Ịdanịyẹrị 11
11
1Anggẹẹrị ọnọọ ka, ịnị ịrayị ịpaapa ọnị Ịdarịyọsị ana vị Animeedi sị rị ohinọyị, ọnị ộ na mẹ ọgụvọ yị Ịmayịkẹẹrị. 2Booro aanị, ọnị aà va kà a yị Ịdanịyẹrị ịsa ana chẹrẹ tụ ịnị iwe ọnị ịrẹyị anị vị ịzẹyịza. Ộ ka, ohinọyị ẹẹta vaa rị ịnị ẹtẹ Ipesiya. Ana tụ ọ ọhụna ọ vaa nyị ogu huni ẹnịị ana vọ nị. Ịjị ọ̀ọ ta jẹẹ ịnị ụkata kẹnẹ agụvị ogu anị, ọ vaa tụ́ avaba aza ịrẹyị tu ohinọyị ẹtẹ Igiriisi. 3Ịjọnọọ ohinọyị ọbanyị ọnyara vaa rị. Ụkata-ụkata ọ vaa sị mẹ ịjọva nị, dị aà mẹ o me zee eyi kẹnẹ. 4Ụmẹ ọnị ọ̀ọ maanị ta jẹẹ kẹnẹ, ịjọva anị vaa gara, dị ọ gà tụ oze ẹẹna. Ama oze ọnyara ẹ yị hyakụ ve tu ịpa evere anị ọ yị mẹ ohinọyị tụra. Ẹ yị vị ẹngụ ịjọva ọnị ọ sị ụkata mẹ avọọ a vanaa mẹ tụra wa ịrẹsụ. 5Ịjọnọọ, ohinọyị ẹtẹ Ijipiti vaa nyị ụkata ẹtẹẹtẹrẹ, ama ọnyara ịnị ọga isoja anị ọ vaa kata hụ ọ nị, ịzị ọ vaa mẹ ịjọva tụra ọ re vaa banyị hu nị. 6Ọ̀ọ na mẹ ịrayị chee, ohinọyị Ijipiti ọnịrị ohinọyị Isiriya vaa dọ yị ẹngụ, Ohinọyị Ijipiti vaa sị ozi anị gà ohinọyị Isiriya bẹẹ. Ama ẹnịnị ẹ yị va zụụ mẹẹ gọdọ dị a wụ ọnẹẹ ọnọnị, ọva anị, ezi anị ọnịrị ezi ahụ anị và ha. 7Ịrẹma ọsọnị anda ọnẹẹ ọnọnị ọnya vaa rị ohinọyị. O vee pe isoja ohinọyị Isiriya kụ ịrẹkụ; ọ vaa ngụ tu wa aha ọ yị tẹ̀ ẹnịị dị ọ nyị ẹbẹẹba ẹnịnị. 8Ori Anisiriya nịnị ẹnị ẹ bẹ vene ịsị irenyi-irenyi vị ọnị ọ vaa kụ ne hi ẹtẹ Ijipiti. Ẹnya ana sị igooru mẹ ọnịrị ana sị isiriva mẹ ẹnẹ sịị̄ hẹkẹ ori ẹnẹẹ vị ọnị ọ vaa kụ vaka a bẹẹ. Ọ vaa sị ịrayị chee tịtẹ ka a sị mẹ ẹngwọọrọ. 9Dị ohinọyị Isiriya ọnị rẹ va kụ ịrẹkụ ne tu Anijipiti, ama ẹ́ vaa dụ ọ varẹma na ngụ ẹkụra anị nị. 10Ezi ohinọyị Isiriya vee tenyi ẹngụ ịrẹkụ dị ẹ hàrà isoja gụ tatarata. Ọnyara ịnị ẹnịnị ọnịrị isoja anị vaa zàmà ẹtẹ parahu anka ọhaara enyi avọọ. Dị ẹ kụ̀ ịrẹkụ huuu na ngụ ịzị ọnịvị ẹnịnị tẹ̀ hi. 11Ịjọnọọ ohinọyị Ijipiti vaa sị ọyịkụ-ọyịkụ ne pe ohinọyị Isiriya kụ ịrẹkụ, dị ọ za avaba isoja tatarata ẹnẹnị. 