Israelfɔ Ɩlʋ 82
82
Bulu, Kʋsʋ Afʋgyi Ɔyɩtɔ Aha Fɛ́ɛ́ Asʋn
Asaf kanfʋ-ɩlʋ.
1Bulu tsie mʋ asʋngyi-obiasʋ mʋ ahatɔ,
ɔdɛ ɩkpɩá bafia ɩnʋ asʋn gyi.
2Ɔbɛɛ, “Ɔmɛnkɛ mlési asʋn lalahɛ gyi,
mlési lalahɛ abwɛpʋ ansɩtɔ kɩ gyi asʋn ha amʋ́?” Ɩya.
3“Mlɩgyi asʋn ɔnɔkwalɩsʋ ha aha ánɩ́ bʋbʋ nwɛ pʋ́ awumbi.
Mlɩgyi bʋa ahianfɔ pʋ́ aha ánɩ́ bʋma tɔtɔ bwɛtɔ.
4Mlɩhɔ aha ánɩ́ bʋbʋ nwɛ pʋ́ amʋ́á bʋma tɔtɔ.
Mlɩlɛ amʋ́ lɛ lalahɛ abwɛpʋ ɩbɩ.”
5“Ɩkpɩ amʋ bʋmeyin tɔtɔ, bʋtamanu kʋkʋ asɩ.
Bʋna okluntɔ, ɔsʋlʋ ntswɩasɩ fɛ́ɛ́ ɩlakpɩnkɩ.
6Mɩlɛblɩ mbɛɛ, ‘Mlɩgyi fɛ Bulu.
Ɔsʋsʋʋsʋ Mʋ Wie amʋ abi mlɩ fɛ́ɛ́ mlɩgyi.
7Tamɛ mlówu fɛ anyankpʋsa.
Mlɩ nkpa ɩbɛ́ka itin fɛ ɩsʋ ogyipʋ okugyiɔkʋ.> ”
8Oo Bulu, kʋsʋ afʋgyi ɔyɩtɔ aha fɛ́ɛ́ asʋn,
tsufɛ fʋbʋ ɔmá fɛ́ɛ́!
Právě zvoleno:
Israelfɔ Ɩlʋ 82: nko
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation