Ịdanịyẹrị 2
2
Ụra ọnị Inebukadineza ra
1Ịrahụ ẹkụhị ọnya, ịnị ịrayị ọhụva ọnị Inebukadineza rị ohinọyị, dị ọ ra ụra nị. Ụra ọnọọ vana nyayịnẹ mẹ ayị hụrẹ ịnẹ ẹtẹẹtẹrẹ, dị ẹ yị zụ sụ ara nị. 2Obooboro ọnọọ dị ọ tụ́ hị́ avaba ẹnị ọmahọnọ anị, aza eneē ré ẹtẹẹ yọ, Anajuwe anị nịnị ẹnịrị ọpọchị anị nịnị ka, ẹ̀ va kà a yị ọnị ụra ọnị ọnị ra nị. Ịzẹyịza dị ẹnịnị ve tu ọ nị. 3Dị ohinọyị kà a yị wa ka, â nyị ụra ọnị ọnị ra anaa mẹ ayịị hụrẹ ọnị ịnẹ, ẹnịnị ẹ kà a yị ọnị agụvị ka ọnị è sị ka ọnị ọ yẹ ẹ nị. 4Dị aza eneē re ẹtẹẹ yọ aanị tụ́ ohi ịnị ẹkụra Aramị dị ẹ ka: taarụ ohinọyị, aarịhịnị ọ kà a yị ẹnị ụra ọnị ọ ra, dị ẹnị kà iruvo anịị yọ nị. 5Dị ohinọyị tu wa ohi dị ọ ka, ịzẹyịza ọnị aa kà nị, ẹnịnị ẹ̀ẹ yị kà a yị ọnị ụra ọnị ọnị ra aanị ọnịrị iruvo anị, vị a vaa na wa saka-saka dị áa jị irehi ẹnịnị eburu nị. 6Ama ẹnịnị ẹ̀ẹ kà a yị ọnị, ọnị vaa mẹ wa ẹyịza ọbanyị, dị ọnị ka udi ẹnịnị hịrẹ. Agụvị avọọ ẹnịnị ẹ̀ kà a yị ọnị ụra ọnị ọnị ra ọnịrị ịsị ẹ vị iruvo anị. 7Dị ẹnị rẹ varẹma kà a yị ohinọyị ka, aarịhịnị ọ̀ kà a yị ẹnị ụra ọnị ọ ra ka ẹnị vaa kà iruvo anịị yọ nị. 8Dị ohinọyị tu wa ohi ka, ọnị ee re ka vị ẹnịnị aa dọ ọbọ kẹnẹ ọ yị za ọnị kù nị. Ọ kà ẹnịnị ẹ̀ yẹ ka ẹ yị vị ịrẹyị aahẹ ọnị aa kà o. 9Ọ kà ẹnịnị ẹ̀ẹ yị kà a yị ọnị ụra ọnị ọnị ra, avaba ẹnịnị vị ene e vee vu ẹtẹ. Ọ kà, vị ẹnịnị gẹ eyi ka ẹnị è cheeche yị ọnị dị ọnị ọ vara ayị anị nị. Agụvị avọọ ẹnịnị ẹ̀ kà ụra ọnọọ yị ọnị, dị ọnị ọ̀ yẹ́ ka ẹnịnị ẹ rẹ zụ kà iruvo anị. 10Dị aza eneē ré ẹtẹẹ yọ aanị tu ọ ohi dị ẹ ka, ẹ yị nyị ọza ịrẹsụ ẹtẹ ana zụ ká ẹ yị ọ ịsị enee họ̀ use anị aanị nị. Ẹ ka ẹ yị nyị ohinọyị ọsa, ịzị ọ kata na za ana họ̀ ẹngụ usirẹyị ọnọnị hụụnị ụvọ aza eneē ré ẹtẹ yọ, a vị hụụnị ụvọ ọmahọnọ anị ọnịrị ọpọchị anị nịnị da. 11Ẹ ka ịrẹyị ọkatẹngụ ohinọyị ee họ̀ use anị aanị nị, ẹ yị nyị ọza ana zụ ka ẹ yị ọ ụra ọnị ọ ra, ẹ̀ yị vị ori nịnị; ẹ̀ẹhẹẹ ori nịnị ẹnịrị aza ẹ yị mā