12Ịjị ọ̀ọ maanị sị ọkọnị aza ẹnẹnị za, dị ọ kụkụ e wu zị agụvị ka ọnị ọ raa nyị ẹbẹẹba. O re vee wu agụvị aza ọnị ọza ẹ yị zụ za ịrịka ọnị ọ wụ̀ va ha. Ama ẹ yị vavọọ va zụ nyị ẹbẹẹba pooro. 13Ohinọyị Isiriya vaa varẹma kụ isoja anị gụ. Ẹnị ẹ vaa rụrụ huni ịpaapa nị. Ọ̀ọ sị mẹ ịrayị chee dị ọ hàrà ọkọnị isoja ẹnẹnị aà vẹ. Ẹnịnị vaa kụ ẹnya ịrẹkụ obooro-obooro za. 14Ụmẹ ọnọọ, aza ọrụrụ-ọrụrụ vaa và eyi ịrazị ka ohinọyị Ijipiti. Amezigi ene hi ịnị ẹkụra awụ nịnị, ẹwụ Ịdanịyẹrị, ẹnị rẹ vaa kwẹẹtẹ agụvị ẹtẹ ene re, ama ẹnịnị vị ana vaa sẹ ẹdụ. 15Ohinọyị Isiriya ọnịrị isoja anị vaa họ̀ kara ẹkụra ọnọọ ana jị ọvọ kara okiri-okiri. Isoja Anijipiti nịnị ẹ yị va zụ jẹẹ kụ ịrẹkụ ịnị ụmẹ ọnọọ. Ẹnị ana hyakụ yara kụ ịrẹkụ hu, ẹ yị vaa nyị ụkata ọ yị kụ ịrẹkụ bẹẹ. 16Anisiriya ana kụ ịrẹkụ vẹ vị ana vaa mẹ o me zee eyi kẹnẹ, dị ẹ yị nyị ọza ana zụ sị ụvọ jị. Ọ́ vaa jẹẹ ịnị ẹtẹ Isirẹrị ana maanị nyị ụbanyị aanị, dị aà mẹ ọda tụra avaba anị ịrẹsụ nị. 17Ohinọyị Isiriya vee si ka ọnịrị avaba isoja anị ẹ và nọ Ijipiti. Dị ọ dà ọnịvị anị ọbọ ka ẹnị ẹ dọ yị ẹngụ. Ọ vaa sị ozi anị gàa ụvị dị ọnị o re oze vu ọnịrị avaba ẹtẹ anị ẹtẹ. Ama eto anị ẹ yị vaa gẹ. 18Ịrẹma ọnọọ, ọ vaa kụ ịrẹkụ ne tu anẹkụra ene hi eyi ụtọ oku dị ọ nyị ẹbẹẹba ọrụrụ-ọrụrụ ẹnịnị. Ama ọdọvịdị ọnya ana ahịka ọzọga ọ vị nị va sị zụ ọ, dị ọ̀ hụụnị ịkanggụ anị, ịzẹyịza, ọ vaa sị ịkanggụ anị zụ ọ ẹtẹẹtẹrẹ. 19Ohinọyị ọnọnị vee vara eyi ka ọnị ọ̀ọ nọ anị aha ọyị tẹ anị, ama ọ́ vaa vangga dị ọ sẹ ẹdụ nị. Ịzọọ aanị vaa ta tụ nị. 20Ohinọyị ọsa vaa vẹ udi anị. Ọnọọ vaa tụ́ ọnụkọrọ anị ọnya ka ọ naa mẹ ẹvaya yị aza, dị ọ̀ọ dọ wa ẹkẹhịrehi agụvị ịsa ẹ gụ ẹtẹ ịnị ụmẹ ọnị ọnị aà mẹ ịjọva. Ọ̀ọ ne ku chee, ẹ yị vaa vị eyi avaba aza, ẹ yị rẹ vaa vị eyirẹkụ, dị a wụ ọ.
