Ezikẹẹrị 46
46
Ịrẹyị ohinọyị ẹkụra ọnịrị Eche ana aa rị.
1Ẹnẹyịmavara Ananyị ụkata hu ka, ẹkụhị ịhịnọnyị ana aa mẹ ụkọrọọ vị ịnị ọsẹ avọọ, vị ene e vee chire oze ana na ngụ ịnị ohweje ana ya ịnịnẹ irehi Ohomorihi oze ana ya eyi ọnị ọyịị̄ zịị hụrẹ aa kà nị. Ama ẹkụhị ụhwọtụ ọnịrị ẹkụhị eche ụhwẹ ọwọọwa dị a na a. 2Ohinọyị ẹkụra vaa hụụnị ohweje ana yà eyẹhẹ, dị o zi oze ịnị aku ana dà tu enoze oze ọbanyị ngụ eehi, dị ọ jẹẹ akaha oze ọbanyị ọnọọ, ohirẹsụ irehi Ohomorihi nịnị vaa mẹ̀ ịsọvọ ana a rị ịra yị ọ, dị ọ rẹ mẹ̀ ịsọvọ ana a sịị mẹ uzee yị ọ. Ohinọyị ẹkụra ọnọnị vaa yà enoze ọbanyị ọnọọ mẹ ahẹkẹ anị, dị ọ varẹma. Oruva e ve sii gù oze ọbanyị ọnọọ nị. 3Ẹkụhị ụhwọtụ-ẹkụhị ụhwọtụ ọnịrị ẹkụhị eche ụhwẹ ọwọọwa, enoze oze ọbanyị ọnọnị, avaba Anisirẹrị nịnị vaa vàa ku ẹtẹ hẹkẹ Ẹnẹyịmavara nị. 4Ịsa ohinọyị ẹkụra vaa sị mẹ̀ ịsọvọ ana aa rị ịra hi Ẹnẹyịmavara ịnị ẹkụhị ụhwọtụ ọ vị ezi atẹmẹ ịhịnọnyị ẹnẹ ẹ̀ yị nyị ịsaa zị, ọnịrị ịdẹba ọnya ẹnẹ ẹ̀ yị nyị ịsaa zị nị. 5Akụ Ehwẹrị ọnyara ọ vaa sị vaka ịdẹba ọnọọ nị, dị ọ sị ọpa akụ ọnị ọ̀ọ zụ sị vaka ezi atẹmẹ ẹnẹẹ beri angwẹ orivi ijongo ẹnẹẹna avọọ vaka ịsa Ehwẹrị ikonyi ikonya. 6Ịhị àa rị eche ụhwẹ ọwọọwa, ohinọyị ẹkụra vaa sị ụnọ ọnya ẹnẹ ẹ̀ yị nyị ịsaa zị, dị ọ sị ezi atẹmẹ ịhịnọnyị ọnịrị ịdẹba ọnya ẹnẹ ẹ̀ yị nyị ịsaa zị dị a sị mẹ̀ ịsọvọ. 7Ọ vaa sị akụ Ehwẹrị ọnya mẹ ịsọvọọ vaka ụnọ ọnọọ, dị ọ vavọọ rẹ sị ọ vaka ịdẹba; ama ịzị akụ anị ọ̀ọ zụ rụrụ na za kẹnẹ ọ́ vaa sịị vaka ezi atẹmẹ ẹnẹẹ nị; dị ọ rẹ sị angwẹ orivi ẹ̀hụ ijongo ẹẹna vaka Ehwẹrị ikonyi ikonya. 8Oze ịnị aku ana a dà tu oze ọbanyị ọnọọ ọdọvịdị ẹkụra va zịị ngụ eehi, dị ọ rẹ́ zị avọ jịnẹ nị. 9Àaa rị eche ọnyọọnyị, dị Anisirẹrị nịnị aa vaa hẹkẹ Ẹnẹyịmavara ịnị irehi anị nị, aza ana àa zị oze ẹbẹẹba ngụ eehi, ẹ̀ zị oze ụvẹtẹ na jịnẹ; aza ana àa zị oze ụvẹtẹ ngụ eehi, vị