Israelfɔ Ɩlʋ 97
97
Bulu Lɔfʋa Dʋn Ɔyɩ Fɛ́ɛ́
1Nana Bulu gyi Owie.
Ɔyɩtɔ aha fɛ́ɛ́ bʋnya ansigyi,
ɩwɩ ɩsankɩ ɔpʋ gbemgbesʋ awulu fɛ́ɛ́.
2Agyinde mʋ́a oklun tuun lobomli mʋ.
Yilebwɛ mʋ́a asʋngyi ɔnɔkwalɩsʋ
ɔlɔpʋwa mʋ obia.
3Ogya igya mʋ nkpa,
ɩdɛ mʋ alupʋ hɔ fia.
4Mʋ nyankpʋ ɔfwɩ ɩbɩ a,
ɩtɔwankɩ nsaɩntɔ fɛ́ɛ́.
Ɔsʋlʋ towun mʋ́ kpɩnkɩ.
5Abʋ tɛŋlaɩn fɛ okpin Nana Bulu ansɩtɔ,
ɔyɩ fɛ́ɛ́ Owie amʋ ansɩtɔ.
6Ɔsʋsʋ tɛlɛ mʋ ɔnɔkwalɩ ɔwan,
aha fɛ́ɛ́ bʋtowun mʋ numnyam.
7Bawa ɩkpɩ asumpʋá bʋtɔpʋ ɩkpɩ tsu ɩwɩ fɛ́ɛ́ pɛlɩtɔ.
Atunku fɛ́ɛ́, mlɩba ɩwɩasɩ ha mʋ!
8Oo Nana Bulu, Sionfɔ bonu a, ansɩ tegyi amʋ́.
Yudafɔ ɛ bʋtenya ansigyi,
fʋ asʋnbua sʋ,
9tsufɛ fʋ Nana Bulu fɔfʋa dʋn ɔyɩ fɛ́ɛ́.
Fʋdʋn ɔkpɩgyiɔkpɩ.
10Mlɩ aha ánɩ́ mlɩtɔdwɛ Nana Bulu, mlɩkisi lalahɛ.
Ɔtɛkɩ aha ánɩ́ bʋtamakpa mʋ ɔmasʋ,
lɛ amʋ́ lalahɛ abwɛpʋ ɩbɩ.
11Wankɩ ladalɩ ha yile abwɛpʋ.
Ansigyi labʋla aha ánɩ́ amʋ́ asʋn da ɔkpa ɩklʋntɔ.
12Aha yile, mlɩ ansɩ igyi Nana Bulu ɩwɩ,
amlɩkanfʋ mʋ ɩda wankɩhɛ!
Právě zvoleno:
Israelfɔ Ɩlʋ 97: nko
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation