Leb 14
14
Lööŋ në biäk de Raan cï Guöp Waar ë Wɛth
1Go Bɛ̈nydït lɛ̈k Mothe 2#Math 8:4; Mak 1:44; Luk 5:14; 17:14. an, “Kakë ayek lööŋ në baŋ de kɔc cï gup waar në wɛth. Raan abï dhil yiɛ̈n bɛ̈ny de kake Nhialic. 3Ku bɛ̈ny de kake Nhialic, abï dhil lɔ në wut këc, leer raan de guöp wɛth tïŋ, na cï guöp waar në wɛth. 4Ku bɛ̈ny de kake Nhialic, abï kakë tɔ bïïyë yï: diɛt pïïr kaarou, diɛt cïn gup tëdak, ku tim de thidar, ku anuar thiith cï wi, ku wɛ̈ɛ̈l cɔl ɣathop, bïï raan de guöp wɛth bɛ̈n waak. 5Ku bɛ̈ny de kake Nhialic abï ajïnh tök tɔ näk, në thaaŋ de pïïu ë piacë gem yiic. 6Ku ëtɛ̈ɛ̈n, abï ajïnh pïïr jɔ nööm kekë tim de thidar, ku anuar thith cï wi ku wɛ̈ɛ̈l cɔl ɣathop, kakë kedhie abï keek juɔɔl në riɛmic, riɛm de ajïnh cï nɔ̈k nu ë thaaŋ de pïïu piɛth yiic. 7Ku bɛ̈ny de kake Nhialic, abï riɛm wiɛ̈ɛ̈th në raan bïï tɔ waar guöp në wɛth raandhorou, ku abï jɔ caal, nɔn cïï raan guöp waar, ëtɛ̈ɛ̈n abï jɔ lɔ të lääu, ku jɔ dït tɔ pär ke lɔ roor. 8Ku raan tɔ waar guöp, abï lupɔɔke dhil waak, ku muut ë nɔm ëbɛ̈n, ku wɛɛk në pïïu, ku ëtɛ̈ɛ̈n, abï guöp jɔ piath, ku jɔ lɔ wutic, cakaa nɔn bï yen rëër në paany de kɔ̈u në nïn kadhorou. 9Ku në nïn ye kek dhorou, abï nhïm ke dhil mɔ̈ɔ̈t wei kedhie, nhïm ke yen nɔm, ku ye nɔ̈k, ku nhïm ke yenyin, ku lɔ nhïmkɛn kɔ̈k. Raan abï lupɔɔke dhil waak, ku wɛɛk yeguöp në pïïu. Ku abï jɔ piath.
10Ku në kööl de bɛ̈t, raan wään de guöp wɛth, abï nyök amɛ̈l kaarou cïn gup tëdak bɛ̈ɛ̈i, ku bïï amäl ŋuöt ee ruöön tök ke cïn guöp tëdak. Ku bïï kilɔɔ kaŋuan de aɣaar cï liääp në miök de olip, ke ee miɔ̈c ë rap. Ku lɔ aguun de miök. 11Ku bɛ̈ny de kake Nhialic ë cɛɛl en, nɔn cï yen guöp waar, abï yen jɔ lɛɛr ë Bɛ̈nydït nɔm kekë miɔ̈cde në paany de mät thok. 12Ku ëtɛ̈ɛ̈n, bɛ̈ny de kake Nhialic abï nyɔɔŋ amäl tök jɔ gam, ke ye miɔ̈c de awäc kekë aguun de miök ëtök, ku abïï keek nyuɔɔth ë Bɛ̈nydït nɔm, ke ye miɔ̈c de anyuɔɔk. 13Ku abï nyɔk teem röl tëɣeric, të ye miɔ̈c de kërac kekë miɔ̈c ye nyop ëbɛ̈n teem röl thïn. Miɔ̈c de awäc acït miɔ̈c de kërac, ee këde bɛ̈ny de kake Nhialic, ka aɣeric aläldïïtë. 14Ku bɛ̈ny de kake Nhialic abï riɛm biäk nööm në miɔ̈c de awäc yic, ku tɛ̈ɛ̈u në yïth thok piny, yïny de raan bï tɔ waar guöp, ku tɛ̈ɛ̈u riɛm biäk në ciin cuëny butbut, kekë cöök cuëny butbut. 15Ku ëtɛ̈ɛ̈n, bɛ̈ny de kake Nhialic, abï aguun de miök nööm, ku wɛ̈l miök biäk në ciin camde yic cil. 16Ku ye riöp cuëcke juɔɔl në miök nu në ciin camde. Ku ye wiɛ̈ɛ̈th ë Bɛ̈nydït nɔm raan dhorou ë yeriöp. 17Ku bɛ̈ny de kake Nhialic abï miök biäk cï döŋ në yeciin tääu në yïny cuëc thok piny, yïny de raan bï tɔ waar guöp, ku tɛ̈ɛ̈u miök biäk në butbut de ciin cuëc ku butbut de cöök cuëc në riɛm de miɔ̈c de awäc kɔ̈u. 18Ku miök nu në yeciin, abï bɛ̈ny de kake Nhialic jɔ tääu në raan nɔm raan kɔɔr bï tɔ waar guöp. Ku abï bɛ̈ny de kake Nhialic jɔ teem guöp në Bɛ̈nydït nɔm.
