Ezikẹẹrị 38
38
Ịgọgị vị ẹnyụkọrọ Ohomorihi
1Ezikẹẹrị ka, ẹkụhị ọnya, Ẹnẹyịmavara ộ kà a yị ọnị ka, 2#Ẹtẹ 20.8Ozi-ọza, ọnị ọ̀ va eyi ka ọnọrụ ana aā hị́ Ịgọgị dị ọnị ọ̀ tụ́ ohuvọ. Ịgọgị ọnọnị ọ̀ vị ohinọyị anẹkụra ana aā hị́ Ịmẹsẹkị ọnịrị Itubari ịnị ẹtẹ Ịmagọgị nị. 3Ọ kà ọnị ọ̀ tụ ọ ohuvọ, dị ọnị ọ̀ kà a yị ọ ka, ọnị, Ẹnẹyịmavara Ochẹtẹẹngụ vị ọnịvị anị o. 4Ọnị vee jesi ọ kara ẹngụ, dị ọnị jị arị chire irenu, dị ọnị tụra ọnịrị avaba isoja anị hi ẹhẹ. Isoja anị nịnị beri umaata ẹnịnị ọnịrị ẹnị anaa tụra umaata ẹnẹẹ, ẹẹ dẹngụ. Isoja ọzọza vị ana sị ogonto ọnịrị ụhwọ rị ụvọ. 5Aza vị ana hụrị ẹtẹ Ipesiya, Anikusi, ọnịrị Iribiya va vaka wa. Avaba ẹnịnị ẹ nyị ogonto ọnịrị amu enyusẹ-enyusẹ nị. 6Avaba aza anaā nọ ịrẹkụ ẹtẹ Igoma, ọnịrị ẹtẹ Ịbẹtị-Togama vị ana va vaka wa. Ẹtẹ ẹyịva ẹnẹnị vị ana yà eyi ẹbẹẹba. Avọọ aza mẹ hụrẹ ẹkụra-ẹkụra ana vọ va vaka wa nị. 7Ọ kà ọnị ọ̀ kà a yị ọ ka ò tenyi ẹngụ anị, dị ò kà a yị isoja anị nịnị ka è tenyi ẹngụ tịtẹ. 8Ẹnẹyịmavara kà, ịrayị ọrụrụ-ọrụrụ ọ̀ọ sị mẹ, ọnị vaa mẹ ka Ịgọgị ọ̀ kụ́ ịrẹkụ na ngụ ẹkụra ana a kụ́ aza anị và hụrẹ ẹkụra ọsa ve hi, dị ẹnịnị è yị kuku hí angwa ka ịrẹkụ wáa vẹ. Ọ vaa kụ́ ịrẹkụ naa ngụ ataba Isirẹrị ọnị ó sị ku ọnị ọ tu osusu aza mẹ hụ́ hụụnị anị. Ama aza vị ene kuku hi ịzọọ ẹngwọọrọ-ẹngwọọrọ booro aanị. 9Ọnị rị isoja anị nịnị beri avaba anẹkụra ọsa ana va vaka wa vaa kụ́ ịrẹkụụ tu Isirẹrị anka opomi mẹẹ tụ́ avọọ, dị ẹ chaka ku ẹtẹ anka eguhi avọọ. 10Aanị Ẹnẹyịmavara Ochẹtẹẹngụ mẹ kà yị Ịgọgị nị: ịjị ụmẹ ọnọọ òo tu, u vee nyima ee rò ụ mẹmẹ vaa mẹ odivi. 11Ụ vaa kà a ka waa kụ́ ịrẹkụ nee tu ẹkụra ẹnẹ ẹ̀ yị nyị ọza mẹ ọgụvọ yị wa. Ịzọọ vị ọnị aza ra hi ẹngwọọrọ-ẹngwọọrọ, dị ẹnịnị ẹ̀ yị hyakụ jị ọvọ kara ẹkụra ẹnịnị ọ̀ yị sere ẹngụ. 12Aza ana ra hi ịnị ẹkụra ẹnẹnị ana a vịdị ji eburu aanị, vị ọnị ụ vaa kụ ẹnya saka-saka. Ẹnịnị vị ana a kụ́ gụ hụrị ẹkụra-ẹkụra, booro aanị, ẹnịnị ẹẹ nyị ịsụpa ọnịrị ogu, ịnị akakana avaba ẹhẹ ẹnịnị rá nị. 13Aniseba ẹnịrị Anidedani nịnị beri ẹnị osohu hụrị ẹkụra eweyi-eweyi ene hi ẹtẹ Itasisi vaa họ̀ wụ ka, vị́ wáá kụ isoja awụ gụ aa naa kụ ịrẹkụ ụvị we re oze kụ aza ẹnya nịnị nị? Á vị isiriva ọnịrị igooru, ịsụpa ọnịrị ogu aza u wee sì ka wa na kụ nịnịị? 