋ nɛ, a bɩ boŋ-la ŋ sɩ tɔ a leŋ ba ŋmʋnsa bil kaa tɩtɩŋ. Ʋ ha yie chʋɔlɛ Wɩa naansɩɩŋ butori nɛ tapʋlɩɩ kala.” 14Kuoro sɩ nɩɩ wɩɩŋ deeŋ, ʋ tʋɔŋ faasa chei, ʋ kɛŋ ʋ tʋɔŋ dɩ ʋ laa Danɩɛl ta. Ʋ chɛ wombiiŋ ʋ sɩ jaŋ to laa Danɩɛl ta halɩɩ, wɩa tuu jʋʋ.
15Ŋɩɩ nɛ nɩalɩŋ bɩra sii hɛ dɔŋɔ a mʋ kuoro teeŋ a bʋla pʋ, “Kuoro, ŋ jɩma Medis arɩ Pɛsɩa tɩŋŋaa wombiiŋ lɛ, dɩ kuoro nɛ tɔ boŋ koo a bʋl wɩɩ bil, nʋʋkala bɩ jaŋ wuo kɛnʋ bɩrɩmɛ.”
16Kuoro pa wombiiŋ ba kɛŋ Danɩɛl kɔ a joŋu yuo hɛ naachigee dɩjʋʋlʋŋ. Ŋɩɩ nɛ kuoro bʋla pʋ, “Danɩɛl, a leŋ dɩ ŋ Wɩa-la ŋ sɩ tɩma pɩpa bʋa kala laaŋ ta.”
17Ba sɩ ŋaa ŋɩɩ, ba bilimi tabɩɩŋ kʋ tɔ naachigee dɩ-jʋʋlɩɩ-la niiŋ. Ka kuoro joŋ ʋ nenii-pɩrɩŋ arɩ ʋ nɩhɩasɩŋ nenii-pɩraa a magɩlɛ, dɩ nʋʋkala sɩ́ wuo kʋ pɛ Danɩɛl lɛ a lɩɩsʋ. 18Ŋɩɩ nɛ kuoro mɩɩra mʋ dɩa. Tɩtaŋ-la kala ʋ bɩ kɩaa die a bɩ leŋe nʋʋ kʋ gbieli ʋ sɩpaaŋ. Ʋ bɩ doŋ ma wuo pɩŋ. 19Sɩɩpʋʋraa kuoro sii fá mʋmʋ naachigee dɩ-jʋʋlɩɩ-la. 20Ʋ sɩ kʋ kpagɛ naachigee dɩ-jʋʋlɩɩ-la, ʋ chele yɩrɛ, “Danɩɛl, Wɩa sɩ weye tɩntɩnnʋ, ŋ Wɩa-la ŋ sɩɩ chʋɔlʋ bʋa na-kala wuo laaŋ ta nɛ naachigee deemba niiŋ lɛɛ?”
21Ŋɩɩ nɛ Danɩɛl bʋl, “Kuoro, a leŋ dɩ ŋ mɩɩsɩŋ duomi. 22Mɩ Wɩa tɩŋ ʋ tɩndaara nɛ, ʋ kʋ tɔ naachige-la niiŋ. Ba bɩ mɩ chaŋa, bɛɛ wɩaa ʋ na dɩ mɩ bɩ wɩɩ cheye, a bɩ wɩɩ cheye ŋ-ma Kuoro lɛ.”
23Kuoro tʋɔŋ faasa tɔrɛ, ʋ ŋaa ba lɩɩsɛ Danɩɛl naachigee dɩ-jʋʋlɩɩ-la. Ba sɩ lɩɩsʋ, ba bɩ naawɩɩl kala na ʋ lɛ, bɛɛ wɩaa ʋ fa laa ʋ Wɩa dii nɛ.
24Kuoro ŋaa ba kɛsɛ nɩalɩŋ sɩ nyɩɛ wɩaa pɩ Danɩɛl, a kɛsɛ ba haalaa arɩ ba biiriŋ kala kɔ a jomba yuo hɛ naachigee dɩ-jʋʋlɩɩ-la lɛ. Ba paala bɩ tinteeŋ tele, ka naachige-la fɩla jɩlba a kɛmba pʋɔsɛ a chamba, a yɛrɛ ba haŋgbelee kala.
25Ŋɩɩ nɛ kuoro Daarus ŋmʋnsɛ teniŋ a pɩ nɩaa kala, tinteyee nɩaa arɩ yikoro na-kala nɩaa sɩ hɛ dʋnɩa lɛ a bʋl ŋ-la:
Wɩa jaŋ leŋ dɩ ma na ma wʋchɛɛlɛɛ kala.
26Mɩ hɛ niiŋ nɛ aa pɩ nʋʋ na-kala sɩ hɛ mɩ tinteeŋ sɛmɛ kala lɛ, arɩ ʋ maga dɩ ma fá Danɩɛl Wɩa nɛ a zizilu.
Ʋ nɛ Wɩa sɩ weye.
Ʋ nɛ hɛ nɩmɛ a kaa mʋ deeŋ deeŋ.
Ʋ kuoruŋ bɩ jaŋ kɔ dɩ ʋ tele,
ʋ doluŋ bɩ jaŋ dɛrɛ.
27Ʋ yie lɩɩsɛ nɩaa wɩaa lɛ nɛ, a laaba ta.
Ʋ ŋaa wʋmagɩlaa arɩ wʋkpuŋkperisiŋ nɛ
Wɩa-jaŋ arɩ tinteeŋ kala lɛ.
Ʋ nɛ laa Danɩɛl ta
naachigee niiŋ lɛ.
28Ŋɩɩ nɛ Danɩɛl wɩɩkala vɛŋ woruŋ Daarus arɩ Siirus, Pɛsɩa tɩmma-la kuoruŋ bʋa lɛ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014