19Ku ëtɛ̈ɛ̈n, bɛ̈ny de kake Nhialic abï miɔ̈c de kërac gam, bïï ë raan teem guöp në wɛnh nu ë yeguöp, ku në ee kake cök bɛ̈ny de kake Nhialic, abï miɔ̈c ye nyop ëbɛ̈n nɔ̈k. 20Ku gɛm miɔ̈c ye nyop ëbɛ̈n në yïk nɔm, kekë miɔ̈c ë rap ëtök, ku abï bɛ̈ny de kake Nhialic jɔ teem guöp, ku raan abï guöp jɔ piath.
21Ku na ye raan, raan kuany nyin, ku cïï ee kakë bï lëu, abï nyɔɔŋ amäl tök dhil lɛɛr, ke ye miɔ̈c de awäc ke bï lɔ nyuɔɔth, bï ë yen lɔ teem guöp, ku kilɔ töŋ de aɣar cï liääp kekë miök de olip, ke ye miɔ̈c ë rap ku aguun de miök. 22Ku guök kaarou, ku nɔn yen ajiël ke guuk kaarou, cït man ë këdɛn bïï lëu. Kënë abï aa miɔ̈c de kërac, ku ye däŋë miɔ̈c ye nyop ëbɛ̈n. 23Ku në kööl de bɛ̈t, abïï ke dhil bɛ̈ɛ̈i në baŋ de wɛ̈ɛ̈rde. Yïn keek bɛ̈ny de kake Nhialic në paany de mät thok ë Bɛ̈nydït nɔm. 24Bɛ̈ny de kake Nhialic abï nyɔɔŋ de miɔ̈c de awäc jɔ nööm kekë aguun de miök ëtök, ku nyooth keek, ë Bɛ̈nydït nɔm, ke ye miɔ̈c de anyuɔɔk. 25Abï nyɔk jɔ nɔ̈k ke ee miɔ̈c de awäc ku nööm riɛmdɛn biäk ku tɛ̈ɛ̈u në yïny cuëc thok, yïny de raan bï tɔ waar guöp ku tɛ̈ɛ̈u në butbut de ciin cuënyde, ku tɛ̈ɛ̈u në butbut de cöök cuënyde. 26Ku bɛ̈ny de kake Nhialic, abï miök biäk wäl në ciin camde yic. 27Ku jɔ miök nu në yeciin nööm në riöpkɛn cuëc, ku jɔ wiɛ̈ɛ̈th ë Bɛ̈nydït nɔm raan dhorou.
