Bɛ̈n 25
25
Miɔ̈c në Biäk de Paany
(Bɛ̈n 35:4-9)
1Go Bɛ̈nydït lɛ̈k Mothe an, 2“lɛ̈kë kɔc ke Yithriɛl ë ke miɔc Ɛn. Nöm miɔ̈c cïk gäm yïn në miɛt ë piɔ̈u ëbɛ̈n. 3Ku miɔ̈c abï adhääp, ku ateek, ku maläŋ. 4Ku linɔn lɔ mot, ku lupɔɔ aräu, ku lupɔɔ thiith amujuŋ, ku lupɔɔ thith, ku lupɔɔ cï cuëëc në nhïm ke bɔɔth, 5ku dël ke nyök amɛ̈l, dël cï tɔc në kë thith. Ku tim de aluii, 6ku miök de olip bïï mac dɛ̈ɛ̈p. Ku wɛ̈ɛ̈l ŋïr bï ë miök looi, miök de tɔc, ku bï wal nyop ee tɔ wäu. 7Ku kur läk aläl, kur tuc ë ɣööcden kur ke onik, ayï kur kɔ̈k, kur bïï rɛk ë lupɔ de ajïpɔ kɔ̈u,#25:7: ajïpɔ: në gäär juëc yiic ajïpɔ ee lupɔ ye rek ë raan kët, në akööl kɔ̈k acït lupɔ de yɔu. Aa ye looi në lupɔ lɔ guɛlguɛl tuc ë ɣööcde, ku aa ye ruök kɔ̈u lupɔ de yic Yurim ku Thumim, käŋ kaarou ye ke këde piɔ̈n ë Nhialic ŋic. ayï lupɔ de yen yɔu. 8Ku tɔ kɔc yïk Ɛn tëɣeric, ke Yɛn bï bɛ̈n rëër në keyiic. 9Luɔikï paany ku ka ye thieth thïn cït man ë kë bä lɛ̈k week.
Athänduŋ de Mät
(Bɛ̈n 37:1-9)
10“Cuɛ̈ckï athänduk në tim de aluii. Takï bɛ̈ɛ̈r de yen kɔ̈u ee mitïr ku biäk. Ku takï dït ë yeyic ee biäk de mitïr. Ku bɛ̈ɛ̈rde ke lɔ nhial takï ee mitïr ku biäk ayadäŋ. 11Ku rathkï yic thïn ku yekɔ̈u biic në adhäm awai. Ku wiɛlkï nɔm ëbɛ̈n në atheer adhääp. 12Ku cuɛ̈ckï kuc ke adhääp dhuɔɔkiic kaŋuan, bï ye aa ɣääc. Ku rɛkkï keek në Athänduk thar piny në cök nïïm, rou baŋë ku rou baŋë. 13Ku luöikï wai në tim de aluii bï ye aa ɣääc. Ku rathkï kekɔ̈ɔ̈th, në adhääp. 14Ku luötkï keek në kuciic, kuc nu në athänduk thar. 15Ku wai ë ke ye puɔ̈l arɛ̈ɛ̈r në kuc ke athändukic ëtɛ̈ɛ̈n, ë ke cie bɛ̈ɛ̈i bei. 16Ku tääukï pam ke kuur kaarou bä ke gäm yïn në athändukic, pam cïï ë lööŋ gɔ̈ɔ̈r në kekɔ̈ɔ̈th.
17 #
Ɣeb 9:5. “Ku luöiyë Athänduk nɔm akum në adhäm awai. Tɔ bɛ̈ɛ̈r de akum kɔ̈u ee mitïr ku biäk. Ku tɔ dït ë yicde ee biäk de mitïr. 18Ku cuëc cerubiim kaarou, ku kum#25:18: läi de wuök: Tïŋ Aber de Wël. në adhääp, 19cerubiim tök akum athänduk nɔm tueŋ ku tök ë baŋ däŋë. Ku nuatë në akum guöp. 20Tääuwë keek ke ke tuum kenïïm, tök ë baŋë ku däŋë ë baŋë. Ku cerubiim abïk Athänduk aa kum në wuökkɛn cïk kɔ̈ɔ̈r. 21Tääuwë paam ke kuur kaarou athändukic thïn, ku kum nɔm në akum. 22Yïn bä lɔ yök ëtɛ̈ɛ̈n, ku la yï gäm lööŋkï kedhie në biäk de kɔc ke Yithriɛl ke yï nu në akum de athänduŋ de mät nɔm në kɛm ke cerubiim.
