Leb 6
6
1 #
Kuɛ̈n 5:5-8. Go Bɛ̈nydït Mothe yɔ̈ɔ̈k, 2an, Na cï raan kërac looi në baŋ cï yen ee raan adöt tëde Bɛ̈nydït, në mɛth cï yen rɛ̈ɛ̈r kekë yen math: në biäk de kë cï tääu yen, ku nɔn ee kë muk, ku nɔn ee kë cï kual, ku nɔn cïï ë raan kɛ̈n weŋ. 3Ku na cï kë cï määr yök, ku mɛth kɔc në baŋde, ku nɔn kuëëŋ në lueth. Ku të cïï yen kërac looi. 4Na loi raan kërac në ee kuɛɛrkë yiic, ka cï wäc, ku abï ka cï yök në ee kueer rac cool. Ku cööt raan de käŋ, kake kedhie. 5Ayï ka cï yen ke kuëëŋ në biäkden abï keek cool, ku gëm raan de käŋ biäk wën ye käŋ dhïc, në kööldɛn gɛm en miɔ̈c de awäc. 6Ku jɔ bɛ̈ny de kake Nhialic yiɛ̈n miɔ̈c de awäc, bïï gäm Bɛ̈nydït, ku miɔ̈cdɛn de awäc, abï aa thɔ̈ɔ̈k cïn guöp tëdak, thɔ̈ɔ̈k de naamdɛn piath. 7Ku abï bɛ̈ny de kake Nhialic jɔ teem guöp në Bɛ̈nydït nɔm, ku abï ja päl awɛ̈ɛ̈c, në biäk de karɛckɛn cï looi.
Miɔ̈c ye Nyop Ëbɛ̈n.
8Ago Bɛ̈nydït Mothe yɔ̈ɔ̈k 9bï Aron kekë wɛ̈ɛ̈tke gäm ee lööŋkë. Kakë ayek lööŋ ke miɔ̈c ye nyop ëbɛ̈n. Miɔ̈c ye nyop abï ya tɔ nin në yïk nɔm agut cï miäk adurduur, ku mac abï ya pɔ̈l ke dɛ̈p. 10Ku ëtɛ̈ɛ̈n, bɛ̈ny de kake Nhialic abï ŋeth jɔ nööm ŋenh wën cïï ë mac miɔ̈c ye nyop ëbɛ̈n thöl në yïk, ku tɛ̈ɛ̈u në yïk lɔ̈ɔ̈m, ke ceŋ lupɔ bɛ̈ɛ̈r de linɔn kekë athuruɛl de linɔn. 11Ku jɔ lupɔ ke waar, ku jɔ ŋeth jɔt leer ë wut këc të wën piɛth në baŋ de ciɛɛŋ.
12Ku many nu në yïk nɔm abïï dhil tɔ dɛ̈p ku cïï tɔ liu ë taitai. Ku aköölnyïïn ëbɛ̈n bɛ̈ny de kake Nhialic abï tiim aa tääu thïn. Ku kïït miɔ̈c ye nyop ëbɛ̈n në yenɔm. Ku nyop kɔl de miɔ̈c de mät. 13Ku mac abï dhil aa tɔ dɛ̈p aköölnyïïn në yïk nɔm, ku cïï tɔ liu taitai.
Miɔ̈c de Rap.
14Kakë ee lööŋ ke miɔ̈c ë rap, abïï wɛ̈ɛ̈t ke Aron keek aa bɛ̈ɛ̈i ë yïk nɔm tueŋ, në Bɛ̈nydït nɔm. 15Ku bɛ̈ny de kake Nhialic abï aɣaar nem në yeciin ë miɔ̈c ë rap, kekë miök ku wal ŋïr tɔ̈u ë miɔ̈c ë rap nɔm, ku nyop ee kënë ë yïk nɔm, ke ye miɔ̈c de këcam, miɔ̈c ee looi në mac, miɔ̈c tum mit në Bɛ̈nydït piɔ̈u. 16Ku Aron kekë wɛ̈ɛ̈tke, abïk biäk jɔ cam, ku abï aa cam ke cïn yic luɔu tëɣeric, abïk cam në pëër de paany de mätic. 17Acïï bï dhil thaal në luɔu, acä gam ke ye biäkden në miɔ̈cdiën de mac nyop yic. Miɔ̈c cï looi në mac, cït man ë miɔ̈c de kërac ku miɔ̈c de awäc. Ee kë ɣeric aläl. 18Ku mïth kë wɛ̈ɛ̈t ke Aron röör kedhie aduëërkï cam në yen. Ee biäkdɛn de aköölnyïïn në miɔ̈c yic. Miɔ̈c cï luɔi Bɛ̈nydït në mac agut cï rɛm cï rɛm bï lɔ̈ɔ̈k bɛ̈n, kë bï yen aa jak ë bɛ̈n abï yic ɣɛɛr.
19Go Bɛ̈nydït Mothe yɔ̈ɔ̈k. 20An, kënë ee miɔ̈c bï Aron kekë wɛ̈ɛ̈tke aa yiɛ̈n Bɛ̈nydït në kööl thɛny ë keek nïïm: Aduŋ de aɣaar piɛth ke ee miɔ̈c ë rap aköölnyïïn, biäkdɛn tök adurduur ku biäkdɛn tök thëën. 21Abä guiir në miök ë thakic ku bɛ̈ɛ̈iyë ke cï ŋiëc nuaai, ku gamë miɔ̈c ë rap ke cï kɔ̈ɔ̈m nyin, ke ye miɔ̈c tum mit në Bɛ̈nydït piɔ̈u. 22Ku wën bï nyinde löökic, ke ee bɛ̈ny de kake Nhialic yen abï yen guiir. Ee biäk de Bɛ̈nydït aköölnyïïn, ka abïï dhil nyop ë taitai. 23Miɔ̈c ë rap de bɛ̈ny de kake Nhialic ëbɛ̈n, abï aa nyop taitai, ku acïï bï dhil cam.
Miɔ̈c de Awɛ̈ɛ̈c.
24Go Bɛ̈nydït Mothe yɔ̈ɔ̈k 25bïï Aron kekë wɛ̈ɛ̈tke gäm ee lööŋkë në biäk de miɔ̈c de kërac. Miɔ̈c de kërac abï aa teem röl në Bɛ̈nydït nɔm, në yïk biäk të lɔ rut të ye miɔ̈c ye nyop ëbɛ̈n teem röl thïn. Ee miɔ̈c ɣeric aläl. 26Ku bɛ̈ny de kake Nhialic bï ye gam në biäk de kërac cam, ku abï aa cam tëɣeric në pëër de paany de mätic. 27Ku kë cï guöpde jak ëbɛ̈n, abï ya kë ɣeric, ku na de lupɔ cïï ë riɛm nyiëër, ka abï dhil waak tëɣeric.
28Na ë lupɔ ë wak ë tööny ye rïŋ thaal thïn, ke töny ë dhoŋ, ku na ee thaaŋ de maläŋ, ka abï waak ë pïïu aläl, abïï yic awic, 29Ku mïth wɛ̈t nu paan de bɛ̈ny de kake Nhialic kedhie, aduëërkï cam në yen, ee kë ɣeric aläl. 30Ku miɔ̈c de kërac ëbɛ̈n, miɔ̈c cïï riɛmde bɛ̈ɛ̈i ë paany de mät yic, ku bïï atɛɛm bɛ̈n looi tëɣeric acïï bï dhil cam abï dhil nyop.
Právě zvoleno:
Leb 6: dip-JPB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The Bible in Jieeng de Padang © The Bible Society in South Sudan, 2011.