28Ku miök biäk nu në yeciin, abï tääu në ɣään wën cïï yen ke riɛm de miɔ̈c de awäc tääu në yïny cuëc thok piny, yïny de raan bï tɔ waar, ku tɛ̈ɛ̈u në butbut de ciin cuënyde, ku tɛ̈ɛ̈u në butbut de cöök cuënyde. 29Ku miök biäk nu në yeciin, abï bɛ̈ny de kake Nhialic jɔ tääu në raan bï tɔ waar guöp nɔm, ku jɔ teem guöp në Bɛ̈nydït nɔm. 30Ku ëtɛ̈ɛ̈n, abï guuk tök ku nɔn ee ajiël ke guuk wën cïï ë raanë bɛ̈ɛ̈i jɔ nɔ̈k. 31Kënë, abï aa miɔ̈c de kërac, ku ye däŋë miɔ̈c ye nyop ëbɛ̈n kekë miɔ̈c ë rap ë tök. Në ee kueerë bɛ̈ny de kake Nhialic abï raan wën bïï tɔ waar jɔ teem guöp në Bɛ̈nydït nɔm. 32Kakë ayek lööŋ në biäk ë raan de guöp wɛth, ku lööŋ në biäk de raan cïï miɔ̈c de aköölnyïïn duëër lëu në bïï. Miɔ̈c bï ë yen tɔ waar guöp.
Ɣööt de Gup Dhiëi
33Go Bɛ̈nydït Mothe kekë Aron yɔ̈ɔ̈k 34an, të la wek ɣet piny de Kanaan piny gäm week ke ye këdun, ku tääu dhiëi thïn, dhiën dïït bï tɔ̈u piny ɣööt. 35Raan de ɣöt, abï dhil jäl le bɛ̈ny de kake Nhialic lɛ̈k, lueel an, “Yɛn cï kë cït dhiëi tïŋ në ɣöndï guöp.’ 36Bɛ̈ny de kake Nhialic, abï ɣöt tɔ jötë yic bei, ke ŋoot ke kën dhiëi lɔ tïŋ, ke cïn kë bï tɔ̈u ɣööt, kë bï tɔ ye kënhiɛny, ku në ë kakë cök, bɛ̈ny de kake Nhialic, abï lɔ ɣöt, ku jɔ ɣöt gɔɔk. 37Abï dhiëi dhil tïŋ në päny kɔ̈u, ku na cï dhiëi tɔ̈c, ku nɔn cï thiɛth, ku nyooth ɣään thuth yiic në päny kɔ̈u, awär päny biäkë. 38Ke bɛ̈ny de kake Nhialic, abï lɔ biic, ku tɔ ɣöt thiöök thok në nïn kadhorou. 39Na në nïn ye kek dhorou, bɛ̈ny de kake Nhialic, abï bɛ̈n bï ɣöt bɛ̈n tïŋ. Na cï dhiëi thiɛ̈i në päny kɔ̈u ëbɛ̈n. 40Ke bɛ̈ny de kake Nhialic, abï kur cï riääkkë tɔ bïïyë bei, ku cuɛtë keek wei ë dhuur nɔm në wut këc biic ya. 41Ku abï päny nu ë ɣötic thïn tɔ thuurë piny, ku ka wën cï keek thuöör piny, abï keek lɔ dɛɛny wei ë dhuur nɔm në wut këc biic ya aya. 42Ku ëtɛ̈ɛ̈n, abï kur ë piacë looi nööm, bïï kek kur cï riääkkë waar, ku nömkï tiɔɔm däŋ yiu kek ɣötic.
43Na cï dhiëi bɛ tïc ɣööt, të cïï kur cuat wei, ku cï ɣöt thuöör piny ku yiu. 44Bɛ̈ny de kake Nhialic, abï lɔ ku le tïŋ, ku na cï dhiëi thiäi ɣööt ëbɛ̈n, ee dhiën rac ɣöt acïï piath. 45Ɣöt abï dhil thuöör piny, ayï kurke ayï tiimke, ayï yiɛɛude ëbɛ̈n, ku leerë biic ë wut këc ë dhuur nɔm ya. 46Raan lɔ ɣöt ke ɣöt ë thiɔ̈ɔ̈k, abï guöp dɛ acuɔl agut cï thëën. 47Raan lɔ niin ɣööt, ayï raan lɔ cam ɣöt, abï lupɔɔke dhil waak.
