Ezikẹẹrị 33
33
Ohomorihi ka Ezikẹẹrị ọ̀ vị oserẹtẹ
1Ezikẹẹrị ka, ẹkụhị ọnya, Ẹnẹyịmavara ộ kà a yị ọnị ka, 2Ozi-ọza, ọnị ọ ka yị anda ẹnịnị ịsị ẹẹ̄ mẹ ụmẹ ọnị Ẹnẹyịmavara ộ mẹ̀ ka à kụ́ ịrẹkụ va ngụ ẹkụra. Anẹkụra ọnọọ ẹẹ̄ nyị ọza-ịnya ịnị ẹngụ ẹnịnị ka, ọ̀ vị oserẹtẹ. 3Ụmẹ ọnị oserẹtẹ ọnọọ òo re ka ọnịvị ẹnịnị aa gụrị ẹtẹ, dị o hú ọpanyị ọ̀ yị kà ọzọza ọnọ. 4Ọza ana àa wụ, dị èe sere ẹngụ anị dị ọnịvị ẹnịnị vẹ dị ẹ va wụ ọ nị, ọnị ụvọta a vaa tụ́ ohuvọ nị. 5Ka â kà a ọnọ, ama ẹ́ yị wụ, ọnị a vaa tụ́ ohuvọ nị. Ọ̀ọ sere ẹngụ anị á mẹ kà a ọnọ, ẹ́ yị yaanị sú. 6Ama oserẹtẹ ọnọọ òo re ka ịrẹkụ aa vẹ, dị è yi hu ọpanyị dị ọ sị ka aza ọnọ, dị ọnịvị kụ́ ịrẹkụ vẹ dị ẹ va wụ̀ ọza ọnyọọnyị nị, ọza ọnọọ vị ana wụ agụvị ebira odivi anị. Ama oserẹtẹ ọnọọ vaa kụ́ irenu anị ịrẹsụ iswọọza ọnọọ. 7Ezikẹẹrị ka, Ẹnẹyịmavara ộ kà a yị ọnị ka, ozi-ọza, ọnị Ẹnẹyịmavara ọ sị ọnị nyị oserẹtẹ yị ẹkụra Isirẹrị. Ọnị ọọ kà wa ọnọọ yị ọnị Ẹnẹyịmavara anka ọnị ọ̀ọ mẹ tụ́ ọnị. 8Ẹnẹyịmavara kà ọnị ọ̀ọ kà a yị ọza odivi ka vị́ ọ vee su nị, dị ọnị Ezikẹẹrị ẹ̀ yị kà ọza odivi ọnọọ ọnọ ka, ọ̀ và hụụnị ebira odivi anị ụ vị dị ọ̀ há nị, ọza ọnọọ vee su isu ebira odivi anị, ama ọnị Ezikẹẹrị vaa kụ́ irenu anị agụvị iswọọza ọnọọ. 9Ama ọnị ọ̀ọ ka ọza odivi ọnọ, dị ẹ̀ yị hụụnị ebira odivi ọ̀ yị mẹ nị, ọza ọnọọ vee sú isu ebira odivi anị, ama ọnị vaa há. 10Ezikẹẹrị ka, Ẹnẹyịmavara ộ kà a yị ọnị ka, ọnị ozi-ọza ọ̀ varẹma kà a yị Anisirẹrị nịnị, ịrẹyị ọnị ẹnịnị aa kà. Ẹnịnị aa kà a ka, ẹnya ebira odivi ẹnịnị ọ sị ngụ ẹnị tịtẹ, ụya aa vaa wụ̀ ẹnị. Ẹhẹ ịsị ẹnị vana kụkụ zụ mẹ da? 11Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị? 12Booro aanị, ọnị ozi-ọza ọ̀ kà a yị Anisirẹrị nịnị ka, ịjị ọza ọyịza òo nyima aa mẹ̀ ebira odivi, ọyịza