ra vabẹ kẹ. 12Ọsọnị ọ va mẹ ayị kụ ohinọyị hu, dị ayị anị aa dọva nị. Dị ọ ka à na wụ̀ avaba ẹnị ọyẹrẹyị Anibabironi va ha nị. 13Ịjị a sị ọda mẹ ka à na wụ̀ wa, dị ẹ sị hu enee sị Ịdanịyẹrị ọnịrị ọta anị nịnị ka à wụ̀ wa beri wa nị. 14Â nyị ọnọrụ ọnya aanị ana aā hị́ Ariyoki, ọnị ọ vị ọdọvịdị isoja ohinọyị nịnị nị. Ịjị ọ raà kụ aza ka à na wụ ẹnị ọyẹrẹyị Anibabironi, dị Ịdanịyẹrị tangwa sị ịrẹyọyẹ pe e kà ịrẹyị nị. 15Dị ọ họ̀ ọ ka, sị ẹ vẹ dị ohinọyị maanị mẹ ọda ịrịịra ọnọnị? Dị Arịyoki mẹ ẹhahi ịrẹyị ọnọnịị yọ nị. 16Dị Ịdanịyẹrị ngụ eehi ne tù ohinọyị, dị ọ ka ọ̀ sị ụmẹ yị ọnị ka ọnị vaa kà iruvo ụra anịị yọ nị. 17Dị Ịdanịyẹrị nọ ịnị eehi dị ọ na kà avaba ịrẹyị ẹnẹnị zụ Ịhananịya, Imisịyẹrị ọnịrị Azarịya nị. 18Dị ọ kà a yị wa ka ẹ̀ vẹ dị ẹnị ẹ da ịpẹ yị Ohomorihi ka ọ vayị ẹnịnị dị ọ̀ sị iruvo ịrẹyị ọnọnị zụ ẹnị agụvị asị a wụ ẹnị beri ẹnị ọyẹrẹyị Anibabironi ana vọ nị. 19Ịrahụ ọnọọ dị Ohomorihi sị ụra ọnị ọza ẹ yị yẹ́ aanị zụ Ịdanịyẹrị nị. Ịdanịyẹrị sị ụga yị Ohomorihi ana nyị ẹbẹẹba, 20dị ọ ka, aa kụ́ Ohomorihi avọ pooro, agụvị ka ọnị ịnyara kẹnẹ ọ nyị avaba ịrẹyọyẹ ọnịrị ụkata nị. 21Ọnị ọọ̄ jị ụmẹ ọnị avaba ịsa sịị mẹ ịnị ẹhẹ nị. Ọnị ọọ̄ sị ohinọyị nịnị rị nị. Ọnị o reē chi waa hụrị udi ẹnịnị nị. Ọnị ọọ̄ sị ịrẹyọyẹ yị aza ana yẹ ịrẹyị nị. Ọnị ọọ̄ mẹ̀ ka aza ana yẹ ịsa ẹ̀ yẹ ẹ nị. 22Ọnị ọọ̄ sị ịsa ana tẹ̀ aha ana nyịnẹẹ zụ nị; ộ yẹ avaba ịsa ana tẹ aha ene hozi, ọnị ụvọta vị ana ya ịnị ẹtohweyi. 23Ịdanịyẹrị ka, “mâ kụ Ohomorihi ohiku amị nịnị avọ, dị mị rẹ sị ụgaa yọ nị, agụvị ka ọ raà sị ịrẹyọyẹ ọnịrị ụkata yị mị”. Ô tu ẹnị ohi ịrẹyị ọnị ẹnị họ̀ use anị, dị ọ kà a yị ẹnị ịsa ọnị ohinọyị ee sị ka ọnị ọ̀ yẹ nị. 24Dị Ịdanịyẹrị ne tù Arịyoki, ọnị ohinọyị tụ ka ọ̀ na wụ ọyẹrẹyị Anibabironi nịnị, dị ọ kà a yọ ka à sị ọ wụ̀ wa nị. Ọ kà, ọ̀ sị ọnị ne tu ohinọyị dị ọnị kà a yọ iruvo ụra ọnị ọ ra. 25Ịzịịzọọ dị Ariyoki sị Ịdanịyẹrị ne tù ohinọyị