Ihoseya 4
4
Anisirẹrị nịnị ẹ yị mẹ̀ ịzẹyịza
1Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị. 2Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị. 3Ẹtẹ ẹnịnị ọ sị tụ́ osusu agụvị ka aza ọnịrị uye ne beri inomi ọnịrị ivovo ịnị oku ne beri avaba ịsa ana nyị ụhwẹ e yee vú ẹtẹ. 4Ẹnẹyịmavara kà asị ẹ sụ̀ ọ za azẹnịzẹnị. Ộ kà ohirẹsụ irehi anị nịnị ẹ nyị ohuvọ anị nị. 5Ọọdụ hi ịrahụ vị ọnị ẹnịrị ọnịsẹ ẹnịnị aa tụ́ ahụ vanga, ộ kà ọnị vu Isirẹrị ọnyị ẹnịnị ẹtẹ. 6Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị. 7Ẹnị ohirẹsụ irehi anị maa rụrụ hu avọọ, avọọ ịvị ẹnịnị maa banyị hu avọọ nị. Agụvị avọọ Ẹnẹyịmavara kà ọnị aa vara ịsị ẹ vị ụbanyị ẹnịnị ụhị yị wa. 8Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị. 9Ẹnẹyịmavara kà ọnị vaa sị ụya ọnyọọnya rị aza ọnịrị ohirẹsụ irehi anị nịnị, dị ọnị sì wa ụta ebira ẹnị mẹ̀. 10Ịsa ọyịrị ọnị ẹ yaa rị ọ yị vaa ha wa ịnẹ. Ịrẹkọyịsẹ ọnị ẹ yaa sẹ aha ori irenyi-irenyi ọ yị vaa sị ozi yị wa agụvị ka e re yi Ẹnẹyịmavara tịtẹ na saasa ori.
Ẹnẹyịmavara ọ yị sì ịrẹyị ori ọyị hẹkẹ
11Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ. 12E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị. 13Ẹ yaa mẹ̀ ịsọvọ ịrẹsụ ataba ọnịrị otutu zịịzị, ẹ yaa mẹ̀ iruvo ọchị oki ọnịrị aha tụra aha ọnị uhuhu anị zoza. Agụvị avọọ, ezi ẹnịnị anẹẹ ọnịrị ose ezi ẹnịnị aa sẹ̀ ịrẹka nị. 14Ẹnẹyịmavara kà ọnị ẹ yị vaa sị̀ ụya rị wa agụvị ka anọrụ ẹnịnị vị anaa na irehi ori ne pe ọsẹrẹka sụ̀. Anka ụhịrẹyị mẹẹ kà a, “aza ẹnẹ ẹ yị yẹ ịrẹyị vị ene ee vu.”
15Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara. 16Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ? 17Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ. 18Ee sị eche hu, dị ẹ nyima ee sì ọsẹrẹka ọnị ẹnịrị waa sụ. Ẹnịnị e sì ịrẹyị ịsị ụhị hụụnị ịsị ẹ vaa sị ụbanyị yị wa. 19A vaa kụ wa kwooze anka ahị ọbanyị mẹẹ kụ ịsa avọọ. Ụhị vaa nyị wa agụvị ịsọvọ ọnị ẹ yaa mẹ yị ori.
Právě zvoleno:
Ihoseya 4: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.
Ihoseya 4
4
Anisirẹrị nịnị ẹ yị mẹ̀ ịzẹyịza
1Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị. 2Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị. 3Ẹtẹ ẹnịnị ọ sị tụ́ osusu agụvị ka aza ọnịrị uye ne beri inomi ọnịrị ivovo ịnị oku ne beri avaba ịsa ana nyị ụhwẹ e yee vú ẹtẹ. 4Ẹnẹyịmavara kà asị ẹ sụ̀ ọ za azẹnịzẹnị. Ộ kà ohirẹsụ irehi anị nịnị ẹ nyị ohuvọ anị nị. 5Ọọdụ hi ịrahụ vị ọnị ẹnịrị ọnịsẹ ẹnịnị aa tụ́ ahụ vanga, ộ kà ọnị vu Isirẹrị ọnyị ẹnịnị ẹtẹ. 6Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị. 7Ẹnị ohirẹsụ irehi anị maa rụrụ hu avọọ, avọọ ịvị ẹnịnị maa banyị hu avọọ nị. Agụvị avọọ Ẹnẹyịmavara kà ọnị aa vara ịsị ẹ vị ụbanyị ẹnịnị ụhị yị wa. 8Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị. 9Ẹnẹyịmavara kà ọnị vaa sị ụya ọnyọọnya rị aza ọnịrị ohirẹsụ irehi anị nịnị, dị ọnị sì wa ụta ebira ẹnị mẹ̀. 10Ịsa ọyịrị ọnị ẹ yaa rị ọ yị vaa ha wa ịnẹ. Ịrẹkọyịsẹ ọnị ẹ yaa sẹ aha ori irenyi-irenyi ọ yị vaa sị ozi yị wa agụvị ka e re yi Ẹnẹyịmavara tịtẹ na saasa ori.
Ẹnẹyịmavara ọ yị sì ịrẹyị ori ọyị hẹkẹ
11Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ. 12E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị. 13Ẹ yaa mẹ̀ ịsọvọ ịrẹsụ ataba ọnịrị otutu zịịzị, ẹ yaa mẹ̀ iruvo ọchị oki ọnịrị aha tụra aha ọnị uhuhu anị zoza. Agụvị avọọ, ezi ẹnịnị anẹẹ ọnịrị ose ezi ẹnịnị aa sẹ̀ ịrẹka nị. 14Ẹnẹyịmavara kà ọnị ẹ yị vaa sị̀ ụya rị wa agụvị ka anọrụ ẹnịnị vị anaa na irehi ori ne pe ọsẹrẹka sụ̀. Anka ụhịrẹyị mẹẹ kà a, “aza ẹnẹ ẹ yị yẹ ịrẹyị vị ene ee vu.”
15Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara. 16Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ? 17Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ. 18Ee sị eche hu, dị ẹ nyima ee sì ọsẹrẹka ọnị ẹnịrị waa sụ. Ẹnịnị e sì ịrẹyị ịsị ụhị hụụnị ịsị ẹ vaa sị ụbanyị yị wa. 19A vaa kụ wa kwooze anka ahị ọbanyị mẹẹ kụ ịsa avọọ. Ụhị vaa nyị wa agụvị ịsọvọ ọnị ẹ yaa mẹ yị ori.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.