ọnị vịdị mẹ, ẹ́ yị vaa zụụ dọ ọ ha. Ọza odivi ọ̀ọ hụụnị ebira odivi ọ̀ yị mẹ, ẹ́ yị kụkụ vaa rị ụya ebira odivi ọ̀ yị mẹ. Ọza ọyịza òo nyima aa mẹ̀ ebira odivi, ẹ́ yị vaa ha o. 13Ẹnẹyịmavara kà ọnị kà a yị ọza ọyịza ka ọ vaa yara, ama dị ọ kụkụ sị ayị tụra ọyịza ọnị ọ́ vịdị mẹ, dị ọ kụkụ aa mẹ̀ ebira odivi nị, ọnị ẹ́ yị vaa tamayị ọyịza ọnyọọnyị ọnị ọ vịdị mẹ. Ọza ọnọọ vee sú agụvị ebira odivi anị. 14Ọnị ọ zụ ka ọza odivi ọnọ ka ọ vee sú. Ama ọza ọnọọ ọ̀ọ hụụnị ebira odivi ọ̀yị mẹ, dị aa mẹ̀ ịsa ana vọrọ dị o zoza nị, 15Ọza ọnọọ ọ̀ọ và ịsị a sị vaa dọ ọ ịsa rere yị ọza ana nyị nị. Ọ̀ọ sị ịsa ọnị o yi varẹma na yị ọza ana nyị, ọ̀ọ hụụnị ebira odivi ọ̀ yị mẹ, dị aa saasa ọda anaa mẹ ka ọza ọ̀ yàra nị, ẹ́ yị vee sú ama ọ vaa yàra. 16Ẹnẹyịmavara kà ọnị vaa vagu ebira odivi ọnị ọ mẹ. Ọ vaa yàra agụvị ka ộ mẹ̀ ịsị ana vọrọ dị ó re zoza. 17Ẹwụ nịnị aa kà a ka ịsị ọnị Ẹnẹyịmavara aa mẹ ẹ́ yị vọrọ. Eyiye de, ẹwụ nịnị ọ vanaa mẹ̀ ịsa ẹnẹ ẹ̀ yị vọrọ nị. 18Ọza ọyịza ọ̀ọ hụụnị ebira ọyịza ọ̀yị mẹ, dị ọ kụkụ aa mẹ̀ ebira odivi nị, vị́ o vee su agụvị avọọ nị. 19Ọza odivi ọ̀ọ hụụnị ebira odivi ọ̀yị mẹ, dị ọ kụkụ aa mẹ̀ ebira ana vọrọ, dị ó re zoza nị, vị aa há nị. 20Ama ẹwụ nịnị Anisirẹrị ka ịsị ọnị mẹ ẹ́ yị vọrọ. Ọnị vaa sị ụyaa rị ọza-ịnya-ọza-ịnyara awụ nịnị anka ịsị ụ mẹ nịnị.
 va kà a ka Ijerusarẹmị ô tu ẹtẹ
21 #
2 Ohi 25.3-10; Ijer 39.2-8; 52.4-14 Ezikẹẹrị ka ịhị ẹ tụ ọ ẹkụhị ọhụhị, ịnị ụhwẹ ẹẹwụ ịrayị ana tụ ọ ịrayị ẹwụrẹva ana a za ẹnị ve hi Ịbabịrọnị, ọza ịnyara ô zwè hụrị Ijerusarẹmị vaa ka ẹ yị ọnị ka, Ijerusarẹmị ô tu ẹtẹ o. 22Ịnị oruva ọ́ mẹ sị vị ụhwọ, dị ọza ọnọnị vavẹ, ụkata Ẹnẹyịmavara ô ka ọnị vẹ, ịjị ọza ọnọnị vẹ ẹnẹnẹ eyinẹhẹ anị, dị Ẹnẹyịmavara há ọnị irenu ka ọnị ọọ kà ịrẹyị nị.