nị. Dị ọ kà a yọ ka, ọnị ọ sị ọza ịnyara re hụụnị aza a na za ọrịhị hụrẹ ẹtẹ Ijuda vẹ ana zụ ka a yọ ịsị ẹ vị iruvo ụra ọnị ọ ra nị. 26Dị ohinọyị họ̀ Ịdanịyẹrị ọnị ịrẹha anị ọsa rị Ịbẹtịsaza use ka, ọ́ọ́ zụ́ kà a yị ọnị ụra ọnị ọnị rá ọnịrị iruvo anị nị? 27Dị Ịdanịyẹrị tú ọ ohi ka, ẹ yị nyị ọza ọnyọọnyị ana zụ ka ẹngụ ịsa ẹnẹnị yị ohinọyị nị. 28Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị. 29Dị Ịdanịyẹrị ka, Taarụ ohinọyị! Ọ mẹ̀ hụtẹtẹ aha ọyịsụ anị dị e ro ịrẹyị ịsị ẹ vaa mẹ ụhwọọ, Ohomorihi anaā sịị ịsa ọnị ọza ẹ yị yẹ iruvo anịị zụ, ọ sị zụ ọ ịsị ẹ vaa mẹ nị. 30Ọ kà, ẹ́ yị vị agụvị ka ọnị ọ yẹ ịrẹyị hu asị sị ịsa ana tẹ aanị zụ̀ ọnị nị, ama agụvị a zụ ka iruvo anị zụ ohinọyịị yọ nị, dị ọ̀ zụ yẹ ịsa e nee rò ịnị ayị anị.
31“Ịdanịyẹrị kà, taarụ ohinọyị! wê re ịsa ene vene ọza ka ọ jẹẹ ọvịdị awụ. Ịsa ọnọọ ộ hụ ẹtẹẹtẹrẹ, dị ọ nyayịnẹ aa zẹtẹ nị. Ọza òo re e vị angwa ee hí ọ nị. 32Ịrẹsụ ịsa ọnọọ vị ana a sị igooru mẹ, dị a sị enyusẹ anaā hị́ isiriva mẹ ịrachị anị ọnịrị ụvọ nị. Hụụnị ịrẹka na ngụ ịnị usi anị vị ana a rẹ sị enyusẹ irenyi mẹ, 33dị a sị enyusẹ ọsa mẹ ọchahụ anị nị. Ịpẹtahụ ịsa ọnọọ vị ana a sị ụmọpa ọnịrị enyusẹ ene e hùra vabẹ mẹ”. 34Ọ kà, óhinọyị mẹ̀ vavọọ e ré e, dị ịrẹta ọbanyị ọnya dà va nya ịsa ọnọọ ịpẹtahụ dị ọ gara a ha rugu-rugu nị. Ẹ yị vị ọza ọ da ịrẹta ọnọọ ne. 35Kẹnẹ, dị avaba ẹngụ anị ana vọ ana a sị enyusẹ irenyi-irenyi mẹ ẹnị rẹ kwọ̀rọ̀ va ha anka azịzẹ avọọ, dị ahị kụ ọ ne hu saka-saka nị, ọza ẹ yị vè ne re ịpa anị. Ama dị ịrẹta ana va sụ ịsa ọnọọ ịpẹtahụ aanị ọnị vana vara ataba ọbanyị tụ avaba ẹhẹ nị. 36Dị Ịdanịyẹrị ka, taarụ! ụra ọnị ụ ra yị o ohinọyị. Ẹnị rẹ vaa kà iruvo anịị yị wụ. 37Dị ọ ka ohinọyị ọ taarụ nị, Ohomorihi ana mẹ ẹbẹẹba ọ mẹ̀ ẹ ka ọ̀ vị ohinọyị ene huna ohinọyị nịnị nị, dị ọ mẹ ka ọ̀ nyị ụkata ọnịrị ụbanyị nị. 38Ohomorihi ọ mẹ ka ọọ mẹ ọda tụra avaba anẹhẹ ọnịrị uye ịnị avị beri