Bɛ̈n 28
28
Lupɔɔ ke Bäny ke Kake Nhialic
(Bɛ̈n 39:1-7)
1Na wën, ke lëk ë Bɛ̈nydït Mothe an, “Cɔl Aron kekë wɛ̈ɛ̈tke, yï Nadap kekë Abiɣu, ku Eleyadhar, ku Yithamar. Kuënyë ke bei në Yithriɛlic, ke ke bï Ya luööi ke ke ye bäny ke kake Nhialic. 2Luöiyë Aron wänmuuth lupɔɔ ɣeriic ke bääny de kake Nhialic, ke bï ye tɔ läk, ku tɔ ye rïïuwë guöp. 3Cɔl atëët cä gäm tëët kedhie, ku tɔ ke lui Aron lupɔɔ, ke bï jɔ gäm luɔi de Nhialic, ke ye bɛ̈ny de kake Nhialic. 4Tɔ keek loi lupɔ de yɔu, ku lupɔ cɔl ajïpɔ, ku alulut bäär, ku lupɔ tɔ̈u kɔ̈u ë guetguet, ku lupɔ de nɔm, ku lupɔ de duöt ë yic. Tɔ ke lui Aron wänmuuth kekë wɛ̈ɛ̈tke lupɔɔ ɣeriic ke bääny de kake Nhialic, ke ke bï Ya aa luööi ke ke ye bäny ke kake Nhialic. 5Ku ë cuëëc atëët keek ë kïn adhääp në lupɔ aräu thok, ku lupɔ amujuŋ, ku lupɔ thith, ku alanh atuöl, ku linɔn lɔ mot.
6“Tɔ ke gut ajïpɔ thok adhääp në gun piɛth në lupɔ aräu, ku lupɔ amujuŋ, ku lupɔ thith, ku alanh atuöl aŋirŋir, ku linɔn lɔ mot. 7Ku luöiyë kët ka bär kaarou ke bï ye aa duut. 8Ku lupɔ däŋ ë gut apiɛth në gun cïï lupɔɔ kɔ̈kë gut, ku ë rekë në ajïpɔ thok adhääp ke bï lupɔɔ mat thook tëtök kedhie. 9Ku nöm kur ke onik kaarou, ku tuɛŋë rin ke wɛ̈ɛ̈t ke Jakop në kekɔ̈ɔ̈th kathiëër ku rou, 10cït dhiënh ë dhiëëthë keek. Rin kadhetem ë kuurë kɔ̈u, ku rin kɔ̈kë kadhetem në kuur däŋë kɔ̈u. 11Tuɛŋë rin ke wɛ̈ɛ̈t ke Jakop kathiëër ku rou në kekɔ̈ɔ̈th kaarou cït man ye atën adhɛ̈p guela thɔ̈ɔ̈th abïï läk. Ku dir kethook në kuëër adhääp. 12Ku tääuwë në ajïpɔ kët ke ke bï juöör ke Yithriɛl aa nyuɔɔth. Ku ëtɛ̈ɛ̈n, abï Aron keek jɔ aa ɣääc rin në yekët ke bï ya aa täk nɔm në kɔckï, Yɛn Bɛ̈nydït. 13Ku cuëc kuc ke adhääp. 14Ku cuëc kuɛɛt kaarou në adhäm awai, ku duöötë keek në kuc kɔ̈ɔ̈th.