14Ezikẹẹrị ka, agụvị avọọ, Ẹnẹyịmavara ộ tụ ọnị ka ọnị ọ̀ na kà a yị Ịgọgị ka, aza anị Anisirẹrị nịnị vị ana rá ẹngwọọrọ-ẹngwọọrọ booro aanị, 15ama ẹwụ vaa kwẹẹtẹ hụụ ịdị awụ aha ẹnẹẹnẹ eyi ẹbẹẹba, dị ụ dọ ọvịdị isoja tawụ-tawụ; isoja ẹnẹẹ vị ana hụrị ẹkụra ọrụrụ-ọrụrụ, ẹnịnị ẹẹ nyị ụkata ẹtẹẹtẹrẹ. Avaba ẹnịnị vị ana vaa tụra umaata. 16Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị. 17Ẹnẹyịmavara Ochẹtẹẹngụ ka, ẹwụ ọnị aa kà ịrẹyị anị hụrị ụmọrụmọ nị. Ụmẹ avọọ ọnị tụ ezi ahụ anị, ọnịsẹ Anisirẹrị nịnị ka ẹ̀ kà a ka, ẹkụhị aa vẹ, ọnị ọnị vaa tụ ọza-ịnya ka ọ̀ kwẹẹtẹ tu Anisirẹrị nịnị nị.
Ụya ọnị Ohomorihi vaa sị rị Ịgọgị.
18Ẹnẹyịmavara Ochẹtẹẹngụ ka, ayị vaa kụ ọnị ẹtẹẹtẹrẹ, ẹkụhị ọnị Ịgọgị vaa sị kụ́ ịrẹkụ vaa ngụ ẹtẹ Isirẹrị. 19Ọnị maa kụ̀ ụhị, dị ayị anị aa dọva, ọnị ộ kà a ka ẹtẹ Isirẹrị vee henyi jigi-jigi ịhị ọnọọ. 20Ivovo ene hi ini enyi ẹnịrị inomi ịnị ahị nịnị, uye ịnị avị ẹnịrị avaba ịsaa sị ịrachị tụra ịnị eteesu, beri avaba aza ene hí ẹhẹ vee hí angwa anị, dị ẹyaa dá ẹgahị ịhị ọnọọ. Ataba nịnị vee wúu vaa hi ẹtẹ, ịrẹta ọtụrọsarẹsụ vaa sẹ̀ẹ vaa hi ẹtẹ, dị ugene nịnị wú va hi ẹtẹ ịhị ọnọọ. 21Ọnị Ẹnẹyịmavara ọ kà a ọnị vaa sị ẹngụkata irenyi-irenyi chire Ịgọgị angwa. Aza anị ẹnị ụvọta vaa tụ̀ ụhwọọ tụ ẹngụ. 22Ọ kà ụkụ ọnịrị isu ịrịịra ọnị vaa sịị sị́ ụyaa rị ọ nị. Ọnị vaa zụ̀ orihi ọnịrị ata orihi ku ọ ịrẹsụ hara-hara. Ọnị vaa và ịra ọnịrị ohuruu kụ ọnịrị avaba isoja anị ne beri avaba anẹkụra-ẹkụra ana na yà pè e. 23Aanị ọnị mẹ va sị́ ụbanyị anịị zụ̀ avaba anẹkụra nịnị, dị ẹ̀ yẹ ka ọnị ọ nị nị. Ẹnịnị vaa yẹ ka ọnị ọ vị Ẹnẹyịmavara nị.
Právě zvoleno:
Ezikẹẹrị 38: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.