inomi nịnị ịrẹsụ nị. Agụvị avọọ Inebukadineza ohinọyị ọ vị̀ ịrẹsụ ana a sị igooru mẹ̀ ịnị ịsa oni o re nị. 39Ộ ka ịrẹma anị, ohinọyị ọsa ana banyị vanaa rị, ama ẹ yị vaa ya anka Inebukadineza. Ịrẹma ọnọọ, dị ohinọyị ọhụta ọnị rẹ vaa rị ana vaa mẹ ọda tụra avaba anẹhẹ ịrẹsụ, ọnọọ ọ vị ịpa ana sị enyusẹ ọsa mẹ nị. 40Ohinọyị ọhụna ọnị rẹ vaa rị vàa tụra ọsọnị. Ọ vaa banyị, dị ọ katẹngụ anka enyusẹ avọọ. Vị ọ vaa gara avaba ịsa ohinọyị ana vịdị rị mẹ và ha anka enyusẹ mẹ̀ẹ gara ịsaa ha chẹ̀kẹ̀-chẹ̀kẹ̀ avọọ nị. 41Ọ kà, ahụ ọnịrị igege ịnị ahụ ọnị ohinọyị ré ka a sị enyusẹ ọnịrị ụmọpa mẹ avọọ ộ sị zụ ka udi ohinọyị ọnọọ vị ana va gàa hi. 42Ịpa ẹnyị ịnị udi ohinọyị ọnọọ vaa katẹngụ anka enyusẹ, dị ẹnyị vị ọkụmị anka ụmọpa. 43Ọ kà, enyusẹ ọnịrị ụmọpa ene hùra vabẹ aanị aa sị zụ ka eni ohinọyị ẹkụra ẹnẹnị vee si ka ẹnị ẹ vabẹ dị ẹnị ẹẹ mẹ uze, agụvị avọọ dị ẹ sị ozi ga ẹngụ. Ama uze ẹnịnị e yi ve tu oruva, agụvị ka enyusẹ ọnịrị ụmọpa ẹ yị zụ́ vabẹ. 44Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro. 45Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.
Inebukadineza ọọ mẹ Ịdanịyẹrị Ẹyịza
46Dị Inebukadineza và ku ẹtẹ ọvịdị Ịdanịyẹrị dị aa kụ ọ nị. Dị ọ̀ ka ana mẹ̀ ịsọvọ dị a rị eturare ịra yị Ịdanịyẹrị nị. 47Dị ohinọyị kà a yị Ịdanịyẹrị ka, ịzẹyịza, Ohomorihi Ịdanịyẹrị o huna avaba ori nịnị nị, dị ọ rẹ nyị avaba ohinọyị nịnị nị. Ọ kà, ọnị ọọ̄ sị ịsa ana tẹẹ zụ aza nị. Ohomorihi ọnọọ ọ mẹ ka ọ̀ zụ ka ẹ yị ọnị ụra ọnị ọnị rá nị. 48Dị ọ ka udi Ịdanịyẹrị hịrẹ ka ọ̀ kụkụ sị eyi pe avaba ẹtẹ Ịbabịrọnị nị, dị ọ rẹ vị ohirẹsụ avaba anajuwe Anibabironi nị. Dị ọ rẹ mẹ̀ ẹ ẹyịza ẹbanyị-ẹbanyị va kà a nị. 49Ịdanịyẹrị ộ da ịpẹ yị ohinọyị ka, ọ̀ nyị Isediraki, Imesaki ọnịrị Abedinego dị ẹ̀ sị eyi pe ịsa anaa na ịnị ẹtẹ Ịbabịrọnị nị. Ama ọnị Ịdanịyẹrị vanaa ya ịdị ohinọyị.
Právě zvoleno:
Ịdanịyẹrị 2: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.