Ohinọyị odivi Anisiriya
21Anggẹẹrị ọnọọ ộ rẹ kà a yị Ịdanịyẹrị ka ohinọyị ọsa anaa vanaa rị ẹtẹ Isiriya ịrẹma ọsọnị vị ana vaa vị̀ ọza odivi. Ẹ yị hyakụ yaanị vọrọ ka ọ rị ohinọyị. Ama aza ẹ yị va kà rohi-rohi dị ọ sị ọbọ va rị ohinọyị. 22Àa nyị isoja nịnị ana ka ẹnị ẹ yị dọ yọ, ọ̀ọ daka rẹ vị ohirẹsụ ọbanyị irehi Ohomorihi, ó vee hi wa hụrị ẹtẹ hụyẹ-hụyẹ nị. 23Ịjị anẹkụra ana vọ èe si nyima aà dọ beri ọ, dị o vene wa. Dị ụkata anị aà hịrẹ ẹtẹ hu avọ kẹnẹ, ọ̀ọ daka vị ka aza chee anị a mẹ ịjọva tụra nị. 24Ọza ẹ ị va tụra eyi dị ohinọyị ọnọọ ọ̀ kụ ịrẹkụ na ngụ ịpa ana nyị ogu hu kere-kere ịnị ẹkụra. Ọ vaa mẹ̀ ịsa ọnị ohiku anị ọnyọọnyị ẹ̀ẹ yị mẹ da. Dị ọ ga ogu ọnị ọ kụ hụrị eyirẹkụ yị aza anị. Ọ vaa mẹ eto ka ẹnị ẹ̀ kụ ịrẹkụ ne tu ọnịvị nịnị aha ọyị tẹ ẹnịnị, ama ẹ́ yị vaa gẹ yọ. 25Ohinọyị ọnọọ vaa kụ isoja tatarata, dị ọ sị ayị ọvị à kụ́ ịrẹkụ ne tu ohinọyị Ijipiti. Ọnị rẹ vaa kụ ọkọnị isoja anị ọ yị nọ ịrẹkụ ọnọọ ama é vee vene ohinọyị Ijipiti ọnọnị dị ọ sẹ ẹdụ nị. 26Ẹnị anajuwe anị ana gụrị ọ hu kere-kere ẹ vaa gụ ọ sẹ ẹdụ hu nị. Isoja anị ọrụrụ-ọrụrụ vị ana vaa wụ̀ vàa ha. 27Ohinọyị ẹyịva ẹnẹẹ vaa yaatụ rị ịsa aha ọnya ama ịrẹyị odivi obobooro vị ẹnẹ sị tụ ịnị ayị. Ẹnịnị vị ene vee cheeche yị ẹngụ. Ịsị e yèe si ẹ yị vee tu wa ụvọ agụvị ka ụmẹ ọnị Ohomorihi jị yị wa ẹ yị tu. 28Ohinọyị Isiriya ọnịrị ogu ọrọgọdọ ọnị ọ kụ eyirẹkụ vaa vàa nọ eehi anị. O vee tenyi ẹngụ ka ọnị ọ mẹ ka asị a kụkụ hẹkẹ Ohomorihi a mẹ vọrọ, ọ́ vaa mẹ ọ mẹ zee eyi dị ọ na ngụ eehi anị nị. 29Ịjị òo tu ụmẹ Ohomorihi, ohinọyị Isiriya ọnọọ vaa kụ ịrẹkụ vaavẹ Ijipiti ama ẹnya vaa rata yọ. 30Ka Aniroomi nịnị va zị oze ịnị enyi vẹ ẹ ịrẹkụ, dị ayịhụrịnẹ sụ ọ. Ọ́ vaa sị ọyịkụ-ọyịkụ varẹma dị o ne si ka ọnị ọ mẹ ka asị aza kụkụ hẹkẹ Ohomorihi a mẹ vọrọ. Ụmẹ ọnọọ, ajuwe aza ẹnẹ ẹ̀ yị kụkụ hẹkẹ Ohomorihi anka Aniju nịnị mẹ̀ẹ hẹkẹ ẹ ọ kụkụ vaa saasa nị. 31#Ịda 9.27; 12.11; Imt 24.15; Ịmk 13.14Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ. 32Ohinọyị Isiriya ọnọọ vee vene aza ẹnẹ ẹ yị kụkụ hẹkẹ Ohomorihi ama aza ana yẹ Ohomorihi ẹnẹ yaa hẹkẹ ẹ́ yị vaa dọ yọ vụrụ-vụrụ. 33Ẹnị ọdọvịdị ẹnịnị ana yẹ ịrẹyị vaa mẹ ka aza ọrụrụ-ọrụrụ ẹ̀ yẹ́ ịsị aa na. Ịnị ịrẹkụ ọnọọ aza ẹnyị ẹnịnị vị ana vaa wụ̀, dị a rị aza ẹnyị ịra. Ẹnyị vị ana vaa sị ụkata dọ ịsị ẹ nyị, dị a zá aza ẹnyị ẹnịnị hi ịnị ẹngwa. 