Paam de Kuïn cï Pam cï Gäm Nhialic
(Bɛ̈n 37:10-16)
23“Loi paam në tim de aluii. Tɔ bɛ̈ɛ̈r de yekɔ̈u ee mitïr tök. Ku dït de yic ee biäk de mitïr. Ku bɛ̈ɛ̈rde ke lɔ nhial, tɔ ee mitïr tök. 24Ku rɔth guöp në adhäm awai, ku wil nɔm ëbɛ̈n në atheer adhääp. 25Ku gël ŋeŋ ëbɛ̈n në atheer duëërë them në raan ciin, ku wiɛlë atheer piny në adhääp. 26Ku luöiyë kuc ke adhääp kaŋuan. Ku tääuwë ke në tuŋ thook kaŋuan ë cök nïïm ë gökgök. 27Ku kuc bï wai aa luöt thïn të ɣɛ̈ɛ̈cë paam ë ke tɛ̈ɛ̈uwë në atheer lɔ̈ɔ̈m. 28Loi wai ke tim de aluii ku rɔth kekɔ̈ɔ̈th në adhääp. 29Loi aduuk, ku thɛ̈k bïï wal ŋïr aa nyop. Ku loi guöl, ku abïny bï mɔ̈n cï gam aa dek. Cuëc ee kakë kedhie në adhäm awai. 30#Leb 24:5-8. Ku paam ë tɛ̈ɛ̈uwë në athänduŋ ë mät nɔm tueŋ, ku kuïn cï pam ɣeric abï dhiɛl aa tɔ̈u në paam nɔm ë cieŋ, kuïn cï pam cï gäm Ɛn.
Kë ye Manyalath Cäp Thar Thïn
(Bɛ̈n 37:17-24)
31“Loi kë ye manyëalath cäp thar thïn në adhäm awai. Ku loi thar piny ayï guöpde në adhääp tei. Ku loi kakë kedhie, ayï abïïnyke, ayï akenke ke ke rɛk në yen ëtök. 32Kër kadhetem ë ke yiël röt bei në yekɔ̈u, diäk baŋë ku diäk baŋ däŋë. 33Ku këër ëbɛ̈n në ee kërkë yiic kadhetem, abï nɔm dɛ aken ke wal në abïïny yiic kadiäk ke ke cï kiëët në këriëëcden ëbɛ̈n cït man akɛɛn ë tim cɔl almon. 34Ku yiëkë kë ye manyalath cäp thar thïn. Ku abïïny ke akɛɛn ë wal kaŋuan në këriëëcden ëbɛ̈n ke ke cï kiëët cït akɛɛn ë tim de almon. 35Ku tääuwë akɛɛn tök në këër thar piny ëbɛ̈n në ee kërkë yiic kadiäk. 36Ku akɛɛn kedhie, ayï kër, ayï kë ye many alath cäp thar thïn ë ke loi keek në adhäm awai ke ke rɛk tëtök kedhie. 37Ku loi mɛ̈ckealath kadhorou, ku tääuwë keek në kë ye many alath cäp thar thïn ke ke bï tueŋ riaau. 38Loi kë ye mac cuöny thok, ayï atɛ̈nyde në adhäm awai. 39Cuëc kë ye manyalath cäp thar thïn, kekë kake ëbɛ̈n në adhäm awai bur cuaalic. 40#Luɔi 7:44; Ɣeb 8:5. Loi ke cït man nyuöth Ɛn ke yïn në kuur nɔm.
Právě zvoleno:
Bɛ̈n 25: dip-JPB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The Bible in Jieeng de Padang © The Bible Society in South Sudan, 2011.