Lupɔ de Yɔu
(Bɛ̈n 39:8-21)
15“Tɔ lupɔ de yɔu gut apiɛth, bïï këde Nhialic piɔ̈u aa tïŋ. Ë gut në gun de ajïpɔ, në adhääp në lupɔ aräu, ku lupɔ amujuŋ, ku lupɔ thith, ku linɔn lɔ mot, ku alanh atuöl. 16Loi aguukke kaŋuan ke ke thöŋ, ku tɔ bɛ̈ɛ̈r de yekɔ̈u ee kë duëërë them në cin nïïm, ku tɔ matic. 17Ku cuɛ̈cë kɔ̈u kuëër kaŋuan në kur lɛ̈ɛ̈k tuc ë ɣööcden. Loi kuëër tueŋë në kuur cɔl thardiɔn, ku kuur cɔl topadh, ku garnet. 18Ku loi aber ye kek rou në kuur cɔl ameral, ku thapiro, ku daimon. 19Ku loi aber ye kek diäk në jakintho, ku agat, ku amethit. 20Ku loi aber ye kek ŋuan në kuur ë beril, ku onik, ke kuur thiith cɔl jathpi. Loi keek në kuëër adhääp kɔ̈u. 21Ku gäärë rin ke wɛ̈ɛ̈t ke Jakop kathiëër ku rou në ee kurkë kɔ̈ɔ̈th kathiëër ku rou, abïk ciët guela, kuur tök kɔ̈u ke rin ke wën tök, bïk dhiëën ke Yithriɛl aa nyuɔɔth. 22Ku luöiyë lupɔ de yɔu kɔ̈u kuɛɛt dhuɔɔkiic në adhäm awai. 23Ku loi kuc ke adhääp kaarou. Ku rɛkë keek në lupɔ de yɔu thok në biäk nhial. 24Ku rɛkë adhɛ̈p dhuɔɔkiic në kuɛɛt thook në ee kuckë kɔ̈ɔ̈th kaarou. 25Ku rɛkë thook kɔ̈kë kaarou në kuëër kɔ̈ɔ̈th. Ku jɔ ke rɛk thook në ajïpɔ yɔu tueŋ në ka lɔ yueryuer de kët. 26Ku loi kuc ke adhääp kaarou. Ku rɛkë keek në lupɔ de yɔu thok baŋ piny në biäk thïn të lɔ ajïpɔ. 27Ku be kuc kɔ̈k ke adhääp looi kaarou. Ku rɛkë keek në ajïpɔ kɔ̈u në lupɔ de kët thar piny, në baŋ ye kek kethook mat kekë lupɔ de duöt ë yic. 28Ku rek kuc ke lupɔ de yɔu në kuc ke ajïpɔ në alanh aräu, ke bï lupɔ de yɔu jɔ mat thok piny në lupɔ de duöt ë yic ke cï bï bɛ däk.
29“Të le Aron tëɣeric, abï lupɔ de yɔu aa cieŋ ke de kɔ̈u rin ke juöör ke Yithriɛl, ke bï Ya aa täk nɔm në kɔckï, Yɛn Bɛ̈nydït. 30#Kuɛ̈n 27:21; Nyöŋ 33:8; Edhr 2:63; Neɣe 7:65. Ku ye Yurim kekë Thumim#28:30: Yurim kekë Thumim: käŋ kaarou ye ke këde piɔ̈n ë Nhialic ŋic; ku acïï ŋic apiɛth yen kueer ye kɔc lui ë keek. tääu në lupɔ de yɔuwic, ke bï Aron keek aa muk të bïï yen tëɣeric. Ku në ee thɛɛrkë yiic, Aron abï lupɔ de yɔu dhiɛl aa cieŋ aköölnyïïn, ke bï këde Yapiɔ̈u ŋic në biäk de Yithriɛl.
Lupɔɔ Kɔ̈k ke Bäny ke Kake Nhialic
(Bɛ̈n 39:22-31)
31“Ku cuëc lupɔ ee lɔ në ajïpɔ nɔm ëbɛ̈n në alanh aräu. 32Ku luöiyë yic të ɣɔ̈ɔ̈r bï nɔm aa tëëk. Ku dir ee të ɣɔ̈ɔ̈rë thok apiɛth ke cï bï rɛt. 33Ku luöiyë thok dhuur në mïth ke tim cɔl pomegraneet në yethok piny në aräu, ku amujuŋ, ku kë thith. Guel keek në aruuruu ke adhääp. 34Ye aruuruu de adhääp tääu, ku tääuwë pomegraneet wil yïn lupɔ thok piny ëbɛ̈n. 35Ku abï Aron cieŋ të looi yen luɔi de Nhialic. Të bïï yen tëɣeric ë Bɛ̈nydït nɔm, ayï të jël en ke lɔ biic, aruuruu abï Aron aa nyuɔɔth ke cï bï thou.