34Ịjị àa vavọọ à wụ̀ wa, a vaa mẹ ọgụvọ chee aanị yị aza Ohomorihi nịnị. Dị aza ọrụrụ-ọrụrụ ẹnẹ ẹ̀ẹ nyị ịzẹyịza dọ ọbọ na vaka wa. 35A vaa wụ̀ ọdọvịdị ẹnịnị, ẹnyị ana yẹ ịrẹyị aanị. Isu ọdọvịdị ẹnẹnị vaa mẹ ka aza ana vọ ẹ̀ nyịna ẹngụ ẹnịnị hụụnị avaba ebira odivi ẹnịnị. 36#2 Ịtẹ 2.3,4; Ẹtẹ 13.5,6Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị. 37Ohinọyị ọnọnị ẹ yị vaa sị ụbanyị yị ori nị ohiku anị nịnị hẹkẹ ịyẹẹyẹ. Ẹ yị vaa sị ụbanyị yị ori ọnị anyẹnẹẹ nịnị sị ịrẹyị anị. Ẹ yị nyị ori ẹnyị-ẹnyị ọnị ọ vaa sị ụbanyị yị, agụvị ka ọnị vị ene vee rò o ka ọnị o huna avaba ẹnị nị. 38Ama ọ va, naa hẹkẹ ori aza dọ ka òo sere ẹnị ịzị ẹ tẹ̀ hi. Ọ vaa kụ igooru, isiriva, ọmọ ọnịrị ẹyịza ẹbanyị-ẹbanyị naa yọ. Ẹ yị nyị ohiku anị nịnị ana hẹkẹ ori ọnọnị da. 39Ọ va naa dọ ori hụrị ẹkụra ọsa ọ̀ yị ve sere aha ọyị tẹ ẹnịnị. Ọ vaa sị ụbanyị yị aza ana dọ yị ọnị ka ọnị ọ̀ vị ohinọyị, dị ọ kụ wa hi udi ẹbanyị-ẹbanyị. Ọ vaa gà ẹtẹ yị wa ọ yị sị wa atọ. 40Ịjị ụmẹ ohinọyị Isiriya àa vaa gụ, ohinọyị Ijipiti vaa kụ ịrẹkụ ne tu ọ, ohinọyị Isiriya ọnọnị vaa sị avaba ụkata nọ ọ́ ịrẹvụ, dị ọ kụ ịkẹkẹ ịrẹkụ anị, umaata anị nịnị ọnịrị ẹpa ọrụrụ-ọrụrụ. Ọ́ vaa ha na ngụ ẹkụra ọrụrụ-ọrụrụ anka ọhaara mẹ̀ ẹ ngụ ẹkụra avọọ nị. 41Ọ hyakụ va kụ ịrẹkụ na ngụ ẹtẹ Isirẹrị dị ọ wụ otomiroku aza ịzọọ. Ama a vaa dọ Anedomi ọnịrị Animowabi beri Anaamọnị ana vọ hụrẹẹ ụvọ. 42Ọ vaa kụ ịrẹkụ ne tu avaba ẹkụra ẹnẹẹ, Anijipiti nịnị nyẹmba ẹ yị vaa ha hụrẹ ụvọ. 43Avaba igooru ọnịrị Isiriva beri ogu ana nyị eyi ana vọ ana Anijipiti kụ tẹ vị ọnị ohinọyị Isiriya ọnọnị vaa kụ. Anẹkụra anaā hị́ Aniribiya ọnịrị Etiyopiya vị ọnị ọ rẹ vaa nyị ẹbẹẹba anị. 44Ama ọ vaa wụ́ ịrẹyị hụrị eyi ọnị ọyịị̄ zịị tụ̀ ọnịrị hụrị eyi ụvọha anị. Ịrẹyị ẹnẹẹ vaa mẹ angwaa hi ọ ẹtẹẹtẹrẹ. Dị ọ sị ọyịkụ-ọyịkụ jịnẹ tụ ẹhẹ na wụ̀ aza otomiroku ha. 45Ọ va naa jị ajẹngụ ọbanyị ohinọyị anị tụ ịnị ẹtẹ ana ya ịnị akakana oku ọnịrị ataba ana dà irehi Ohomorihi tu Ijerusarẹmị. Ama e yị vee re ọzaa gụ ọ ụvọ dị ò su ne ta.
Právě zvoleno:
Ịdanịyẹrị 11: EBTP
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.
