ซ้าว เมี่ยน 12
12
มิเลียม เหธา อาโลน ต้าน โมเซ
1โมเซ หล่ง คู้ด เมี่ยน เซียะ โหฒว เอ๊า. หลาย นิ่น หล่ง น้าย เต้า คู้ด เมี่ยน โหฒว เอ๊า, มิเลียม เหธา อาโลน ต้าน โมเซ. 2นิ่น บัว อี เต้า ก๊อง, “เฒี้ยว ขูง หล่ง โมเซ โต่ว นิ่น เญย หว่า ฮนั้ง ไฟ? นิ่น ไม้ เฒ์ย หล่ง เยีย บัว โต่ว?” เฒี้ยว หย่า ไฮ์ หมี่ อ๊ะ.
3โมเซ เหญี่ยม กั้น โหฒว ไฝ. เป๊ย ลู่ง เดี๊ย หฒวัง เมี่ยน, ไม้ ม่าย หาย เต้า ด่ง นิ่น เหญี่ยม กั้น โหฒว ไฝ.
4 เฒี้ยว เลี่ยม เฒ่ย ก๊อง บั๋ว โมเซ เหธา อาโลน เหธา มิเลียม, “เม่ย บัว ปัว เต้า ธ้วด มี่ง เถา หวุ่ย ปวั้ง เญย ด๊บ-ลิ่ว วั้ว.” นิ่น บัว ปัว เต้า ฯฒฯ มี่ง อ๊ะ. 5เฒี้ยว ฯฒฯ เยียม บ๋วน-เดี้ยว เหฌี่ย ต้าย โซ้ว เจี๊ยน หวุ่ย ปวั้ง ด๊บ-ลิ่ว เญย แก้ง ด่าง เห่ว อาโลน เหธา มิเลียม. นิ่น บัว อี เต้า ฯฒฯ ธ้วด ต้าย. 6เฒี้ยว ก๊อง, “หมวัง เยีย เญย หว่า ม่าะ!
สี ก๊อง เยียม เม่ย บัว บุด๋ง ม่าย เต้า โต่ว หว่า เมี่ยน,
เยีย, เฒี้ยว, เยียม หิ่น ย่าง เญย สี่ หิ่น ธ้วด ปุน นิ่น ปวัด เยีย.
เยีย หล่ง เบ๋ย เหธา นิ่น ก๊อง หว่า.
7มป่า เยีย เญย โปว, โมเซ, ไม้ เฒ์ย ฮนั้ง น้าย นอ.
เยียม เยีย เญย หฒวัง แปะ ฝีง นิ่น เหฒียบ ฒัวะ เญย.#ฮิบลู 3:2
8เยีย เหธา นิ่น เฮมียน ต๋อย เฮมียน ก๊อง หว่า,
หย่า ก๊อง เม่ง เญย, ไม้ ก๊อง หว่า-เม้ย.
เลี่ยม เยีย เญย โมว เฒ้ย นิ่น หย่า ตุ๊ ปวัด.
วั้ว หญู่ง เม่ย บัว เหว่ย หาย ติ่ว ไม้ กั้ม เหฑีย
ต้าน เยีย เญย โปว, โมเซ?”
9 เฒี้ยว เฉีย เจี์ย! ไห่ นิ่น บัว, เฒียง หน่าย เล่ย ฆอย นิ่น บัว หมี่ อ๊ะ.
10บ๋วน เยียม ด๊บ-ลิ่ว ฝาว วั้ว หฒั่น, ปวัด มิเลียม โซ้ว เจี๊ยน วั้ว ปุ๊ด ก้ม ฮู้ แป่ง. ด๊บ บ๊บ แปะ เญย, ฮนั้ง ซอง นอ. อาโลน ฮวิน หมั่ง มิเลียม, ปวัด นิ่น ปุ๊ด ก้ม ฮู้ แป่ง, 11ฯฒฯ ก๊อง บั๋ว โมเซ, “เยีย เญย เฒี้ยว, โมเซ อ้า! โท้ ไม้ ตู๋ง ตี่ง เยีย บัว โหฒว หฮงง เญย สี่, ป์าม เญย ฒุ์ย. 12ไม้ ตู๋ง ปุน มิเลียม ฮนั้ง กู้งว์า เยียม กะเซีย ไต่ มี่ง, ยู์ง ธ้วด ต้าย อ๊อ หยุ เหยียด ป่วน วั้ว นอ.”
13โมเซ ฯฒฯ ชะ โท้ เฒี้ยว, “โอ ทิน-ฮู่ง อ่า, โท้ หฒ่อ นิ่น โอ่.”
14 เฒี้ยว ก๊อง บั๋ว โมเซ, “สี ก๊อง นิ่น เญย เตีย ทุ้ย ววม-ฑุ่ย แน้ด นิ่น เญย เฮมียน, นิ่น ฒู้ง อ๋อย หฒุ เตี๊ย ไญ้ เสี่ย ฮนอย ไม้ เฒ์ย? ปุน นิ่น หฒุ เยียม กะเหญี่ย หฒิ ด๊บ-ลิ่ว เธี้ยง ปวั๊ง เสี่ย ฮนอย. ฆะฮ้า แอ๋ง ต้อ นิ่น เปียะ ต้าย ตุ๊ เญย.”#ซ้าว เมี่ยน 5:2-3 15มิเลียม ฯฒฯ หฒุ เยียม กะเหญี่ย หฒิ ด๊บ-ลิ่ว เธี้ยง ปวั๊ง เสี่ย ฮนอย. หฒวัง เมี่ยน หย่า ไม้ ซุ้ย มี่ง หาย, ฒั้ว เถา ต้อ นิ่น แอ๋ง เปียะ ต้าย.
16ฆะฮ้า หฒวัง เมี่ยน ธ้วด ฮาเซโล้ด มี่ง เยียม ปาลาน เต่ย-ปูง-ฮวาง เหลียบ เธี้ยง.
Právě zvoleno:
ซ้าว เมี่ยน 12: IuMiTH
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Mien Bible (Thai Script) © Thailand Bible Society, 2007