48Ku na lɔ bɛ̈ny de kake Nhialic bɛ̈n, ku tïŋ ɣöt, ku yök dhiëi ke kën thiäi të wään cï ë ɣöt yiu, abï ɣöt tɔ ee ɣön piɛth, në luɔi cï dhiëi jäl. 49Në biäk bï ɣöt tɔ piath, abï diɛt kaarou dhil bɛ̈ɛ̈i, ku tiim ke thidar ku anuar thith cï wi, ku wɛ̈ɛ̈l cɔl ɣathop. 50Abï ajïnh tök nɔ̈k në thaaŋ de pïïu ë piacë gem yiic. 51Ku ëtɛ̈ɛ̈n, abï tim de thidar nööm kekë wɛ̈ɛ̈l cɔl ɣathop ku anuar thith cï wi ku ajïnh pïïr, abï keek juɔɔl në riɛm de ajïnh cï nɔ̈k nu ë pïïu piɛth yiic, ku yoor ɣöt raan dhorou. 52Abï ɣöt jɔ tɔ piath, në riɛm de dit ku pïïu piɛth, ku din pïïr, ku tim de thidar, ku wɛ̈ɛ̈l cɔl ɣathop, ku anuar thith cï wi. 53Ku ëtɛ̈ɛ̈n, abï din pïïr jɔ lɛɛr të lääu, ku abï dit jɔ tɔ pär ë pänydïtic ke lɔ roor. Në ee kueerë, abï ɣöt jɔ teem guöp, ku ɣöt abï jɔ piath.
54Kakë ayek lööŋ në biäk de wɛth, ku në biäk de akuɔ̈ɔ̈k. 55Ku në biäk de dhiap ë lupɔɔ, ku dhiëi de ɣööt. 56Ku në biäk de buɔ̈t, ku nɔn ë piɔ̈ɔ̈ny de guöp, ku nɔn ee toŋ de guöp.
57Kek lööŋ jam në biäk de këpiɛth kekë kërac ka, kakë ayek lööŋ në biäk de wɛth kekë dhiëi.
Právě zvoleno:
Leb 14: dip-JPB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The Bible in Jieeng de Padang © The Bible Society in South Sudan, 2011.
Leb 14
14
Lööŋ në biäk de Raan cï Guöp Waar ë Wɛth
1Go Bɛ̈nydït lɛ̈k Mothe 2#Math 8:4; Mak 1:44; Luk 5:14; 17:14. an, “Kakë ayek lööŋ në baŋ de kɔc cï gup waar në wɛth. Raan abï dhil yiɛ̈n bɛ̈ny de kake Nhialic. 3Ku bɛ̈ny de kake Nhialic, abï dhil lɔ në wut këc, leer raan de guöp wɛth tïŋ, na cï guöp waar në wɛth. 4Ku bɛ̈ny de kake Nhialic, abï kakë tɔ bïïyë yï: diɛt pïïr kaarou, diɛt cïn gup tëdak, ku tim de thidar, ku anuar thiith cï wi, ku wɛ̈ɛ̈l cɔl ɣathop, bïï raan de guöp wɛth bɛ̈n waak. 5Ku bɛ̈ny de kake Nhialic abï ajïnh tök tɔ näk, në thaaŋ de pïïu ë piacë gem yiic. 6Ku ëtɛ̈ɛ̈n, abï ajïnh pïïr jɔ nööm kekë tim de thidar, ku anuar thith cï wi ku wɛ̈ɛ̈l cɔl ɣathop, kakë kedhie abï keek juɔɔl në riɛmic, riɛm de ajïnh cï nɔ̈k nu ë thaaŋ de pïïu piɛth yiic. 7Ku bɛ̈ny de kake Nhialic, abï riɛm wiɛ̈ɛ̈th në raan bïï tɔ waar guöp në wɛth raandhorou, ku abï jɔ caal, nɔn cïï raan guöp waar, ëtɛ̈ɛ̈n abï jɔ lɔ të lääu, ku jɔ dït tɔ pär ke lɔ roor. 8Ku raan tɔ waar guöp, abï lupɔɔke dhil waak, ku muut ë nɔm ëbɛ̈n, ku wɛɛk në pïïu, ku ëtɛ̈ɛ̈n, abï guöp jɔ piath, ku jɔ lɔ wutic, cakaa nɔn bï yen rëër në paany de kɔ̈u në nïn kadhorou. 9Ku në nïn ye kek dhorou, abï nhïm ke dhil mɔ̈ɔ̈t wei kedhie, nhïm ke yen nɔm, ku ye nɔ̈k, ku nhïm ke yenyin, ku lɔ nhïmkɛn kɔ̈k. Raan abï lupɔɔke dhil waak, ku wɛɛk yeguöp në pïïu. Ku abï jɔ piath.