Ịdanịyẹrị 11
11
1Anggẹẹrị ọnọọ ka, ịnị ịrayị ịpaapa ọnị Ịdarịyọsị ana vị Animeedi sị rị ohinọyị, ọnị ộ na mẹ ọgụvọ yị Ịmayịkẹẹrị. 2Booro aanị, ọnị aà va kà a yị Ịdanịyẹrị ịsa ana chẹrẹ tụ ịnị iwe ọnị ịrẹyị anị vị ịzẹyịza. Ộ ka, ohinọyị ẹẹta vaa rị ịnị ẹtẹ Ipesiya. Ana tụ ọ ọhụna ọ vaa nyị ogu huni ẹnịị ana vọ nị. Ịjị ọ̀ọ ta jẹẹ ịnị ụkata kẹnẹ agụvị ogu anị, ọ vaa tụ́ avaba aza ịrẹyị tu ohinọyị ẹtẹ Igiriisi. 3Ịjọnọọ ohinọyị ọbanyị ọnyara vaa rị. Ụkata-ụkata ọ vaa sị mẹ ịjọva nị, dị aà mẹ o me zee eyi kẹnẹ. 4Ụmẹ ọnị ọ̀ọ maanị ta jẹẹ kẹnẹ, ịjọva anị vaa gara, dị ọ gà tụ oze ẹẹna. Ama oze ọnyara ẹ yị hyakụ ve tu ịpa evere anị ọ yị mẹ ohinọyị tụra. Ẹ yị vị ẹngụ ịjọva ọnị ọ sị ụkata mẹ avọọ a vanaa mẹ tụra wa ịrẹsụ. 5Ịjọnọọ, ohinọyị ẹtẹ Ijipiti vaa nyị ụkata ẹtẹẹtẹrẹ, ama ọnyara ịnị ọga isoja anị ọ vaa kata hụ ọ nị, ịzị ọ vaa mẹ ịjọva tụra ọ re vaa banyị hu nị. 6Ọ̀ọ na mẹ ịrayị chee, ohinọyị Ijipiti ọnịrị ohinọyị Isiriya vaa dọ yị ẹngụ, Ohinọyị Ijipiti vaa sị ozi anị gà ohinọyị Isiriya bẹẹ. Ama ẹnịnị ẹ yị va zụụ mẹẹ gọdọ dị a wụ ọnẹẹ ọnọnị, ọva anị, ezi anị ọnịrị ezi ahụ anị và ha. 7Ịrẹma ọsọnị anda ọnẹẹ ọnọnị ọnya vaa rị ohinọyị. O vee pe isoja ohinọyị Isiriya kụ ịrẹkụ; ọ vaa ngụ tu wa aha ọ yị tẹ̀ ẹnịị dị ọ nyị ẹbẹẹba ẹnịnị. 8Ori Anisiriya nịnị ẹnị ẹ bẹ vene ịsị irenyi-irenyi vị ọnị ọ vaa kụ ne hi ẹtẹ Ijipiti. Ẹnya ana sị igooru mẹ ọnịrị ana sị isiriva mẹ ẹnẹ sịị̄ hẹkẹ ori ẹnẹẹ vị ọnị ọ vaa kụ vaka a bẹẹ. Ọ vaa sị ịrayị chee tịtẹ ka a sị mẹ ẹngwọọrọ. 9Dị ohinọyị Isiriya ọnị rẹ va kụ ịrẹkụ ne tu Anijipiti, ama ẹ́ vaa dụ ọ varẹma na ngụ ẹkụra anị nị. 10Ezi ohinọyị Isiriya vee tenyi ẹngụ ịrẹkụ dị ẹ hàrà isoja gụ tatarata. Ọnyara ịnị ẹnịnị ọnịrị isoja anị vaa zàmà ẹtẹ parahu anka ọhaara enyi avọọ. Dị ẹ kụ̀ ịrẹkụ huuu na ngụ ịzị ọnịvị ẹnịnị tẹ̀ hi. 11Ịjọnọọ ohinọyị Ijipiti vaa sị ọyịkụ-ọyịkụ ne pe ohinọyị Isiriya kụ ịrẹkụ, dị ọ za avaba isoja tatarata ẹnẹnị. 