36“Cuëc aduök në adhäm awai. Ku gäärë yic an, ‘Ee kë ɣeric cï gäm Bɛ̈nydït!’ 37Ku mäcë thar alanh aräu. Ku ruökë në lupɔ de nɔm kɔ̈u në baŋ tueŋ. 38Ku ë ye Aron cieŋ në yenyin tueŋ, ke Ya bï miɔ̈c ɣeric cï kɔc ke Yithriɛl gäm Ɛn aa gam ëbɛ̈n, Yɛn Bɛ̈nydït. Na cak dɛ kë cïk wööc në kueer ë gɛm kek miɔ̈c.
39“Guötë Aron alulut de lupɔ piɛth lɔ mot. Ku loi lupɔ de dër ë nɔm në lupɔ piɛth lɔ mot, ku tɔ lupɔ de duöt ë yic gut apiɛth.
40“Guötë wɛ̈ɛ̈t ke Aron aluluut, ku lupɔɔ ke duöt ë yic, ku atɛ̈ɛ̈ny ë kenïïm, ke bï ke tɔ läk, ku tɔ keek rïïuwë gup. 41Ku tääuwë lupɔɔkë në Aron kɔ̈u, wänmuuth kekë wɛ̈ɛ̈tke. Ku tɔ ke ee bäny ke kake Nhialic. Ku tɔc kenïïm ë miök de olip ku gämë keek luɔi, ke ke bï Ya luööi ke ke ye bäny ke kake Nhialic. 42Ku luöiyë ke athuruɛl ke linɔn bär, bï ya ɣet në keɣɔ̈ɔ̈m piny, ku bï keek aa kum kɔ̈ɔ̈th. 43Ku ë ke ye Aron ke cieŋ kekë wɛ̈ɛ̈tke të le kek në paany de mätic, ku nɔn le kek në yïïŋ nu tëɣeric lɔ̈ɔ̈m. Ke ke cïï bï wäc në awäny bï ke tɔ näk. Yen löŋ bï tɔ̈u ka kekë Aron, ku mïthkɛn bï lɔ̈ɔ̈k tɔ̈u në yecök.
Právě zvoleno:
Bɛ̈n 28: dip-JPB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The Bible in Jieeng de Padang © The Bible Society in South Sudan, 2011.
Bɛ̈n 28
28
Lupɔɔ ke Bäny ke Kake Nhialic
(Bɛ̈n 39:1-7)
1Na wën, ke lëk ë Bɛ̈nydït Mothe an, “Cɔl Aron kekë wɛ̈ɛ̈tke, yï Nadap kekë Abiɣu, ku Eleyadhar, ku Yithamar. Kuënyë ke bei në Yithriɛlic, ke ke bï Ya luööi ke ke ye bäny ke kake Nhialic. 2Luöiyë Aron wänmuuth lupɔɔ ɣeriic ke bääny de kake Nhialic, ke bï ye tɔ läk, ku tɔ ye rïïuwë guöp. 3Cɔl atëët cä gäm tëët kedhie, ku tɔ ke lui Aron lupɔɔ, ke bï jɔ gäm luɔi de Nhialic, ke ye bɛ̈ny de kake Nhialic. 4Tɔ keek loi lupɔ de yɔu, ku lupɔ cɔl ajïpɔ, ku alulut bäär, ku lupɔ tɔ̈u kɔ̈u ë guetguet, ku lupɔ de nɔm, ku lupɔ de duöt ë yic. Tɔ ke lui Aron wänmuuth kekë wɛ̈ɛ̈tke lupɔɔ ɣeriic ke bääny de kake Nhialic, ke ke bï Ya aa luööi ke ke ye bäny ke kake Nhialic. 5Ku ë cuëëc atëët keek ë kïn adhääp në lupɔ aräu thok, ku lupɔ amujuŋ, ku lupɔ thith, ku alanh atuöl, ku linɔn lɔ mot.