ana vaa zị oze ẹbẹẹba na jịnẹ. Asị á nyị ọza ana zị oze ọnị ọ zị ngụ eehi, varẹma na jịnẹ, ama ọzọza ọ̀ zị oze oni o va eyi ka na jịnẹ. 10Ẹnịrị ohinọyị ẹkụra ẹ vaa zịị ngụ eehi, dị ọ rẹ saasa wa na jịnẹ nị. 11Ụmẹ ọ̀ọ maanị tụ̀, dị aa rị eche nị, akụ ẹnya ikirogirami ịhịịna a vaa sị vaka ụnọ, dị a rẹ vavọọ sị ọ vaka ịdẹba, dị a sị mẹ̀ ịsọvọ nị. Dị a sị akụ ịzị ọ̀ọ rụrụ na za kẹnẹ vaka ezi atẹmẹ. A rẹ vaa sị angwẹ orivi ẹ̀hụ ijonggo ẹẹna vaka akụ ẹnya ikirogirami ịhịịna. 12Ịhị ọ̀ọ hụụnị ayị ohinọyị vẹ ka ọnị aa mẹ ịsọvọọ hi Ẹnẹyịmavara, ọ̀ọ vị ịsọvọ ana aa rị ịra, ọ̀ọ va vị ịsọvọ ana a sịị mẹ uzee, à na oze ana và eyi ka ịzị ọyị zịị hụrẹẹ vẹ yị ọ. Ọ vaa mẹ̀ ịsọvọ anị anka ọ́ mẹẹ̄ mẹ̀ ẹ ẹkụhị ụhwọtụ. Ọ̀ọ sị ọ mẹ, dị ọ jịnẹ tụ ẹhẹ; ọ̀ọ sị jịnẹ tụ ẹhẹ, di e gù oze ọnọọ varẹma.
Ịsọvọ eyinị-eyinị.
13Ẹnẹyịmavara kà, ohinọyị ẹkụra vaa ozi atẹmẹ ịrayị ọnyaa ẹnẹ ẹ̀ yị nyị ịsaa zịị mẹ̀ ịsọvọ ẹnẹnẹ-ẹnẹnẹ, dị a rị ọ ịra. Avọọ ọ́ mẹ vaa mẹẹ eyinị-eyinị nị. 14Ọ rẹ vaa sị ayị ọyị kwọ achehịnọnyị Ehwẹrị ọnya beri angwẹ orivi achẹta ijongo ẹẹna ene e ve sii hura ayị ọnọọ, dị a sị mẹ̀ ịsọvọ hi Ẹnẹyịmavara. Ọda ọnọnị a vaa saasaa mẹ̀ ịsọvọ ana aa rị ịra pooro nị. 15Avọọ a mẹ vaa sị ozi atẹmẹ ọnịrị ịsọyịrị beri angwẹ vaa mẹ ịsọvọọ hi Ẹnẹyịmavara ẹnẹnẹ-ẹnẹnẹ nị. 16Ẹnẹyịmavara Ananyị ụkata hu ka, àa nyị ịsị ohinọyị sị hụụnị o tu anị, dị ọ sị mẹ ezi anị ẹyịza nị, ogu ezi anị ọ vaa vị nị. Ezi anị ẹ kụkụ vaa nyị nị. 17#Ire 25.10Ama àa nyị ịpa ọnị ohinọyị dà hụụnị ẹtẹ anị mẹ ozi ahụ anị ẹyịza, ozi ahụ anị ọnọọ ọ vaa nyị naa ngụ ịhị ịrayị ana a sịị̄ và ịsa ịrẹma òo tu, ohinọyị ọnọọ vaa dọ ẹtẹ ọnọọ varẹma. Ezi anị kẹnẹ ẹ zụ nyị ẹtẹ ada ẹnịnị pooro nị. 18Ẹnẹyịmavara kà a sị a nyị ohinọyị ana dọ aza anị ogu o. Ẹtẹ ohinọyị kẹnẹ ọ vaa dàa yị ezi anị nị. Asị ọ́ mẹ ehuna yị aza anị, dị ọ̀ dọ wa ẹtẹ ẹnịnị o.