Ezikẹẹrị 38
38
Ịgọgị vị ẹnyụkọrọ Ohomorihi
1Ezikẹẹrị ka, ẹkụhị ọnya, Ẹnẹyịmavara ộ kà a yị ọnị ka, 2#Ẹtẹ 20.8Ozi-ọza, ọnị ọ̀ va eyi ka ọnọrụ ana aā hị́ Ịgọgị dị ọnị ọ̀ tụ́ ohuvọ. Ịgọgị ọnọnị ọ̀ vị ohinọyị anẹkụra ana aā hị́ Ịmẹsẹkị ọnịrị Itubari ịnị ẹtẹ Ịmagọgị nị. 3Ọ kà ọnị ọ̀ tụ ọ ohuvọ, dị ọnị ọ̀ kà a yị ọ ka, ọnị, Ẹnẹyịmavara Ochẹtẹẹngụ vị ọnịvị anị o. 4Ọnị vee jesi ọ kara ẹngụ, dị ọnị jị arị chire irenu, dị ọnị tụra ọnịrị avaba isoja anị hi ẹhẹ. Isoja anị nịnị beri umaata ẹnịnị ọnịrị ẹnị anaa tụra umaata ẹnẹẹ, ẹẹ dẹngụ. Isoja ọzọza vị ana sị ogonto ọnịrị ụhwọ rị ụvọ. 5Aza vị ana hụrị ẹtẹ Ipesiya, Anikusi, ọnịrị Iribiya va vaka wa. Avaba ẹnịnị ẹ nyị ogonto ọnịrị amu enyusẹ-enyusẹ nị. 6Avaba aza anaā nọ ịrẹkụ ẹtẹ Igoma, ọnịrị ẹtẹ Ịbẹtị-Togama vị ana va vaka wa. Ẹtẹ ẹyịva ẹnẹnị vị ana yà eyi ẹbẹẹba. Avọọ aza mẹ hụrẹ ẹkụra-ẹkụra ana vọ va vaka wa nị. 7Ọ kà ọnị ọ̀ kà a yị ọ ka ò tenyi ẹngụ anị, dị ò kà a yị isoja anị nịnị ka è tenyi ẹngụ tịtẹ. 8Ẹnẹyịmavara kà, ịrayị ọrụrụ-ọrụrụ ọ̀ọ sị mẹ, ọnị vaa mẹ ka Ịgọgị ọ̀ kụ́ ịrẹkụ na ngụ ẹkụra ana a kụ́ aza anị và hụrẹ ẹkụra ọsa ve hi, dị ẹnịnị è yị kuku hí angwa ka ịrẹkụ wáa vẹ. Ọ vaa kụ́ ịrẹkụ naa ngụ ataba Isirẹrị ọnị ó sị ku ọnị ọ tu osusu aza mẹ hụ́ hụụnị anị. Ama aza vị ene kuku hi ịzọọ ẹngwọọrọ-ẹngwọọrọ booro aanị. 9Ọnị rị isoja anị nịnị beri avaba anẹkụra ọsa ana va vaka wa vaa kụ́ ịrẹkụụ tu Isirẹrị anka opomi mẹẹ tụ́ avọọ, dị ẹ chaka ku ẹtẹ anka eguhi avọọ. 10Aanị Ẹnẹyịmavara Ochẹtẹẹngụ mẹ kà yị Ịgọgị nị: ịjị ụmẹ ọnọọ òo tu, u vee nyima ee rò ụ mẹmẹ vaa mẹ odivi. 11Ụ vaa kà a ka waa kụ́ ịrẹkụ nee tu ẹkụra ẹnẹ ẹ̀ yị nyị ọza mẹ ọgụvọ yị wa. Ịzọọ vị ọnị aza ra hi ẹngwọọrọ-ẹngwọọrọ, dị ẹnịnị ẹ̀ yị hyakụ jị ọvọ kara ẹkụra ẹnịnị ọ̀ yị sere ẹngụ. 12Aza ana ra hi ịnị ẹkụra ẹnẹnị ana a vịdị ji eburu aanị, vị ọnị ụ vaa kụ ẹnya saka-saka. Ẹnịnị vị ana a kụ́ gụ hụrị ẹkụra-ẹkụra, booro aanị, ẹnịnị ẹẹ nyị ịsụpa ọnịrị ogu, ịnị akakana avaba ẹhẹ ẹnịnị rá nị. 13Aniseba ẹnịrị Anidedani nịnị beri ẹnị osohu hụrị ẹkụra eweyi-eweyi ene hi ẹtẹ Itasisi vaa họ̀ wụ ka, vị́ wáá kụ isoja awụ gụ aa naa kụ ịrẹkụ ụvị we re oze kụ aza ẹnya nịnị nị? Á vị isiriva ọnịrị igooru, ịsụpa ọnịrị ogu aza u wee sì ka wa na kụ nịnịị? 