Chhut Âi-khi̍p Ki 5

Mô-sî lâu Â-lùn Hi-kien Âi-khi̍p-vòng

1Heu-lòi Mô-sî lâu Â-lùn hi-kien Âi-khi̍p-vòng, kóng: “Song-chú — Yî-set-lie̍t ke Song-ti án-ngiòng kóng: ‘Piong Ngài ke chṳ́-mìn chéu, pûn kì-têu to khóng-yâ ko-chiet lòi kin-pai Ngài.’ ”

2Âi-khi̍p-vòng kóng: “Song-chú he má-ngìn? Ngài ngióng-sṳ́ thâng Kì ke fa? Ngài cho-má-ke oi piong Yî-set-lie̍t-ngìn chéu? Ngài m̀ ngin-sṳt Song-chú; ngài ya m̀ piong Yî-set-lie̍t-ngìn chéu.”

3Mô-sî lâu Â-lùn en-kóng: “Hî-pak-lòi-ngìn ke Song-ti yí-kîn tui ngài-têu hién-hien. Liá-ha chhiáng ngì chún ngài-têu hàng sâm-ngit ke lu, to khóng-yâ hi hiong Song-chú — ngài-têu ke Song-ti hien-chi. Na-mò án-ngiòng cho, Kì oi yung pot-vûn ya-he chan-chên lòi kûng-kit ngài-têu.”

4Âi-khi̍p-vòng tui kì-têu kóng: “Mô-sî, Â-lùn! Ngì-têu he má-ke yi-sṳ? Oi pûn ke-têu ngìn fông-fi kûng-chok he-mò? Ham ke-têu nù-chhòi kiak-kiak hi cho-se! 5Yî-set-lie̍t-ngìn yí-kîn pí Âi-khi̍p-ngìn kha-tô, ngì-têu hàn sióng-oi kì-têu m̀ cho khú-kûng he-mò?”

6Ke-ngit, koet-vòng min-lin Âi-khi̍p kam-kûng lâu Yî-set-lie̍t-ngìn ke kûng-thèu, kóng: 7“Put-chún chai pûn Yî-set-lie̍t-ngìn cho chôn-é ke chhó-liau! Ham kì-têu chhṳ-kâ hi-chhìm, 8chúng-he oi kì-têu vàn-sṳ̀n lâu yî-chhièn khiung-yong ke su-liong, yit-te ya cho-m̀-tet séu. Kì-têu lân-sṳ̂ chang-voi yêu-khiù ngài pûn kì-têu hi hiong kì-têu ke Song-ti hien-chi! 9Ham kì-têu cho kha-chhûng ke kûng-chok, kha mò-hàn têu-é, kì-têu chang m̀-voi yû sṳ̀-kiên thâng liá-têu mò-yáng mò-chiak ke fa.”

10Âi-khi̍p kam-kûng lâu Yî-set-lie̍t-ngìn ke kûng-thèu chhiu-hi lâu Yî-set-lie̍t-ngìn kóng: “Koet-vòng min-lin mò-chai pûn ngì-têu chhó-liau. 11Kì kóng: Mò-lun hàng kí-yén, ngì-têu yit-thin oi chhṳ-kâ hi-chhìm chhó-liau, chôn-é ke su-liong yit-te ya cho-m̀-tet séu.” 12Yîn-vi án-ngiòng, Yî-set-lie̍t-ngìn to Âi-khi̍p tak só-chhai hi-chhìm chhó-liau. 13Kam-kûng pet kì-têu, tui kì-têu kóng: “Tak-ngit kâu-chhut ke chôn-é, oi lâu yî-chhièn pûn ngì-têu chhó-liau ke sṳ̀ phiàng-tô!” 14Koet-vòng phai ke kam-kûng piên-tá kì-têu só chṳ́-phai Yî-set-lie̍t-ngìn ke kûng-thèu, chit-phi kì-têu kóng: “Cho-má-ke kûng-ngìn chhô-pû-ngit kîm-pû-ngit mò kâu-chhut lâu yî-chhièn phiàng-tô ke chôn-é nè?”

15Yî-set-lie̍t-ngìn ke kûng-thèu chhiu hi khién-khiù koet-vòng, kóng: “Koet-vòng, cho-má-ke án-ngiòng tui-thai ngì ke phu̍k-ngìn? 16Kam-kûng m̀ pûn ngì ke phu̍k-ngìn chhó-liau, chúng-he oi ngài-têu kâu-chhut lâu yî-chhièn phiàng-tô ke chôn-é! Ngì khon! Ngì ke phu̍k-ngìn chhiòn-phu pûn-ngìn tá, khì-sṳ̍t he ngiâ pak-siang m̀-chho̍k.”

17Âi-khi̍p-vòng kóng: “Ngì-têu án lân-sṳ̂! Ngì-têu chhiu-he yîn-vi án lân-sṳ̂, só-yî chang-voi khiù ngài pûn ngì-têu hi hiong Song-chú hien-chi. 18Kiak-kiak chón-hi cho-se! Ngài-têu m̀-voi pûn ngì-têu chhó-liau, ngì-têu hàn-he oi kâu-chhut lâu yî-chhièn phiàng-tô ke chôn-é.”

19Yî-set-lie̍t-ngìn ke kûng-thèu yit thâng-tó kì-têu tak-ngit hàn-he oi kâu-chhut lâu yî-chhièn phiàng-tô ke chôn-é, chhiu tî chhám lé. 20Kì-têu lì-khôi vòng-kiûng, chang khon-tó Mô-sî lâu Â-lùn lióng-sà chhai ngoi-poi tén kì-têu. 21Kì-têu chhiu tui Mô-sî lâu Â-lùn kóng: “Song-chú yit-thin tî ngì-têu cho ke he má-ke sṳ; ngì-têu hoi ngài-têu chhai koet-vòng lâu kì ke kôn-yèn mien-chhièn yû chhu-miàng, pûn kì-têu yû chhṳ̀ ngài-têu ke lî-yù. Song-chú yit-thin voi chit-fa̍t ngì-têu!”

Mô-sî Tui Song-chú Mài-yen

22Mô-sî chón-to Song-chú mien-chhièn, kóng: “Song-chú â, Ngì cho-má-ke hoi Ngì ke chṳ́-mìn? Cho-má-ke phai ngài lòi? 23Chhṳ-chhiùng ngài to koet-vòng mien-chhièn vi Ngì chhòn-fa, kì fán-chón hàn-kha li-hoi tui-fu Ngì ke chṳ́-mìn, Ngì yit-si̍t ya-mò kiu kì-têu!”

Právě zvoleno:

Chhut Âi-khi̍p Ki 5: THV12Rdb

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhut Âi-khi̍p Ki 5

Oblíbené biblické verše z
Chhut Âi-khi̍p Ki 5

Bible:

Hakkafa (Roman script)

Překlad: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 5

Chhut Âi-khi̍p Ki 5

Oblíbené biblické verše z Chhut Âi-khi̍p Ki 5

Bible:

Hakkafa (Roman script)

Překlad: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhut Âi-khi̍p Ki 5

Oblíbené biblické verše z
Chhut Âi-khi̍p Ki 5