Ebira odivi ọnị Anisirẹrị nịnị mẹ
23Ezikẹẹrị ka, Ẹnẹyịmavara ộ ka yị ọnị ka, 24Ozi-ọza, aza ana ra hi ẹkụra-ẹkụra ana jị eburu ịnị ẹtẹ Isirẹrị aanị, aa kà a ka, Abụrahamị vị ọnịnya, di a sị ẹtẹ ọnọnịị yị ọ. Ẹnị ẹ́ sị rụrụ booro aanị, ẹnị ẹ nyị ẹtẹ ọnọọ nị. 25Ọ kà ọnị ọ̀ kà a yị wa ka ọnị Ẹnẹyịmavara Ochẹtẹẹngụ ka, waa rị uye nịnị, dị waa sẹ̀ ịrẹka nịnị nị. Sị ẹ mẹ ka wee rò o nịnị ka aa wụ nịnị ẹtẹ ọnọnị vị̀ nị? 26Wáa sị ayị tụra ẹngụ awụ nịnị ka wá zụ kụ́ ịrẹkụ. Ịsị waa mẹ nịnị aa nyị ọza ịhyẹrẹ dị waa sị́ ose ẹngụ nịnị nị. Sị ẹ va mẹ ka wee rò o nịnị ka, awụ nịnị ẹtẹ ọnọnị vị̀ nị? 27Kà ẹ yị wa ka, ọnị Ẹnẹyịmavara Ananyị ụkata hu ka, àa vị ọnị ọ yị vị Ohomorihi ana yara nị, avaba aza ana ra hi ẹkụra ẹnẹẹ ana a jị eburu aanị, vị ana a vaa wụụ ha. Ẹnị a na vọ hi ẹkụra ana vọ vị ọnị uye edivi vaa zaa rị. Ụkụ ọ vaa wụ̀ ẹnị ana na tẹ̀ hị́ ịnị ataba ọnịrị ene hi ịnị ụtẹha nị. 28Ọ kà ọnị vaa tu Ijerusarẹmị osusu saka-saka, dị ọnị dọ wa ụkata ọnị eyee sii wùu zị avọọ. Ataba ene hi Isirẹrị vee hí avị, ana ahịka ọza ẹ́ yị ma vana nyayịnẹ zị avọọ para hu. 29Ịjị ọnị ọ̀ọ ra hụ agụvị ebira odivi Anisirẹrị nịnị sị ụya rị wa, dị ọnị tụ́ ẹkụra ẹnịnị osusu nị, ẹnịnị vaa yẹ ka ọnị ọ vị Ẹnẹyịmavara nị.
Ọ̀vavẹ ịrẹma ụtụ ọnị ọnịsẹ na kà
30Ezikẹẹrị ka Ẹnẹyịmavara ộ kà a yị ọnị ka, ọnị ozi-ọza, aza awụ vaka ugene, ẹnyị hi enoze irehi aa kà ịrẹyị awụ. Ẹnịnị aa kà a yị ẹngụ ka, à vẹ dị ẹnị ẹ̀ na wụ́ ịrẹyị ọnị Ẹnẹyịmavara kà à ka yị ẹnị aanị. 31Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị. 32Vị́ ụ sị mẹẹ anka ọza anaa jị ahẹ ana sị zụ ka ọza oo sị ịrẹyị ọza avọọ yị wa nị. Vị́ ụ sị mẹ anka ọza enee hú ịsa ẹtẹẹrẹ avọọ yị wa nị. Ẹnịnị ệ sị ụtọ pe ẹtẹ avaba ịrẹyị awụ de, ama ẹnịnị ẹ́ yị sị ikonya hụụnị anị mẹ̀ ụkọrọ. 33Ama ịjị avaba ịrẹyị ọnị ụ ka ọọ́ sị mẹ, ịzẹyịza avaba anị vaa mẹ, ẹnịnị vaa yẹ ka â nyị ọnịsẹ ịnị ẹngụ ẹnịnị.
Právě zvoleno:
Ezikẹẹrị 33: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.
