Lò-mâ Sû 3

1Cheu án-ngiòng lòi kóng, Yù-thai-ngìn yû má-ke kha yàng Ngoi-pâng-ngìn nè? Kot-lî yu yû má-ke ka-chhṳ̍t nè? 2Sṳ-sṳ̍t-song, tak fông-mien tû yû. Thi-yit, Song-ti chiông Kì ke chṳ̂n-tho kâu pûn Yù-thai-ngìn. 3Chhiu-son kì-têu chûng-kiên yû poi-sin ke, Song-ti kám voi yîn-vi án-ngiòng chhiu mò sin-sṳ̍t mâ? 4Tông-yèn m̀-voi! Chhiu-son ngìn-ngìn lûng-chúng pien-cho fâ-liâu, Song-ti hàn-he chṳ̂n-sṳ̍t ke; chhiu-chhiong Sṳn-kîn só kóng:

Ngì kóng-fa ke sṳ̀, mò pâu hó chok,

pûn-ngìn ko ke sṳ̀, thin-chho̍k voi yàng.

5Na-he ngài-têu ke put-ngi voi hién-mìn Song-ti ke kûng-ngi, ngài-têu oi ngióng-pân kóng nè? Song-ti chit-fa̍t ngài-têu, he Kì ke put-ngi mâ? (Ngài he cheu ngìn ke sióng-fap kóng ke.) 6Tông-yèn m̀-he! Song-ti na-he put-ngi, Kì ngióng-pân cho-tet sṳ́m-phan sṳ-kiên nè?

7Na-he ngài kóng fâ-liâu voi sṳ́ Song-ti ke chṳ̂n-sṳ̍t hàn-kha hién-mìn, kien-kâ tet yùng-kông, ngài oi ngióng-pân kóng nè? Cho-má-ke ngài hàn pûn-ngìn thin-cho chhui-ngìn nè? 8Cho-má-ke m̀ kóng: “Ngài-têu cho-tet hàng ok lòi hién san” nè? Yû-têu ngìn fí-pong ngài, kóng ngài sṳt kóng liá-chúng ke fa; kì-têu su thin-chhui he yin-kôi ke.

Mò Yit-ke Ngi-ngìn

9Án-ngiòng, ngài-têu Yù-thai-ngìn pí Ngoi-pâng-ngìn kha-hó he-mò? Tông-yèn m̀-he án-ngiòng! Ngài yí-kîn chṳ́-chhut, Yù-thai-ngìn lâu Ngoi-pâng-ngìn khiung-yong he chhai chhui-ok ke khièn-sṳ chṳ̂-ha. 10Chhiong Sṳn-kîn só kóng:

Mò ngi-ngìn,

lièn yit-ke me mò.

11Mò chhûng-mìn-ngìn,

ya mò chhìm Song-ti ke ngìn.

12Ngìn-ngìn lì-khôi Song-ti,

chhiòn-phu hàng m̀-chho̍k lu;

mò hàng-san ke,

lièn yit-ke me mò.

13Kì-têu ke hèu-lièn chhiong tá-khôi ke fùn-mu;

kì-têu ke sa̍t-mà chhin kóng kúi-cha ke fa;

tui choi-sùn chhut ke chhiong he sà ke thu̍k-hi;

14Kì-têu ke choi chhûng-mân ok-thu̍k ke chu-ma.

15Oi hi hoi-ngìn ya-he chhṳ̀-ngìn,

kì-têu chéu-to chhiong pî án kiak;

16mò-lun kì-têu hi-to nai-vi,

chhiu voi yû pho-fai lâu pî-chhám.

17Kì-têu m̀-tî phìn-ôn ke lu;

18ya mò ho̍k-tó kin-vi Song-ti.

19Ngài-têu tî, fap-li̍t ke min-lin he tui chhai fap-li̍t tái-hâ ke ngìn kóng ke, oi pûn chhiòn sṳ-kie ke ngìn phu̍k chhai Song-ti ke sṳ́m-phan thòi-chhièn, mò yit-sà yû fa hó kóng. 20Yîn-vi mò ngìn nèn kho hàng fap-li̍t lòi pûn Song-ti thin-cho ngi; fap-li̍t ke muk-tit he oi pûn ngìn tî chhṳ-kâ yû chhui.