Ịdanịyẹrị 2
2
Ụra ọnị Inebukadineza ra
1Ịrahụ ẹkụhị ọnya, ịnị ịrayị ọhụva ọnị Inebukadineza rị ohinọyị, dị ọ ra ụra nị. Ụra ọnọọ vana nyayịnẹ mẹ ayị hụrẹ ịnẹ ẹtẹẹtẹrẹ, dị ẹ yị zụ sụ ara nị. 2Obooboro ọnọọ dị ọ tụ́ hị́ avaba ẹnị ọmahọnọ anị, aza eneē ré ẹtẹẹ yọ, Anajuwe anị nịnị ẹnịrị ọpọchị anị nịnị ka, ẹ̀ va kà a yị ọnị ụra ọnị ọnị ra nị. Ịzẹyịza dị ẹnịnị ve tu ọ nị. 3Dị ohinọyị kà a yị wa ka, â nyị ụra ọnị ọnị ra anaa mẹ ayịị hụrẹ ọnị ịnẹ, ẹnịnị ẹ kà a yị ọnị agụvị ka ọnị è sị ka ọnị ọ yẹ ẹ nị. 4Dị aza eneē re ẹtẹẹ yọ aanị tụ́ ohi ịnị ẹkụra Aramị dị ẹ ka: taarụ ohinọyị, aarịhịnị ọ kà a yị ẹnị ụra ọnị ọ ra, dị ẹnị kà iruvo anịị yọ nị. 5Dị ohinọyị tu wa ohi dị ọ ka, ịzẹyịza ọnị aa kà nị, ẹnịnị ẹ̀ẹ yị kà a yị ọnị ụra ọnị ọnị ra aanị ọnịrị iruvo anị, vị a vaa na wa saka-saka dị áa jị irehi ẹnịnị eburu nị. 6Ama ẹnịnị ẹ̀ẹ kà a yị ọnị, ọnị vaa mẹ wa ẹyịza ọbanyị, dị ọnị ka udi ẹnịnị hịrẹ. Agụvị avọọ ẹnịnị ẹ̀ kà a yị ọnị ụra ọnị ọnị ra ọnịrị ịsị ẹ vị iruvo anị. 7Dị ẹnị rẹ varẹma kà a yị ohinọyị ka, aarịhịnị ọ̀ kà a yị ẹnị ụra ọnị ọ ra ka ẹnị vaa kà iruvo anịị yọ nị. 8Dị ohinọyị tu wa ohi ka, ọnị ee re ka vị ẹnịnị aa dọ ọbọ kẹnẹ ọ yị za ọnị kù nị. Ọ kà ẹnịnị ẹ̀ yẹ ka ẹ yị vị ịrẹyị aahẹ ọnị aa kà o. 9Ọ kà ẹnịnị ẹ̀ẹ yị kà a yị ọnị ụra ọnị ọnị ra, avaba ẹnịnị vị ene e vee vu ẹtẹ. Ọ kà, vị ẹnịnị gẹ eyi ka ẹnị è cheeche yị ọnị dị ọnị ọ vara ayị anị nị. Agụvị avọọ ẹnịnị ẹ̀ kà ụra ọnọọ yị ọnị, dị ọnị ọ̀ yẹ́ ka ẹnịnị ẹ rẹ zụ kà iruvo anị. 10Dị aza eneē ré ẹtẹẹ yọ aanị tu ọ ohi dị ẹ ka, ẹ yị nyị ọza ịrẹsụ ẹtẹ ana zụ ká ẹ yị ọ ịsị enee họ̀ use anị aanị nị. Ẹ ka ẹ yị nyị ohinọyị ọsa, ịzị ọ kata na za ana họ̀ ẹngụ usirẹyị ọnọnị hụụnị ụvọ aza eneē ré ẹtẹ yọ, a vị hụụnị ụvọ ọmahọnọ anị ọnịrị ọpọchị anị nịnị da. 11Ẹ ka ịrẹyị ọkatẹngụ ohinọyị ee họ̀ use anị aanị nị, ẹ yị nyị ọza ana zụ ka ẹ yị ọ ụra ọnị ọ ra, ẹ̀ yị vị ori nịnị; ẹ̀ẹhẹẹ ori nịnị ẹnịrị aza