Ezikẹẹrị 33
33
Ohomorihi ka Ezikẹẹrị ọ̀ vị oserẹtẹ
1Ezikẹẹrị ka, ẹkụhị ọnya, Ẹnẹyịmavara ộ kà a yị ọnị ka, 2Ozi-ọza, ọnị ọ ka yị anda ẹnịnị ịsị ẹẹ̄ mẹ ụmẹ ọnị Ẹnẹyịmavara ộ mẹ̀ ka à kụ́ ịrẹkụ va ngụ ẹkụra. Anẹkụra ọnọọ ẹẹ̄ nyị ọza-ịnya ịnị ẹngụ ẹnịnị ka, ọ̀ vị oserẹtẹ. 3Ụmẹ ọnị oserẹtẹ ọnọọ òo re ka ọnịvị ẹnịnị aa gụrị ẹtẹ, dị o hú ọpanyị ọ̀ yị kà ọzọza ọnọ. 4Ọza ana àa wụ, dị èe sere ẹngụ anị dị ọnịvị ẹnịnị vẹ dị ẹ va wụ ọ nị, ọnị ụvọta a vaa tụ́ ohuvọ nị. 5Ka â kà a ọnọ, ama ẹ́ yị wụ, ọnị a vaa tụ́ ohuvọ nị. Ọ̀ọ sere ẹngụ anị á mẹ kà a ọnọ, ẹ́ yị yaanị sú. 6Ama oserẹtẹ ọnọọ òo re ka ịrẹkụ aa vẹ, dị è yi hu ọpanyị dị ọ sị ka aza ọnọ, dị ọnịvị kụ́ ịrẹkụ vẹ dị ẹ va wụ̀ ọza ọnyọọnyị nị, ọza ọnọọ vị ana wụ agụvị ebira odivi anị. Ama oserẹtẹ ọnọọ vaa kụ́ irenu anị ịrẹsụ iswọọza ọnọọ. 7Ezikẹẹrị ka, Ẹnẹyịmavara ộ kà a yị ọnị ka, ozi-ọza, ọnị Ẹnẹyịmavara ọ sị ọnị nyị oserẹtẹ yị ẹkụra Isirẹrị. Ọnị ọọ kà wa ọnọọ yị ọnị Ẹnẹyịmavara anka ọnị ọ̀ọ mẹ tụ́ ọnị. 8Ẹnẹyịmavara kà ọnị ọ̀ọ kà a yị ọza odivi ka vị́ ọ vee su nị, dị ọnị Ezikẹẹrị ẹ̀ yị kà ọza odivi ọnọọ ọnọ ka, ọ̀ và hụụnị ebira odivi anị ụ vị dị ọ̀ há nị, ọza ọnọọ vee su isu ebira odivi anị, ama ọnị Ezikẹẹrị vaa kụ́ irenu anị agụvị iswọọza ọnọọ. 9Ama ọnị ọ̀ọ ka ọza odivi ọnọ, dị ẹ̀ yị hụụnị ebira odivi ọ̀ yị mẹ nị, ọza ọnọọ vee sú isu ebira odivi anị, ama ọnị vaa há. 10Ezikẹẹrị ka, Ẹnẹyịmavara ộ kà a yị ọnị ka, ọnị ozi-ọza ọ̀ varẹma kà a yị Anisirẹrị nịnị, ịrẹyị ọnị ẹnịnị aa kà. Ẹnịnị aa kà a ka, ẹnya ebira odivi ẹnịnị ọ sị ngụ ẹnị tịtẹ, ụya aa vaa wụ̀ ẹnị. Ẹhẹ ịsị ẹnị vana kụkụ zụ mẹ da? 11Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị? 12Booro aanị, ọnị ozi-ọza ọ̀ kà a yị Anisirẹrị nịnị ka, ịjị ọza ọyịza òo nyima aa mẹ̀ ebira odivi, ọyịza