Ịzị á yaa mẹ̀ ịsa ịnị irehi Ohomorihi
19Ezikẹẹrị ka ọnọrụ ọnọọ ộ sị ọnị nọ enoze aku ana và eyi ka eyi ẹbẹẹba. Aku ẹnẹnị vị ana gụrị ozovwoovu ọbanyị ana yà eyi-ụvẹtẹ ohweje ana yà ịnịnẹ. Ohirẹsụ Irehi Ohomorihi nịnị ẹ nyị aku ẹnẹnị nị. Ọza ọnọọ ộ zụ̀ ọnị aha ọnya akahị aku ẹnịnị eyi ọnị ọyị zịị naa ngụ ẹtẹ, 20dị ọ ka, ịzị ẹnị ohirẹsụ irehi Ohomorihi nịnị vaa chịnẹ uye ana a sị va mẹ̀ ịsọvọ agụvị ebira odivi aza à vị ana a sị va mẹ̀ ịsọvọ ò yị si ụta varẹma nị. Ịzọọ ẹ́ rẹ vaa yaa sị ayị ọyị kwọ ana a sị vẹẹ mẹ ụbụrẹẹdị nị. Ẹ́ yị nyị ịsa ọnịnị ẹnẹnị ẹnẹ ẹ́ vaa sịị tụ ẹhẹ ngụ ịnị ohweje ana ya eyẹhẹ ịzị aza hi agụvị ka ọ va zama aza ẹnẹẹ. 21Ezikẹẹrị ka ộ varẹma sị ọnị nọ ịnị ohweje ana yà eyẹhẹ, dị ọ sị ọnị nọ ịnị ọgọgọ ẹyịna ohweje ọnọọ nị. Ộ zụ ọnị ohweje eweyi-eweyi ana a da ikonyi ikonya tụ ịnị ọgọgọ ẹyịna ohweje ọbanyị ọnọnị. 22Ikonyikonyara ộ gọdọ ẹ̀hụ okuvọ oohu avọọ, dị ọ́ gana ẹ̀hụ okuvọ ẹwụrẹhị avọọ nị. Avaba ẹnịnị vị ẹbẹẹbẹ. 23Ohweje eweyi-eweyi ẹnẹnị ệ nyị ọvọ ana a sị ịrẹta tụra kara wa, dị a vavọọ jị arasị kara ọvọ ẹnẹnị nị. 24Ezikẹẹrị ka ọza ọnọnị ộ kà a yị ọnị ka, ẹsẹnị ẹ vị ịzị aza anaa mẹ̀ ụkọrọ ịnị irehi Ohomorihi vaa yaa chịnẹ uye ana aza sị va mẹ̀ ịsọvọ nị o.
Právě zvoleno:
Ezikẹẹrị 46: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.
Ezikẹẹrị 46
46
Ịrẹyị ohinọyị ẹkụra ọnịrị Eche ana aa rị.
1Ẹnẹyịmavara Ananyị ụkata hu ka, ẹkụhị ịhịnọnyị ana aa mẹ ụkọrọọ vị ịnị ọsẹ avọọ, vị ene e vee chire oze ana na ngụ ịnị ohweje ana ya ịnịnẹ irehi Ohomorihi oze ana ya eyi ọnị ọyịị̄ zịị hụrẹ aa kà nị. Ama ẹkụhị ụhwọtụ ọnịrị ẹkụhị eche ụhwẹ ọwọọwa dị a na a. 2Ohinọyị ẹkụra vaa hụụnị ohweje ana yà eyẹhẹ, dị o zi oze ịnị aku ana dà tu enoze oze ọbanyị ngụ eehi, dị ọ jẹẹ akaha oze ọbanyị ọnọọ, ohirẹsụ irehi Ohomorihi nịnị vaa mẹ̀ ịsọvọ ana a rị ịra yị ọ, dị ọ rẹ mẹ̀ ịsọvọ ana a sịị mẹ uzee yị ọ. Ohinọyị ẹkụra ọnọnị vaa yà enoze ọbanyị ọnọọ mẹ ahẹkẹ anị, dị ọ varẹma. Oruva e ve sii gù oze ọbanyị ọnọọ nị. 