12Ịjị ọ̀ọ maanị sị ọkọnị aza ẹnẹnị za, dị ọ kụkụ e wu zị agụvị ka ọnị ọ raa nyị ẹbẹẹba. O re vee wu agụvị aza ọnị ọza ẹ yị zụ za ịrịka ọnị ọ wụ̀ va ha. Ama ẹ yị vavọọ va zụ nyị ẹbẹẹba pooro. 13Ohinọyị Isiriya vaa varẹma kụ isoja anị gụ. Ẹnị ẹ vaa rụrụ huni ịpaapa nị. Ọ̀ọ sị mẹ ịrayị chee dị ọ hàrà ọkọnị isoja ẹnẹnị aà vẹ. Ẹnịnị vaa kụ ẹnya ịrẹkụ obooro-obooro za. 14Ụmẹ ọnọọ, aza ọrụrụ-ọrụrụ vaa và eyi ịrazị ka ohinọyị Ijipiti. Amezigi ene hi ịnị ẹkụra awụ nịnị, ẹwụ Ịdanịyẹrị, ẹnị rẹ vaa kwẹẹtẹ agụvị ẹtẹ ene re, ama ẹnịnị vị ana vaa sẹ ẹdụ. 15Ohinọyị Isiriya ọnịrị isoja anị vaa họ̀ kara ẹkụra ọnọọ ana jị ọvọ kara okiri-okiri. Isoja Anijipiti nịnị ẹ yị va zụ jẹẹ kụ ịrẹkụ ịnị ụmẹ ọnọọ. Ẹnị ana hyakụ yara kụ ịrẹkụ hu, ẹ yị vaa nyị ụkata ọ yị kụ ịrẹkụ bẹẹ. 16Anisiriya ana kụ ịrẹkụ vẹ vị ana vaa mẹ o me zee eyi kẹnẹ, dị ẹ yị nyị ọza ana zụ sị ụvọ jị. Ọ́ vaa jẹẹ ịnị ẹtẹ Isirẹrị ana maanị nyị ụbanyị aanị, dị aà mẹ ọda tụra avaba anị ịrẹsụ nị. 17Ohinọyị Isiriya vee si ka ọnịrị avaba isoja anị ẹ và nọ Ijipiti. Dị ọ dà ọnịvị anị ọbọ ka ẹnị ẹ dọ yị ẹngụ. Ọ vaa sị ozi anị gàa ụvị dị ọnị o re oze vu ọnịrị avaba ẹtẹ anị ẹtẹ. Ama eto anị ẹ yị vaa gẹ. 18Ịrẹma ọnọọ, ọ vaa kụ ịrẹkụ ne tu anẹkụra ene hi eyi ụtọ oku dị ọ nyị ẹbẹẹba ọrụrụ-ọrụrụ ẹnịnị. Ama ọdọvịdị ọnya ana ahịka ọzọga ọ vị nị va sị zụ ọ, dị ọ̀ hụụnị ịkanggụ anị, ịzẹyịza, ọ vaa sị ịkanggụ anị zụ ọ ẹtẹẹtẹrẹ. 19Ohinọyị ọnọnị vee vara eyi ka ọnị ọ̀ọ nọ anị aha ọyị tẹ anị, ama ọ́ vaa vangga dị ọ sẹ ẹdụ nị. Ịzọọ aanị vaa ta tụ nị. 20Ohinọyị ọsa vaa vẹ udi anị. Ọnọọ vaa tụ́ ọnụkọrọ anị ọnya ka ọ naa mẹ ẹvaya yị aza, dị ọ̀ọ dọ wa ẹkẹhịrehi agụvị ịsa ẹ gụ ẹtẹ ịnị ụmẹ ọnị ọnị aà mẹ ịjọva. Ọ̀ọ ne ku chee, ẹ yị vaa vị eyi avaba aza, ẹ yị rẹ vaa vị eyirẹkụ, dị a wụ ọ.