10Ku në kööl de bɛ̈t, raan wään de guöp wɛth, abï nyök amɛ̈l kaarou cïn gup tëdak bɛ̈ɛ̈i, ku bïï amäl ŋuöt ee ruöön tök ke cïn guöp tëdak. Ku bïï kilɔɔ kaŋuan de aɣaar cï liääp në miök de olip, ke ee miɔ̈c ë rap. Ku lɔ aguun de miök. 11Ku bɛ̈ny de kake Nhialic ë cɛɛl en, nɔn cï yen guöp waar, abï yen jɔ lɛɛr ë Bɛ̈nydït nɔm kekë miɔ̈cde në paany de mät thok. 12Ku ëtɛ̈ɛ̈n, bɛ̈ny de kake Nhialic abï nyɔɔŋ amäl tök jɔ gam, ke ye miɔ̈c de awäc kekë aguun de miök ëtök, ku abïï keek nyuɔɔth ë Bɛ̈nydït nɔm, ke ye miɔ̈c de anyuɔɔk. 13Ku abï nyɔk teem röl tëɣeric, të ye miɔ̈c de kërac kekë miɔ̈c ye nyop ëbɛ̈n teem röl thïn. Miɔ̈c de awäc acït miɔ̈c de kërac, ee këde bɛ̈ny de kake Nhialic, ka aɣeric aläldïïtë. 14Ku bɛ̈ny de kake Nhialic abï riɛm biäk nööm në miɔ̈c de awäc yic, ku tɛ̈ɛ̈u në yïth thok piny, yïny de raan bï tɔ waar guöp, ku tɛ̈ɛ̈u riɛm biäk në ciin cuëny butbut, kekë cöök cuëny butbut. 15Ku ëtɛ̈ɛ̈n, bɛ̈ny de kake Nhialic, abï aguun de miök nööm, ku wɛ̈l miök biäk në ciin camde yic cil. 16Ku ye riöp cuëcke juɔɔl në miök nu në ciin camde. Ku ye wiɛ̈ɛ̈th ë Bɛ̈nydït nɔm raan dhorou ë yeriöp. 17Ku bɛ̈ny de kake Nhialic abï miök biäk cï döŋ në yeciin tääu në yïny cuëc thok piny, yïny de raan bï tɔ waar guöp, ku tɛ̈ɛ̈u miök biäk në butbut de ciin cuëc ku butbut de cöök cuëc në riɛm de miɔ̈c de awäc kɔ̈u. 18Ku miök nu në yeciin, abï bɛ̈ny de kake Nhialic jɔ tääu në raan nɔm raan kɔɔr bï tɔ waar guöp. Ku abï bɛ̈ny de kake Nhialic jɔ teem guöp në Bɛ̈nydït nɔm.
19Ku ëtɛ̈ɛ̈n, bɛ̈ny de kake Nhialic abï miɔ̈c de kërac gam, bïï ë raan teem guöp në wɛnh nu ë yeguöp, ku në ee kake cök bɛ̈ny de kake Nhialic, abï miɔ̈c ye nyop ëbɛ̈n nɔ̈k. 20Ku gɛm miɔ̈c ye nyop ëbɛ̈n në yïk nɔm, kekë miɔ̈c ë rap ëtök, ku abï bɛ̈ny de kake Nhialic jɔ teem guöp, ku raan abï guöp jɔ piath.
