Chhóng-sṳ Ki 47

1-2Yok-sit tui kì ke hiûng-thi chûng sién-chhut ńg-sà lòi, tai kì-têu hi-kien vòng. Yok-sit ngi̍p-hi lâu vòng kóng: “Ngâ-pâ lâu ngâ hiûng-thi yí-kîn tai-tén kì-têu ke ngiù-yòng lâu yit-chhiet só-yû ke tui Kâ-nàm lòi lé, kì-têu liá-ha liù chhai Kô-sân thi-khî.” Yèn-heu kì tai ke ńg-sà hi-to vòng mien-chhièn. 3Vòng mun kì-têu: “Ngì-têu cho-má-ke thèu-lu?”

Kì-têu en-kóng: “Vòng â! Ngiâ phu̍k-ngìn he mu̍k-yòng ngìn, ngài-têu ke chú-siên me khiung-yong.” 4Kì-têu yu tui vòng kóng: “Yîn-vi Kâ-nàm thi-khî kî-fông ngiàm-chhung, ngài-têu ke yòng-khiùn mò chhó hó sṳ̍t, só-yî ngài-têu chhiu sái-to liá-vi lòi. Liá-ha, khiù vòng chún ngiâ phu̍k-ngìn he̍t chhai Kô-sân thi-khî.” 5Vòng tui Yok-sit kóng: “Liá-ha ngiâ-pâ lâu ngiâ hiûng-thi to ngì liá-vi lòi lé. 6Âi-khi̍p ke thú-thi chhai ngì-têu mien-chhièn, yù-chhai kì-têu sién; kì-têu khó-yî he̍t chhai koet-nui chui-hó ke thi-khî Kô-sân. Kì-têu tông-chûng na-yû nèn-li̍t kha-khiòng ke ngìn, chhiu phai kì-têu kón-lî ngài ke thèu-sâng.”

7Yok-sit tai kiâ-pâ Ngâ-kok lòi-to vòng mien-chhièn. Ngâ-kok lâu vòng chuk-fuk. 8Vòng mun Ngâ-kok: “Ngì yû kí-tô se?”

9Ngâ-kok en kì kóng: “Ngài chhai sṳ-kiên cho lî-hak yí-kîn yû yit-pak sâm-sṳ̍p ngièn lé. Ngài yit-sên ke ngit-è yu-tón yu-khú, m̀ chhiong ngài chú-siên cho lî-hak ke ngièn-ngit án chhòng.” 10Oi lì-khôi ke sṳ̀, Ngâ-kok yu lâu vòng chuk-fuk, chang tui vòng mien-chhièn chhut-hi. 11Yok-sit chhiu cheu vòng ke min-lin chiông kiâ-pâ lâu ke-têu hiûng-thi ôn-tún chhai Âi-khi̍p, chiông Làn-sai-sàng fu-khiun, koet-nui chui-hó ke thú-thi pûn kì-têu cho sán-ngia̍p. 12Yok-sit yu pûn kiâ-pâ, kì ke-têu hiûng-thi lâu só-yû ke kâ-chhu̍k tet-tó liòng-sṳ̍t ke phi-kip, lièn chui-se ke ya-yû yit-fun.

Kî-fông

13Kî-fông fî-sòng ngiàm-chhung, tak só-chhai lûng-chúng mò liòng-sṳ̍t; Âi-khi̍p-ngìn lâu Kâ-nàm-ngìn chhiòn-phu ngo-to voi-sí. 14Âi-khi̍p-ngìn lâu Kâ-nàm-ngìn lòi tha̍k-liòng ke chhièn, Yok-sit chhiòn-phu sû hí-lòi, kâu-to vòng-kiûng hi. 15Heu-lòi Âi-khi̍p-ngìn lâu Kâ-nàm-ngìn só-yû ke chhièn yung chhiang-chhiang, Âi-khi̍p ngìn-mìn lûng-chúng lòi-kien Yok-sit, yêu-khiù kì kóng: “Ngài-têu ke chhièn chhiòn-phu yung-thet lé, chhiáng pûn ngài-têu liòng-sṳ̍t, miên-tet ngài-têu ngo-sí!”

16Yok-sit en-kóng: “Chhièn na-he yung-thet, cho-tet tai ngì-têu ke thèu-sâng lòi von liòng-sṳ̍t.” 17Só-yî kì-têu chiông thèu-sâng tai-to Yok-sit ke-vi, Yok-sit chhiu yung liòng-sṳ̍t lòi kâu-von kì-têu ke mâ, yòng-è, ngiù, lì-è. Ke-ngièn, kì yung tún-liòng von-tó mìn-kiên só-yû ke thèu-sâng.