ẹ yị mā ra vabẹ kẹ. 12Ọsọnị ọ va mẹ ayị kụ ohinọyị hu, dị ayị anị aa dọva nị. Dị ọ ka à na wụ̀ avaba ẹnị ọyẹrẹyị Anibabironi va ha nị. 13Ịjị a sị ọda mẹ ka à na wụ̀ wa, dị ẹ sị hu enee sị Ịdanịyẹrị ọnịrị ọta anị nịnị ka à wụ̀ wa beri wa nị. 14Â nyị ọnọrụ ọnya aanị ana aā hị́ Ariyoki, ọnị ọ vị ọdọvịdị isoja ohinọyị nịnị nị. Ịjị ọ raà kụ aza ka à na wụ ẹnị ọyẹrẹyị Anibabironi, dị Ịdanịyẹrị tangwa sị ịrẹyọyẹ pe e kà ịrẹyị nị. 15Dị ọ họ̀ ọ ka, sị ẹ vẹ dị ohinọyị maanị mẹ ọda ịrịịra ọnọnị? Dị Arịyoki mẹ ẹhahi ịrẹyị ọnọnịị yọ nị. 16Dị Ịdanịyẹrị ngụ eehi ne tù ohinọyị, dị ọ ka ọ̀ sị ụmẹ yị ọnị ka ọnị vaa kà iruvo ụra anịị yọ nị. 17Dị Ịdanịyẹrị nọ ịnị eehi dị ọ na kà avaba ịrẹyị ẹnẹnị zụ Ịhananịya, Imisịyẹrị ọnịrị Azarịya nị. 18Dị ọ kà a yị wa ka ẹ̀ vẹ dị ẹnị ẹ da ịpẹ yị Ohomorihi ka ọ vayị ẹnịnị dị ọ̀ sị iruvo ịrẹyị ọnọnị zụ ẹnị agụvị asị a wụ ẹnị beri ẹnị ọyẹrẹyị Anibabironi ana vọ nị. 19Ịrahụ ọnọọ dị Ohomorihi sị ụra ọnị ọza ẹ yị yẹ́ aanị zụ Ịdanịyẹrị nị. Ịdanịyẹrị sị ụga yị Ohomorihi ana nyị ẹbẹẹba, 20dị ọ ka, aa kụ́ Ohomorihi avọ pooro, agụvị ka ọnị ịnyara kẹnẹ ọ nyị avaba ịrẹyọyẹ ọnịrị ụkata nị. 21Ọnị ọọ̄ jị ụmẹ ọnị avaba ịsa sịị mẹ ịnị ẹhẹ nị. Ọnị ọọ̄ sị ohinọyị nịnị rị nị. Ọnị o reē chi waa hụrị udi ẹnịnị nị. Ọnị ọọ̄ sị ịrẹyọyẹ yị aza ana yẹ ịrẹyị nị. Ọnị ọọ̄ mẹ̀ ka aza ana yẹ ịsa ẹ̀ yẹ ẹ nị. 22Ọnị ọọ̄ sị ịsa ana tẹ̀ aha ana nyịnẹẹ zụ nị; ộ yẹ avaba ịsa ana tẹ aha ene hozi, ọnị ụvọta vị ana ya ịnị ẹtohweyi. 23Ịdanịyẹrị ka, “mâ kụ Ohomorihi ohiku amị nịnị avọ, dị mị rẹ sị ụgaa yọ nị, agụvị ka ọ raà sị ịrẹyọyẹ ọnịrị ụkata yị mị”. Ô tu ẹnị ohi ịrẹyị ọnị ẹnị họ̀ use anị, dị ọ kà a yị ẹnị ịsa ọnị ohinọyị ee sị ka ọnị ọ̀ yẹ nị. 24Dị Ịdanịyẹrị ne tù Arịyoki, ọnị ohinọyị tụ ka ọ̀ na wụ ọyẹrẹyị Anibabironi nịnị, dị ọ kà a yọ ka à sị ọ wụ̀ wa nị. Ọ kà, ọ̀ sị ọnị ne tu ohinọyị dị ọnị kà a yọ iruvo ụra ọnị ọ ra. 25Ịzịịzọọ dị Ariyoki sị Ịdanịyẹrị