6“Tɔ ke gut ajïpɔ thok adhääp në gun piɛth në lupɔ aräu, ku lupɔ amujuŋ, ku lupɔ thith, ku alanh atuöl aŋirŋir, ku linɔn lɔ mot. 7Ku luöiyë kët ka bär kaarou ke bï ye aa duut. 8Ku lupɔ däŋ ë gut apiɛth në gun cïï lupɔɔ kɔ̈kë gut, ku ë rekë në ajïpɔ thok adhääp ke bï lupɔɔ mat thook tëtök kedhie. 9Ku nöm kur ke onik kaarou, ku tuɛŋë rin ke wɛ̈ɛ̈t ke Jakop në kekɔ̈ɔ̈th kathiëër ku rou, 10cït dhiënh ë dhiëëthë keek. Rin kadhetem ë kuurë kɔ̈u, ku rin kɔ̈kë kadhetem në kuur däŋë kɔ̈u. 11Tuɛŋë rin ke wɛ̈ɛ̈t ke Jakop kathiëër ku rou në kekɔ̈ɔ̈th kaarou cït man ye atën adhɛ̈p guela thɔ̈ɔ̈th abïï läk. Ku dir kethook në kuëër adhääp. 12Ku tääuwë në ajïpɔ kët ke ke bï juöör ke Yithriɛl aa nyuɔɔth. Ku ëtɛ̈ɛ̈n, abï Aron keek jɔ aa ɣääc rin në yekët ke bï ya aa täk nɔm në kɔckï, Yɛn Bɛ̈nydït. 13Ku cuëc kuc ke adhääp. 14Ku cuëc kuɛɛt kaarou në adhäm awai, ku duöötë keek në kuc kɔ̈ɔ̈th.
Lupɔ de Yɔu
(Bɛ̈n 39:8-21)
15“Tɔ lupɔ de yɔu gut apiɛth, bïï këde Nhialic piɔ̈u aa tïŋ. Ë gut në gun de ajïpɔ, në adhääp në lupɔ aräu, ku lupɔ amujuŋ, ku lupɔ thith, ku linɔn lɔ mot, ku alanh atuöl. 16Loi aguukke kaŋuan ke ke thöŋ, ku tɔ bɛ̈ɛ̈r de yekɔ̈u ee kë duëërë them në cin nïïm, ku tɔ matic. 17Ku cuɛ̈cë kɔ̈u kuëër kaŋuan në kur lɛ̈ɛ̈k tuc ë ɣööcden. Loi kuëër tueŋë në kuur cɔl thardiɔn, ku kuur cɔl topadh, ku garnet. 18Ku loi aber ye kek rou në kuur cɔl ameral, ku thapiro, ku daimon. 19Ku loi aber ye kek diäk në jakintho, ku agat, ku amethit. 20Ku loi aber ye kek ŋuan në kuur ë beril, ku onik, ke kuur thiith cɔl jathpi. Loi keek në kuëër adhääp kɔ̈u. 21Ku gäärë rin ke wɛ̈ɛ̈t ke Jakop kathiëër ku rou në ee kurkë kɔ̈ɔ̈th kathiëër ku rou, abïk ciët guela, kuur tök kɔ̈u ke rin ke wën tök, bïk dhiëën ke Yithriɛl aa nyuɔɔth. 22Ku luöiyë lupɔ de yɔu kɔ̈u kuɛɛt dhuɔɔkiic në adhäm awai. 23Ku loi kuc ke adhääp kaarou. Ku rɛkë keek në lupɔ de yɔu thok në biäk nhial. 24Ku rɛkë adhɛ̈p dhuɔɔkiic në kuɛɛt thook në ee kuckë kɔ̈ɔ̈th kaarou. 25Ku rɛkë thook kɔ̈kë kaarou në kuëër kɔ̈ɔ̈th. Ku jɔ ke rɛk thook në ajïpɔ yɔu tueŋ në ka lɔ yueryuer de kët. 26Ku loi kuc ke adhääp kaarou. Ku rɛkë keek në lupɔ de yɔu thok baŋ piny në biäk thïn të lɔ ajïpɔ. 27Ku be kuc kɔ̈k ke adhääp looi kaarou. Ku rɛkë keek në ajïpɔ kɔ̈u në lupɔ de kët thar piny, në baŋ ye kek kethook mat kekë lupɔ de duöt ë yic. 28Ku rek kuc ke lupɔ de yɔu në kuc ke ajïpɔ në alanh aräu, ke bï lupɔ de yɔu jɔ mat thok piny në lupɔ de duöt ë yic ke cï bï bɛ däk.