3Ẹkụhị ụhwọtụ-ẹkụhị ụhwọtụ ọnịrị ẹkụhị eche ụhwẹ ọwọọwa, enoze oze ọbanyị ọnọnị, avaba Anisirẹrị nịnị vaa vàa ku ẹtẹ hẹkẹ Ẹnẹyịmavara nị. 4Ịsa ohinọyị ẹkụra vaa sị mẹ̀ ịsọvọ ana aa rị ịra hi Ẹnẹyịmavara ịnị ẹkụhị ụhwọtụ ọ vị ezi atẹmẹ ịhịnọnyị ẹnẹ ẹ̀ yị nyị ịsaa zị, ọnịrị ịdẹba ọnya ẹnẹ ẹ̀ yị nyị ịsaa zị nị. 5Akụ Ehwẹrị ọnyara ọ vaa sị vaka ịdẹba ọnọọ nị, dị ọ sị ọpa akụ ọnị ọ̀ọ zụ sị vaka ezi atẹmẹ ẹnẹẹ beri angwẹ orivi ijongo ẹnẹẹna avọọ vaka ịsa Ehwẹrị ikonyi ikonya. 6Ịhị àa rị eche ụhwẹ ọwọọwa, ohinọyị ẹkụra vaa sị ụnọ ọnya ẹnẹ ẹ̀ yị nyị ịsaa zị, dị ọ sị ezi atẹmẹ ịhịnọnyị ọnịrị ịdẹba ọnya ẹnẹ ẹ̀ yị nyị ịsaa zị dị a sị mẹ̀ ịsọvọ. 7Ọ vaa sị akụ Ehwẹrị ọnya mẹ ịsọvọọ vaka ụnọ ọnọọ, dị ọ vavọọ rẹ sị ọ vaka ịdẹba; ama ịzị akụ anị ọ̀ọ zụ rụrụ na za kẹnẹ ọ́ vaa sịị vaka ezi atẹmẹ ẹnẹẹ nị; dị ọ rẹ sị angwẹ orivi ẹ̀hụ ijongo ẹẹna vaka Ehwẹrị ikonyi ikonya. 8Oze ịnị aku ana a dà tu oze ọbanyị ọnọọ ọdọvịdị ẹkụra va zịị ngụ eehi, dị ọ rẹ́ zị avọ jịnẹ nị. 9Àaa rị eche ọnyọọnyị, dị Anisirẹrị nịnị aa vaa hẹkẹ Ẹnẹyịmavara ịnị irehi anị nị, aza ana àa zị oze ẹbẹẹba ngụ eehi, ẹ̀ zị oze ụvẹtẹ na jịnẹ; aza ana àa zị oze ụvẹtẹ ngụ eehi, vị ana vaa zị oze ẹbẹẹba na jịnẹ. Asị á nyị ọza ana zị oze ọnị ọ zị ngụ eehi, varẹma na jịnẹ, ama ọzọza ọ̀ zị oze oni o va eyi ka na jịnẹ. 10Ẹnịrị ohinọyị ẹkụra ẹ vaa zịị ngụ eehi, dị ọ rẹ saasa wa na jịnẹ nị. 11Ụmẹ ọ̀ọ maanị tụ̀, dị aa rị eche nị, akụ ẹnya ikirogirami ịhịịna a vaa sị vaka ụnọ, dị a rẹ vavọọ sị ọ vaka ịdẹba, dị a sị mẹ̀ ịsọvọ nị. Dị a sị akụ ịzị ọ̀ọ rụrụ na za kẹnẹ vaka ezi atẹmẹ. A rẹ vaa sị angwẹ orivi ẹ̀hụ ijonggo ẹẹna vaka akụ ẹnya ikirogirami ịhịịna. 12Ịhị ọ̀ọ hụụnị ayị ohinọyị vẹ ka ọnị aa mẹ ịsọvọọ hi Ẹnẹyịmavara, ọ̀ọ vị ịsọvọ ana aa rị ịra, ọ̀ọ va vị ịsọvọ ana a sịị mẹ uzee, à na oze ana và eyi ka ịzị ọyị zịị hụrẹẹ vẹ yị ọ. Ọ vaa mẹ̀ ịsọvọ anị anka ọ́ mẹẹ̄ mẹ̀ ẹ ẹkụhị ụhwọtụ. Ọ̀ọ sị ọ mẹ, dị ọ jịnẹ tụ ẹhẹ; ọ̀ọ sị jịnẹ tụ ẹhẹ, di e gù oze ọnọọ varẹma.
Ịsọvọ eyinị-eyinị.