Song-ti pûn Ngìn thùng Kì yû Chṳn-khok ke Koân-he

21Chúng-he liá-ha, Song-ti ngióng-pân pûn ngìn thùng Kì yû chṳn-khok ke koân-he yí-kîn khí-sṳ chhut-lòi; thùng fap-li̍t chhiòn mò koân-he. Mô-sî ke fap-li̍t lâu chung siên-tî chhiu-he chṳn-kí. 22Song-ti pûn ngìn thùng Kì yû chṳn-khok ke koân-he, he yîn-vi kì-têu sin Yâ-sû Kî-tuk#3:22 “yîn-vi kì-têu sin Yâ-sû Kî-tuk” ya-he yi̍t-cho “yîn-vi Yâ-sû Kî-tuk ke sin-sṳ̍t”.. Mò-lun he má-ngìn, chṳ́-yû sin Kî-tuk, Song-ti chang voi án-ngiòng tui-thai kì-têu: 23Yîn-vi sṳ-kiên-ngìn chhiòn-phu fam-liáu chhui, khûi-khiam Song-ti ke yùng-kông. 24Liá-ha, Song-ti pha̍k-pha̍k sṳ̂-ên, thûng-ko Kî-tuk Yâ-sû lòi kiu-su̍k kì-têu, pûn kì-têu thùng Kì yû chṳn-khok ke koân-he. 25Song-ti hî-sên Yâ-sû cho su̍k-chhui-chi, thûng-ko kì liù-hiet lòi sí, pûn ngìn yîn-vi sin kì lòi tet-tó sa-chhui. Song-ti án-ngiòng cho he oi hién-mìn Kì ke kûng-ngi. 26Siên-chhièn, yîn-vi Kì ke ngiûn-nai, Kì khôn-yùng ngìn ke chhui; chúng-he liá-ha, Kì chhí-sêu ngìn ke chhui lòi hién-mìn Kì ke kûng-ngi. Án-ngiòng, Song-ti hién-mìn Kì chhṳ-kâ he kûng-ngi ke, ya chhṳ̂n yit-chhiet sin Yâ-sû ke ngìn he ngi-ngìn.

27Án-ngiòng, ngài-têu yû má-ke hó khoâ-khiéu nè? Yit-si̍t-é me mò! Ngióng-pân kóng nè? He tui chûn-hàng fap-li̍t mâ? M̀-he! He tui sin lòi ke. 28Ngài-têu ke kiet-lun he: Ngìn thùng Song-ti yû chṳn-khok ke koân-he chṳ́-yû thûng-ko sin, m̀-he thûng-ko chûn-hàng fap-li̍t. 29Kám kóng Song-ti tân-chhiang he Yù-thai-ngìn ke Song-ti mâ? Kì ya kám m̀-he Ngoi-pâng-ngìn ke Song-ti mâ? Tông-yèn he! 30Ki-yèn Song-ti chṳ́-yû yit-vi, Kì chhiu oi pûn Yù-thai-ngìn thûng-ko sin thùng Kì yû chṳn-khok ke koân-he, tui Ngoi-pâng-ngìn ya he khiung-yong. 31Án-ngiòng lòi kóng, ngài-têu ke sin hoi Mô-sî ke fap-li̍t sṳt-háu he-mò? Tông-yèn m̀-he! Tiên-to, ngài-têu sṳ́ fap-li̍t hàn-kha yû-háu.

Právě zvoleno:

Lò-mâ Sû 3: THV12Rdb

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Lò-mâ Sû 3

Ngì kóng-fa ke sṳ̀, mò pâu hó chok,

pûn-ngìn ko ke sṳ̀, thin-chho̍k voi yàng.

Mò Yit-ke Ngi-ngìn

Mò ngi-ngìn,

lièn yit-ke me mò.

11Mò chhûng-mìn-ngìn,

ya mò chhìm Song-ti ke ngìn.

12Ngìn-ngìn lì-khôi Song-ti,

chhiòn-phu hàng m̀-chho̍k lu;

mò hàng-san ke,

lièn yit-ke me mò.

13Kì-têu ke hèu-lièn chhiong tá-khôi ke fùn-mu;

kì-têu ke sa̍t-mà chhin kóng kúi-cha ke fa;

tui choi-sùn chhut ke chhiong he sà ke thu̍k-hi;

14Kì-têu ke choi chhûng-mân ok-thu̍k ke chu-ma.

15Oi hi hoi-ngìn ya-he chhṳ̀-ngìn,

kì-têu chéu-to chhiong pî án kiak;

16mò-lun kì-têu hi-to nai-vi,

chhiu voi yû pho-fai lâu pî-chhám.

17Kì-têu m̀-tî phìn-ôn ke lu;

18ya mò ho̍k-tó kin-vi Song-ti.

Song-ti pûn Ngìn thùng Kì yû Chṳn-khok ke Koân-he

Právě zvoleno:

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)