ọnị vịdị mẹ, ẹ́ yị vaa zụụ dọ ọ ha. Ọza odivi ọ̀ọ hụụnị ebira odivi ọ̀ yị mẹ, ẹ́ yị kụkụ vaa rị ụya ebira odivi ọ̀ yị mẹ. Ọza ọyịza òo nyima aa mẹ̀ ebira odivi, ẹ́ yị vaa ha o. 13Ẹnẹyịmavara kà ọnị kà a yị ọza ọyịza ka ọ vaa yara, ama dị ọ kụkụ sị ayị tụra ọyịza ọnị ọ́ vịdị mẹ, dị ọ kụkụ aa mẹ̀ ebira odivi nị, ọnị ẹ́ yị vaa tamayị ọyịza ọnyọọnyị ọnị ọ vịdị mẹ. Ọza ọnọọ vee sú agụvị ebira odivi anị. 14Ọnị ọ zụ ka ọza odivi ọnọ ka ọ vee sú. Ama ọza ọnọọ ọ̀ọ hụụnị ebira odivi ọ̀yị mẹ, dị aa mẹ̀ ịsa ana vọrọ dị o zoza nị, 15Ọza ọnọọ ọ̀ọ và ịsị a sị vaa dọ ọ ịsa rere yị ọza ana nyị nị. Ọ̀ọ sị ịsa ọnị o yi varẹma na yị ọza ana nyị, ọ̀ọ hụụnị ebira odivi ọ̀ yị mẹ, dị aa saasa ọda anaa mẹ ka ọza ọ̀ yàra nị, ẹ́ yị vee sú ama ọ vaa yàra. 16Ẹnẹyịmavara kà ọnị vaa vagu ebira odivi ọnị ọ mẹ. Ọ vaa yàra agụvị ka ộ mẹ̀ ịsị ana vọrọ dị ó re zoza. 17Ẹwụ nịnị aa kà a ka ịsị ọnị Ẹnẹyịmavara aa mẹ ẹ́ yị vọrọ. Eyiye de, ẹwụ nịnị ọ vanaa mẹ̀ ịsa ẹnẹ ẹ̀ yị vọrọ nị. 18Ọza ọyịza ọ̀ọ hụụnị ebira ọyịza ọ̀yị mẹ, dị ọ kụkụ aa mẹ̀ ebira odivi nị, vị́ o vee su agụvị avọọ nị. 19Ọza odivi ọ̀ọ hụụnị ebira odivi ọ̀yị mẹ, dị ọ kụkụ aa mẹ̀ ebira ana vọrọ, dị ó re zoza nị, vị aa há nị. 20Ama ẹwụ nịnị Anisirẹrị ka ịsị ọnị mẹ ẹ́ yị vọrọ. Ọnị vaa sị ụyaa rị ọza-ịnya-ọza-ịnyara awụ nịnị anka ịsị ụ mẹ nịnị.
 va kà a ka Ijerusarẹmị ô tu ẹtẹ
21 #
2 Ohi 25.3-10; Ijer 39.2-8; 52.4-14 Ezikẹẹrị ka ịhị ẹ tụ ọ ẹkụhị ọhụhị, ịnị ụhwẹ ẹẹwụ ịrayị ana tụ ọ ịrayị ẹwụrẹva ana a za ẹnị ve hi Ịbabịrọnị, ọza ịnyara ô zwè hụrị Ijerusarẹmị vaa ka ẹ yị ọnị ka, Ijerusarẹmị ô tu ẹtẹ o. 22Ịnị oruva ọ́ mẹ sị vị ụhwọ, dị ọza ọnọnị vavẹ, ụkata Ẹnẹyịmavara ô ka ọnị vẹ, ịjị ọza ọnọnị vẹ ẹnẹnẹ eyinẹhẹ anị, dị Ẹnẹyịmavara há ọnị irenu ka ọnị ọọ kà ịrẹyị nị.