Ohinọyị odivi Anisiriya
21Anggẹẹrị ọnọọ ộ rẹ kà a yị Ịdanịyẹrị ka ohinọyị ọsa anaa vanaa rị ẹtẹ Isiriya ịrẹma ọsọnị vị ana vaa vị̀ ọza odivi. Ẹ yị hyakụ yaanị vọrọ ka ọ rị ohinọyị. Ama aza ẹ yị va kà rohi-rohi dị ọ sị ọbọ va rị ohinọyị. 22Àa nyị isoja nịnị ana ka ẹnị ẹ yị dọ yọ, ọ̀ọ daka rẹ vị ohirẹsụ ọbanyị irehi Ohomorihi, ó vee hi wa hụrị ẹtẹ hụyẹ-hụyẹ nị. 23Ịjị anẹkụra ana vọ èe si nyima aà dọ beri ọ, dị o vene wa. Dị ụkata anị aà hịrẹ ẹtẹ hu avọ kẹnẹ, ọ̀ọ daka vị ka aza chee anị a mẹ ịjọva tụra nị. 24Ọza ẹ ị va tụra eyi dị ohinọyị ọnọọ ọ̀ kụ ịrẹkụ na ngụ ịpa ana nyị ogu hu kere-kere ịnị ẹkụra. Ọ vaa mẹ̀ ịsa ọnị ohiku anị ọnyọọnyị ẹ̀ẹ yị mẹ da. Dị ọ ga ogu ọnị ọ kụ hụrị eyirẹkụ yị aza anị. Ọ vaa mẹ eto ka ẹnị ẹ̀ kụ ịrẹkụ ne tu ọnịvị nịnị aha ọyị tẹ ẹnịnị, ama ẹ́ yị vaa gẹ yọ. 25Ohinọyị ọnọọ vaa kụ isoja tatarata, dị ọ sị ayị ọvị à kụ́ ịrẹkụ ne tu ohinọyị Ijipiti. Ọnị rẹ vaa kụ ọkọnị isoja anị ọ yị nọ ịrẹkụ ọnọọ ama é vee vene ohinọyị Ijipiti ọnọnị dị ọ sẹ ẹdụ nị. 26Ẹnị anajuwe anị ana gụrị ọ hu kere-kere ẹ vaa gụ ọ sẹ ẹdụ hu nị. Isoja anị ọrụrụ-ọrụrụ vị ana vaa wụ̀ vàa ha. 27Ohinọyị ẹyịva ẹnẹẹ vaa yaatụ rị ịsa aha ọnya ama ịrẹyị odivi obobooro vị ẹnẹ sị tụ ịnị ayị. Ẹnịnị vị ene vee cheeche yị ẹngụ. Ịsị e yèe si ẹ yị vee tu wa ụvọ agụvị ka ụmẹ ọnị Ohomorihi jị yị wa ẹ yị tu. 28Ohinọyị Isiriya ọnịrị ogu ọrọgọdọ ọnị ọ kụ eyirẹkụ vaa vàa nọ eehi anị. O vee tenyi ẹngụ ka ọnị ọ mẹ ka asị a kụkụ hẹkẹ Ohomorihi a mẹ vọrọ, ọ́ vaa mẹ ọ mẹ zee eyi dị ọ na ngụ eehi anị nị. 29Ịjị òo tu ụmẹ Ohomorihi, ohinọyị Isiriya ọnọọ vaa kụ ịrẹkụ vaavẹ Ijipiti ama ẹnya vaa rata yọ. 30Ka Aniroomi nịnị va zị oze ịnị enyi vẹ ẹ ịrẹkụ, dị ayịhụrịnẹ sụ ọ. Ọ́ vaa sị ọyịkụ-ọyịkụ varẹma dị o ne si ka ọnị ọ mẹ ka asị aza kụkụ hẹkẹ Ohomorihi a mẹ vọrọ. Ụmẹ ọnọọ, ajuwe aza ẹnẹ ẹ̀ yị kụkụ hẹkẹ Ohomorihi anka Aniju nịnị mẹ̀ẹ hẹkẹ ẹ ọ kụkụ vaa saasa nị. 31#Ịda 9.27; 12.11; Imt 24.15; Ịmk 13.14Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ. 32Ohinọyị Isiriya ọnọọ vee vene aza ẹnẹ ẹ yị kụkụ hẹkẹ Ohomorihi ama aza ana yẹ Ohomorihi ẹnẹ yaa hẹkẹ ẹ́ yị vaa dọ yọ vụrụ-vụrụ. 33Ẹnị ọdọvịdị ẹnịnị ana yẹ ịrẹyị vaa mẹ ka aza ọrụrụ-ọrụrụ ẹ̀ yẹ́ ịsị aa na. Ịnị ịrẹkụ ọnọọ aza ẹnyị ẹnịnị vị ana vaa wụ̀, dị a rị aza ẹnyị ịra. Ẹnyị vị ana vaa sị ụkata dọ ịsị ẹ nyị, dị a zá aza ẹnyị ẹnịnị hi ịnị ẹngwa. 