29“Të le Aron tëɣeric, abï lupɔ de yɔu aa cieŋ ke de kɔ̈u rin ke juöör ke Yithriɛl, ke bï Ya aa täk nɔm në kɔckï, Yɛn Bɛ̈nydït. 30#Kuɛ̈n 27:21; Nyöŋ 33:8; Edhr 2:63; Neɣe 7:65. Ku ye Yurim kekë Thumim#28:30: Yurim kekë Thumim: käŋ kaarou ye ke këde piɔ̈n ë Nhialic ŋic; ku acïï ŋic apiɛth yen kueer ye kɔc lui ë keek. tääu në lupɔ de yɔuwic, ke bï Aron keek aa muk të bïï yen tëɣeric. Ku në ee thɛɛrkë yiic, Aron abï lupɔ de yɔu dhiɛl aa cieŋ aköölnyïïn, ke bï këde Yapiɔ̈u ŋic në biäk de Yithriɛl.
Lupɔɔ Kɔ̈k ke Bäny ke Kake Nhialic
(Bɛ̈n 39:22-31)
31“Ku cuëc lupɔ ee lɔ në ajïpɔ nɔm ëbɛ̈n në alanh aräu. 32Ku luöiyë yic të ɣɔ̈ɔ̈r bï nɔm aa tëëk. Ku dir ee të ɣɔ̈ɔ̈rë thok apiɛth ke cï bï rɛt. 33Ku luöiyë thok dhuur në mïth ke tim cɔl pomegraneet në yethok piny në aräu, ku amujuŋ, ku kë thith. Guel keek në aruuruu ke adhääp. 34Ye aruuruu de adhääp tääu, ku tääuwë pomegraneet wil yïn lupɔ thok piny ëbɛ̈n. 35Ku abï Aron cieŋ të looi yen luɔi de Nhialic. Të bïï yen tëɣeric ë Bɛ̈nydït nɔm, ayï të jël en ke lɔ biic, aruuruu abï Aron aa nyuɔɔth ke cï bï thou.
36“Cuëc aduök në adhäm awai. Ku gäärë yic an, ‘Ee kë ɣeric cï gäm Bɛ̈nydït!’ 37Ku mäcë thar alanh aräu. Ku ruökë në lupɔ de nɔm kɔ̈u në baŋ tueŋ. 38Ku ë ye Aron cieŋ në yenyin tueŋ, ke Ya bï miɔ̈c ɣeric cï kɔc ke Yithriɛl gäm Ɛn aa gam ëbɛ̈n, Yɛn Bɛ̈nydït. Na cak dɛ kë cïk wööc në kueer ë gɛm kek miɔ̈c.
39“Guötë Aron alulut de lupɔ piɛth lɔ mot. Ku loi lupɔ de dër ë nɔm në lupɔ piɛth lɔ mot, ku tɔ lupɔ de duöt ë yic gut apiɛth.
40“Guötë wɛ̈ɛ̈t ke Aron aluluut, ku lupɔɔ ke duöt ë yic, ku atɛ̈ɛ̈ny ë kenïïm, ke bï ke tɔ läk, ku tɔ keek rïïuwë gup. 41Ku tääuwë lupɔɔkë në Aron kɔ̈u, wänmuuth kekë wɛ̈ɛ̈tke. Ku tɔ ke ee bäny ke kake Nhialic. Ku tɔc kenïïm ë miök de olip ku gämë keek luɔi, ke ke bï Ya luööi ke ke ye bäny ke kake Nhialic. 42Ku luöiyë ke athuruɛl ke linɔn bär, bï ya ɣet në keɣɔ̈ɔ̈m piny, ku bï keek aa kum kɔ̈ɔ̈th. 43Ku ë ke ye Aron ke cieŋ kekë wɛ̈ɛ̈tke të le kek në paany de mätic, ku nɔn le kek në yïïŋ nu tëɣeric lɔ̈ɔ̈m. Ke ke cïï bï wäc në awäny bï ke tɔ näk. Yen löŋ bï tɔ̈u ka kekë Aron, ku mïthkɛn bï lɔ̈ɔ̈k tɔ̈u në yecök.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The Bible in Jieeng de Padang © The Bible Society in South Sudan, 2011.