18Thi-ngi ngièn, kì-têu yu lòi yêu-khiù: “Thai-ngìn â! Ngài-têu mò phien ngì, ngài-têu chṳn-kîn mò-chhièn lé, thèu-sâng ya kûi ngì lé. Liá-ha chhù-thet ngài-têu ke sṳ̂n-thí lâu thú-thi yî-ngoi, má-ke me-mò lé. 19Khiù ngì thoi ngài-têu cho-chú, miên-tet ngài-têu ngo-sí, ngài-têu ke thièn-thi ya fông-thet. Khiù ngì yung liòng-sṳ̍t von ngài-têu ke thú-thi, ngài-têu ke thú-thi kûi-pûn vòng, ngài-têu ngien-yi cho-vòng ke nù-chhòi, thoi kì kâng-chung. Khiù ngì pûn ngài-têu liòng-sṳ̍t, pûn ngài-têu sên-chhùn hâ-hi; pûn ngài-têu chúng-chṳ́, ngài-têu chang yû fap-thu kâng-chung.”

20Yîn-vi kî-fông ye̍t-lòi ye̍t ngiàm-chhung, Âi-khi̍p-ngìn pet-to mò phan-fap, lûng-chúng chiông thú-thi mai-pûn vòng; Yok-sit chhiu thoi vòng chiông Âi-khi̍p só-yû ke thú-thi mâi ko-lòi. 21Yû-koân ngìn-mìn, Yok-sit pûn Âi-khi̍p koet-nui ke ngìn lûng-chúng sàng-cho nù-chhòi#47:21 “Yok-sit pûn Âi-khi̍p koet-nui ke ngìn lûng-chúng sàng-cho nù-chhòi” he cheu yit-têu kú yi̍t-pún; Hî-pak-lòi-vùn yi̍t-cho “Yok-sit chiông kì-têu tui Âi-khi̍p ke liá-phién sái-to nang-ngoi ke-phién, ôn-phài kì-têu si̍p-chûng chhai kok sàng-chṳ́n he̍t”.. 22Chṳ́-yû chi-sṳ̂ ke thú-thi kì mò sû-mâi, yîn-vi kì-têu tui vòng liâng-su sên-fa̍t-fi, m̀-sṳ́ mai thú-thi. 23Yok-sit tui ngìn-mìn kóng: “Ki-yèn ngài liá-ha yí-kîn thoi vòng mâi-hâ ngì-têu lâu ngì-têu ke thú-thi, ngài chhiu kiûng-kip chúng-chṳ́ pûn ngì-têu kâng-chung. 24Sû-kot ke sṳ̀, ngì-têu oi chiông sû-sṳ̀n ke ńg-fûn chṳ̂-yit kâu-pûn vòng, khì-thâ ke kûi ngì-têu chhṳ-kâ lâu vuk-hâ ngìn cho liòng-sṳ̍t, ya cho-tet nâ-hi cho chúng-chṳ́.”

25Kì-têu en-kóng: “Thai-ngìn â! Ngì kiu ngài-têu ke sâng-miang, ên-thai ngài-têu, ngài-têu kâm-ngien cho-vòng ke nù-chhòi.” 26Liá he Yok-sit vi Âi-khi̍p só chṳ-thin ke fap-li̍t: Só-yû sû-sṳ̀n ke nùng-sán, ńg-fûn chṳ̂-yit oi kûi-pûn vòng. Liá fap-li̍t to kîm-pû-ngit hàn yû-háu, chṳ́-yû chi-sṳ̂ ke thú-thi m̀-he vòng ke.

Ngâ-kok Chui-heu ke Yêu-khiù

27Yî-set-lie̍t-ngìn he̍t chhai Âi-khi̍p ke Kô-sân thi-khî. Kì-têu chhai ke-vi hîn-vong fat-tha̍t, ngìn-khiéu chen-kâ chhin-tô. 28Ngâ-kok chhai Âi-khi̍p he̍t sṳ̍p-chhit ngièn, sṳ̍t-to yit-pak si-sṳ̍p chhit-se. 29Yî-set-lie̍t sí-khì khiûn ke sṳ̀, kì chhiu phai-ngìn hi-ham Yok-sit lòi, tui kì kóng: “Na-he ngì yû hau-sîm, chhiu chiông sú piong chhai ngài lióng-kî thai kiok-pí chûng-kiên, tui ngài fat-sṳ, ngì m̀-hó chiông ngài chong chhai Âi-khi̍p. 30Ngài lâu chú-chûng thùng soi ke sṳ̀, ngì oi chiông ngài tai-chhut Âi-khi̍p, chong chhai kì-têu mài-chong ke só-chhai.”

Yok-sit kóng: “Ngài yit-thin voi cheu ngì ke fûn-fu hi-cho.”

31Ngâ-kok kóng: “Tui ngài fat-sṳ â!” Yok-sit chhiu tui kì fat-sṳ; heu-lòi Yî-set-lie̍t chhai mìn-chhòng táng kám-chhia Song-ti.

Právě zvoleno:

Chhóng-sṳ Ki 47: THV12Rdb

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 47

Oblíbené biblické verše z
Chhóng-sṳ Ki 47

Bible:

Hakkafa (Roman script)

Překlad: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 47

Chhóng-sṳ Ki 47

Oblíbené biblické verše z Chhóng-sṳ Ki 47

Bible:

Hakkafa (Roman script)

Překlad: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 47

Oblíbené biblické verše z
Chhóng-sṳ Ki 47