34Ịjị àa vavọọ à wụ̀ wa, a vaa mẹ ọgụvọ chee aanị yị aza Ohomorihi nịnị. Dị aza ọrụrụ-ọrụrụ ẹnẹ ẹ̀ẹ nyị ịzẹyịza dọ ọbọ na vaka wa. 35A vaa wụ̀ ọdọvịdị ẹnịnị, ẹnyị ana yẹ ịrẹyị aanị. Isu ọdọvịdị ẹnẹnị vaa mẹ ka aza ana vọ ẹ̀ nyịna ẹngụ ẹnịnị hụụnị avaba ebira odivi ẹnịnị. 36#2 Ịtẹ 2.3,4; Ẹtẹ 13.5,6Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị. 37Ohinọyị ọnọnị ẹ yị vaa sị ụbanyị yị ori nị ohiku anị nịnị hẹkẹ ịyẹẹyẹ. Ẹ yị vaa sị ụbanyị yị ori ọnị anyẹnẹẹ nịnị sị ịrẹyị anị. Ẹ yị nyị ori ẹnyị-ẹnyị ọnị ọ vaa sị ụbanyị yị, agụvị ka ọnị vị ene vee rò o ka ọnị o huna avaba ẹnị nị. 38Ama ọ va, naa hẹkẹ ori aza dọ ka òo sere ẹnị ịzị ẹ tẹ̀ hi. Ọ vaa kụ igooru, isiriva, ọmọ ọnịrị ẹyịza ẹbanyị-ẹbanyị naa yọ. Ẹ yị nyị ohiku anị nịnị ana hẹkẹ ori ọnọnị da. 39Ọ va naa dọ ori hụrị ẹkụra ọsa ọ̀ yị ve sere aha ọyị tẹ ẹnịnị. Ọ vaa sị ụbanyị yị aza ana dọ yị ọnị ka ọnị ọ̀ vị ohinọyị, dị ọ kụ wa hi udi ẹbanyị-ẹbanyị. Ọ vaa gà ẹtẹ yị wa ọ yị sị wa atọ. 40Ịjị ụmẹ ohinọyị Isiriya àa vaa gụ, ohinọyị Ijipiti vaa kụ ịrẹkụ ne tu ọ, ohinọyị Isiriya ọnọnị vaa sị avaba ụkata nọ ọ́ ịrẹvụ, dị ọ kụ ịkẹkẹ ịrẹkụ anị, umaata anị nịnị ọnịrị ẹpa ọrụrụ-ọrụrụ. Ọ́ vaa ha na ngụ ẹkụra ọrụrụ-ọrụrụ anka ọhaara mẹ̀ ẹ ngụ ẹkụra avọọ nị. 41Ọ hyakụ va kụ ịrẹkụ na ngụ ẹtẹ Isirẹrị dị ọ wụ otomiroku aza ịzọọ. Ama a vaa dọ Anedomi ọnịrị Animowabi beri Anaamọnị ana vọ hụrẹẹ ụvọ. 42Ọ vaa kụ ịrẹkụ ne tu avaba ẹkụra ẹnẹẹ, Anijipiti nịnị nyẹmba ẹ yị vaa ha hụrẹ ụvọ. 43Avaba igooru ọnịrị Isiriva beri ogu ana nyị eyi ana vọ ana Anijipiti kụ tẹ vị ọnị ohinọyị Isiriya ọnọnị vaa kụ. Anẹkụra anaā hị́ Aniribiya ọnịrị Etiyopiya vị ọnị ọ rẹ vaa nyị ẹbẹẹba anị. 44Ama ọ vaa wụ́ ịrẹyị hụrị eyi ọnị ọyịị̄ zịị tụ̀ ọnịrị hụrị eyi ụvọha anị. Ịrẹyị ẹnẹẹ vaa mẹ angwaa hi ọ ẹtẹẹtẹrẹ. Dị ọ sị ọyịkụ-ọyịkụ jịnẹ tụ ẹhẹ na wụ̀ aza otomiroku ha. 45Ọ va naa jị ajẹngụ ọbanyị ohinọyị anị tụ ịnị ẹtẹ ana ya ịnị akakana oku ọnịrị ataba ana dà irehi Ohomorihi tu Ijerusarẹmị. Ama e yị vee re ọzaa gụ ọ ụvọ dị ò su ne ta.
Právě zvoleno:
:
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Ebira First Bible © Bible Society of Nigeria, 2014.