Ezikẹẹrị ỌYỊSỊZỤ
ỌYỊSỊZỤ
Iwe Ezikẹẹrị vị ana kà ịrẹyị ịsẹ Ọnịsẹ Ezikẹẹrị ịnị ụmẹ ọnị Aniju nini ya Ịbabịrọnị. Ộ kà ịsẹ ịsa ana vẹ yị Aniju dị Ijerusarẹmị va hyẹdụ, ọ rẹẹ̀ kà ịsẹ ịnị ụmẹ ana a sị za Aniju nịnị ọrịhị tụ́ Ịbabịrọnị. Ẹnẹyịmavara vị ana tụ̀ ọ hi aza ana za ọrịhị nọ Ịbabịrọnị ọnịrị aza ene hi Ijerusarẹmị ịjọnọọ nị.
Ezikẹẹrị vị ọza ana nyayịnẹ sị̀ ayị tụra Ohomorihi ẹtẹẹtẹrẹ, di oō ro ịrẹyị ngwẹngụ-ngwẹngụ nị. Aro anị ọrụrụ-ọrụrụ ộ bẹ tụ ịnị etore anị. Enube anị ọrụrụ-ọrụrụ vị ọnị ọ sị ịrẹyị hị́ ọsa hi ịnị anị. Ô hu aza ụvọ ka ọzọza ọ vara ayị anị, dị ọzọza ọ za ẹnya ịvị anị. Ộ kà a ka ọnị ó tụra eyi ka ẹhẹ Anisirẹrị nịnị ọvịdị vee zoza. Anka ohirẹsụ irehi Ohomorihi ọnịrị ọnịsẹ, ịrẹyị irehi Ẹnẹyịmavara ọnịrị ọyị ra ẹhẹ ọnịnị ộ vị ụkụ tụ ọ ayị hụụnị.
Eyi Ịrẹyị
Ohomorihi mẹmẹ hị́ Ezikẹẹrị 1.1—3.27
Enube ọyị vu ẹtẹ Ijerusarẹmị 4.1—24.27
Ọkarẹyị Ohomorihi yị avaba Anẹhẹ 25.1—32.32
Oto ọnị Ohomorihi wo yị aza anị aza anị 33.1—37.28
Etore ịsị e vee tù Ịgọgị 38.1—39.29
Etore ọvavịrẹma irehi Ohomorihi ọnịrị ẹkụra 40.1—48.35
Právě zvoleno:
Ezikẹẹrị ỌYỊSỊZỤ: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.