Ebira odivi ọnị Anisirẹrị nịnị mẹ
23Ezikẹẹrị ka, Ẹnẹyịmavara ộ ka yị ọnị ka, 24Ozi-ọza, aza ana ra hi ẹkụra-ẹkụra ana jị eburu ịnị ẹtẹ Isirẹrị aanị, aa kà a ka, Abụrahamị vị ọnịnya, di a sị ẹtẹ ọnọnịị yị ọ. Ẹnị ẹ́ sị rụrụ booro aanị, ẹnị ẹ nyị ẹtẹ ọnọọ nị. 25Ọ kà ọnị ọ̀ kà a yị wa ka ọnị Ẹnẹyịmavara Ochẹtẹẹngụ ka, waa rị uye nịnị, dị waa sẹ̀ ịrẹka nịnị nị. Sị ẹ mẹ ka wee rò o nịnị ka aa wụ nịnị ẹtẹ ọnọnị vị̀ nị? 26Wáa sị ayị tụra ẹngụ awụ nịnị ka wá zụ kụ́ ịrẹkụ. Ịsị waa mẹ nịnị aa nyị ọza ịhyẹrẹ dị waa sị́ ose ẹngụ nịnị nị. Sị ẹ va mẹ ka wee rò o nịnị ka, awụ nịnị ẹtẹ ọnọnị vị̀ nị? 27Kà ẹ yị wa ka, ọnị Ẹnẹyịmavara Ananyị ụkata hu ka, àa vị ọnị ọ yị vị Ohomorihi ana yara nị, avaba aza ana ra hi ẹkụra ẹnẹẹ ana a jị eburu aanị, vị ana a vaa wụụ ha. Ẹnị a na vọ hi ẹkụra ana vọ vị ọnị uye edivi vaa zaa rị. Ụkụ ọ vaa wụ̀ ẹnị ana na tẹ̀ hị́ ịnị ataba ọnịrị ene hi ịnị ụtẹha nị. 28Ọ kà ọnị vaa tu Ijerusarẹmị osusu saka-saka, dị ọnị dọ wa ụkata ọnị eyee sii wùu zị avọọ. Ataba ene hi Isirẹrị vee hí avị, ana ahịka ọza ẹ́ yị ma vana nyayịnẹ zị avọọ para hu. 29Ịjị ọnị ọ̀ọ ra hụ agụvị ebira odivi Anisirẹrị nịnị sị ụya rị wa, dị ọnị tụ́ ẹkụra ẹnịnị osusu nị, ẹnịnị vaa yẹ ka ọnị ọ vị Ẹnẹyịmavara nị.
Ọ̀vavẹ ịrẹma ụtụ ọnị ọnịsẹ na kà
30Ezikẹẹrị ka Ẹnẹyịmavara ộ kà a yị ọnị ka, ọnị ozi-ọza, aza awụ vaka ugene, ẹnyị hi enoze irehi aa kà ịrẹyị awụ. Ẹnịnị aa kà a yị ẹngụ ka, à vẹ dị ẹnị ẹ̀ na wụ́ ịrẹyị ọnị Ẹnẹyịmavara kà à ka yị ẹnị aanị. 31Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị. 32Vị́ ụ sị mẹẹ anka ọza anaa jị ahẹ ana sị zụ ka ọza oo sị ịrẹyị ọza avọọ yị wa nị. Vị́ ụ sị mẹ anka ọza enee hú ịsa ẹtẹẹrẹ avọọ yị wa nị. Ẹnịnị ệ sị ụtọ pe ẹtẹ avaba ịrẹyị awụ de, ama ẹnịnị ẹ́ yị sị ikonya hụụnị anị mẹ̀ ụkọrọ. 33Ama ịjị avaba ịrẹyị ọnị ụ ka ọọ́ sị mẹ, ịzẹyịza avaba anị vaa mẹ, ẹnịnị vaa yẹ ka â nyị ọnịsẹ ịnị ẹngụ ẹnịnị.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.