21Ku na ye raan, raan kuany nyin, ku cïï ee kakë bï lëu, abï nyɔɔŋ amäl tök dhil lɛɛr, ke ye miɔ̈c de awäc ke bï lɔ nyuɔɔth, bï ë yen lɔ teem guöp, ku kilɔ töŋ de aɣar cï liääp kekë miök de olip, ke ye miɔ̈c ë rap ku aguun de miök. 22Ku guök kaarou, ku nɔn yen ajiël ke guuk kaarou, cït man ë këdɛn bïï lëu. Kënë abï aa miɔ̈c de kërac, ku ye däŋë miɔ̈c ye nyop ëbɛ̈n. 23Ku në kööl de bɛ̈t, abïï ke dhil bɛ̈ɛ̈i në baŋ de wɛ̈ɛ̈rde. Yïn keek bɛ̈ny de kake Nhialic në paany de mät thok ë Bɛ̈nydït nɔm. 24Bɛ̈ny de kake Nhialic abï nyɔɔŋ de miɔ̈c de awäc jɔ nööm kekë aguun de miök ëtök, ku nyooth keek, ë Bɛ̈nydït nɔm, ke ye miɔ̈c de anyuɔɔk. 25Abï nyɔk jɔ nɔ̈k ke ee miɔ̈c de awäc ku nööm riɛmdɛn biäk ku tɛ̈ɛ̈u në yïny cuëc thok, yïny de raan bï tɔ waar guöp ku tɛ̈ɛ̈u në butbut de ciin cuënyde, ku tɛ̈ɛ̈u në butbut de cöök cuënyde. 26Ku bɛ̈ny de kake Nhialic, abï miök biäk wäl në ciin camde yic. 27Ku jɔ miök nu në yeciin nööm në riöpkɛn cuëc, ku jɔ wiɛ̈ɛ̈th ë Bɛ̈nydït nɔm raan dhorou.
28Ku miök biäk nu në yeciin, abï tääu në ɣään wën cïï yen ke riɛm de miɔ̈c de awäc tääu në yïny cuëc thok piny, yïny de raan bï tɔ waar, ku tɛ̈ɛ̈u në butbut de ciin cuënyde, ku tɛ̈ɛ̈u në butbut de cöök cuënyde. 29Ku miök biäk nu në yeciin, abï bɛ̈ny de kake Nhialic jɔ tääu në raan bï tɔ waar guöp nɔm, ku jɔ teem guöp në Bɛ̈nydït nɔm. 30Ku ëtɛ̈ɛ̈n, abï guuk tök ku nɔn ee ajiël ke guuk wën cïï ë raanë bɛ̈ɛ̈i jɔ nɔ̈k. 31Kënë, abï aa miɔ̈c de kërac, ku ye däŋë miɔ̈c ye nyop ëbɛ̈n kekë miɔ̈c ë rap ë tök. Në ee kueerë bɛ̈ny de kake Nhialic abï raan wën bïï tɔ waar jɔ teem guöp në Bɛ̈nydït nɔm. 32Kakë ayek lööŋ në biäk ë raan de guöp wɛth, ku lööŋ në biäk de raan cïï miɔ̈c de aköölnyïïn duëër lëu në bïï. Miɔ̈c bï ë yen tɔ waar guöp.