ne tù ohinọyị nị. Dị ọ kà a yọ ka, ọnị ọ sị ọza ịnyara re hụụnị aza a na za ọrịhị hụrẹ ẹtẹ Ijuda vẹ ana zụ ka a yọ ịsị ẹ vị iruvo ụra ọnị ọ ra nị. 26Dị ohinọyị họ̀ Ịdanịyẹrị ọnị ịrẹha anị ọsa rị Ịbẹtịsaza use ka, ọ́ọ́ zụ́ kà a yị ọnị ụra ọnị ọnị rá ọnịrị iruvo anị nị? 27Dị Ịdanịyẹrị tú ọ ohi ka, ẹ yị nyị ọza ọnyọọnyị ana zụ ka ẹngụ ịsa ẹnẹnị yị ohinọyị nị. 28Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị. 29Dị Ịdanịyẹrị ka, Taarụ ohinọyị! Ọ mẹ̀ hụtẹtẹ aha ọyịsụ anị dị e ro ịrẹyị ịsị ẹ vaa mẹ ụhwọọ, Ohomorihi anaā sịị ịsa ọnị ọza ẹ yị yẹ iruvo anịị zụ, ọ sị zụ ọ ịsị ẹ vaa mẹ nị. 30Ọ kà, ẹ́ yị vị agụvị ka ọnị ọ yẹ ịrẹyị hu asị sị ịsa ana tẹ aanị zụ̀ ọnị nị, ama agụvị a zụ ka iruvo anị zụ ohinọyịị yọ nị, dị ọ̀ zụ yẹ ịsa e nee rò ịnị ayị anị.
31“Ịdanịyẹrị kà, taarụ ohinọyị! wê re ịsa ene vene ọza ka ọ jẹẹ ọvịdị awụ. Ịsa ọnọọ ộ hụ ẹtẹẹtẹrẹ, dị ọ nyayịnẹ aa zẹtẹ nị. Ọza òo re e vị angwa ee hí ọ nị. 32Ịrẹsụ ịsa ọnọọ vị ana a sị igooru mẹ, dị a sị enyusẹ anaā hị́ isiriva mẹ ịrachị anị ọnịrị ụvọ nị. Hụụnị ịrẹka na ngụ ịnị usi anị vị ana a rẹ sị enyusẹ irenyi mẹ, 33dị a sị enyusẹ ọsa mẹ ọchahụ anị nị. Ịpẹtahụ ịsa ọnọọ vị ana a sị ụmọpa ọnịrị enyusẹ ene e hùra vabẹ mẹ”. 34Ọ kà, óhinọyị mẹ̀ vavọọ e ré e, dị ịrẹta ọbanyị ọnya dà va nya ịsa ọnọọ ịpẹtahụ dị ọ gara a ha rugu-rugu nị. Ẹ yị vị ọza ọ da ịrẹta ọnọọ ne. 35Kẹnẹ, dị avaba ẹngụ anị ana vọ ana a sị enyusẹ irenyi-irenyi mẹ ẹnị rẹ kwọ̀rọ̀ va ha anka azịzẹ avọọ, dị ahị kụ ọ ne hu saka-saka nị, ọza ẹ yị vè ne re ịpa anị. Ama dị ịrẹta ana va sụ ịsa ọnọọ ịpẹtahụ aanị ọnị vana vara ataba ọbanyị tụ avaba ẹhẹ nị. 36Dị Ịdanịyẹrị ka, taarụ! ụra ọnị ụ ra yị o ohinọyị. Ẹnị rẹ vaa kà iruvo anịị yị wụ. 37Dị ọ ka ohinọyị ọ taarụ nị, Ohomorihi ana mẹ ẹbẹẹba ọ mẹ̀ ẹ ka ọ̀ vị ohinọyị ene huna ohinọyị nịnị nị, dị ọ mẹ ka ọ̀ nyị ụkata ọnịrị ụbanyị nị. 38Ohomorihi ọ mẹ ka ọọ mẹ ọda tụra avaba anẹhẹ ọnịrị uye ịnị avị beri inomi nịnị ịrẹsụ nị. Agụvị avọọ Inebukadineza ohinọyị ọ vị̀ ịrẹsụ ana a sị igooru mẹ̀ ịnị ịsa oni o re nị. 39Ộ ka ịrẹma anị, ohinọyị ọsa ana banyị vanaa rị, ama ẹ yị vaa ya anka Inebukadineza. Ịrẹma ọnọọ, dị ohinọyị ọhụta ọnị rẹ vaa rị ana vaa mẹ ọda tụra avaba anẹhẹ ịrẹsụ, ọnọọ ọ vị ịpa ana sị enyusẹ ọsa mẹ nị. 40Ohinọyị ọhụna ọnị rẹ vaa rị vàa tụra ọsọnị. Ọ vaa banyị, dị ọ katẹngụ anka enyusẹ avọọ. Vị ọ vaa gara avaba ịsa ohinọyị ana vịdị rị mẹ và ha anka enyusẹ mẹ̀ẹ gara ịsaa ha chẹ̀kẹ̀-chẹ̀kẹ̀ avọọ nị. 41Ọ kà, ahụ ọnịrị igege ịnị ahụ ọnị ohinọyị ré ka a sị enyusẹ ọnịrị ụmọpa mẹ avọọ ộ sị zụ ka udi ohinọyị ọnọọ vị ana va gàa hi. 42Ịpa ẹnyị ịnị udi ohinọyị ọnọọ vaa katẹngụ anka enyusẹ, dị ẹnyị vị ọkụmị anka ụmọpa. 43Ọ kà, enyusẹ ọnịrị ụmọpa ene hùra vabẹ aanị aa sị zụ ka eni ohinọyị ẹkụra ẹnẹnị vee si ka ẹnị ẹ vabẹ dị ẹnị ẹẹ mẹ uze, agụvị avọọ dị ẹ sị ozi ga ẹngụ. Ama uze ẹnịnị e yi ve tu oruva, agụvị ka enyusẹ ọnịrị ụmọpa ẹ yị zụ́ vabẹ. 44Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro. 45Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.
Inebukadineza ọọ mẹ Ịdanịyẹrị Ẹyịza
46Dị Inebukadineza và ku ẹtẹ ọvịdị Ịdanịyẹrị dị aa kụ ọ nị. Dị ọ̀ ka ana mẹ̀ ịsọvọ dị a rị eturare ịra yị Ịdanịyẹrị nị. 47Dị ohinọyị kà a yị Ịdanịyẹrị ka, ịzẹyịza, Ohomorihi Ịdanịyẹrị o huna avaba ori nịnị nị, dị ọ rẹ nyị avaba ohinọyị nịnị nị. Ọ kà, ọnị ọọ̄ sị ịsa ana tẹẹ zụ aza nị. Ohomorihi ọnọọ ọ mẹ ka ọ̀ zụ ka ẹ yị ọnị ụra ọnị ọnị rá nị. 48Dị ọ ka udi Ịdanịyẹrị hịrẹ ka ọ̀ kụkụ sị eyi pe avaba ẹtẹ Ịbabịrọnị nị, dị ọ rẹ vị ohirẹsụ avaba anajuwe Anibabironi nị. Dị ọ rẹ mẹ̀ ẹ ẹyịza ẹbanyị-ẹbanyị va kà a nị. 49Ịdanịyẹrị ộ da ịpẹ yị ohinọyị ka, ọ̀ nyị Isediraki, Imesaki ọnịrị Abedinego dị ẹ̀ sị eyi pe ịsa anaa na ịnị ẹtẹ Ịbabịrọnị nị. Ama ọnị Ịdanịyẹrị vanaa ya ịdị ohinọyị.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.