14Ezikẹẹrị ka, agụvị avọọ, Ẹnẹyịmavara ộ tụ ọnị ka ọnị ọ̀ na kà a yị Ịgọgị ka, aza anị Anisirẹrị nịnị vị ana rá ẹngwọọrọ-ẹngwọọrọ booro aanị, 15ama ẹwụ vaa kwẹẹtẹ hụụ ịdị awụ aha ẹnẹẹnẹ eyi ẹbẹẹba, dị ụ dọ ọvịdị isoja tawụ-tawụ; isoja ẹnẹẹ vị ana hụrị ẹkụra ọrụrụ-ọrụrụ, ẹnịnị ẹẹ nyị ụkata ẹtẹẹtẹrẹ. Avaba ẹnịnị vị ana vaa tụra umaata. 16Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị. 17Ẹnẹyịmavara Ochẹtẹẹngụ ka, ẹwụ ọnị aa kà ịrẹyị anị hụrị ụmọrụmọ nị. Ụmẹ avọọ ọnị tụ ezi ahụ anị, ọnịsẹ Anisirẹrị nịnị ka ẹ̀ kà a ka, ẹkụhị aa vẹ, ọnị ọnị vaa tụ ọza-ịnya ka ọ̀ kwẹẹtẹ tu Anisirẹrị nịnị nị.
Ụya ọnị Ohomorihi vaa sị rị Ịgọgị.
18Ẹnẹyịmavara Ochẹtẹẹngụ ka, ayị vaa kụ ọnị ẹtẹẹtẹrẹ, ẹkụhị ọnị Ịgọgị vaa sị kụ́ ịrẹkụ vaa ngụ ẹtẹ Isirẹrị. 19Ọnị maa kụ̀ ụhị, dị ayị anị aa dọva, ọnị ộ kà a ka ẹtẹ Isirẹrị vee henyi jigi-jigi ịhị ọnọọ. 20Ivovo ene hi ini enyi ẹnịrị inomi ịnị ahị nịnị, uye ịnị avị ẹnịrị avaba ịsaa sị ịrachị tụra ịnị eteesu, beri avaba aza ene hí ẹhẹ vee hí angwa anị, dị ẹyaa dá ẹgahị ịhị ọnọọ. Ataba nịnị vee wúu vaa hi ẹtẹ, ịrẹta ọtụrọsarẹsụ vaa sẹ̀ẹ vaa hi ẹtẹ, dị ugene nịnị wú va hi ẹtẹ ịhị ọnọọ. 21Ọnị Ẹnẹyịmavara ọ kà a ọnị vaa sị ẹngụkata irenyi-irenyi chire Ịgọgị angwa. Aza anị ẹnị ụvọta vaa tụ̀ ụhwọọ tụ ẹngụ. 22Ọ kà ụkụ ọnịrị isu ịrịịra ọnị vaa sịị sị́ ụyaa rị ọ nị. Ọnị vaa zụ̀ orihi ọnịrị ata orihi ku ọ ịrẹsụ hara-hara. Ọnị vaa và ịra ọnịrị ohuruu kụ ọnịrị avaba isoja anị ne beri avaba anẹkụra-ẹkụra ana na yà pè e. 23Aanị ọnị mẹ va sị́ ụbanyị anịị zụ̀ avaba anẹkụra nịnị, dị ẹ̀ yẹ ka ọnị ọ nị nị. Ẹnịnị vaa yẹ ka ọnị ọ vị Ẹnẹyịmavara nị.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.