Ɣööt de Gup Dhiëi
33Go Bɛ̈nydït Mothe kekë Aron yɔ̈ɔ̈k 34an, të la wek ɣet piny de Kanaan piny gäm week ke ye këdun, ku tääu dhiëi thïn, dhiën dïït bï tɔ̈u piny ɣööt. 35Raan de ɣöt, abï dhil jäl le bɛ̈ny de kake Nhialic lɛ̈k, lueel an, “Yɛn cï kë cït dhiëi tïŋ në ɣöndï guöp.’ 36Bɛ̈ny de kake Nhialic, abï ɣöt tɔ jötë yic bei, ke ŋoot ke kën dhiëi lɔ tïŋ, ke cïn kë bï tɔ̈u ɣööt, kë bï tɔ ye kënhiɛny, ku në ë kakë cök, bɛ̈ny de kake Nhialic, abï lɔ ɣöt, ku jɔ ɣöt gɔɔk. 37Abï dhiëi dhil tïŋ në päny kɔ̈u, ku na cï dhiëi tɔ̈c, ku nɔn cï thiɛth, ku nyooth ɣään thuth yiic në päny kɔ̈u, awär päny biäkë. 38Ke bɛ̈ny de kake Nhialic, abï lɔ biic, ku tɔ ɣöt thiöök thok në nïn kadhorou. 39Na në nïn ye kek dhorou, bɛ̈ny de kake Nhialic, abï bɛ̈n bï ɣöt bɛ̈n tïŋ. Na cï dhiëi thiɛ̈i në päny kɔ̈u ëbɛ̈n. 40Ke bɛ̈ny de kake Nhialic, abï kur cï riääkkë tɔ bïïyë bei, ku cuɛtë keek wei ë dhuur nɔm në wut këc biic ya. 41Ku abï päny nu ë ɣötic thïn tɔ thuurë piny, ku ka wën cï keek thuöör piny, abï keek lɔ dɛɛny wei ë dhuur nɔm në wut këc biic ya aya. 42Ku ëtɛ̈ɛ̈n, abï kur ë piacë looi nööm, bïï kek kur cï riääkkë waar, ku nömkï tiɔɔm däŋ yiu kek ɣötic.
43Na cï dhiëi bɛ tïc ɣööt, të cïï kur cuat wei, ku cï ɣöt thuöör piny ku yiu. 44Bɛ̈ny de kake Nhialic, abï lɔ ku le tïŋ, ku na cï dhiëi thiäi ɣööt ëbɛ̈n, ee dhiën rac ɣöt acïï piath. 45Ɣöt abï dhil thuöör piny, ayï kurke ayï tiimke, ayï yiɛɛude ëbɛ̈n, ku leerë biic ë wut këc ë dhuur nɔm ya. 46Raan lɔ ɣöt ke ɣöt ë thiɔ̈ɔ̈k, abï guöp dɛ acuɔl agut cï thëën. 47Raan lɔ niin ɣööt, ayï raan lɔ cam ɣöt, abï lupɔɔke dhil waak.
48Ku na lɔ bɛ̈ny de kake Nhialic bɛ̈n, ku tïŋ ɣöt, ku yök dhiëi ke kën thiäi të wään cï ë ɣöt yiu, abï ɣöt tɔ ee ɣön piɛth, në luɔi cï dhiëi jäl. 49Në biäk bï ɣöt tɔ piath, abï diɛt kaarou dhil bɛ̈ɛ̈i, ku tiim ke thidar ku anuar thith cï wi, ku wɛ̈ɛ̈l cɔl ɣathop. 50Abï ajïnh tök nɔ̈k në thaaŋ de pïïu ë piacë gem yiic. 51Ku ëtɛ̈ɛ̈n, abï tim de thidar nööm kekë wɛ̈ɛ̈l cɔl ɣathop ku anuar thith cï wi ku ajïnh pïïr, abï keek juɔɔl në riɛm de ajïnh cï nɔ̈k nu ë pïïu piɛth yiic, ku yoor ɣöt raan dhorou. 52Abï ɣöt jɔ tɔ piath, në riɛm de dit ku pïïu piɛth, ku din pïïr, ku tim de thidar, ku wɛ̈ɛ̈l cɔl ɣathop, ku anuar thith cï wi. 53Ku ëtɛ̈ɛ̈n, abï din pïïr jɔ lɛɛr të lääu, ku abï dit jɔ tɔ pär ë pänydïtic ke lɔ roor. Në ee kueerë, abï ɣöt jɔ teem guöp, ku ɣöt abï jɔ piath.
54Kakë ayek lööŋ në biäk de wɛth, ku në biäk de akuɔ̈ɔ̈k. 55Ku në biäk de dhiap ë lupɔɔ, ku dhiëi de ɣööt. 56Ku në biäk de buɔ̈t, ku nɔn ë piɔ̈ɔ̈ny de guöp, ku nɔn ee toŋ de guöp.
57Kek lööŋ jam në biäk de këpiɛth kekë kërac ka, kakë ayek lööŋ në biäk de wɛth kekë dhiëi.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The Bible in Jieeng de Padang © The Bible Society in South Sudan, 2011.