13Ẹnẹyịmavara kà, ohinọyị ẹkụra vaa ozi atẹmẹ ịrayị ọnyaa ẹnẹ ẹ̀ yị nyị ịsaa zịị mẹ̀ ịsọvọ ẹnẹnẹ-ẹnẹnẹ, dị a rị ọ ịra. Avọọ ọ́ mẹ vaa mẹẹ eyinị-eyinị nị. 14Ọ rẹ vaa sị ayị ọyị kwọ achehịnọnyị Ehwẹrị ọnya beri angwẹ orivi achẹta ijongo ẹẹna ene e ve sii hura ayị ọnọọ, dị a sị mẹ̀ ịsọvọ hi Ẹnẹyịmavara. Ọda ọnọnị a vaa saasaa mẹ̀ ịsọvọ ana aa rị ịra pooro nị. 15Avọọ a mẹ vaa sị ozi atẹmẹ ọnịrị ịsọyịrị beri angwẹ vaa mẹ ịsọvọọ hi Ẹnẹyịmavara ẹnẹnẹ-ẹnẹnẹ nị. 16Ẹnẹyịmavara Ananyị ụkata hu ka, àa nyị ịsị ohinọyị sị hụụnị o tu anị, dị ọ sị mẹ ezi anị ẹyịza nị, ogu ezi anị ọ vaa vị nị. Ezi anị ẹ kụkụ vaa nyị nị. 17#Ire 25.10Ama àa nyị ịpa ọnị ohinọyị dà hụụnị ẹtẹ anị mẹ ozi ahụ anị ẹyịza, ozi ahụ anị ọnọọ ọ vaa nyị naa ngụ ịhị ịrayị ana a sịị̄ và ịsa ịrẹma òo tu, ohinọyị ọnọọ vaa dọ ẹtẹ ọnọọ varẹma. Ezi anị kẹnẹ ẹ zụ nyị ẹtẹ ada ẹnịnị pooro nị. 18Ẹnẹyịmavara kà a sị a nyị ohinọyị ana dọ aza anị ogu o. Ẹtẹ ohinọyị kẹnẹ ọ vaa dàa yị ezi anị nị. Asị ọ́ mẹ ehuna yị aza anị, dị ọ̀ dọ wa ẹtẹ ẹnịnị o.
Ịzị á yaa mẹ̀ ịsa ịnị irehi Ohomorihi
19Ezikẹẹrị ka ọnọrụ ọnọọ ộ sị ọnị nọ enoze aku ana và eyi ka eyi ẹbẹẹba. Aku ẹnẹnị vị ana gụrị ozovwoovu ọbanyị ana yà eyi-ụvẹtẹ ohweje ana yà ịnịnẹ. Ohirẹsụ Irehi Ohomorihi nịnị ẹ nyị aku ẹnẹnị nị. Ọza ọnọọ ộ zụ̀ ọnị aha ọnya akahị aku ẹnịnị eyi ọnị ọyị zịị naa ngụ ẹtẹ, 20dị ọ ka, ịzị ẹnị ohirẹsụ irehi Ohomorihi nịnị vaa chịnẹ uye ana a sị va mẹ̀ ịsọvọ agụvị ebira odivi aza à vị ana a sị va mẹ̀ ịsọvọ ò yị si ụta varẹma nị. Ịzọọ ẹ́ rẹ vaa yaa sị ayị ọyị kwọ ana a sị vẹẹ mẹ ụbụrẹẹdị nị. Ẹ́ yị nyị ịsa ọnịnị ẹnẹnị ẹnẹ ẹ́ vaa sịị tụ ẹhẹ ngụ ịnị ohweje ana ya eyẹhẹ ịzị aza hi agụvị ka ọ va zama aza ẹnẹẹ. 21Ezikẹẹrị ka ộ varẹma sị ọnị nọ ịnị ohweje ana yà eyẹhẹ, dị ọ sị ọnị nọ ịnị ọgọgọ ẹyịna ohweje ọnọọ nị. Ộ zụ ọnị ohweje eweyi-eweyi ana a da ikonyi ikonya tụ ịnị ọgọgọ ẹyịna ohweje ọbanyị ọnọnị. 22Ikonyikonyara ộ gọdọ ẹ̀hụ okuvọ oohu avọọ, dị ọ́ gana ẹ̀hụ okuvọ ẹwụrẹhị avọọ nị. Avaba ẹnịnị vị ẹbẹẹbẹ. 23Ohweje eweyi-eweyi ẹnẹnị ệ nyị ọvọ ana a sị ịrẹta tụra kara wa, dị a vavọọ jị arasị kara ọvọ ẹnẹnị nị. 24Ezikẹẹrị ka ọza ọnọnị ộ kà a yị ọnị ka, ẹsẹnị ẹ vị ịzị aza anaa mẹ̀ ụkọrọ ịnị irehi Ohomorihi vaa yaa chịnẹ uye ana aza sị va mẹ̀ ịsọvọ nị o.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.